115
67
41
港鐵銅鑼灣站 F1 出口, 步行約2分鐘
繼續閱讀
電話號碼
28901278
營業時間
今日營業
08:00 - 02:00
星期一至日
08:00 - 02:00
以上資料只供參考, 請與餐廳確認詳情
搵位度:🌟🌟🌟好食度:🌟🌟🌟🌟抵食度:🌟🌟🌟🌟喺附近都食咗幾次,唯一推薦紫菜墨丸三鮮真係抵食,由依度招牌嘅墨魚,大墨魚細墨魚,真係第二度食唔到嘅滋味。湯入面玩底嘅冬菜建議早啲留返上嚟撈勻佢,咁樣成碗湯會夠味啲。我通常會叫米線,但依度個面身都係號稱竹升麵,但我食個麵身就冇乜太特別。老實講一句喺度食其他麵都只係傻仔行為,質素由普通至到難食,不如去其他舖頭食。不過環境服務係爭啲㗎啦。
繼續閱讀
極度嘈吵,極度差嘅一間茶餐廳我只係想求求其其食一碗雲吞麵見到呢一間老字號應該冇死入到去冇餐牌唔緊要 催我落單都唔緊要嘅預咗㗎啦,老人家係咁㗎啦但係嗌咗嘢食之後就知道自己中大伏因為真係極度嘈吵!點解會嘈吵呢?又唔係食客嘈喎,係全部員工係咁大叫佢地每1秒都不停大叫:入嚟啊!一個人啊? !入嚟啊!入嚟啊!好多位啊!兩個啊? ?我諗可能有300分貝然後佢哋呢一啲嘈吵聲係此起彼落冇停止過另外全部員工都冇戴口罩,但係又不停對住食客嘅面大叫喺呢個咁嘈吵嘅環境之下就算碗麵有幾好食,我都感受唔到更何況仲要係極度普通嘈到咁我真係好想快啲食完快啲走最後我只係食咗5分鐘 而係呢5分鐘裏面佢哋係不停不停不停係咁叫面都未食完就急急腳走 唉 食唔落呀擺埋個面張相,只係證明自己真係有去食相都係求其影㗎咋,反正個面啲味道都係咁求其
繼續閱讀
今日黎到銅鑼灣係唔知食咩好之時,朋友叫我梗係要去文輝一路都唔知原來文輝係香港既超級老字號仲係排曬隊個隻今日見無人排,梗係即刻入去🤣🤣坐底睇餐牌,花多眼亂侍應哥仔見我一臉迷惑佢就話:黎到啲到,梗係要食下招牌墨魚丸!最後我order左🔆紫菜墨三鮮河雪白既墨魚丸,有墨魚之餘仲好夠彈牙好多大大條既墨魚蘇,因為夠大條,食落好有口感最後仲有墨魚仔,唔細粒,好好味!啲河粉又滑又彈牙,仲要無煮到一堆堆真係令人回味無窮~🔆香脆魚皮魚皮每塊都差唔多大,夠曬薄,好脆口夾一塊浸落湯汁到再食一大美味😋
繼續閱讀
位於渣甸坊嘅粉面點主打都係潮州粉麵平均都係40幾至50蚊一碗喺銅鑼灣嚟講都算係好平嘅餐廳紫菜墨三鮮粉 ($50)主要有紫菜、兩粒墨魚丸同埋好多嘅墨魚仔 份量比想像中多墨魚仔唔會好難咬 都幾爽口嗰份我配咗菠菜麵 不過煮得淋得滯個味道唔會有浸草青味如果煮得爽口啲個麵質都幾好食紫菜四寶粉 ($50)有紫菜、魚皮餃、魚片頭墨魚丸同魚蛋 如果好鍾意食丸呢個就啱晒😂呢個麵就配左米線 味道正常👍🏼
繼續閱讀
諗住食榮記車仔麵,點知1/1休息,求其入一間,諗住文輝做得住30年+應該穩陣,點知出曬事叫左3碗:墨丸紫菜、紫菜墨三鮮同魚蛋,只係份量夠,墨丸唔夠彈彈又冇咬口,全部唔掂,河粉又鞋🤦🏻♂️結果食剩曬算係我食過最難食嘅魚蛋粉三甲
繼續閱讀