新仙清湯腩咖哩專門店 (已結業)

有時響油尖旺行行下都唔知食咩好, 平時多數掃街而我最鍾意就係食牛雜不過下下出黎都係掃街朋友話天氣好熱不如搵間餐廳食下上網搵搵發現有間食牛既仲要拎左米芝蓮既小店喎~咁就岩晒啦一於去食門口細細可能唔多覺眼, 但一入到去發現裝修好有風味!D鐵閘位呀等等都好懷舊, 如果係文青黎影相應該都幾呃LIKE其實幾有FEEL, 我都好鍾意座位稍稍迫左D, 但係咁先係風味個MENU封面好鬼吸引, 樣樣都想食!下午茶時間更係叫番個TEA, 同行兩位都唔算話太肚餓但樣樣都想食! 所以叫左個一人套餐, 再叫左咖哩羊薄餅同金牌豬扒包餐依個一人套餐套餐$88 可以揀圖中既招牌清湯腩或者金牌咖哩牛腩 我就當然揀左招牌清湯腩濃濃既牛味, 自然, 唔人工, 食完唔會覺得味精呀乜乜乜口渴招牌清湯腩連蘿白都超入味! 正仲跟有小食拼盤可以四選二圖入面我揀左鯪魚肉釀青椒同鯪魚餅你亦可以麻辣牛肚同牛脷有辣有唔辣滿足到所有人啦鯪魚肉釀青椒同鯪魚餅都OK, 但相對就無咩驚喜喇仲跟碟時菜同碗白飯添 幾抵食菜心好青綠都夠晒嫩呀, 又無"渣"金牌豬扒包下午茶$28仲跟杯野飲豬扒唔會韌唔會痴牙岩岩好, 個包就一般啦我自己就鍾意食豬仔包果類多D

今晚同朋友打完波，超級肚餓，係佢屋企附近想食咖喱做晚飯，佢介紹左呢間米之蓮飯堂入到去鋪面唔算好大，但每一台都係食緊牛腩咁滯，朋友食咗個爽腩河，偷食咗佢一舊，發覺牛腩超級入味，亦都好爽同無根，超級正而我叫咗個咖喱牛腩飯，咖喱汁好濃唔算太多椰汁，但反而個咖喱味好突出，會令你不自覺撈飯食，但牛腩相對無爽腩咁爽咁好食，但加埋咖喱汁同白飯，冇得頂

店鋪裝潢很別緻我急不及待叫左個濃味崩沙腩最好味嘅一塊，通透有質感，牛味香濃瘦的部份有趙口，吾鞋其實碟底的蘿蔔更好吃，因為蘿蔔本身已經好甜，加上索晒牛嘅香味簡直是全碟嘅精華所在胡椒牛尾，好香胡椒味，好林，但啲肉又吾會散，炆嘅時間掌握得很好薑粒冰糖薏米水，好清甜，又有粒粒嘅薑食完濃味嘅牛腩再飲返啖，真係超正啲薏米好林，飲落又似阿媽㷛嘅Feel 添

是晚娘親罷工，成為「無飯家庭」既我又要離家醫肚了⋯當然不會是食獨腳飯啦！慶幸我有一個隨傳隨到既飯腳朋友^_^今次都係揀左一間近地鐵站既食店，係門口驟眼望店內唔算多人，所以都唔使點等位。店內裝修以舊香港設計主好吧看餐牌！呢間比我上次食個間多好多選擇🙈朋友佢揀左佢好耐未食過既清湯腩河粉-份量都幾足料，因為都頗大碗⋯所以可以兩個人share食。牛腩入口嫩滑，湯底清甜。河粉入口滑溜溜，不會一夾就斷，煮得岩火候。而我就揀左佢個咖哩牛腩飯-牛腩就選擇了半肥瘦，咁入口就唔會有咁多渣。咖哩汁有不同辣度選擇，可視乎自己食辣程度，而我就揀左少辣。咖哩入口先辣後甜，薯仔同牛腩煮得好入味，呢個會係撈飯之選！左係檸賓，右係蜂蜜薑汁薏米兩杯都算係夏日之選！而當中薏米水應該是最解暑、解渴吧！

