新匯聚餐廳小廚

營業中

休息中

放工同朋友去食飯，朋友話佢之前去過一間工廠嘅餐廳食過返唔到轉頭，於是一同三人就去觀塘成業大廈食隱世餐廳，結果真係不負眾望，勁好食！我哋去到餐廳門口就見到人龍眾多，因為要知道觀塘是一個工業區來的到了晚上理應就變咗死城，在晚飯時間竟然排滿人龍等左一陣間終於有位入，入到去全場爆滿，餸菜嘅香味編佈餐廳蜜蜂欖角骨係呢一度嘅招牌菜，個個嚟到都係必食，一字骨炸到脆身，外層用蜂蜜和欖角包住，識落甜中帶鹹，非常開胃芝麻雞外層炸過，編佈芝麻粒，雞肉好嫩滑，雞肉個底味出哂黎西芹炒斑腩食中餐一定要叫炒菜就知道餐廳的師傅是否到家，西芹炒完都仲係鮮綠色，好爽口，值得一讚喺度嘅斑腩，斑腩肉好結實食落有口感而且醃嘅味道啱啱好，將斑腩的鮮味逼出來最後叫左呢度嘅招牌飲品鮮檸蜜，好潤因為飲品入邊加入蜜糖再將梳打水同檸檬攪勻感覺都幾特別幾新鮮

中菜平時好少食,不過朋友話觀塘呢間餐廳啲質素好好,果然入到去係full house咁濟,咁應該質素好好啦!芝麻雞呢度既芝麻雞好出名,點都要試下雞皮超脆身,上面加左大量芝麻,而且味道好惹味好欣賞佢既雞皮,平時唔食雞皮都要食!因為呢個係精髓黎呀!雞肉本身就好嫩滑,唔覺鞋口避風塘茄子見到茄子件件脹卜卜,唔食唔知,原來唔係淨係得舊茄子咁簡單,原來茄子上仲放左舊蝦膠蝦膠超大舊,仲大過舊茄子本身,而且好鮮味同爽口配料就用左好多蒜頭.辣椒,葱整成,味道香辣濃烈,炒得香口茄子皮就微脆,入面仲幾juicy,正!豆腐炆頭腩呢個又係好出色,個魚係超嫩,魚味勁濃,完全唔係出面個啲比啲雪魚你加上佢出面既槳粉唔厚,魚肉部分超多,真係勁抵食其他配料例如豆腐,冬菇,燒肉都係炆到入哂味豆腐仲係用左台灣黎既豆腐,唔係一般市面可以食到呢碟真係好有誠意!

一入門口見到都幾多人食，諗住會好食。地方大，叫做坐得鬆動d。男服務員好客氣地招呼進內，門口堆放住大量用過既餐具。以上“優勢”諗住食物應該都五差，點知中伏價錢貴得黎又五值，d人會幫襯既原因一係第一次黎，一係味覺失調。

這一間"新匯聚"，號稱是從前身處在未拆前的牛下內，但大約十年前小弟也好歹曾在附近住在一陣子，那時經常在牛下四圍鑽的我，竟對這位牛下舊街坊沒有留下甚麼印象的....裡頭的裝潢氣氛，和從前牛下的排檔當然截然不同，起碼環境是更寬敞更整潔。不過光看餐牌的陣勢再加上侍者的招呼以至服務態度，都仍留有不少昔日排檔的痕跡 ---- 餐牌內大部份都以鑊氣小炒為主；侍者的打扮超街坊，招呼雖粗枝大葉但勝在夠親切不拘小節....太太不是屬一個經常吃，或很喜歡吃排檔的人。但當她每次有機會去排檔時，第一時間她就會說要點這個....好一個件頭十足的沙嗲粉絲肥牛煲。沙嗲汁個人認為可以弄得更杰身更濃一點；不過料夠多，肥牛片也很嫩；金菇帶來的甜度亦足夠；量相當多的粉絲嗦盡了沙嗲汁的精華，絕對比肉更好吃....同樣偌大的一碟金銀蛋紹菜，紹菜在吸盡湯汁底下食自是甜上加甜；皮蛋蛋黃沒現啞色咬下去也不覺有怪味；鹹蛋既有黃也有白，相比起出面好些排檔弄出來，只是一味得鹹到苦的蛋白的，自然是更勝半籌了....至於小友指名要點的，竟是有差不多一整只碟那般大的炸豬手....這一類德國式炸豬手，最要緊，好食的關鍵一定是要有極脆極鬆化而膠質夠

