新匯聚餐廳小廚

營業中

休息中

同友人相約到觀塘小聚 每日最難諗既就係食乜野好 友人提議去食小菜 即直揾左間係付近既小菜去試下 入門口要上一條樓梯 入到去都幾多人 好彩仲有位置 唔洗等 我地叫左三個餸 辣子雞：夠辣有鑊氣 整體都算幾好 食得辣既人應該會幾鐘意金銀蛋白菜仔：依個正常 中規中矩無咩特别就係一個菜豆腐煲：個豆腐煲唔錯 幾好食食完飯原來係仲會送飯後糖水 依度有少少加分 整體黎講真係唔錯 值得再食 而且價錢唔貴

從上個月開始，都會找日逼自己去做運動，常常鑽入成業街的我留意到有間在工廠區的餐廳。在物價高昂，通貨膨脹持續高企下，餐廳每日都推精選午餐供應，真係大件夾抵食！大約 $30就有一客午餐，送是日特飲，如果6人同行，惠顧$40以上的午市套餐，還可以享有一人免費的優惠呢！今期的即叫即炒系列有四款可供選擇，呢碟乾炒叉燒河 $43 好足料河粉夠大碟，用大量的洋蔥、芽菜炒香，炒到好香口！店子絕不手軟，落左好多叉燒肉！朋友食到一半似乎都食吾曬！大食朋友的食堂無誤！但那杯好立克+$3的冰溶得好快，所以味道沖到有點淡、吾夠濃郁。越式金邊粉 $40 配上祕製魚露、紫天椒的酸汁，混在金邊粉的湯入面，酸酸地，好醒胃！雖然沒有加底，但是金邊粉份量有好多，配上任選兩餸都幾豐富又抵食。香茅雞翼有 3隻，本身應該係脆脆地幾香口，但連湯一併上，會浸腍左，另分開上比較好。韮菜餃都有3粒，餃子包住好多餡料，十分足料想必也是！工廠區一定要夠大碗才是抵食之選！店子還有自家製的沙嗲醬，食到混合花生碎粒，帶一點甜甜的，覺得有d似麵豉醬，還有陣陣微辣縈繞口腔，不錯！凍奶茶 +$3反而杯奶茶又幾好，奶香茶滑，少冰後的味道剛剛好。除了午餐精

朋友介紹左好多次去食，話扒餐好抵，今日終於去試下，下午大约2:00到，有些暗，以為未開，但其實一早開左。黑椒汁雜扒(雞羊牛豬腸仔薯角)$56，一杯汽水+$3，罐装汽水就+$5，湯同飲品只可選一樣，白飯+$5，平就係平，但味道個人較不喜歡，但真係平和大份既。黑椒汁羊雞扒$60，羊0k，雞就唔掂。下午茶扎肉河+1罐可樂$25，完全唔掂唔掂唔掂，但真係好大碗河粉。環境感覺有些不衞生，出收銀買完票，好快就送到面前，服務好友善。

周五去食晚飯，未到八點，幾乎座無虛席。可以book枱的，要早！三人食叫左四個餸，以下圖片全部係原色，無filter，可見食材之新鮮！薑葱炒美國桶蠔係招牌菜式，桶蠔雖然係雪藏的，但係肥美大隻，炒薑葱配合得天衣無縫，配菜都好好食。店員仲介紹不時不食，遲D凍D就食另一種蠔。家鄉煎藕餅又係好正，藕餅中間夾住肉碎，面加椒鹽脆脆，口感都可以有好多層次。啫啫芥蘭煲一定要點，菜十分新鮮翠綠，肉碎蝦米炒送飯一流！招牌話梅骨，酸甜味道很開胃，可以一試。有汽鮮檸蜜又係必點！

Lunch Time 度度都多人，一條友搵就最易，於是幫親返中學成日去既餐廳 haha午餐時段都有唔少野揀 叫左大大份吉列魚柳$56凍飲加$3天氣咁熱飲凍野就一流，叫左少甜健康d，柯華田好濃郁魚柳真係大過塊面，底下係薯菜同薯角，份量都幾多吉列魚柳炸得好甘香同脆，炸粉比例唔錯，魚係幾香，大大份超飽加左$5蛋白沙律，蛋白醫沙律平時少食，都幾好味~服務都ok, 呢到人都幾多,但係counter 比住錢就等人送上台，都出菜出得幾快