今日同朋友行開油麻地，見有間清湯腩食店寫住米芝連推薦，望下入面裝修幾靚就入左去。店內裝潢以懷舊香港為主調，有舊式公屋窗户和大排檔等裝潢，彷如回到過去。我地一行兩人叫左一個咖哩牛腩湯河，清湯腩飯，一份麻辣牛肚同一杯蜂蜜姜汁薏米。咖哩牛腩嘅咖哩偏濃，好香咖哩味，將咖哩牛腩放落湯河食係一個好好既配搭。清湯腩份量都幾多，我地叫左員工推薦嘅半肥瘦牛腩，脂肪比例幾好，食落唔會太肥太瘦，口感一流，而清湯亦可以更好地突出牛腩本身嘅味道同口感。到小食麻辣牛肚，本身睇佢個色似冇乜味，但一食落去先知真係好麻辣，牛肚亦算爽，唔會好難咬開，建議愛食麻辣同牛肚嘅朋友不妨試試。另外我地叫左一杯蜂蜜姜汁薏米，係香港比較舊式嘅特飲，以前細個屋企都成日整。呢度呢杯都好好飲，有好清香既蜂蜜味，加上少許姜味恰如其分，一定要叫一杯試下。

聽人講左呢間米芝連食店好耐今晚終有機會拉埋表哥仔陪食到底有幾耐未試過兩條友一齊坐底食飯呢餐廳大約6-7張枱左右點選了$88一人餐再加其他野食一人餐包咖哩牛腩飯+兩款小食+菜+飲品先來主角咖哩牛腩 牛腩非常軟林咖哩味十分香濃 帶有微微嘅辣 送飯一流麻辣牛脷同釀青椒 俾人食晒🙄我地另外叫左蝦籽雲吞麵麵底超爽口 雲吞皮薄蝦肉超彈牙 正👍🏼最尾加左個黑白胡椒煨牛尾牛尾超香濃胡椒味 煨到肉質軟林好食 不過略嫌份量太少😅

唉，話時話宜家閒閒地係旺角，銅鑼灣食串牛什都成30蚊，真係貴到離晒譜！今日老公話話聽同事講，有間米芝蓮餐廳係食牛架噃，帶埋我去，Yeah, Let's go！餐廳係油麻地站B2出口，上到地面過一條馬路就到啦！店舖唔算大，裝修好有六，七十年代既感覺，幾有特色！我地叫左兩個常餐，金牌咖哩薯仔三寶飯+咖哩牛筋牛肚飯:三寶飯餸菜包括牛腩牛肚牛脷。牛腩，牛脷各有三件，牛肚就較多，牛腩分三種，爽腩，崩沙腩，坑腩，唔知呢個係用咩腩呢？我個人最中意牛腩，牛腩十分嫩滑，一D都唔un，食完唔會攝住啲牙，肥瘦度適中，瘦肉部分比較多，亦十分爽口，難怪可以成為連續五年米之蓮推介！而牛肚就爽口彈牙，牛脷屬於厚切，厚度大概有0.5cm厚，鮮香爽口，肉質細膩，三寶都係佳品！至於咖哩，係巴基斯坦咖哩，起初以為東南亞地區既咖哩會好辣好嗆喉，但原來好甜，似日本既甜咖哩咁，用啲咖哩用黎送飯一流！另外，我地唔夠喉，叫左個奶油豬Share~奶油豬脆卜卜，新鮮熱辣上枱，配合牛油同煉奶，甜甜地好開胃，而且價錢唔貴，大大個都止係$15咋！值得一讚係呢度既特飲，我地叫左常餐加$6有特飲，叫左"咸檸檬蜂蜜"同"蜂蜜薑汁薏米"，咸檸檬蜂蜜，

第二次再泥食呢間餐廳食, 今次食豪佢, 果然真係米之蓮的餐廳先說牛腩河, 真係每舊腩都好淋, 而且每舊腩都真係好入味既, 望下d紋理真就知唔係交行貨啦！另外湯味都好清, 應該唔係味精湯再說是特脆豬扒包個包真係好脆, 原先以為會係原隻豬扒咁夾落去, 點知係一粒粒粒切好晒既真係好有心思呀, 豬扒唔會好硬, 每粒都好有咖哩味同好淋, 就算個包有咖哩汁都好, 都唔會令個包淋晒唔脆點了麻辣手撕雞, 麻辣味真係好重, 而且手撕雞每條雞肉都好平均, 撈晒所有麻辣醬之後真係好正

平時去開旺角做瑜伽會周圍找野食，今次比我找到間未食過的仲要係連續4年米之蓮美食之牛腩美食……咁就二話不說入去試下先。好有特色喎……好有舊香港感覺，有鐵閘和大相片都幾特別。餐牌以大相為主，簡潔又清楚，最好係餐牌後面有寫明牛腩位置十分清楚。Premium skirt steak noodle 甘香爽腩米粉 $46：兩層筋腊及脂肪包住，肉汁最甜，口感都好腍身，不過肥少少，但好香口，米粉分量都足而湯底好清有牛肉香，味道的確不錯。Stuffed bell pepper with minced dace 鯪魚肉釀青椒 $28：黎到熱呼呼好香呀………食落去熱度夠好香青椒香而鯪魚肉爽身好味，再加上豉油比較杰身黏到青椒又吾太咸，絕對推介。Numbing spicy beef tripe 麻辣牛肚 $25：以為小小辣醬就算……點知食落去好有麻香味又另一番辣度……牛肚有彈口加上麻醬好野口。Citrus honey 咸檸檬蜂蜜 $18：平時飲得咸檸七多，今次第一次飲蜂蜜，味道清而香蜜糖香加少少咸檸檬味好清新消暑。

