新泰東南亞餐廳 (興旺閣)

營業中

休息中

新泰東南亞餐廳在大王東街，灣仔地鐵站A3出口行幾分鐘，交通方便。餐廳裝修雅緻清靜，坐位寬敞闊落，十分舒服， 職員招呼有禮，餐價不算貴，大眾化價錢，我們点咗一個蟹肉粟米羹，材枓十足，用懷舊中空邊盧鍋盛載熱騰騰的羹， 蟹肉鮮甜，粟米嫩滑，大大鍋超低食，我們極力推介，蒜蓉炒芥蘭爽脆，不是太多油，有少許炸咸香的大地魚塊，口感十足，軟殼蟹卷好味，蟹和生菜配搭適當，軟殼蟹幾乾身好味， 炭燒鰻魚一客有四串，鰻魚非常多汁，熟程度恰到好處，顏色閃亮，蜜糖甜味適中，不用點醬汁也好好味 ，還有一個沙律，七彩什菜顏色，真是吸引食慾，但是比 較辣些，或者是我們不適合食辣，甜品椰汁西米糕一般，沒有特別。如果10是滿分，此餐廳值8.5分，下次约多幾位朋友，可試多幾款菜式🤣🤣

呢日黎到灣仔呢間新泰食泰國野，估唔到侍應好多都係泰國人，餐廳有兩層，位置都有唔少，我地就被安排左坐上層～次次食泰國野都會想食生菜包，我地叫左個鴨肉生菜包，一個麵包焗咖哩軟殼蟹，蒜蓉包，印度酥餅，泰式炒椰菜苗，芒果糯米，同埋泰國椰青！先講下個生菜包，份量都真係好多，同埋d菜洗得好乾淨同埋新鮮，完全見唔到有黃既部分，肉碎好有獲氣，連埋生菜食真係一流！跟住就係個麵包焗咖哩軟殼蟹，夠哂重量線，軟殼蟹既份量有好多，汁既份量都夠哂點哂所有包😆😆😆另外蒜蓉包同埋酥餅都夠哂熱辣辣，仲要好脆，點埋咖哩食真係一流！為左食多d菜點都要叫番個菜，呢個泰式炒椰菜苗真係好食，椰菜苗其實我都好少食，配左泰式既炒法真係一絕！最後仲要食埋芒果糯米飯，真係無憾！

I have ordered a fried beef noodle, but found that the beef was frozen and like just taking from the refrigerator. I never came across this surprise dining experience.  How the Thai restaurants provided food of such poor quality!

知道依家餐廳搬咗去近灣仔地鐵站之後，決定再試一試。只見泰風感覺濃厚，位置亦都寬敞舒服。泰式蝦炒金邊粉份量適中，而且有兩隻好大嘅蝦。特別之處係佢比較夠鑊氣，同埋特別鍾意佢嘅加上青檸做點綴，令到味道層次更加豐富。肉碎包生菜豬肉一定要試一個肉碎包生菜，可以揀配豬肉同雞肉之餘，亦都可以因應自己喜歡嘅難度，向職員選取要微辣 定係唔辣。同埋特別鍾意佢嘅肉碎炒都特別有鑊氣，生菜一塊塊好大篇同埋新鮮，亦都見到佢洗得好乾淨。燒豬頸肉沙律一開頭以為佢係一般嘅沙律，原來佢係好似包生菜咁，準備好山菜一塊塊咁會想食燒豬頸肉咁包嚟食。 燒豬頸肉係偏辣，但係亦都10分煙靭，10分驚喜。另外嗌咗一杯青檸梳打。餐廳亦都10分細心咁到分開上梳打水同青檸。Conclusion: 職員服務態度有線，而且價錢唔算貴，選擇亦都頗多，性價比都算高！一定會再返嚟食！亦都係朋友傾偈嘅好地方！

