新泰東南亞餐廳 (興旺閣)

營業中

休息中

今次介紹呢間位於大王東街嘅泰國菜 餐廳有兩層 裡裡外外都充滿泰國風情☺️呢日lunchtime我哋就嚟到上層 座位寛闊 同隔離枱都有充夠距離 午市套餐有七款 每款都係75蚊 奉送熱茶啡 加8蚊就有特飲 跟餐加28就有指定小食😉 每款食物都份量十足 我哋四個人叫咗四個餐同兩個小食 食得超飽😆而且味道都好唔錯 惹味得嚟又好足料 唔食辣嘅朋友都好滿意 係個通菜辣咗啲 但都好好食😋 🍛泰式蝦醬炒飯 💰75🍛黃咖哩海鮮配白飯 💰75🍝香辣豬頸肉炒河 💰75🍜星洲喇沙蝦米線 💰75🦐泰式炸蝦餅 💰28🥬馬拉盞通菜 💰28🥤紅豆冰 💰8🥤椰汁冰 💰8🥤咸檸七 💰8🔔另設加一

❣️泰式青咖喱呢個有得揀唔同既肉，我地揀左雞肉，雞好大舊，同埋好滑，配咖喱食好正👍🏾平時多數食黃色既咖喱，今次試下青咖喱，咖喱味比較清，無咁濃烈，但係辣味都夠，都幾好食！❣️印度薄餅我地額外叫左份薄餅，用黎點咖喱食～呢個薄餅脹卜卜，入面好鬆軟，有啲似酥皮質地，幾好食～❣️小拼盤小食方面叫左個拼盤，有蝦餅同魚餅～兩款都好厚身，大大舊，啖啖肉👍🏾而且賣相好靚～好有心思！❣️酥炸香茅魚+青芒果沙律另外仲叫左個炸魚，係炸魚條黎既，超脆！同埋一啲都唔腥！最吸引既地方係個賣相造型！將起左魚肉既骨炸到好香脆，仲要炸到好似識郁咁😆勁呀！而沙律個味道好清新，起左個中和作用，食完炸野再食呢個沙律，即刻無咁熱氣😂❣️日式南瓜焗海鮮飯除此之外，我地仲叫左飯share，驚唔夠飽😂呢個飯都幾impressive～多數南瓜飯，啲南瓜都係切粒加埋入去炒，但係呢個竟然係以南瓜蓉加入個飯之餘，仲將個南瓜外皮留起佢，當做個碗咁用😱名正言順既南瓜飯！話明呢個係海鮮飯，點少得海鮮呢～海鮮都唔少架！有魷魚🦑，又有蝦🦐，仲要都幾大粒！啖啖海鮮👍🏾❣️椰青飲品方面，我地都叫左個椰青，好清甜😋仲要啲椰青肉都好多，又易刮出黎！話咁快成個椰青肉都俾我

之前都試過呢間餐廳，覺得價錢唔算好貴，食物味道同質素都幾好，而且裝修都幾靚，好有泰國東南亞風味。之前食過尖沙咀嗰間，今次黎到灣仔，見到有成棟三層高嘅分店，就好想再食，而今次就試下D新嘢🙂咖哩海鮮焗原個日本南瓜，個南瓜好大隻，份量幾多，四五個人share都好夠。海鮮有青口，蟹，魷魚，魚，個咖哩醬好惹味，配南瓜蓉食口感好綿滑，完唔洗咬。仲叫左個薄餅用黎點咖哩食😋泰式青檸蒸烏頭，條魚幾新鮮，食落肉質嫩滑，有鮮味，青檸可以中和泰式醬汁嘅濃味，重點係真係幾大條幾抵食。其他菜式都唔錯。

