新泰東南亞餐廳 (興旺閣)

營業中

休息中

呢日黎到灣仔呢間新泰食泰國野，估唔到侍應好多都係泰國人，餐廳有兩層，位置都有唔少，我地就被安排左坐上層～次次食泰國野都會想食生菜包，我地叫左個鴨肉生菜包，一個麵包焗咖哩軟殼蟹，蒜蓉包，印度酥餅，泰式炒椰菜苗，芒果糯米，同埋泰國椰青！先講下個生菜包，份量都真係好多，同埋d菜洗得好乾淨同埋新鮮，完全見唔到有黃既部分，肉碎好有獲氣，連埋生菜食真係一流！跟住就係個麵包焗咖哩軟殼蟹，夠哂重量線，軟殼蟹既份量有好多，汁既份量都夠哂點哂所有包😆😆😆另外蒜蓉包同埋酥餅都夠哂熱辣辣，仲要好脆，點埋咖哩食真係一流！為左食多d菜點都要叫番個菜，呢個泰式炒椰菜苗真係好食，椰菜苗其實我都好少食，配左泰式既炒法真係一絕！最後仲要食埋芒果糯米飯，真係無憾！