今日同男朋友嚟到灣仔行吓街，行行吓諗吓食咩好就見到新泰東南亞餐廳，望埋去覺得佢哋嘅外觀都好吸引所以就入去試吓啦。入到去店員用泰文打招呼，即時令人好懷念去泰國旅行嘅感覺。我見佢嘅餐牌有各式各樣嘅泰式美食已經令人流晒口水，首先我哋叫咗去泰國餐廳一定會食嘅豬肉生菜包，因為覺得依樣食物係非常有特色，而今次亦都覺得好有水準，因為生菜夠新鮮，而豬肉碎亦都炒得夠香，好符合我哋嘅口味。之後就叫咗一個燒雞嚟食，雞嘅肉質非常嫩滑，外皮亦都夠脆，傳傳係一樣好出色嘅主食，而且佢嘅甜辣醬亦都好好食，簡直令人回味無窮。之後亦叫咗個明爐烏頭魚，先講魚係10分新鮮而且亦都好夠份量，而佢亦都好入味而且店員仲好好比湯我哋自己㗎防止魚有機會燒燶。我另外亦有叫一個蝦醬炒飯，依個炒飯係目前我食過最好食嘅炒飯，飯粒吵得乾身分明，而且半碟嘅小食亦都好好味，簡直冇得彈。最後亦有叫一碟飛天通菜均衡下營養，但通菜都真係好好食。總括而言，我都好滿意今次嘅晚餐，覺得可以食多好多次

位於灣仔大王東街的新泰東南亞餐廳，性價比非常之高，這天吃了西冷牛扒，泰式炒雜菜，雜錦拼盤，暗烈海鮮炒飯，到時份量很多，而每一項餸菜到時超水準製作，尤其是牛扒做得非常之好令我喜出望外，拼盤裏的蝦餅和魚餅都是非常之新鮮，非常推薦這餐廳給大家啊！🌹🌹😊😊💪🏼💪🏼✨✨🙌🏻🙌🏻😘😘❤️❤️

大王東街都好近灣仔地鐵站，喺修頓球場後面，經過有間三層高嘅泰國菜。而家食肆已經好少有咁大floor area。新泰好似以前喺集成附近有一家，當時係全層，座位都唔算少。搬咗過嚟座位同空間更多。入到餐廳上2樓，上樓梯時佈滿泰式設計同擺設，感覺有點似去緊泰國做Spa。Menu串燒都有好多種，叫咗醬燒鰻魚，魚身厚厚的。明爐蟹肉粟米羹，好足料，蟹肉似乎係人手撕，一隻隻蟹腳仔再加上杰身嘅粟米羹。羹係足夠四個人份量。軟殼蟹米紙卷，包括芒果、青瓜絲、生菜，食落好濕口。米紙皮都幾黏口，口感唔錯。青木瓜絲沙律有蕃茄青豆同腰果，入口都幾辣。椰青好清涼可以解下辣。

今日同女朋友嚟到位於灣仔嘅新泰東南亞餐廳，喺門口已經覺得佢好高貴大方嘅感覺，入到去見到好多嘅泰式裝修，真係令人好似置身於泰國一樣，而佢嘅餐牌亦都有好多唔同嘅菜式五花八門，令喺選擇嘅時候都10分困難。首先我哋照左一個豬肉生菜包作為我哋嘅前菜，佢嘅豬肉碎炒得好香，好好食。之後就叫咗一個燒雞同埋烏頭魚作為我哋嘅主菜，燒雞肉汁鎖得好好，咬落去淡淡滋味，而且醬汁亦都好好味，之後到烏頭魚，佢仲會比湯我哋係冇湯嘅時候加落去，依個細心位真係好加分，而且本身魚都好滑，而且份量都唔細，都係一度CP值幾高嘅菜式，之後仲叫咗個蝦醬炒飯，依個炒飯真係不得不讚，完全有驚喜，飯本身炒得好香而且仲有應該係臘腸作為伴碟，最後仲叫咗一碟飛天通菜。整體而言，依間泰式餐廳真係好推薦大家嚟食