暖笠笠既晚上…過兩日有朋友會飛紐西蘭做野話出黎食個飯見下面！所以我幾同意之前間連鎖店既slogan”朋友係要見架麻”今晚點左…芝麻雞半隻 - 因為有芝麻所以已經聞到好香！雞皮都幾脆！不過覺得太子有間芝麻雞仲正！什菌一口牛脷 - 呢個就味道唔錯但又太牡出！咸蛋西洋菜肉片湯 - 份量夠哂大！3個人都每人分到3碗！有菜有肉！味道唔錯！有小小懷疑加左小小”師父”呢間餐廳其他野食都唔錯同有個鮮檸蜜都唔錯！因為都幾爆場下！記得訂下位！

週末放工，總要食過午餐，才有動力去逛街，午飯又過左了，唯有就係食個下午茶頂住先啦！知啦，下午茶的份量唔會多，食一個，又驚唔夠飽，點好呢？朋友好介紹，附近有一間廠廈內的食堂，大件又抵食的扒餐，包你食得飽飽，一個茶餐價錢多些，就可以鋸到扒。其實這間飯堂，我早就食過，一時想不起，再次食過吧！仲有更低食的推介，6人同行一人免費。我今次點左燒春雞拼豬頸肉、炸薯角、雜菜，半隻燒春雞，都幾大件，豬頸肉烤得焦香味，仲保留了肉汁，爽彈十足，雞肉嫩滑，入味，皮脆，切開肉汁流出，配上黑椒汁，但黑椒汁唔夠濃辣味，唔係，口感層次更一流。有氣鮮檸蜜，清新口味，係秋冬日子飲，倍添滋潤，解渴！

呢到真係底食 份量又多 又經濟 又好味所以我地兩個人 今次只叫左兩道菜1. 話梅骨 $8x極力推介好好味 不會溜 又唔鹹 又唔會熱氣 好野味 我自己食左一大半張相係我已經開動左。哈哈。掛著食 後來先記得影相2. 沙薑芥菜 $50係用沙薑粒溝豉油做的汁淋係芥菜上面 唔係個d沙薑醬 味道好真實 有沙薑的濃味 芥菜亦唔會好苦 呢道菜比較清淡 如果重口味的朋友仔就未必鐘意我地仲叫左杯野飲 唔知叫o羊 有檸檬話梅味加7喜 都係指住👇🏻叫的（之前一大班同事食影的）味道好特別 好鐘意

老闆介紹下點左幾樣做晚餐豉椒炒蜆：蜆好大隻好厚肉 配上豉椒炒 好食雞軟骨配九肚魚： 要係一堆蒜香粒裡面搵雞軟骨同九肚魚 軟骨炸得好香口 而且粒數都唔少 九肚魚夠滑家鄉炒粉絲：咪道淡左d 無咩特別 同量都幾多最後送上綠豆沙做甜品 飽曬!

午餐的時間，我和朋友路過這間茶餐廳，看見店內環境和座位十分寬敞同舒適，而食物的種類亦十分之多，除了鐵板飯，鐵板餐，三文治和多士，便決定入去試一試鐵板黑椒汁羊架併雞扒配蛋黃醬蛋白沙律($65) 爽脆和膠質黏感的炸薯角，清鮮爽口微彈的菜十分之多，煙靱的羊架，軟綿綿的雞扒，酸甜情膩沙律配上濃郁，十分開胃鐵板蒜茸汁牛扒配蛋黃醬蛋白沙律($65)厚身煙靭的牛扒，爽脆的炸薯角，清鮮甜美的菜，酸甜細碎沙律配上濃郁的蒜茸汁，這樣配撘恰到好處，又吃得健康整體來說，食物質素很不錯，份量十分多，價錢十分合理，店員有禮貌和友善，所以我認為這間餐廳值得再去惠顧

今日同屋企人食飯, 哈哈....有咩好食呢, DAD 話想叫餸食飯, 妹妹就介紹呢間位於觀塘工廠大廈裹面既餐廳, 原來呢間餐廳之前係牛頭角下邨搬過黎的. 所以除左外來客之外, 亦有好多熟客仔. 同埋我可能好耐無黎觀塘啦, 變左好多, 就連D工廠大廈都開左好多餐廳, 成條街都係食市. 所以都好旺.好彩今朝一早BOOK左位先, 真係好多人, 我地BOOK左都要等半個鐘.因為之前妹妹都黎過食, 所以今次佢拍板, 哈哈..不過都望下個餐牌有咩食先, 下次可以再黎食如果好食既話.未落單前, 妹妹叫左個小食先, 佢話因為真係好正, 之後店員問叫唔叫多個三拼小食試下, 我地諗都無諗就話好呢個就係DAD 最鍾意食既花調鴨舌啦, 佢既酒味都幾重下, 唔知會唔會醉呢....哈哈而呢個就係店員極力推介既三拼小食啦, 有麻辣貢菜, 開頭食唔係好覺得辣, 但麻味較重, 貢菜好爽口, 但食到尾就越黎越辣, 因為D油係哂底. 中間個款就係木耳冷盤, 都係有少少辣, 但就無頁菜個個咁麻, 我鍾意呢個多D, 最後呢款都係好好味既, 以大豆芽同好爽口既北海道花皮(即係海節)做既冷盤, 都係有少少辣. 食完咁開胃既小食之後

