新匯聚餐廳小廚

食得多邊爐，間唔時都整返個大排檔，而家買少見少，好食嘅就更加難搵

又同班同事嚟到觀塘搵食，相信觀塘就畀我哋食哂，一入師傅已經熱情招待，真係有以前牛下嘅feel。

先叫薯仔牛柳粒，唔係廢話，薯仔好有薯味，唔係入口即爛，惹味又夠鑊氣！另外牛肉un左少少但薯仔贏哂！正！

第二當然try try秘製咸豬手個皮唔知係烤定炸整得勁好味，入口勁脆！但入邊嘅豬手肉又唔會un，唔知以為食緊乳豬well done！

最後都叫左隻芝麻雞，外皮有白芝麻包住，好似脆左，皮都好薄，雞胸肉唔鞋！

總括嚟講，絕對有街坊風味之餘，又不失水準，下次ot又可以再食！

1