文輝墨魚丸大王

營業中

休息中

凍凍地，食碗粉暖下肚，黎到銅鑼灣幾出名既墨丸大王食碗粉。墨丸彈牙，有鮮墨魚既味道，同平時食既好唔同，每次幾乎都會叫墨丸米線，但今次先留意到有紫菜，湯底好清唔會太咸，特制辣椒醬好惹味好夠辣，正！

自從各大 #米線店 冒起，好多 #香港人 都轉咗口味😚 不過呢... #小秘書 比較專一，都係鍾情啲 #老店😬 呢日嚟到 #銅鑼灣，一心諗住過嚟買 #聖誕禮物 比屋企人，點知行嚟行去都冇乜心水😪 為咗爭取時間，都係附近食碗粉麵就算🍜 以往迫得 #水洩不通 嘅「文輝墨魚丸大王」，估唔到佢哋喺 #防疫 呢方面都做得唔錯，每張枱都只係最多坐兩個人，空間感比以前爭得遠😉 不過就係因為咁，未輪到嘅 #食客 都要喺門口排隊... 其實都係為咗大家安心啫，我接受嘅👍🏻 等咗大概5分鐘，終於輪到我😉✌🏻 例牌我要咗碗 #紫菜墨三鮮河，唔好睇碗河粉冇乜色水，只要喺湯底加啲 #魚露、#辣油，味就零舍鮮味🤤 至於咩叫 #墨三鮮？其實就係 #墨魚鬚、#墨魚丸、#太子墨魚 嘅配搭，咁當然仲要加埋啲 #紫菜 先至夠完美🤤 如果要我揀，我會揀墨魚丸做#文輝 第一位，人手打做，特別彈牙，食落仲可能仲會食到啲墨魚肉，口感好豐富㗎🤤 而每次嚟到，我留意到每枱都會有專人服侍，由落單、傳菜、埋單都係會派同一個伙記衝埋嚟，就呢啲小處都安排得咁周到，真係 #細心 呀❤️

同大少匆匆忙忙去銅鑼灣，因為趕時間，我哋求其食，入咗去文輝。上次食文輝，差唔多都已經有10年前響中環分店。我叫咗個紫菜墨三鮮河，大少要咗個雙丸河。所謂墨三鮮，即係墨魚頭，墨魚鬚，同墨魚丸。大少叫咗紫菜雙丸河，即係墨魚丸，同埋唔知乜嘢丸🤷‍♀️。其實我啲墨魚鬚同埋墨魚頭都冇乜味道，大少個碗雙丸河亦都冇乜特別，亦冇乜味道。只可以用一個字你形容，大碗，一定會食得飽。食下食下，我都問大少，我話你覺唔覺得食緊頹麵一碗，冇乜味道，得個飽字。後記：疫情關係，其實為咗顧客安全，我覺得唔應該比搭枱。食碗麵都係講緊15-20分鐘，食完就走，都唔會霸住佢張枱。但係我哋食到一半，張枱明明只夠坐兩個人，佢都要俾一個陌生女人坐落嚟搭枱，中間亦都冇比一塊板我哋隔住，完全冇諗過顧客嘅安全。本身已經頹麵一個，亦唔理顧客安全比搭枱，所以我俾劣評👎。

嗰晚我地去咗Pacific Place睇戲，睇完戲都差唔多九點啦。然後我地就坐叮叮落銅鑼灣搵嘢食，諗住食返碗熱辣辣嘅麵都幾好，於是就提議呢間墨魚丸大王喇！由於仲係二人限聚嘅關係，我地都要喺店外等咗五分鐘先可以入去。然後我地叫咗墨魚頭麵、墨魚丸麵同郊外油菜，好快就有得食喇！我覺得墨魚頭較香脆爽口，有些少墨魚味，反而墨魚丸完全冇墨魚味，比較淡口同多粉。所以下次都係齋點墨魚頭比較好喇！另外，加埋佢地嘅秘製辣油同醋，真係冇得頂呀！份量都幾多嘅墨魚頭，好有咬口！墨魚丸都幾大粒，但係冇乜墨魚味！我地都鍾意嘅芥蘭！

放學成十點去食消夜，成日經過文輝都冇食過今日去試下呢碗嘢好似好出名有三種唔同嘅嘢魚丸墨魚 鬚同墨魚仔， 都幾大碗，飲啖湯先，都幾好味，紫菜幾好食，點知啲墨魚完全冇味， 好似食舊膠咁…下次會揀第二樣食

這家店已經有數十年曆史，是區內的老字號。疫症期間人不多。店內裝修一般，點了雞絲紮肉米粉和蠔油芥蘭。整體來說味道還是不錯的。但價錢實在有點貴。一碗米粉居然要48元。連油菜要68元。整體來說性價比比較低。如不是貪方便絕不考慮。

已經很久沒光顧，趁今天要到銅鑼灣辦點事就吃個quick lunch。根據觀察，十個有7個進來就會叫「紫菜墨丸河」，其餘的如我就叫「紫菜墨丸粗/米...」，始終不離其招牌餸。紫菜份量足，全都藏在粗麵下；墨丸爽滑彈牙，唔削，不似得外間那些粉多過墨魚肉的假墨丸。最畫龍點睛的是隨麵附上的冬菜，再加上辣椒油，那陣香味是其他魚蛋粉麵店沒有的值得一讚的是姐姐會直接將消毒完的筷子小心翼翼地遞到食客手上，以便筷子會接觸到其他地方如枱面之類，接上手時仍是暖暖的。

