文輝墨魚丸大王

營業中

休息中

一入門口就見啲師傅將墨魚打做丸叫咗碗墨丸河，河粉嘅口感比出面其他餐廳偏硬身，所以浸耐咗喺湯啲河粉都唔會𣺉或者爛，個人幾鍾意🤩墨丸係真係真材實料嘅感覺，雖然墨魚未冇話好濃，但食得出冇落好多粉去整，同埋會見到有啲墨魚未打溶😁佢哋自家製辣椒油真係好辣🥹 不過又唔會遮咗原本墨丸河嘅味😚食到尾發現辣油同湯已經融為一體，兩者嘅味都食到其實唔鍾意辣嘅朋友，唔落辣油，碗墨丸河都好有味，所以好鍾意總之而言，一定有二訪！

好耐冇嚟過一坐低 想睇吓有冇新嘅菜式選擇？睇清楚，菜牌大部份都冇改變聽到好多客人點菜的聲音紫菜墨丸河 紫菜四寶河 紫菜墨丸河 紫菜墨丸河…大部份顧客都叫紫菜墨丸河最後，我都揀咗 紫菜墨丸河 腐乳通菜 豆漿紫菜墨丸河 色香味 同以往一樣 都係咁好食 加埋辣油 相當刺激味蕾 在現在炎夏 食完汗流浹背 但係我好enjoy 腐乳通菜稍為鹹咗啲 豆漿都幾好飲 甜味適中服務態度 同以往一樣 麻麻哋 不過我唔介意值得推介 紫菜墨丸河 你仲可以買返啲辣油返屋企 都幾香㗎 要記住帶現金 冇電子消費 否則就要洗碗啦 🤣

見到個招牌就知入去食，一定係食墨魚有關嘅嘢，而佢主打係墨丸，同埋仲有墨魚三鮮我叫咗個墨丸米粉一食粒墨丸，係OK不錯，而且仲有魷魚粒食到但係係咪屬於好驚喜 我又未至於覺得一試難忘或者下次一定要再去嘅感覺，我見到大部份人好多都會叫墨丸三鮮我諗下一次我唔會再食墨丸，而係一定會去食墨丸三鮮試吓究竟係咪真係咁新鮮呢一次嘅體驗係唔錯同埋想講呢度沿用一個都幾特別嘅落單同埋單方法就係佢唔會有單寫俾你都係靠樓面夥計口傳口通知幾錢同落單喺別有一番風味喺度

這問老店，冇幫襯好幾年。今日想食light啲，諗住食品應該有保證，點知完全失望。時代改變，佢就一啲進步都冇。座位又迫又唔舒服，地下濕滑，伙記愛理不理，水都冇一杯，食碗麵，勁重鹼水，魚旦冇魚味，雲吞冇蝦，餃子冇料，皮又厚，得個鹹字。埋单兩個人$100，贵过茶餐厅，仲唔用得八達通。呢啲不識進取，賺盡一分錢的店舖，對唔住多年食客，早應淘汰！

已經許多年沒光顧此店，昨晚上課前打算簡簡單單吃碗粉，發現品質大不如前。所謂招牌的墨丸，絕不彈牙，連河粉都不對版。紫菜墨三鮮內有太子墨、兩粒墨丸及墨魚鬚，看來料很足。可惜太子墨及墨魚鬚都沒啥味兒，微腥，本身是冷的，用湯浸著都只有微溫。湯也是淡淡的，只好放點魚露提味。就算放了冬菜，亦幫不上忙。店員的態度嘛，要你老遠揚聲落單，阿姐懶得走過來跟你傳話。河粉連筷子上桌。但之後見到有客人入座，即獲派一雙筷子，檯面又不潔，只好拿著筷子再研究吃什麼。仍有一定水準的，竟是辣椒油，有勁道。

今晚 (28.2.2023)我到這間老店吃粉麵，因為 很久沒有吃過，所以特意來懷緬下， 誰知便出事了。我坐下便想到想吃牛肚墨丸米線， 因為這配搭是牆上餐牌無的，所以我問清楚店內的樓面，當時有一位年老的白髮男士回應我說是$50，我明白後便照樣點菜。當時是另一位女職員落單，但碗粉竟變了牛腩墨丸粉，當刻我沒有要求職員更換，照吃便算了 。直到我吃完企起身之際，有另一位女職員向我表示總數是$93，我感到驚訝，便問她原因，我說我計過是$91。然後她表示雙併粉是$52，我解釋我一早問過，有位男職員答我是$50，怎能到付錢時變了「坐地起價」。我不斷質問他們，為何餐牌沒有標明一般雙併的價錢？！他們辯駁說餐牌有顯示，我說哪些只是指定款式的定價，不是任何雙併的價錢。我補充若他們一開始有說清楚或澄清過，我會照樣付清數目。他們啞口無言。如果一開始是說錯了價錢，為何一直沒有人向我澄清，為何到我要付錢時才說是另一種計法，這樣我會覺得是被騙了(縱然金額是少錢)。這樣的服務態度，到底有沒有「誠信」可言，同時反映人與人之間的溝通問題需要被正視。