行完會展展覽，和朋友每人手拿幾袋戰利品去吃飯，很重呀！想吃泰國菜，晚上接近7時，來到店前，見等位的人不太多，照排！都要等半小時。拿著幾袋重物等半小時都幾勞累，但不想走來走去找吃，唯有乖乖地等。餐廳樓高3層，心裏祈求千萬不要叫我們上樓梯⋯⋯結果⋯⋯始終難逃此宿命😆上到頂樓，攰到呢！！放低幾袋重物，立即坐下，舒服晒！二人點了👇🏻🥗青木瓜沙律 $68 😒😒😒😒不好味！🥘串燒沙爹 $88 😋😋😋😋😋選了牛肉和雞肉，不會燒到乾柴，肉質juicy入味，沙爹醬甘香惹味，好食！🥘越式蝦米紙卷 $68 😒😒😒米紙厚且韌、餡料無味，麻麻哋！🥗泰式炒椰菜仔 $95 😋😋😋😋椰菜仔新鮮爽脆，炒得有鑊氣，幾好味！🍹青檸梳打 $38 😋😋味道正常。🍹鹹檸檬梳打 $38 😋😋鹹鹹酸酸，幾解渴。😅😅這店坐滿人，食物上枱後竟然一直連杯碟都未有，因為人太多，杯碟不夠😆😆我們唯有趕快將沙律和串燒吃完，用沙律和串燒碟當餐碟吃其他菜😆😆😆😆😆我們真的沒所謂，反而覺得很好笑😁飲品就真的要等杯子到才能上枱😄

Went there with a friend, we both like thai food very much.This is our second time visiting this restaurant, it has different branches, I’ve been to the one in TST.Most of the staff here are Thai, but they speak Cantonese!We ordered a couple of things to share.Stewed Chicken In Stove w/ Tom Yum Soup $168Tom Yum Kung has always been my favorite soup, they taste even better in winter!It’s sour, spicy and creamy!Fried Clams w/ Chili Paste $108No sand from the clams, even though they are not big, th

今次嚟到呢間新泰泰式野， 門面裝修都好有泰國風味， 而且店舖都夠曬大， 食物都幾正宗， 座位夠曬闊落， 通常班friend一齊嚟慢慢食住傾就最啱喇， 分分嘢都咁大份就可以share黎食。前菜方面叫咗個生菜包， 呢款生菜包在用咗鴨肉， 而唔係平時嘅豬肉， 食落就比較冇咁肥膩， 而且味道都幾特別， 辣味充足，開胃之選。主食方面， 就叫咗個軟殼蟹包， 啲咖哩夠曬惹味， 搬埋個軟殼蟹， 炸得好酥脆， 同鬆軟嘅麵包夾住黎食， 口感層次都好豐富， 味道就靠個咖哩， 咖哩夠曬濃郁， 又有椰香。素食方面， 叫咗個炒椰菜仔， 椰菜仔新鮮冇苦味，唔錯。最後甜品係泰式芒果糯米飯， 甜度啱啱好， 糯米飯夠香口， 而芒果有新鮮，總體都唔錯。

星期日同媽咪出左灣仔食泰菜,呢間餐廳係香港都開左好耐,我之前有食過佢其他分店.呢間分店樓高幾層,呢到既廚師同員工都係泰國人,但講得一口流利廣東話.我地都係嗌返例牌食泰菜會嗌既野食. 熱香茅茶 $33天氣凍凍地嗌左杯熱飲,香茅味香,可以按自己口味再落蜜糖 串燒(雞牛豬各2串) $88我食串燒好注重個醬,呢個花生醬食落甜甜地,幾好味. 冬蔭雞煲 $168落左好多香料:香茅、南薑、檸檬葉、辣椒、青檸等等,聞落去好香,飲落又鮮又辣又酸,暖粒粒. 泰式炒花蛤 $108雖然啲花蛤唔係好大隻,但都有幾多粒,全部開曬口,同埋無沙.鹽焗烏頭 $128重點又係個泰式酸辣汁,要夠惹味!魚肉唔多骨,幾嫩

