新泰東南亞餐廳 (興旺閣)

營業中

休息中

arrived at 7:30, lied to me there will be a table at 8 o'clock waited until 8:30, still no table.waste of my time. trash management.not respectful of customers time at all.don't tell me that there will be a table at a specific time when you can't keep your word.trash.....

今日午膳時間突然懸掛黑色暴雨，所以在公司附近見新泰有位便立即入去。每日都有6個午市套餐選擇，今次我叫咗星洲喇沙蝦米線$75加$8配龍眼冰。龍眼冰好清甜，加8蚊都算合理。喇沙湯底蝦味唔夠濃，湯料主要係豆卜、魚片、同幾隻蝦，仲有少許芽菜，另外米線味道偏淡，我個人覺得呢碗喇沙湯米線未夠突出。最後我決定另加$28升級配炸蝦餅，炸蝦餅好香脆，配埋喇沙米線真係好飽。呢間餐廳座位真係好舒服，每張枱與枱之間都有一定距離，確實係傾偈嘅好去處。

講起灣仔嘅泰國菜，就不得不提位於大王東街興旺閣嘅新泰東南亞餐廳啦，每次去親呢間餐廳都大排長龍。佢食物款式夠多，中午套餐每星期轉一次，每款都係常見嘅東南亞菜，包括：喇沙、馬來咖哩、海南雞飯同埋泰式串燒等等，目不暇給應有盡有！今日我地一行3人中午又選擇左佢嚟醫治我地嘅五臟廟！喺外面等左大概10分鐘之後，店員就帶領我地入去餐廳最入嘅卡座，最後排嘅裝修另有一番風味，除左座位與座位之間寬闊啲之外，每位客人嘅座位上面仲有一個cushion仔，感覺上似係中式刺繡(繡左一朵荷花，好優雅！)筆者今日嗌左芝士芋頭海鮮焗飯，不過味道就一般，佢芋頭味幾乎蓋過哂其他味道，唔太對我個胃口；但個飯就份量十足嘅，鍾意食芋頭且食量較大嘅朋友都不妨一試架！最後講下價錢，佢午市套餐劃一價格$75，凍飲加2蚊，另收加一。呢個價格喺灣仔嚟講都算中上，但係一分錢一分貨，如果想喺繁囂嘅鬧市搵到一間坐得舒服嘅餐廳，新泰會係一個唔錯嘅選擇！

Sun Thai food Restaurant serves great Thai food with a very cozy ambience.Ordered 1. Papaya Salad2. Pineapple fried rice3. Combination Set4. Long Island ice tea5. Young coconut

朋友試完大讚，力推。👍🏻咁啱帶小朋友行完灣仔海濱長廊。大約八點就落嚟食晚餐，入到去環境舒適，共有三層。我們一行六人，包括兩個小朋友。入到去侍應超helpful。安排我們到圓枱。等我哋容易安排BB 櫈擺位。我哋叫咗燒牛肉、燒魷魚、馬拉盞通菜、炒豆苗、蟹肉粉絲、金邊粉、軟殼蟹咖喱連包、遮蝦。甜品就有泰國菜必食嘅芒果糯米飯，椰子大菜糕。講真樣樣野都好好食，份量適中，而且價錢合理。大家都食得好開心，已經約好幾時下次再食🤤

估唔到呢間灣仔嘅泰國菜環境都唔錯喎🥰🥰食物質素都唔錯，而且服務一流。 柚子蝦沙律🦐一梳梳嘅沙田柚絲多汁冰涼，香口嘅腰果，有咬口得嚟增加咗食慾🥗🥗。蝦肉爽口，整體開胃，有少少辣、味道層次豐富。 冬蔭公湯金邊粉 🥣叫嘅時候店員都好細心，確認我地呢個係湯麵，驚我地搞錯。湯嘅溫度夠熱真係唔容易。湯式味道新鮮帶酸辣而濃郁、金邊粉入味，份量好多，正呀😉😉。不過蝦有少少唔入味，但爽脆唔使剝殼🤪🤪。 椒鹽軟殼蟹🦀好驚喜😆😆面頭有海量炸蒜。蟹炸得香脆唔膩，而且好入味，啲蒜味完美融入蟹殼蟹肉，好惹味呀。 黃咖喱蝦配薄餅😁😁黃咖哩唔辣但係香甜，有蛋味。薄餅皮香脆，厚薄適中，煎得非常香口呀。 泰茶🧋都幾靚，第一次飲，唔知應該係咩味🤣🤣，覺得佢比普通港式奶茶更甜同奶粉味。 龍眼冰🫒清甜好飲，龍眼肉大大粒。 椰汁冰🥥椰奶味濃郁，偏甜😝😝