真係好多謝朋友介紹，未食過咁好味既墨丸，仲要性價比極高，一定會回頭！我同朋友都叫左招牌紫菜墨三鮮米粉($48)，即係有兩粒墨丸、太子墨、墨魚鬚，有極多紫菜、極大碗米粉，我覺得男仔食晒成碗都會好飽，因為真係好足料！食到底都仲未食晒啲墨魚😂🦑另外墨丸真係會食到一粒粒既墨魚碎，超彈牙超好味😻朋友仲話以前其實仲足料！成個湯底都好清淡，我落左超多醋🤣呢度既辣椒油比較特別，可能係自家製，同出面食開嘅粉麵檔味道唔一樣，仲有魚露可以俾你自己加，因為覺得呢到既墨丸實在太出色，下次會叫紫菜墨雙鮮🤭

耐唔耐都會去食，不過上次都差不多一年前。紫菜牛腩河 - 河粉還可以嘅薄簿哋，湯都同以前差唔多，不過個牛腩就唔夠淋，仲有少少硬硬哋，個味同以前就差少少啦。成碗粉就份量就咁多年都差不多，一樣咁大碗，料又多，$48一碗喺銅鑼灣都算ok嘅。店咁多年都差不多冇乜改變，亦一様成日咩時間都坐滿人👍🏻

已好久沒來。今天剛好在附近，便走去試試。門面依舊，店內環境依然。職員還都是上了年紀的一群。價錢當然比往年上漲。以前最喜歡紫菜墨魚丸湯河粉，今天來到就即點這個。湯底味道非常淡，唯有自己添加魚露。一碗有四粒墨魚丸。墨魚丸質素比以前差了，墨魚成分不及當年，現時口感沒那麼爽彈，層次感減退不少。墨魚味道略淡。河粉雖然較以前的沒那麼爽滑，但是還可以的。加上有紫菜和冬菜粒，味道上也比較沒有那麼單一。唯一比以前較好的是衛生情況，可能以往太多客人，不但坐得擠迫，店員也未能好好清理桌椅，便要安排輪候客人入坐。今天沒有太多客人，相對衛生較以往好。

呢一排成日都響銅鑼灣渣甸坊出入，附近的食肆，下午茶都差不多全部幫襯過。文輝好耐都冇幫襯過，所以入去整返碗墨魚丸河粉。墨魚丸河粉到，大大碗河粉，墨魚丸有四粒，品質都唔錯，爽口有墨魚味度。幼河粉，但係厚身，唔算滑，唔難食。份量好多。至於湯底就不敢恭維，墨魚丸河湯底竟然係十分之辣，可能係用了太多胡椒做湯底。至於普通一碗乜蛋河粉或麵，都要$48，以銅鑼灣咁嘅地區，價錢都係咁喇。鋪面唔係大，都企咗上七八個夥計，等嘢做。下午茶時間，冇下午茶。

去銅鑼灣見完醫生，他說要戒口，好似冇啖好食便想到去吃個魚蛋粉。好耐冇幫襯「文輝墨魚丸大王」好想食濃味嘅東西，但要戒口所以只吃了紫菜魚蛋河和一碟韭菜花。魚蛋河份量都幾多，魚片感覺好新鮮的味道，魚蛋彈牙，湯頭本身比較淡，但配合了碗底的蒜蓉油及紫菜的鹹味就剛剛好。韭菜花鮮嫩爽脆，這個時候最啱食。

係附近按摩，出返黎都9:00鬆唔係度度有堂食咁我見呢間仲燈火通明，裡面都幾多人我記得呢間好似都稍有名氣架嘛，咪入去試下一坐低望到價錢都feel到中伏多平均都要$50一碗麵------------------------------我叫左碗紫菜墨丸河首先湯底無味第二河粉碎濕濕第三墨丸好似無味橡膠咁------------------------------搭檯坐我隔離有對夫婦食食下話碗麵有條蟲簡直一團糟

以前細細個阿媽好鍾意帶我哋食魚蛋河、雲吞河自從我認識墨魚丸河呢個東西就發現自己一試就愛上了這裡的墨魚丸大大粒 又彈牙加醋及辣椒油簡直係完美食完一碗唔夠喉通常都要叫多一碗

老公叫嘅咖哩牛腩牛筋撈麵就好夠味，碗紫菜湯都好味。咖哩偏甜。牛筋都唔錯，好淋好入味。啲牛腩都好入味， 但就大舊咗啲，而且冇乜脂肪，所以咬落去太多肉，有啲鞋，唔夠淋。我碗麵湯底淡，牛肚薄又唔入味， 墨魚丸無味又實， 生麵唔彈牙… 好淡，所以試吓落佢哋嘅辣椒醬，半茶匙已經好辣，再落埋魚露都唔係咁好味…最後我將我啲生麵放落老公啲咖哩汁食。好多年前同老公相識第一日就係食呢間，今次紀念日諗住懷緬下但可惜失水準了。可惜可惜。

第一次係銅鑼灣食魚蛋粉、試咗呢間仲伏野。河粉發脹、湯底冇味、賣相差、服務態度非常差。四寶丸河河粉份量多，但河粉發脹，似浸咗係湯好耐。四寶丸亦不新鮮。牛腩河牛腩粗鞋，冇牛味。完全不值一試😡咁嘅質素仲要收40幾蚊，伏中之伏。