以前中環返工，最鐘意去上環果間墨魚丸大王食lunch , 快平靚正最緊要真係好好味啱哂食完lunch仲可以去行街嘅我！我一向都係勁鐘意食丸丸丸魚旦墨魚丸嘅人，但係坊間嘅墨魚丸大部份都好難食！係好難食！有D死死實實完全冇味，有 D有味但係太多骨，食一啖都唔想再食！唯一一間稱得上自己係大王嘅 – 文輝墨魚丸大王！堅好味！喜歡食丸嘅唔好錯過，一定要支持只剩一間嘅好味小店！🍜🐙紫菜墨魚丸麵 $46雪白冇骨好大粒又彈牙又勁香墨魚味嘅墨魚丸，果然真係墨魚丸大王！加埋招牌紫菜，配上炒蒜粒，香蔥芫茜碎，成碗麵香到不得了！雖然想叫河粉！但我驚太大碗食唔哂，所以叫左影出黎冇咁靚啦幼麵， 懷念同埋好味！加上呢個價錢十分滿意！ 🐟🍜紫菜魚餃魚片河 $46 同事唔聽我嘅建議點了魚餃魚片，好彩魚餃好新鮮大粒仲好好味，紫菜同河粉加埋份量真係好多！ 話下次再黎！

今星期五再食銅鑼灣文煇墨魚丸大王$88八寶麵，我諗住是好似譚仔可以二人餐。原來麵底只是一人份量。兩人唔夠飽除了墨魚丸足料，湯底清，其他質素一般下次我叫番墨魚丸算吧

同事帶我去食未試過在銅鑼灣去又細，又多人，又逼的地方食飯$50，可去日式放題餐廳但lunch有定食，坐又坐得舒服雙拼墨魚丸勁足料墨丸加墨魚頭粉，粉又多，好飽湯底唔咸，唔多味精試了同事雲吞，皮太厚

紫菜墨三鮮河，啲餸全部喺個碗底，餸既份量都幾多。如果你唔撈勻啲紫菜黎食係冇味，所以要落啲辣椒油。雲吞麵就適中，蝦都幾足料。菲菜好嫩，出乎意料地好食。點下蠔油，幾好食。環境就真係比較窄同逼，同埋食完都唔坐得耐，要即刻走。

無論係門面裝修定話係店裡面嘅格局，文輝墨魚丸大王都係一間典型嘅港式麵舖，入到去真係好有地道風味。但其實唔單止係舖頭嘅外表，就連員工嘅工作方式都極之傳統，猴子幫襯當日就親眼目睹一項差啲失傳嘅奇技。猴子眼見佢哋員工落單嗰陣係唔會有落單紙寫低客人要乜，亦唔會有銀碼單寫畀客人，佢哋會直接嗌入廚房，而員工又會記得邊個客人點過啲乜嘢食，然後將食品送到客人面前。埋單嗰陣，員工只需要望望你食過啲乜，然後直接嗌收銀員收幾多錢，成個運作過程係唔需要任何紙張，可以話係環保嘅先鋒達人。講返正題，猴子今日試咗佢哋嘅紫菜四寶粉。河粉係幾滑溜，加埋紫菜更加一流，而魚皮餃、魚蛋同墨魚丸等都係幾港式嘅傳統魚蛋粉味道，而且份量都唔少，肚餓去就最啱。

文輝墨魚丸大王喺銅鑼灣都算幾出名～都好耐冇食，發現依家應該加咗幾次價紫菜墨三鮮河粉$46 係呢個地區來講, 都OK嘅至於食物質素方面就難講啲尤其是份量講緊嘅係墨魚仔同墨魚頭...墨三鮮河有兩粒墨魚丸、几舊墨魚頭／腳，同埋BB墨魚仔今次食，成碗麵得兩隻完整嘅BB墨魚仔... 另外有三隻 剩係得上半身... 冇咗啲腳😅😅😅我試過有一次好好彩！成碗面有10幾隻墨魚仔，所以話都要睇你運氣河粉同紫菜都幾多食完飽晒~ 簡單清淡午餐~

唔知大家記唔記得「文輝墨魚丸大王」鋪入邊係有一缸好長好大條嘅 #龍吐珠 㗎，不過自從裝修之後就冇咗啦👉🏻👈🏻 自小喺 #港島區 #讀書 嘅 #小秘書，放咗學好多時都會同啲 #同學 喺 #銅鑼灣 流連，「文輝」就係我哋其中一間食堂🥢 而 #小秘書 每次都會叫佢嘅 #紫菜墨三鮮，貪佢乜都有吖嘛😉 #紫菜、#墨魚丸、#墨魚仔、#墨魚鬚 每樣都有少少，加埋啲 #芹菜粒 喺 #河粉 上面，再滲埋啲湯嚟食，充滿兒時嘅味道👍🏻 好難得食到啲 #墨魚丸 咁足料又鮮味😋 仲有呢我一定會加幾滴 #辣椒油 同 #魚露 嚟 #吊味，好食好多㗎！估唔到今次嚟幫襯都仲見返伯伯，佢同樣企喺同一位置幫大家落單❤️ 而每位 #伙計 就會照顧佢自己客人，無論 #轉菜 或 #加單 都會同一個做哂，真係佢有佢管理方法呀👍🏻

一間曾經我以為去銅鑼灣一定要去食嘅餐廳，曾經好食嘅紫菜四寶河，滿口鮮味，再加埋魚露，辣椒油，真係一流，但今日只覺得係一碗屋邨魚蛋粉，墨魚冇鮮味，份量一般，但有一樣冇變過就係要你快D走