高質泰餐今次同朋友來試食灣仔呢間泰國料理，食物味道質素同環境都有驚喜👍🏻👍🏻前菜揀左泰式生蝦，刺身本身非常新鮮，配左一片蒜片同一塊辣椒，辣椒其實比較辣，我自己就食唔到，不過都有配買店家自己製嘅醬汁，味道酸酸甜甜冰冰涼涼。店家非常細心，蝦刺身下面嘅冰係用袋包住嘅，就算冰融化都唔會有好多水。主食叫左經典嘅Pad Thai。蝦大隻又彈牙，都食得出幾新鮮。味道方面都唔輸係泰國食過嘅Pad Thai🤓呢間嘅海鮮都幾受歡迎，我地叫左燒魷魚同泰式明鱸魚~燒魷魚分量比較足，醬汁係鹹帶啲甜，魷魚彈牙。泰式明鱸魚係keep住加熱嘅，會比多碗魚湯比我地淋上去等魚肉吸收多啲味道，個設計都幾好玩！🤩呢間餐廳本身分量唔細，食到呢度已經非常飽，但我地又叫左椰青同甜品！因為太懷念泰國嘅椰青🥥🥥🥥，夏天飲非常消暑！甜品椰汁木薯係第一次食，木薯口感有少少似紅薯，不過纖維感更重，配左店家自製嘅椰汁，係一款健康冇負擔嘅甜品👍🏻👍🏻👍🏻店鋪環境同服務質素都係非常好，係會再來食嘅一間高質泰餐！

早兩日去買Bakehouse順便食呢間，有3層，都幾大，位置坐得舒服，上菜大約等10-15min。🔅椰香青檸海鮮湯粉絲 ($75)椰汁幾香，仲有芫茜、檸檬葉等等既香料，有陣好開胃既酸味。海鮮就有一半急凍有一半新鮮，份量都幾大幾足料。🔅泰式蝦炒金邊粉 ($75)蝦都幾大隻，幾彈牙唔錯，份量夠多。泰式既Pai Tai偏甜，唔太酸都唔錯。加左蛋、芽菜、蔥等等去炒就香好多。🔅泰式干炒牛河粉 ($75)都幾大碟，但上菜又唔係熱辣辣。河粉有啲勁大塊😂，炒得唔會好油立立都ok既。但最重要既牛偏韌，扣左分☹️。🔅泰式海南雞飯 ($75)雞雖然份量都ok，但唔夠滑，同埋油飯偏乾🙈。不過幾欣賞有一格係擺蔬菜，幾健康。💬加$8配既咸檸七幾細杯，少少失望。另外我地未食晒店員就催我地埋單😐，好chur下。整體而言食物一般，唔大意欲encore。

社交平台 當年今日彈出來，原來兩年前嘅今日，我係喺泰國曼谷嘆緊佳餚美食做緊spa⋯可惜因為疫情，而家只能困在香港同啲同事講起，為食秘書姐姐即刻建議我去公司附近嘅呢間「新泰」食餐高質泰國菜，當自己去了一趟泰國呢個idea又幾好wor，梗係即刻book位即晚食啦！原以為即日book位會好full，但原來餐廳有好幾層！一入到去餐廳，被安排坐在一樓。我係星期一夜晚來，估唔到都咁好生意咁多人！睇黎唔少人同我一樣咁思念🇹🇭泰國講返啲食物先，餐牌好多嘢食選擇。除左泰國菜，仲有越南菜！菜牌分類都容易follow，係太多美食令我有啲花多眼亂姐因為今晚自己一個人黎食，所以唔係叫到太多款，唯有選自己最like嘅兩三樣嘢食啦我選了最愛嘅冬陰功湯，份量可以選S size，啱啱好適合一兩個人！湯好足料，大蝦同菇都爽口彈牙，飲一啖即刻啲泰國度假嘅感覺返曬黎肉我點左一到咖喱牛腩。平時好少食牛腩，因為成日覺得啲快餐店嘅牛腩好鞋口、調味又水leu leu，所以今次專登喺新泰食！牛腩大大舊，好入味！飲品叫了杯椰汁冰，唔會太甜，冰冰涼涼，正最後用呢道賣相精美嘅芒果糯米飯飯收尾用上紫米，好好味呀！可能過多兩個星期，又再miss

