文輝墨魚丸大王

營業中

休息中

Chef Ecy’s Dining Experience:🥰 Food | Service | Price | Easy Access | Wheelchair Friendly | Easy Parking 🙂 Ambience😠 Pet Friendly | Restroom Cleanliness | Corkage Fee | Cake Cutting FeeA 30-Year-Old Hong Kong Classic: Cuttlefish Ball NoodlesThis iconic restaurant has been serving Hong Kong for over 30 years, specializing in Chiu Chow-style cuttlefish ball noodles. Whether you’re craving breakfast, lunch, afternoon tea, dinner, or even a late-night siu yeh (宵夜), they’ve got you covered - open dai

首先，入到去嗌咗紫菜墨三鮮粉，係一個短頭髮嘅阿婆，之後嚟咗紫菜墨丸粉，我係可以100%嗌咗紫菜墨三鮮粉，之後我就同第二個人講我係嗌咗紫菜墨三鮮粉，佢就好大聲咁樣講你係嗌咗墨丸粉，一句唔好意思都冇，咁可以話係我哋問題😌

今日2:00 諗住食個快閃墨魚丸河，去到文輝啲伙計餐牌都唔比，我問有冇粉果，佢叔話係要呀，好大聲，之後食緊碗墨丸河時，嘅伙計大大聲聲係度講啲疴屎疴尿笑話！真心唔會再幫襯！食物也是好一般！

銅鑼灣文輝嘅紫菜墨魚丸河幾值得一試，湯底清甜自然，飲得出冇落太多味精，飲完唔會口乾，呢點已經加分。墨魚丸口感彈牙，咬落去幾有鮮味，加上紫菜嘅香氣，整體配搭幾好。河粉爽滑，唔會煮得過淋，份量都算足料，女仔食應該夠飽，男仔就可能要加多碟小食。 服務方面雖然唔算好熱情，但上菜速度夠快，唔使等太耐，適合趕時間又想食碗熱辣辣粉麵嘅人。鋪頭環境都係正正常常，始終都係係一啲老字號嘅舖頭，所以唔係食環境，可以當係食碗粉幫襯吓

到今時今日依然只收現金，滾水紙巾乜都冇，坐到勁迫，坐對面搭枱人啲湯都飛晒過嚟，勁想食完走人，食咗碗招牌嘅紫菜墨三鮮河，個湯勁鹹，墨魚頭有硬嘢喺裏面，咁就收$54，俾佢勁賺。

尋晚嚮銅鑼灣睇完電影尾場, 出戲院都12點, 想去勤記食碗牛雜, 點知收左, 得文輝未收, 咁算啦拿拿林食碗野閃人記的2019 2020食果陣都還可以, 但d老野waiter果陣大大聲話要打死哂d後生仔, 快d出坦克云云. 就以後都唔打算再幫襯, 點知今日居然食回頭草, 完全係自己攞黎食物方面, 坐低叫左個紫菜墨魚頭米, 然後有起碼1234個唔同人問我叫左野食未, 我答左4次紫菜墨魚頭米. 佢地話驚漏單, 都算好聲好氣, 咁我算啦碗野到啦, 真心, 份量好夠, 湯底淡左d但唔緊要, 唔知果晚行咩運, 係比左勁多墨魚頭比我, 起碼1/3碗. 多到我有d震驚. 埋單$52 心諗咁抵食既?然後惡夢開始返到屋企, 個肚怪怪地, 隊兩樽保濟丸即訓第日起身, 出左門落樓唔夠3分鐘就要搵廁所大爆發, 諗住一次半次無所謂啦, 然後第2次第3次第4次第5次第6次我打緊呢篇野既時候等緊第7次, 邊度都唔敢去, 廢事賴到成腳都係. 完全係開水喉咁痾水清腸胃絕對係首選, 今次我自己攞黎, 無話可說

話說咁多年經過銅鑼灣呢間文輝墨魚丸大王一路都冇試過，今日唔知點解突然興起想試吓，夜晚時段入去即刻可以入座對比起其他老字號，文輝嘅侍應態度相當唔錯，熱情有禮貌紫菜四寶米線$50四寶粉叫咗米線，個湯底好清淡冇咩味四寶即係魚皮餃、魚蛋、墨魚丸同埋豬肉丸，但係每樣一粒食完唔係好夠喉最出名嘅墨魚丸，令人有啲失望，好腍身冇乜墨魚味紫菜雙墨河$50另外叫咗個雙墨河，河粉係幾好食嘅，而且份量十足河粉粗身而非常之滑身，好有口感蠔油生菜$22正常發揮

搵位度：🌟🌟🌟好食度：🌟🌟🌟🌟抵食度：🌟🌟🌟🌟喺附近都食咗幾次，唯一推薦紫菜墨丸三鮮真係抵食，由依度招牌嘅墨魚，大墨魚細墨魚，真係第二度食唔到嘅滋味。湯入面玩底嘅冬菜建議早啲留返上嚟撈勻佢，咁樣成碗湯會夠味啲。我通常會叫米線，但依度個面身都係號稱竹升麵，但我食個麵身就冇乜太特別。老實講一句喺度食其他麵都只係傻仔行為，質素由普通至到難食，不如去其他舖頭食。不過環境服務係爭啲㗎啦。