依家觀塘喺度重建裕民坊 食肆少之有少咁要就要去到觀塘工商業中心嗰邊去搵食個friend同我講觀塘 成運大廈一樓有個食堂 食 鐵板餐好抵食又大塊 我呢啲食肉獸又點會放過呢個機會呢一嚟到就叫咗西冷牛扒， 朋友就叫咗個羊架拼雞扒 每人叫咗杯梳打鮮檸蜜一嚟到仲喺度咋咋聲 ，西冷牛扒勁長身，又厚肉， 我哋落單個時候仲有得揀幾多成熟 實屬茶餐廳少有 牛扒咬落去鮮嫩多汁 無筋位， 不得不提嘅就係佢嘅配菜薯角， 誠意十足。羊架拼雞扒 個size真係大到不得了兩塊雞扒加兩件羊架， 食落去啖啖肉又夠嫩 雞扒無雪味食落都好滑梳打鮮檸蜜 酸味味好開胃 係餐廳自己調嘅飲品 啱曬而家夏天 消暑解渴 個friend話上次喺度叫咗個派對美食到會 個馬豆糕好正所以特別派咗碟馬豆糕嚟食 馬豆糕好結實豆好多，甜度適中的確冇介紹錯

呢日中午同朋友嚟, 見到超多人幾乎滿座既場面, 我就知呢度既食物一定唔差。叫左呢度出名既鐵板餐, 上枱既時間份量大得驚人! 半隻燒雞、大量豬頸肉、大量雜菜, 仲有薯角同飲品! 雞燒得皮脆, 脾位滑溜但胸位就嚡左少少。豬頸肉好爽脆, 咬落一啲都唔韌又唔會好肥膩, 點埋惹味既蒜蓉汁, 正! 最驚喜既系會有唔少既椰菜同西蘭花, 夠健康,  又中和到肉既滯。鮮檸蜜入口甜甜酸酸, 有汽就更加透心涼!食完之後, 終於明白人多系有道理既, 下次一定再嚟!

有幾年沒行過觀塘成業街了，發覺真係改變好大，尤其街頭的工廈重建了商業大廈，又多左好多食市，同老公重遊舊地，想起以前我地噶寫字樓係成運工業大廈，看看有無改變。但多左一間餐廳小廚系樓上一樓，上去食返個午餐，我地上去噶時候，已經食完午飯飯市，人流唔多，所以餐廳就係午餐後改食西餐。餐廳的裝修是一般格局，地方夠闊落。午餐的選擇款式都好多，價錢都是在$30元左右，仲有豬扒焗飯，非常超值！羊架拼雞扒，$60元，以咁噶價錢，可以食到雙拼，份量大，如果另加一碗飯或意粉，可以夠兩人份量，睇出，不計成本，用上薯角，薯角炸得外脆內粉碎，比得上食漢堡包出名的薯條，雜菜都有兩樣菜，羊架夠嫩滑，一啲都唔感覺有SO味。雞扒仲保留肉汁，夠鬆軟。西冷牛扒，大大件，比男士手掌還要大，有番咁厚度，黑椒汁夠香濃，牛扒肉質夠嫰潤，唔韌，有肉汁，啖啖肉，一樣用上薯角及兩款雜菜伴碟。除左小菜，西餐据扒外，還有湯粉麵$42，湯底用牛骨熬成，加上自家秘製沙爹醬放在湯內，有花生粒，口感豐富，配上豬扒、牛展，任選兩款，豬扒鬆軟香口，牛展爽口甘香。餐廳仲有美食到會，款式都好多，椰汁馬豆糕系我至愛甜品之一，好香濃椰奶味，多豆，入口夠嫩滑，啖啖豆

唔知大家會唔會好似我咁，突然會肉肉癮起，想食雜扒餐？有一日又係突然肉癮起，喺觀塘入去一間茶餐廳食牛扒！估唔到小小茶記五臟傴全，點一客牛扒還可以選幾多成熟！這個牛扒是五成熟，切開還有一點點粉紅色，肉汁味濃，份量很足，完全滿足到我對牛扒的Craving～配菜是薯角，比起一般茶餐廳高級，而且蔬菜份量算多。基本上這個餐的份量對女孩子來說是有點Over，間中食一次開心一下都OK嘅！