疫情期間出門的次數減了不少, 直到最近才慢慢回復正常, 約多了朋友和家人外出用餐。今天放工後來到灣仔吃泰國菜, 仔細留意才知道這間餐廳就是我在尖沙咀經常去的新泰東南亞餐廳。每次來到泰國餐廳都必點炸蝦餅, 最喜歡泰式炸蝦餅的蝦肉厚厚實實, 外面脆但係又唔肥膩, 每次都可以吃四五舊。今次在灣仔分店叫的蝦餅一樣高質, 一份八塊。吃炸蝦餅的個人心得是上碟後等五分鐘再吃, 會比一開始更加脆架今次為左食多D唔同款式的菜,專登唔叫主食, 反而叫左咖哩牛肉配薄餅。個人口味偏好辣,唔鐘意為帶太多甜味的菜式。所以在點菜時刻意問左侍應幾種唔同咖喱既分別, 最後簡左馬沙拉咖喱。馬沙拉咖喱沒有太多甜味, 一般都是由大蒜、薑、洋蔥及以印度辣椒製成。味道比較濃, 喜歡香料多的朋友可以試一試, 配上薄餅吃剛好。另外, 新泰東南亞的蜜糖豬肋骨都令我頗有驚喜。豬肋骨的口感不會太韌, 入口有很常熟悉的燒烤味>V<好耐冇食過真燒烤, 喱個蜜糖豬肋骨都剛好滿足左我少少燒烤既慾望。好似其他分店咁, 新泰東南亞的座位擺放得好寬落, 同其他香港餐廳有明顯分別。其實在冇疫情其間, 都會覺得坐得太逼唔舒服。新泰東南亞在喱

前幾日去咗位於灣仔大王東街嘅新泰東南亞餐廳，真心覺得以呢個價位，無論係餐廳嘅裝潢乃至食物嘅質素，都可以話係區內數一數二。香芒軟殼蟹米紙卷（ $88 ）呢樣菜式係呢間餐廳嘅招牌菜之一，食過之後的確名副其實。齋睇賣相已經見到擺盤十分精緻，食落就更加讚嘆細細舊嘅米紙卷居然可以有咁豐富嘅味覺享受同層次感。軟糯韌口嘅米紙皮加埋香脆嘅軟殼蟹、甜美嘅芒果、爽口嘅菜，即使只係一啖，都足以媲美一碟主菜。冬陰功海鮮金邊粉（ $78 ）冬陰功湯唔辣，即使係唔食得辣嘅朋友都可以一試。金邊粉煮得幾好，軟硬適中，而海鮮嘅配料都幾豐富，可以睇相見到又有青口，又有魷魚，又有八爪魚，仲有蝦同草菇芽菜等等，咁嘅價錢咁嘅質素真係買少見少。芒果糯米飯（ $68 ）芒果非常大片而且鮮甜，糯米飯有黑糯米同白糯米，口感係軟硬度上有些許分別，一個偏硬一個偏軟，兩者食落口都非常之正，撈埋甜滋滋嘅芒果，真係可以完美地總結呢一餐飯。椰汁冰（ $38 ）份量十足，而且椰汁味非常香濃，炎夏就係適合飲呢啲。