早前到了大王東街新泰食泰菜，樓高3層，坐位分隔得幾好，夠哂拒離，店員幾nice, 還會介紹餐廳招牌菜式，menu相當多選擇，價錢中價，唔會離地！食過之後覺得完全對得住個價錢。都幾抵食！首先叫個椰青沙冰，呢個沙冰令我幾難忘，椰肉粒粒既質感仲keep到！味道清新香甜，甜得非常自然，每啖食到粒粒椰肉既口感，必叫！香芒軟貝蟹米紙卷，賣相幾靚仔，薄薄既米紙卷包住相當豐滿既餡料，軟殼蟹幾脆口！口感層次非常豐富再配上泰式酸汁，更令層次提升不少！胃口大增既一款小食！好味。泰式濕炒海鮮河，相當大份量！配料有蝦，青口，魷魚，西蘭花，什菇等等， 芡汁掛到河粉上，相當吸味！味道剛好唔會太咸，用料整體都幾新鮮！整體環境企理乾淨，有泰式風情。價錢唔貴，幾好！

泰式海南雞飯 ($75)Boneless Hainan Chicken呢個超抵食既午市套餐，份量大而且餸既比例剛剛好！海南雞口感滑嫩順口，閃閃發光的雞皮好提升食慾，而且咬落甜美多汁，沾上秘製醬汁口味更豐富，配上薑飯更是畫龍點睛！💯蒜蓉炒貴妃茧 (+$28)Stir Fried Baby Cabbage幼嫩青苗超好食，午市套餐加配超值！冬蔭功 ($78)Tom Yum Kung足料冬蔭功，細碗冬蔭都有1隻中size蝦好驚喜，仲有菇菌同加入大量香料。酸酸辣辣，十分過癮，而且飲落唔似有加味精👍🏻可惜辣度無得自選，偏向中辣。泰國椰青 ($45)Thai Young Coconut 泰國菜比較口味重，配上椰青呢啲天然飲料一流，清甜而且有豐富既營養價值🙈

這間餐廳走傳統泰式設計風格，由牆壁佈置到座位咕𠱸都好有特色，令到成個美食體驗到好特別。而且食物口味正宗，十分推薦👍🏻👍🏻🔥泰式柚子蝦沙律 ($98)Shrimp, Squid and Pomelo Salad食材非常豐富而且份量大，有嫩口的生蝦和爽口魷魚片，配上柚子同生洋蔥絲再添清新，作為開胃小菜為配！🔥馬沙文咖哩 ($88)Malaysia Curry 咖喱可選擇三種不同的肉類，有雞牛豬。今次選擇了牛肉，口感鬆軟入味！咖哩比較濃稠，加入椰汁、椰糖、檸檬葉等材料令香味再提升。伴著印度酥餅 ($32)一同食，沾上香濃咖喱，整個層次更豐富🤤🔥香茅茶 ($33)Lemongreass Tea餐廳用上新鮮香茅泡製，味道清香醒神，加上口感獨特。食泰國怕油膩揀呢個最好，而且營養價值豐富，可以排毒助消化！

成日2個人拍拖 叫餸食飯唔知叫咩好 但呢度份量岩岩好 2個人食都可以試到好多唔同既菜!! 重要呢度好似有成3層樓高 裝修又勁有泰國風味! 我同男朋友入到度好似去左做高級泰國SPA 咁! 冬陰功 (細) $78 份量岩岩好 可以裝到3-4碗 入面有好多我中意食既菇同香菜 重有一隻大大隻既大頭蝦! 我覺得一間泰國菜 最重要既就係佢個冬陰功! 椒鹽軟殼蟹 $78都幾抵食 $78有勁多軟殼蟹 我估應該都起碼有3-4隻 感覺就好似避風塘炒蟹既feel 幾特別香菜肉碎炒飯 $78我一見到香菜肉碎就狗衝! 佢重要係香菜肉碎炒飯! 出面多數都係 香菜肉碎 蓋飯 即係分盟上! 難得有一間係香菜肉碎同D飯炒埋一齊就緊係要叫啦! 不過就濕左少少 但整體好正!馬拉盞炒通菜 $75 唔會好濃味 調味岩岩好!