極度嘈吵，極度差嘅一間茶餐廳我只係想求求其其食一碗雲吞麵見到呢一間老字號應該冇死入到去冇餐牌唔緊要 催我落單都唔緊要嘅預咗㗎啦，老人家係咁㗎啦但係嗌咗嘢食之後就知道自己中大伏因為真係極度嘈吵！點解會嘈吵呢？又唔係食客嘈喎，係全部員工係咁大叫佢地每1秒都不停大叫：入嚟啊！一個人啊？ ！入嚟啊！入嚟啊！好多位啊！兩個啊？ ？我諗可能有300分貝然後佢哋呢一啲嘈吵聲係此起彼落冇停止過另外全部員工都冇戴口罩，但係又不停對住食客嘅面大叫喺呢個咁嘈吵嘅環境之下就算碗麵有幾好食，我都感受唔到更何況仲要係極度普通嘈到咁我真係好想快啲食完快啲走最後我只係食咗5分鐘 而係呢5分鐘裏面佢哋係不停不停不停係咁叫面都未食完就急急腳走 唉 食唔落呀擺埋個面張相，只係證明自己真係有去食相都係求其影㗎咋，反正個面啲味道都係咁求其

今日黎到銅鑼灣係唔知食咩好之時，朋友叫我梗係要去文輝一路都唔知原來文輝係香港既超級老字號仲係排曬隊個隻今日見無人排，梗係即刻入去🤣🤣坐底睇餐牌，花多眼亂侍應哥仔見我一臉迷惑佢就話：黎到啲到，梗係要食下招牌墨魚丸！最後我order左🔆紫菜墨三鮮河雪白既墨魚丸，有墨魚之餘仲好夠彈牙好多大大條既墨魚蘇，因為夠大條，食落好有口感最後仲有墨魚仔，唔細粒，好好味！啲河粉又滑又彈牙，仲要無煮到一堆堆真係令人回味無窮～🔆香脆魚皮魚皮每塊都差唔多大，夠曬薄，好脆口夾一塊浸落湯汁到再食一大美味😋

位於渣甸坊嘅粉面點主打都係潮州粉麵平均都係40幾至50蚊一碗喺銅鑼灣嚟講都算係好平嘅餐廳紫菜墨三鮮粉 ($50)主要有紫菜、兩粒墨魚丸同埋好多嘅墨魚仔 份量比想像中多墨魚仔唔會好難咬 都幾爽口嗰份我配咗菠菜麵 不過煮得淋得滯個味道唔會有浸草青味如果煮得爽口啲個麵質都幾好食紫菜四寶粉 ($50)有紫菜、魚皮餃、魚片頭墨魚丸同魚蛋 如果好鍾意食丸呢個就啱晒😂呢個麵就配左米線 味道正常👍🏼

諗住食榮記車仔麵，點知1/1休息，求其入一間，諗住文輝做得住30年+應該穩陣，點知出曬事叫左3碗：墨丸紫菜、紫菜墨三鮮同魚蛋，只係份量夠，墨丸唔夠彈彈又冇咬口，全部唔掂，河粉又鞋🤦🏻‍♂️結果食剩曬算係我食過最難食嘅魚蛋粉三甲

行完灣仔長廊藝遊坊，再去銅鑼灣食過簡單晚餐~文輝既紫菜雙墨粉加，加碟腐乳通菜。墨魚丸同墨魚粒，都仍保持水準。墨魚粒和河粉，份量大。湯底一向清淡，加魚露，加自家製有辣勁既辣椒醬。好味。員工服務，冇改變，習慣了，接受下來。是一種回憶。帶着回憶，吃飽回家。過一段時間，再來。

所謂支持夜經濟其實真不能寫橫扁，叫口號，實事求是的香港人根本從不相信。要有生意，要經濟翻身，基礎還是人富裕了，而晚上有些有意思和價值的節日或事情可做，人們才會出來啊！今晚11點多在銅鑼灣，幾乎的沒有店舖開門，剛跑步完的我和朋友，慶幸多年老店墨魚丸河粉還可作宵夜。可知這店絕對是銅鑼灣夜市的歷史，彈牙的墨魚丸河粉，河粉細滑，晚上11點還要排隊的風光不再。主要原因是人們都安在家，墨魚丸再有風味，往日營業至零晨兩點也全因年輕人晚上逛街唱K歌呢。

一进来，刚坐下，菜单什么都没给我，一个老爷就非常不耐烦问我要吃什么，连菜单都给我！当时我就想走了，但是看到写着墨鱼丸大王，我就想说试试菜品吧。然后就和他说没菜单，可以给我一个菜单吗？结果也很不耐烦拿给我！点了墨鱼丸四宝粉，河粉端上来后，我吃了一口就后悔了，没吃过这么难吃的汤河粉！总共就2个墨鱼丸，1个不知道什么丸，一片肉卷，还有一个鱼饺！就这么点东西敢收47？而且丸子吃起来一点也不弹牙，放了太多淀粉了！