平常也經常與同事到這間泰國餐廳吃午飯，晚市倒是第一次光顧。想不到晚市人流也頗多，連樓上也幾乎坐滿。吃完正好去旁邊的利東街看中秋燈飾。泰式明爐魚 - $188有烏頭跟鱸魚選擇，還是烏頭比較好，魚肉有均勻的脂肪，入口甘香，肉多而骨刺少。裡面已經有魚湯滾著，還另上一碗可自行加湯。鍋裡面有香茅、南薑、辣椒、檸檬葉及芹菜等，味道還有點酸鹹味的青檸汁和魚露，整體好鮮美，完全不辣。椒鹽軟殼蟹 - $78軟殼蟹自然外酥內軟不在話下，但這隻蟹擁有的肉明顯比外面的厚，入口鮮甜的蟹肉滲出水份，略有蟹膏的甘香，加上惹味的椒鹽非常惹味。芒果糯米飯 - $68溫熱的雙色糯米飯好軟糯又帶點嚼勁，鮮芒果切片多汁又清甜不澀，香甜的椰奶惹味卻不膩。

今天跟朋友來個小聚，就近一點，選了公司附近的一間挺有特色的泰國餐廳，因為聽朋友說這裡都挺不錯的！泰式烤豬手（１６８元）豬手挺大的一隻，而且應該是先煮到非常軟後，再拿去烤的，所以肉質不會太乾硬，吃起來比較軟和多汁，而豬皮就烤得非常香脆，跟薯片一樣的！而這個配上的醬汁也挺特別的，有點像黑椒醬加了點甜，加了點辣的感覺，挺惹味！泰式青咖哩（牛）（８８元）這個青咖哩吃起來挺不錯，椰奶香味挺重的，但咖哩香也在，帶點辣，又有點甜，所以吃起來非常惹味，配飯或薄餅都挺不錯！牛肉的份量也挺好，而且挺大片的，吃起來挺過癮！印度薄餅（３２元）這個就是叫來配咖哩的，烤得非常酥脆，沾上咖哩後，特別好吃！

一直在灣仔附近經過好奇這間幾層樓高的新泰東南亞餐廳很久了，今日終於一個人走進了去。大廳的位置很寬敞，即使是疫情之下都有一個很充裕的位置給每一個客人，里面的裝修也很有異國風情，店員好像大部分都是懂廣東話的泰國人。食泰國菜絕對不能缺少的自然是串燒和薄餅，我一共叫了一客串燒沙爹＄８８、 蜜糖燒肋骨＄８８、 印度薄餅＄３２、椰青班戟＄５５先講串燒沙爹＄８８，有六條串燒，當中雞豬牛各兩條，讓選擇困難症的朋友（就是我）不需要辛苦考慮選哪一款。沙爹的味道很香濃不辣，一口咬下去啖啖肉，非常足料，我最喜歡雞肉串燒，肉質非常鮮嫩！！！之後是蜜糖燒肋骨＄８８，感覺應該係用叉燒醬混入蜜糖塗勻了在肉面上，食落有叉燒的感覺同時，還有甜絲絲的蜜糖味道，口感唔會太干柴又唔會太軟淋淋，不錯！接著是 印度薄餅＄３２，薄餅是那種外層脆身而不是軟身的，我混合了沙爹串燒的沙爹醬下去，非常的美味！下次或者可以試下用青咖哩汁配搭！最後是，椰青班戟＄５５，捧上桌面的時候熱氣騰騰，我本以為會是一半椰青在上面，然後下半部是班戟，但原來係把椰青混合了在班戟里面，一咬下去軟綿煙韌，有著絲絲椰青的甜味，味道幾特別，很值得一試！

今日去到灣仔試下泰國嘢。依間新泰東南亞都幾多分店，入面裝修幾有特色，好似去左泰國咁。泰國椰青大椰青，必嗌，幾清甜，即叫即開泰式生蝦啲蝦肉質彈滑，好新鮮，配埋隻師傅親自調配嘅醬，有齊甜酸辣味。不過隨餐送上嘅辣椒太辣，我自己就無食到，朋友話好唔開胃燒魷魚燒得岩岩好，保留到魷魚嘅肉質，唔會變到好柴，好惹味🤩。依碟附上嘅醬比較偏甜，都可以點生蝦啲醬。泰式明爐魚東蔭功味湯底，一路食，一啲淋d 湯汁上條魚到。魚質嫩滑，好多肉😍 魚下面嘅椰菜吸哂湯汁😋Pad Thai味道好正宗，仲有層薄薄地嘅蛋膜，好好味。貴妃苗清淡得黎又有種鮮味。同行唔鍾意食菜嘅都食左好多。椰汁木薯口感同番薯一樣，再重d 纖維感，都幾飽肚。