灣仔出曬名多野食，大王東街最出名就當然係個蛋撻啦～不過係對面就有一間望落已經好泰國style 嘅餐廳啦～同朋友試試佢！一入去就感受到濃濃嘅泰國風，職員好多都係泰籍，用花花裇衫做制服，置身泰國一樣呀服務員都好好，經常會幫手加水，唔洗大搵右搵～冬蔭公 (小）佢分咗兩個size，細嘅就岩曬兩個人食啦。入面有一隻蝦，整體味道唔算好辣，仲有陣陣椰香味，質感都幾濃厚架！泰式鳳爪沙律前菜就嗌咗呢一個，入面都幾足料，有成十幾隻鳳爪，酸酸地，小小辣，一啖一隻就岩岩好燒豬頸肉個面燒得幾脆，食落都香口，加埋個泰式醬汁，辣辣地，再增加左一陣香氣添紅咖哩鴨成個菜式都用左水果嚟增加香味，入面仲有多款唔同嘅蔬菜，個汁甜甜地又有咖哩香味，用嚟配飯或者薄餅就岩曬明爐烏頭烏頭大大條，配搭大大份嘅香料調味，仲配埋上湯俾你加入面，食落酸酸味味，加啖啖魚肉，冬天夠曬暖～泰式炒椰菜仔椰菜仔用左平時一粒粒果種，切開一半炒，方便入口。個菜本身都好嫩，唔會有渣，味道不俗。

呢間餐廳一行入去就有一種回歸泰國嘅風味，服務員大多都係泰籍人士同埋都好禮貌。放低餐牌就立刻為我地加水，非常細心佢地都有好多款泰式傳統美食，沙律，燒烤，咖喱，明爐烤魚，全部都有泰式鳳爪沙律去最鐘意食嘅泰式沙律之一，因為佢酸酸辣辣，好醒胃，啲鳳爪又切到一口一件，方便食次餘都唔會食得好狼狽冬蔭功呢個冬藝功唔係好辣，但有陣陣嘅椰香味，質感都好濃厚，蝦味都好足，隻蝦都好爽口燒豬頸肉呢個豬頸肉燒得好脆口，一啲都唔油膩，加埋個醬汁一流紅咖喱烤鴨呢個咖喱烤鴨，用咗果汁去煮成，令到鴨肉非常腍身，亦冇臊味，啖啖肉，蔬菜都吸哂啲咖喱汁，送飯，印度薄餅或者蒜蓉包說出好正啦明爐烤烏頭魚肉肉質鮮嫩，都比較肥美，係加熱嘅途中，慢慢吸收湯汁，加埋佢一個酸辣汁，完全可以將魚嘅鮮味帶哂出嚟泰式炒椰菜仔椰菜仔好甜好嫩，唔係啲老咗嘅菜，口味都好平衡

灣仔有很多美食，花多眼亂，今晚由朋友帶我到這間佔有三層空間的泰式餐廳，一入門口，已經有懂廣東話的泰藉店員出來迎接，加上整間店的泰式裝橫，感覺很relax鴨肉生菜包 - 以往吃的是豬肉，今次就試鴨肉，香茅丶檸檬葉味，泰式風味香芒軟殼蟹米紙卷 - 芒果丶粉絲丶生菜絲丶甘筍絲丶軟殼蟹，豐富層次燒鱔 - 一份有四串，鱔肉爽口，配泰式串燒辣汁，夠惹味泰式炒花蛤 - 有少少失望，因為部分花蛤未開口…蔓越莓汁 - 朋友說味道有點像利賓納咸檸檬七喜 - 咸檸檬大大粒，奉整罐七喜芒果糯米飯 -有軟糯的白糯米及紫糯米，芒果切到像葉子，加上香甜的椰漿，可能太耐無去泰國，覺得這裡的芒果糯米飯特別好味！