朋友推介，要一試薑蔥桶蠔 - 夠均真，員工喺面前打開數埋隻數先攞去煮，算係惹味，蠔剛剛熟夠creamy; 最欣賞係啲蔥，爽甜芝麻雞 - 失望之選，冇錯芝麻皮幾得意好似食緊煎堆咁，但雞本身過晒火，乾且鞋；眼見其他食客叫嘅豉油雞/鹽局雞望落嫩滑，後悔~椒鹽九肚魚 - 一流，椒鹽夠香夠辣夠咸，九肚魚身上嘅粉非常薄身，正話梅骨 - 其實味道唔錯，但排骨較硬身唔夠鬆化豉椒炒蜆(定花甲？) - 失望之2, 花甲算大隻，但味道淡，太多汁；回想細路時期求其喺屋邨大排檔食個豉椒炒蜆，豉椒味濃之餘汁收得夠乾身，都唔知仲有邊度食得番 ...啫啫芥蘭 - 果然招牌菜，芥蘭夠脆口冇渣，"啫啫料"有肉碎同蝦米夠香夠味，讚薑蔥魚卜 - 正，魚卜煙韌彈牙，薑蔥固然惹味~咸蛋肉片白菜仔湯 - 肉片係猪頸肉嚟，嫩滑，湯本身夠清甜，唔錯綠豆西米露 - 送嘅甜品最驚喜，非常清甜，只係覺得太細碗後記：價錢當然貴過大排檔，質素亦高啲；服務非常親切加唔少分；想試下猪肺湯但人少實飲唔晒，希望可以有細size少少

良心大排檔式餐廳小廚昨晚，大隻仔Alvin相約我去觀塘吃飯兼給我手信，事前大家都各自提議一些心目中的推介，例如新祥發煲仔飯丶瑞和街街市食泰國菜丶放題丶武藏拉麵丶吐司工房等一些耳熟能詳的食店，但最後，我們還是選擇了一間被我無意中在open rice內發現，一面倒只有好評，內裡眾多食評中，皆對各項菜式都讃好不絕的餐廳——新匯聚餐廳小廚。我們大概20:30到達目的地，發現現場坐無虛席，人山人海，而一眾候坐的客人們更站滿在餐廳門口，情況與附近的食店剛剛相反！即使店內有「人滿之患」而道致非常繁忙，但店內的所有員工都充滿著幹勁地招待每位客人，特別是一位遊走店內各個崗位，有如穿梭大軍中的飛龍，不亞於當年廉頗與黃忠的老人家，細聽之下，原來是老闆～～就算他在繁忙的店內打點，亦不忘招呼候坐而久的人們，更甚至用「搭膊頭」的方式安撫，幸好我不是「巴士阿叔」，所以我Buy你！亦令我留下深刻印象。大約在20:50分左右，我們終於能夠上坐；於候坐期間，我觀察過店員回收及清理回來的餐碟，都發現只會剩下骨頭或例如雞屁股等不會有人吃的東西，由此可見這𥚃的食物出品質素有保證！所以我們都好放心地隨意點菜，所點的菜式如下：芝麻

良心大排檔式餐廳小廚昨晚，大隻仔Alvin相約我去觀塘吃飯兼給我手信，事前大家都各自提議一些心目中的推介，例如新祥發煲仔飯丶瑞和街街市食泰國菜丶放題丶武藏拉麵丶吐司工房等一些耳熟能詳的食店，但最後，我們還是選擇了一間被我無意中在open rice內發現，一面倒只有好評，內裡眾多食評中，皆對各項菜式都讃好不絕的餐廳——新匯聚餐廳小廚。我們大概20:30到達目的地，發現現場坐無虛席，人山人海，而一眾候坐的客人們更站滿在餐廳門口，情況與附近的食店剛剛相反！即使店內有「人滿之患」而道致非常繁忙，但店內的所有員工都充滿著幹勁地招待每位客人，特別是一位遊走店內各個崗位，有如穿梭大軍中的飛龍，不亞於當年廉頗與黃忠的老人家，細聽之下，原來是老闆～～就算他在繁忙的店內打點，亦不忘招呼候坐而久的人們，更甚至用「搭膊頭」的方式安撫，幸好我不是「巴士阿叔」，所以我Buy你！亦令我留下深刻印象。大約在20:50分左右，我們終於能夠上坐；於候坐期間，我觀察過店員回收及清理回來的餐碟，都發現只會剩下骨頭或例如雞屁股等不會有人吃的東西，由此可見這𥚃的食物出品質素有保證！所以我們都好放心地隨意點菜，所點的菜式如下：芝麻