今日早早就同朋友到這間在灣仔大王東街的新泰東南亞餐廳食晚飯，環境好正，因遲來疫情下都要排隊。這裏裝修得好有泰國特色，座位寬敞，由櫈咕𠱸到吊燈丶牆擺設……都睇到店主的用。環境仲很乾淨，店內令人好放鬆，心情也好起來。食物好多樣化，物量好足，這客小食$78的椒鹽軟殼蟹，件件大大件，足足有8、9件，超乎我預料，調味剛好，炸脆香口，又不油膩。另外，點的酥炸香茅魚配青芒果沙律，擺碟、味道、控火酥炸做到十分到位。香茅味好出同酸爽的青芒沙律是絕配及醒胃。焗腰果、青芒果和脆炸魚在口內形成左不同的口感，香茅、芒果酸、沾料令味道層次多樣，好好食。最後上個叻沙蝦米線，份量好足，蝦、魚片鋪滿碗，叻沙湯底調得很地道，麵質彈好，以$78這價錢，性價比很高。服務員態度友善，值得一讚。離開時座無虛席，食early dinner這決定絕對正確。

以前住灣仔，一定食呢間成日去幫襯因為食物好有保證記得喺w square 自從搬左之後只去過尖沙咀分店質素同報務令人失望今日食lunch去大王東街幫襯發覺食物質素真係普通咗先係一個人叫個細冬陰功價錢70幾蚊可以分約3個細碗呢個ok嘅有酸，辣，椰香集一身但當食左個金邊粉再返轉頭飲個湯就覺得成件事唔太ok個金邊粉好甜甜到似甜品而且啲蝦份量好少又細，得2，3隻食完咁甜嘅粉再飲返個湯突然變左又咸又辣……無奈我諗餐廳無考慮到有客人會同時食呢兩樣嘢分開食味道都仲ok夾埋食就……唉……

一入到餐廳 ，座位大地方寬敞， 張4人枱係茶餐廳八人枱siz，餐廳令女員工多，個個都識泰文，廣東話，睇得出老闆請人都花左心思，員工服務周到多溫馨提示。另外，睇得餐廳用咗好多心機佈置餐廳，可惜 omicron新冠肺炎來襲， 唔知道會唔會係今個月最後一次出餐廳食晚餐， 五點幾餐廳已經有人食野，好彩早到，遲多30分鐘應該要排隊等， 好多人都趁住最後一日出嚟食野。每個餐都人巨無霸size，唔怕食唔飽，只怕太多食唔哂。555 日本南瓜焗海鮮飯 118hkd一個小皮球size 既南瓜，成個南瓜都食得，健康餐，蔬菜多，南瓜最上層有厚厚嘅拉絲芝士，生蠔大大粒，配咖哩飯好香口。554 香草肉碎炒飯 75hkd本來打算食生菜包，後來見到有呢個餐，就點左呢個餐食，冇叫到生菜包， 呢個餐越食越覺得辣辣地，好野味，一上枱已經聞到炒香左既香草，飯味，食完之後覺得好滿足。134 椰青 45hkd大大椰青， 但係食落唔算好多，夠新鮮， 椰肉香滑，易刮出107 香茅茶 33hkd香茅片多， 味道香濃，精緻地搭配蜜糖加一服務費total 297hkd

新泰東南亞餐廳在大王東街，灣仔地鐵站A3出口行幾分鐘，交通方便。餐廳裝修雅緻清靜，坐位寬敞闊落，十分舒服， 職員招呼有禮，餐價不算貴，大眾化價錢，我們点咗一個蟹肉粟米羹，材枓十足，用懷舊中空邊盧鍋盛載熱騰騰的羹， 蟹肉鮮甜，粟米嫩滑，大大鍋超低食，我們極力推介，蒜蓉炒芥蘭爽脆，不是太多油，有少許炸咸香的大地魚塊，口感十足，軟殼蟹卷好味，蟹和生菜配搭適當，軟殼蟹幾乾身好味， 炭燒鰻魚一客有四串，鰻魚非常多汁，熟程度恰到好處，顏色閃亮，蜜糖甜味適中，不用點醬汁也好好味 ，還有一個沙律，七彩什菜顏色，真是吸引食慾，但是比 較辣些，或者是我們不適合食辣，甜品椰汁西米糕一般，沒有特別。如果10是滿分，此餐廳值8.5分，下次约多幾位朋友，可試多幾款菜式🤣🤣