一人a餐 88 蚊淨清湯腩 清湯肉味濃 配以煮得超林身既蘿白 而牛腩肥瘦適中 配合少少油脂， 要黎撈飯唔錯青椒， 麻辣牛利虎皮尖椒 熱得黎有少少辣 比較窄身 釀鯪魚肉 比較煙韌彈牙， 牛利 充滿住麻辣味 口感有筋有咬口上湯時菜生菜夠新鮮白飯 夠大碗加2 蚊 凍齋啡咸雞例 60 蚊雖然係例 但都算大碟 咸雞味道真係偏咸 雞肉嫰滑 就算雞胸口感都唔鞋 配以薑蓉都係撈飯佳品

返工成日要出去食午飯 你都咪話唔難諗有一排我都寧願帶飯返公司食 始終食來食去都係個幾間 無黎新意咁不過呢排轉左另一間公司幫手 位處油麻地油尖旺出名多野食 緊係暫別帶飯團隊 出去搵下食啦途經一間餐廳 佢寫住米芝蓮推介左幾年咦！ 可以一試喎 眼見入面都人頭湧湧 有信心 香港其中一樣美食 可以話一定係牛腩特色之制作方法 令人印象深刻 雖然我唔會成日食 但一定揀黎食！！好多野揀 本來諗住試下佢個巴基斯坦咖哩牛腩但諗諗下 熱天食咖哩有啲重口味 最終要左一人餐清湯腩 睇落幾抵食間舖個裝修好似係彷效舊油麻地 果欄 舊舖頭幾有味道同個感覺幾配合一個餐九十幾萬樣野 一個人食真係有機會食唔晒 有菜有肉有白飯 加杯薏米水 真係配合好個食物金字塔 清湯腩 味道清甜 不濃不膩 肉質林而有咬感 一絲絲既牛肉入口一咬即時會自動分開 清湯完全融入塊牛上面 加埋湯落啲飯到一齊食 令到胃口大增!!! 食完又無口渴既感覺  呢塊白蘿蔔我要比滿分!!! 用料新鮮而細嫩 食落完全無渣 超級清甜!!! 入味不在話下 白蘿蔔既味道都好出 如果咁一碟清湯白蘿蔔加飯我諗都可以食到一碗飯腩汁芥蘭 芥蘭唔會好苦 夠晒爽口幼嫩 食落索索聲加

小時侯獨愛濃味的柱侯牛腩，長大了卻偏愛天然鮮味的清湯腩。湯裡儘是牛骨精華的清湯腩，不需丁點的額外調味，鮮美的湯底已叫人拍案叫絕。天生愛吃牛肉，牛味出眾的牛腩更是我的至愛。首嚐這間位於砵蘭街的新仙清湯腩，回味無窮。新仙的裝潢頗具特色。一面牆壁是以舊式的綠色鐵窗框作裝飾，很有老香港的味道。整潔的實木桌椅，讓人多了份舒適的感覺。牛腩專家所提供的牛腩顯然會與別不同。店家提供不同的牛腩部位予食客選擇，主要有崩沙腩、爽腩和坑腩三種。除了牛腩外，店家都有提供其他牛的部位。除了常見的牛筋和牛肚外，連在一般粉麵店甚為罕見的牛脷和牛面珠都有供應。一幅牛腩中，肋骨位的坑腩佔一半，肚皮位的崩沙腩及俗稱爽腩的橫膈膜各佔二分一。崩沙腩 - 一隻100斤重的牛只有約10斤崩沙腩，位置在胸骨外圍，橫膈膜附近。一塊崩沙腩帶齊筋肉膜膏，香軟爽滑，肥瘦最是剛好。爽腩 - 崩沙腩鄰近肚皮的位置，帶著軟筋膜又連著少許肉，口感爽脆，煙煙韌韌，有軟有糯，因而得名爽腩。坑腩 - 通俗來說就是去了骨的牛仔骨部位，因去骨之後肉呈坑狀而得名。坑腩的牛味最香濃，肉帶著筋膜，肥瘦相間，最適合燜煮，一次能吃到爽腍兩種口感。崩沙腩河崩湯腩筋膜相連

