新泰東南亞餐廳 (興旺閣)

營業中

休息中

今日同男朋友嚟到灣仔行吓街，行行吓諗吓食咩好就見到新泰東南亞餐廳，望埋去覺得佢哋嘅外觀都好吸引所以就入去試吓啦。入到去店員用泰文打招呼，即時令人好懷念去泰國旅行嘅感覺。我見佢嘅餐牌有各式各樣嘅泰式美食已經令人流晒口水，首先我哋叫咗去泰國餐廳一定會食嘅豬肉生菜包，因為覺得依樣食物係非常有特色，而今次亦都覺得好有水準，因為生菜夠新鮮，而豬肉碎亦都炒得夠香，好符合我哋嘅口味。之後就叫咗一個燒雞嚟食，雞嘅肉質非常嫩滑，外皮亦都夠脆，傳傳係一樣好出色嘅主食，而且佢嘅甜辣醬亦都好好食，簡直令人回味無窮。之後亦叫咗個明爐烏頭魚，先講魚係10分新鮮而且亦都好夠份量，而佢亦都好入味而且店員仲好好比湯我哋自己㗎防止魚有機會燒燶。我另外亦有叫一個蝦醬炒飯，依個炒飯係目前我食過最好食嘅炒飯，飯粒吵得乾身分明，而且半碟嘅小食亦都好好味，簡直冇得彈。最後亦有叫一碟飛天通菜均衡下營養，但通菜都真係好好食。總括而言，我都好滿意今次嘅晚餐，覺得可以食多好多次