新仙清湯腩咖哩專門店 (已結業)

也是幫襯多年之店，又係出門口見車就上而去到油麻地，當然去連續4年獲米芝蓮推介之新仙清湯腩，幾星期無到訪，原來轉哂新餐牌，無咗某些下午茶，但多咗A1-A7、B1-B9、C1-C9嘅新仙常餐，供應時間上午11時至下午6時，配熱飲(凍飲加$)。點了B1，金牌咖哩薯仔三寶(牛腩，牛肚，牛脷，$62)，咖哩是巴基斯坦做法，比較杰身，咖哩足料之餘味道亦比較濃味，有分大中小辣，點小辣，是我喜歡之味道，牛脷本身是我常點的，幾好咬口，另牛肚一樣夠淋身，牛腩就不過不失，每樣都有4件，但薯仔無炸過，無咁好食，整體上合格，笑臉是給咖哩同牛脷。飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料又無味又不夠凍，真失敗！

是夜到中醫覆診, J先生還是想食 - 新仙清湯腩可口可樂 $4看到這句唱詞; J先生笑了濃味崩沙腩 $120 (例)牛腩炆得軟腍又帶濃郁牛味; 嚼口的崩沙腩!J先生覺得坑腩好味道些!一人套餐 A $88金牌咖喱牛腩 (小辣) 辣而香的咖喱牛腩; 份量好像比之前少了些白飯飯質太腍...沒有飯香生菜一碟小食拼盤(鯪魚肉釀青椒 + 牛肚)J先生說: 兩款小食就一般淨脆豬 $18豬仔包焗得過燶...可惜薄餅沽清了新仙 總結: 值得一試!

J先生念念不忘...上月光顧的牛腩店 - 新仙清湯腩餐廳環境不過餐牌...已經改了; 當然價格也加了!餐單一級坑腩 $120 (例)坑腩炆得剛剛好, 軟腍適中; 蘿白甜又軟咖喱薯仔羊肉咖喱薯仔羊肉飯 $54 (小辣)羊肉羶味被咖喱醬蓋過了; 肉質夠軟夠腍, 又帶少少辣味薄餅一件 $8 即叫即整!今日我沒有胃口...只食了少少!新仙 總結: 一定要試!

最近要看中醫, 所以在油麻地附近尋找美食...J先生挑選 - 新仙清湯腩餐廳環境餐牌餐單二人自選套餐 $158金牌咖喱牛腩 (小辣, 半肥瘦) 牛腩炆得剛剛好, 軟腍適中; 咖喱醬偏深色, 又有辣味又香柑桔蜜咸咸柑桔味!青檸檬七喜J先生話: 不錯!蝦籽雲吞雲吞皮薄; 蝦肉彈牙鹹雞咸香味; 雞肉嫩又滑薄餅兩件即叫即整, 配咖喱新仙 總結: 一定要試!

心血來潮想吃清湯腩，曾聽聞新仙曾得米芝蓮推介，姑且試試~一坐下就嗅到強烈的酸餿味，最初以為是套著餐牌的膠套用久了發臭，故一點了餐就把它丟到遠遠的~點了個二人A餐~ 清湯牛腩(瘦)，蘿蔔清甜入味，牛腩瘦多肥少但不均勻，偏鹹~白切雞，沒有雪藏味，肉質實淨，鹹味剛好~蝦籽鮮蝦雲吞，蝦籽味淡，蝦肉爽實，帶少許半肥瘦豬肉餡，但欠缺鮮味~薑粒薏米水清淡微甜，少許薑味，薏米份量多~整體食品質素正常，沒有驚喜~但最驚的是最初坐下的酸餿味依夠長存，邊吃邊嗅到... 坐久了有點想嘔的感覺，不似是只從餐牌傳來，而是根本整間店舖都是這種酸餿味  我們也快快用完餐走了...