呢日黎到灣仔呢間新泰食泰國野，估唔到侍應好多都係泰國人，餐廳有兩層，位置都有唔少，我地就被安排左坐上層～次次食泰國野都會想食生菜包，我地叫左個鴨肉生菜包，一個麵包焗咖哩軟殼蟹，蒜蓉包，印度酥餅，泰式炒椰菜苗，芒果糯米，同埋泰國椰青！先講下個生菜包，份量都真係好多，同埋d菜洗得好乾淨同埋新鮮，完全見唔到有黃既部分，肉碎好有獲氣，連埋生菜食真係一流！跟住就係個麵包焗咖哩軟殼蟹，夠哂重量線，軟殼蟹既份量有好多，汁既份量都夠哂點哂所有包😆😆😆另外蒜蓉包同埋酥餅都夠哂熱辣辣，仲要好脆，點埋咖哩食真係一流！為左食多d菜點都要叫番個菜，呢個泰式炒椰菜苗真係好食，椰菜苗其實我都好少食，配左泰式既炒法真係一絕！最後仲要食埋芒果糯米飯，真係無憾！

I have ordered a fried beef noodle, but found that the beef was frozen and like just taking from the refrigerator. I never came across this surprise dining experience.  How the Thai restaurants provided food of such poor quality!

知道依家餐廳搬咗去近灣仔地鐵站之後，決定再試一試。只見泰風感覺濃厚，位置亦都寬敞舒服。泰式蝦炒金邊粉份量適中，而且有兩隻好大嘅蝦。特別之處係佢比較夠鑊氣，同埋特別鍾意佢嘅加上青檸做點綴，令到味道層次更加豐富。肉碎包生菜豬肉一定要試一個肉碎包生菜，可以揀配豬肉同雞肉之餘，亦都可以因應自己喜歡嘅難度，向職員選取要微辣 定係唔辣。同埋特別鍾意佢嘅肉碎炒都特別有鑊氣，生菜一塊塊好大篇同埋新鮮，亦都見到佢洗得好乾淨。燒豬頸肉沙律一開頭以為佢係一般嘅沙律，原來佢係好似包生菜咁，準備好山菜一塊塊咁會想食燒豬頸肉咁包嚟食。 燒豬頸肉係偏辣，但係亦都10分煙靭，10分驚喜。另外嗌咗一杯青檸梳打。餐廳亦都10分細心咁到分開上梳打水同青檸。Conclusion: 職員服務態度有線，而且價錢唔算貴，選擇亦都頗多，性價比都算高！一定會再返嚟食！亦都係朋友傾偈嘅好地方！

今日同男朋友嚟到灣仔行吓街，行行吓諗吓食咩好就見到新泰東南亞餐廳，望埋去覺得佢哋嘅外觀都好吸引所以就入去試吓啦。入到去店員用泰文打招呼，即時令人好懷念去泰國旅行嘅感覺。我見佢嘅餐牌有各式各樣嘅泰式美食已經令人流晒口水，首先我哋叫咗去泰國餐廳一定會食嘅豬肉生菜包，因為覺得依樣食物係非常有特色，而今次亦都覺得好有水準，因為生菜夠新鮮，而豬肉碎亦都炒得夠香，好符合我哋嘅口味。之後就叫咗一個燒雞嚟食，雞嘅肉質非常嫩滑，外皮亦都夠脆，傳傳係一樣好出色嘅主食，而且佢嘅甜辣醬亦都好好食，簡直令人回味無窮。之後亦叫咗個明爐烏頭魚，先講魚係10分新鮮而且亦都好夠份量，而佢亦都好入味而且店員仲好好比湯我哋自己㗎防止魚有機會燒燶。我另外亦有叫一個蝦醬炒飯，依個炒飯係目前我食過最好食嘅炒飯，飯粒吵得乾身分明，而且半碟嘅小食亦都好好味，簡直冇得彈。最後亦有叫一碟飛天通菜均衡下營養，但通菜都真係好好食。總括而言，我都好滿意今次嘅晚餐，覺得可以食多好多次