有天到觀塘搵埋OT 的男友吃晚飯，佢話曾經到新匯聚同同事食晚飯，覺得這裡的小炒很有獲氣，而且是熱騰騰的，價錢跟外邊大排檔差唔多，可以一試。由於我同男友都是兩個人，所以點了兩碟小炒，一壺茶及兩個白飯。一壺茶加15元好似，白飯就逐個計錢啦。小炒就是馬拉盞通菜及三杯雞，先來菜。看到都有點驚訝，因為份量很多，起碼是斤半的菜，價錢都是五十多元。馬拉盞味道不會太辣，但那種微辣帶點濃味，非常惹味，送白飯是一流。而且通菜大條又唔會起渣，食材都是不錯的。炒得夠獲氣，但同時保留通菜爽口，廚師真的炒得不錯。然後三杯雞就到了，鐵板非常熱，可以迫哂雞肉中的油份出來。三杯雞微辣，不吃得辣的男友都吃到，而且份量算多，我吃完菜後再吃到一半的雞都飽得很了。雞肉沒有雪藏味，加上調味味道很入味，令雞肉很惹味。而且雞肉保留嫩滑質感，真的超棒。那天每人八十五元，這個價錢加上食物味道，更可以在收夜時間吃到咁有獲氣的食物，真係好滿足。不得不提，侍應同廚師快手到，令到餓到死的我們都很快滿足肚皮。

朋友要結婚，搵左我幫手所以今日就約我開會啦！朋友知道我OT 機會好高，所以都黎左我公司附近搵我食飯佢地成日都聽到我講呢間大排檔有幾好食所以佢地就簡左呢間由於我遲大到朋友好醒地先叫左椒鹽雞軟骨佢地留左d比我雖然我黎到雞軟骨已經凍左但依然咁脆口，送酒一絕！豉油雞雞肉好入味！食得出唔係雪藏雞！雞肉好嫩滑，啖啖肉家鄉炒銀絲相比下 呢個炒粉絲略遜色味道淡左少少而份量都比預其中細生炒骨豬肉炸等岩岩好，唔會因炸等太耐而硬愈食愈開胃最後，佢地送左個糖水比我地西米露綠豆沙，唔會太甜味道尚可再順帶一提！餐廳有起碼100個座位，但都經常爆滿，今次直到9時多門外仍然有人排口相當誇張所以有計劃黎食既朋有真係要早d訂左位先而餐廳位置係成業街工業大廈一樓沿成業街向大坑渠方向一直行就會見到佢地招牌非常方便

幸好有book 位不用等待, 一來到已見十多二十人等待, 非常爆滿, 周圍環境乾淨清潔, 地板也算是乾淨, 一坐下店員便送上熱水茶, 供自行清洗碗筷先來些頭盤, 麻辣貢菜鮑魚絲, 不會很辣, 但麻味十足, 貢菜爽口, 加上趙口重的鮑魚絲, 口感豐富又有麻味刺激味雷, 配啤酒一流椒鹽雞軟骨, 炸得非常脆, 有咬口, 有避風糖炒蟹的味道, 味道重,微辣, 一粒一口雞軟骨, 一樣配啤酒一流招牌話梅骨, 肉質細嫩, 每一口都充滿話梅味道, 甜甜酸酸, 配飯一流椒鹽鮮魷, 味道跟雞軟骨差不多, 同樣是非常野味, 鮮魷爽口新鮮, 同樣有避風糖炒蟹的味道, 味道重,微辣, 配啤酒一流!杏汁燉豬肺湯, 一上枱要以嘩一聲迎接, 遠遠已聞到濃濃的杏汁味, 店員會幫忙分配, 也會先把湯渣分到碟上, 非常濃郁, 充滿杏仁味, 會一度懷疑自己是在吃杏仁糊, 非常足料, 吃了數舊豬肺, 入口即溶, 無臭味, 但雞肉像香口膠, 好不好見人見智口者口者芥蘭煲, 芥蘭爽口野味, 微辣, 碎肉味道非常濃, 有點偏咸, 配飯一流家鄉煎藕餅, 做法驚喜, 以避風塘炒蟹做法, 微辣外面脆口, 內裡軟滑, 年藕味一樣保留, 必試