米芝連介紹唔一定貴價有時平庸更有深度環境用上懷舊街道風味設計！蝦子撈麵味道深層蝦子打入口，麵底彈牙爽口。炸雲吞香口夠脆身，上檯仲要沙沙聲，加埋杯香滑奶茶襯到絕！

好唔好彩喺網上搵到呢間出名咖喱好食嘅食店, 又因為想食完飯去食碧街嘅冷糕,but撞鬼, 冇開!........xd 兩點幾, 好彩仲有位......就叫個最出名嘅咖喱牛坑腩啦, 少辣. 雖然我d牙唔係咁有力. 飯嚟到, 忍唔住食啖咖喱先, 感覺冇乜嘢, 我就係嫌佢唔夠多渣囉! 洋葱好貴咩? 佢一定比唔上阿龍, 更比唔上生龍, 更加比唔上賣飛佛鵝頸橋街市惠記(可惜我而家好少過海)! ......冇計, 唔通嗌咗唔食咩? 但問心又唔算好難食,只不過係冇滿足感囉, 有名過於實嘅feeling囉(其實好多不知名嘅茶餐茶廳都好過佢). 一直食落去, 就開始覺得唔係好妥, 陣味愈食愈濃, 濃到喉頭唔係好舒服, 逼不得已啜多幾啖凍檸茶(好彩我醒目, 嗌定先), 牛腩算幾稔, 我牙仔軟都咬得爛, 少辣=一d都唔辣囉, 大㕑似乎太睇小我條脷喇. 條脷唔係好過癮, 卒之都係叫個奶油豬冚住果陣令我好唔likey嘅味~~~唔會有下次, 喺九龍我情願去深水埗生龍囉.......惠記點解唔喺九龍開分店呀?

考完試就嚟咗呢間清湯腩試下， 其實附近都有幾間，但見呢間話有 2年米芝蓮指南 幾吸引就試下!好好彩唔駛等位呀叫咗個咖喱牛腩飯同清湯腩(小)，2個都要半肥瘦，嚟到喇。。。 可能咖喱叫咗小辣，覺得冇乜辣味，哈哈。但咖哩的確有點“結”，是一般。 至於清湯腩叫咗細，但粉量都足夠，而且湯底都不錯！呀，忘了提一提，我地叫杯凍利賓納竟然加咗檸檬，很滿足！

之前見到團購話佢係米芝蓮推介食肆所以買左黎試下今日終於都約到朋友去用左張coupon喇 揀左清湯牛腩麵，麻辣牛脷，煎魚餅，芥蘭，薏米水麻辣牛脷：煮得好夠林，不過只係煮熟左牛脷之後係面到淋上麻辣汁所以唔入味，可以做得更好芥蘭：非常新鮮，脆綠色又夠脆牛腩麵：一黎到嘅時候覺得點解咁少嘅，完全見唔啲麵。不過原來份量都ok嘅，女士的話蘿蔔非常清甜，而且好夠嫩冇渣牛腩油脂分佈平均，林得黎又夠入味薏米水：普通左啲喇，隻甜味好假，好似係糖水再加啲薏米落去就算……

早前買了團購, 油麻地新仙清湯腩, 二人餐價錢$60, 原價$176, 團購介紹如下:連續三年入選米芝蓮推介名店的新仙清湯腩，亦是蔡瀾先生的嚴選餐廳之一。蔡瀾先生曾親自提筆形容新仙清湯腩的肉夠新鮮，入口即化，湯口夠濃，分爽腩、坑腩和崩沙腩，三種口感各有不同，不錯不錯。　新仙清湯腩每天嚴選的上等牛新鮮制作， 供應量非常有限，而且比市價高25%以上，但入口香濃充實，吃後齒格留香。而新仙清湯腩的湯底每天用百多斤新鮮牛骨 + 熬製百多斤上等牛腩再加秘制配方及加入多款新鮮蔬菜每天24小時不停熬製出來。由於新鲜味濃，更不需落任何香料去除牛的羶味，保持湯頭味道清甜。新仙的超人氣咖哩菜式, 是採用三十多種香料及大量蔬菜熬成咖喱汁，再配上如牛腩 / 豬扒 / 雞扒等主角，肉香四溢於咖哩中，美味非常。新仙的麻辣金錢肚及麻辣牛脷，乃用新鮮濃郁湯底浸製而成，口感爽脆之極，實必吃佳品。黑白胡椒煨牛尾是新仙招牌秘寶之一，胡椒味香牛骨湯底味濃帶甜，淡淡驚喜，一試難忘。 我們叫了清湯牛腩河、咖啡牛腩河、牛尾、麻辣牛舌、凍薑汁薏米水、凍利賓納牛腩始終是配河粉最夾, 湯底幾清甜, 蘿蔔通透無渣, 咖喱味道似是多種食物/