油麻地砵蘭街37號地舖一碗平實的麵食, 是民生的食品, 數十元的一碗麵,卻獲得米芝蓮推薦, 想必有一番實力。店內的裝潢走新派的路線, 環境以港式麵店來說算得上不俗,相信背後有找設計師來實踐理念吧!蕃茄雲吞米粉 $38 用上了很多鮮蕃茄,並不是用罐頭蕃膏瞞騙過去,湯頭自然有鮮蕃茄的酸酸甜甜味, 更有很多蕃茄肉浮在面上,肉眼已經看到真材實料。米粉本身不帶味, 吸了點蕃茄湯好迷人, 蕃茄肉酸咪咪中滲著清甜。雲吞有金魚尾一口一粒, 咬開看到滿滿的蝦肉同豬肉,女生一碗吃完剛剛好果腹。$24特脆咖哩豬扒包,意想不到個包外層烘得好脆, 豬扒切了粒, 其實完整一塊會更好,起碼可以用牙撕開豬扒更暢快開心。咖哩汁比較稀身, ,微微辣勁很香 ,要盡早食不然麵包會吸了過多汁變糊影響食感。蘿蔔$16沒有渣, 長時間煮完好腍,吸了湯又煮出甜味!!!!飲品蜂蜜姜汁薏米, 薏米去水腫呀, 仲有一粒粒薏米煮到好腍可以食,更有食到混了好似馬蹄一粒粒的爽口感覺,$18一杯一定要點上來喝。

原本今天相約朋友行山，不過一清早就下雨，唯有改為室內靜態活動。看完戲之後剛好是吃下午茶的時間。大概下午三時左右，過了午餐時間，平日的下午茶時間特別少人，不用等位。店內的裝修很有老香港的味道，雖然不是出生於那個年代，但都有一種很親切感。餐牌的選擇非常多，亦有提供常餐、下午茶餐，不過今日都想一試最出名的腩河，所以還是散點了。下單不久，熱辣辣的腩河就很快上枱。*濃味崩沙腩河($46)通常外出吃的時候，都只有牛腩、牛腩和牛腩可以揀，而這裡打正旗號是湯腩專門店，只是腩都有三個部份可以揀。如果你和我都是對牛腩沒有什麼研究，不要緊，因為餐牌後很清晰的解剖了每個部位的口感，所以一定不會點錯了。因為偏愛爽口，所以其中一碗點了崩沙腩。崩沙腩即是牛的橫隔膜，是最煙UN彈牙的部份。咬一啖，果然沒有錯。除了煙UN彈牙之外，崩沙腩亦熬得入味。*鎮店牛雙寶湯河(牛腩,雲吞)($46)當然最基本的牛腩都要一試了，還有雲吞亦是頗出名的，為了一次過滿足兩個願望，二話不說點了鎮店牛雙寶湯河。這是我們平時一般會吃到的部份，牛腩好淋，而且和崩沙腩一樣，都熬得很入味，不過要淋的話就要接受它真的帶點肥，不過肥瘦尚算分明，怕肥的朋友

事隔多年，今天和友人再度重臨"新仙"....從此像茶記般的老土裝修已不復再，就連店的招牌logo都換了個新的....已記不得這裡現在是否仍屬車胎人的推薦美食。於我而言，某地方是不是甚麼米芝蓮星店實在毫不重要，最要緊的是食物是否啱自己的口味，如啱食的話，那店就成為本人心目中的米芝蓮星級舖了....肚子大餓，除了牛腩之外一口氣還點了這裡好幾款有代表性的食物 ---- 來得這兒，怎能不叫清湯腩 ?咬一口久違了的牛腩，肉不幸地有點過硬韌但又未至於完全咬不開，再加上肉是帶半肥的而皮是有少許彈性，故此算是打了個平手；反而本身為大配角的蘿蔔卻是盡嗦湯汁的精華的好貨色，入口十分淰不存在著任何的筋渣；清湯喝得出有香料味不過味道稍為偏鹹....和好友談起在本地的清湯腩專門店，無論是這裡抑或是甚麼"生 x"等的連鎖舖，除招牌的牛腩以外還有像蕃茄豬潤米線及咖喱等其他東西供應。好友問起其緣由，小友現在想起也為之語塞不知何解....這裡弄的咖喱是秉承自巴基斯坦的風格，用了大量洋蔥熬製的出品。咖喱雖稍稀身但卻吃到滿口源自洋蔥的甜香，辣度方面對我來講是適中的甚惹味，以之來伴飯吃是絕配。在這一刻，所有的配料三寶如牛筋、