睇地址以為餐廳係工廈入面會好隔涉，點知去到發現係大街行上一層就到，樓下仲有餐牌棟住，好易搵！最重要係呢度收好夜，啱晒約埋三五知己黎食晚飯宵夜。今晚冇三五但有一知己，所以黎到“只係”叫左三個餸（其實二人既話每人一餸都好夠）另加兩碗白飯。招牌話梅骨：面頭鋪上三色椒，每舊上面都沾有話梅（黑色一點點），賣相幾吸引。肉身咬落好鬆軟，似食腩排口感，勾芡都做得幾好，入味唔會太漿住d排骨，有水準！芝麻雞：話就話都係呢度招牌菜，但雞肉有d老同乾身。好食既地方係佢既雞皮，面頭芝麻粒烘到好香脆，食落又唔會食口油，搞到平日唔好食皮（懶健康）既我都忍唔住口猛食 ：p金銀蛋炒莧菜：菜既份量唔多，且偏咸，想清d朋友建議可以叫少鹽或索性叫清炒算。臨尾每人仲送碗綠豆沙，當下有種好豐足既感覺。食完仲每人送碗綠豆沙。

前後來過兩次, 計埋呢次是第三次, 這店主打炸物, 小炒, 海鮮, 本人試過的以炸物為主, 炸物水準係同類型餐廳裡來講算是有實力的一間, 30/Sep又係週末晚上嘅好友飯聚, 友人KW在車電話內已發柯打- 牆上的荳腐!?話說牆上有張之”飽魚荳腐卷”料理嘅照片, $100/ 6件 好像算是着力推銷的菜式之一,但這道菜真的是令人有點失望, 因為荳腐同腐皮係無任何濃味的東西而那片罐頭飽片更是無任何鮮味的擦紙膠口感嘅物體, 只能靠個簿簿的蠔油獻汁帯一帯, 實在可以當作素菜一碟唯一有點味的是條菜芯, 豬肉菜式有招牌話梅骨$75同最尾叫的秘製鎮江肉排$75, 兩樣都係炸物一如既往無失手, 兩個都是最後來一個甜甜嘅獻汁, 話梅骨以價錢來說算好有份量的一碟,個獻汁其實唔會有話梅味,事實要將乾咸且酸嘅話梅跟炸排骨扯上關係,聽上去都覺得是物理上行不通,做得出也會是分子料理店的菜式不會是中菜館出現的菜式! 鎮江肉排則以斬大件的肉排一字排開上碟賣相是比較有些諗頭的了這獻汁亦不會吃不出是什麼鎮江醋嘅味道?只有個醋色- 比較上赤紅色就當係架啦,因為大部份客人只要有件甜甜地嘅炸排骨已經唔會投訴了, 反而食到醋嘅酸味

第一次在工廠區食晚飯，氣氛很好，很熱鬧。大排檔風格，在門口已見其魚缸，很多新鮮的海鮮。正!坐低見餐牌，很多選擇，有煲仔菜，有小炒，有海鮮。想食薑葱蠔，但已售罄，最後揀了幾個小菜。有獲氣

埋門就受到熱情招待。兩人用餐試唔到多嘢，杯的汽檸蜜真係正👍，芝麻雞，皮夠香脆，但肉質松散冇味，另外個客家豆腐麻麻地好味，比較清淡，同埋太過實凈，唔夠軟滑。飯後有免費糖水。有機會會嘗試下其他推薦菜式。

今晚慶祝朋友生日，大家都中意食小炒所以試下呢間，我地3個人叫左杏汁豬肺湯 (6~7人) 所以我地每人飲左兩碗，老火湯足料好飲之後叫左炒硯同田雞煲 都係非常夠獲氣，我就覺得田雞唔夠多肉。 再黎一個金銀蛋菜苗！ 我地帶左蛋糕 無cut餅費，仲話下次有人生日要提早一日出聲有壽包仔送！