有圖有真相既然上當，同大家分享經驗…用團購卷消費、這是昨晚 (5/8) 拍的，當時向員工反應，碰巧老闆都在，老闆說份量經過過磅，這樣牛腩份量的標準，我只能說，我在香港未嘗過如此迷你既牛腩河(面)，7月29號，當時已覺迷你，明白一分錢一分貨，但第二個星期去，比第一次更迷你，希望能退款。份量少還少，公道黎講，佢地既牛腩做得好好味！

買了六十元團購餐一試,差不多七時的星期五,人多但幸好有位,夏天略嫌冷氣不夠。團購粉麵份量奇少且質素不一，我女人的牛腩比我的肥得多，差不多一半是肥膏，小食更是小得不堪一提，唯獨咖喱汁較可取以解我撈汁派的情意結。順帶一提，咖喱可選大中小辣，吃得出香料並不馬虎。還有一小缺點是玻璃門太難開關不利生意興隆，若不然以米芝蓮推介將更旺場。

今日有人心思思掛住新仙既牛腩，所以一放工就即刻過黎食喇！ 其實呢間餐廳係爸爸介紹我地食，因為佢本身好鍾意食牛腩，咀刁又好有要求，吾係間間都滿足到佢架！ 呢度亦都係佢既飯堂！7點幾黎到，已經座冇虛席咁，好熱鬧 不過大家都快食快走，所以好快就有位喇。味道依然keep住，但牛腩就好似比上年少左嚕 有啲吾夠喉tim 男朋友仔話好味 其實食飯餐應該選咖哩會好啲，有汁送飯麻 不過佢吾太受得辣，所以都係同我一樣 清湯 啦！再叫多個小食 上湯蘿蔔每次黎食都必叫的，夠入味，又好清甜！正！

其實都不知幫襯了新仙清湯腩多少年，亦沒有管它是否米芝蓮推介，只要喜歡吃的便會幫襯，本身自己喜歡吃咖哩、又喜歡吃牛腩/清湯腩、又喜歡吃牛脷、更喜歡吃羊架，基本上餐牌有咖哩字樣的食物全部都吃過，而大部份客人都專程到店內品嚐清湯腩/坑腩/爽腩，反而今天我想吃羊，想點羊架但又唔想咬到骨，所以點了咖哩羊肉飯($48)，單看羊肉兩字，相信好多人都會覺得是羊肉片，最多是羊肉粒，但新仙出品就是有羊肉粒及羊腩連皮的，那有不好吃的道理？咖哩是巴基斯坦的，同港式咖哩不同之處是比較杰身、足料及濃味，之前試過大辣，辣到頭頂冒汗，今次點了小辣，可吃到辣味之餘又夠味濃，薯仔夠淋、薑片又好入味，而白飯配上咖哩汁，正！相信好多食友如我一樣，都已經好少飲檸茶，原因相信不用說了，而新仙的檸茶本身已經不好喝，所以點了凍奶茶(加$8)，跟其他餐廳無大分別，不過一定好過飲檸茶。

今天到電影中心睇戲，豬頭人推介到「新仙清湯腩咖喱專門店」，單聽名字…已合傻仔敏的胃口啊。傻仔敏點了一碗清湯牛腩麵，湯底充滿牛香，十分濃郁，麵伴著湯同吃，正。牛腩嫩滑，很不錯。清湯蘿白香而且無渣。豬紅很香蒜蓉味，唔會一夾就散。豬頭人的是牛坑腩撈麵，牛坑腩超好味….又咬口，又夠牛味，麵又彈牙。百多元就食得飽飽又好味，下次再來食咖哩。