文輝墨魚丸大王

營業中

休息中

黎到銅鑼灣 ，試埋大名鼎鼎既墨丸大王 文輝 ， 叫碗 淨墨丸。 銅鑼灣鬧市食到碗43蚊既粉麵 都算係咁 。 當中有六粒丸 ， 蔥及冬菜 。 好唔好食 ， 見仁見志。 我食唔到有墨魚味 ， 又食唔到粉丸味喎 。丸野都好彈 。 好爽口既 ， 但係唔係粒好食墨丸 ， 我真係唔識野 ⋯ 我屋企既港島居民表示 ： 好好食 ， 文輝最正宗 最好食 🤷‍♀️

今晚入去快食碗紫菜墨三鮮粉，啲墨魚頭好癡牙好老，食完諗住獠完牙就走，個呀叔夥計居然在後邊阿吱阿咗話我食完坐喺度獠牙阻住佢地個位，佢一直唔停口在後邊比說話我聽，我已經無理佢費事同佢計較，出到門口比錢嘅時候，點知仲比個收錢男人婆話我，「食完坐喺度獠牙阻住佢哋個位無人性」🔥🔥🔥，真係食到一肚氣，其實我由入去到食完走人都係十分鐘唔夠，間鋪當時仲未爆，佢哋咁做生意！我真係未去過服務態度咁差的食市，難怪佢地開一間執一間，間間做唔長，下次一定唔會再去幫襯

在銅鑼灣看完電影同朋友分手！好肚餓週圍搵食，見到文輝！記得小學時放學經常光顧！見到價錢都幾價...但想想下都有一段時間無來食野！咁就入去食門口豎立了一塊板，寫著：「自製魚蛋。墨魚丸」。就是「自製」這兩個字。我毫不猶豫的，便點了墨魚丸河！自家製墨魚丸賣相就和平時食的一樣有墨魚粒在內。不但鮮味，而且爽口彈牙! 河粉都煮得幾滑，不過份量就少了一些！男人老狗可能要食多一碗了環境衛生係無乜架啦。純粹都係想去食番童年回憶！一個男人食完叫可以頂一頂個肚！唉……百物騰貴，單單食一碗粉麵都要$32元了，已經最平果種粉麵。算了吧，什麼都貴飽就唔飽架啦....只是食個感覺同回憶！

依間舖頭應該有返咁上下歷史我都幫襯咗四年 店鋪裝修簡單，唔係新淨，但又未至於殘舊既對於快來快去，食碗麵就埋單嘅運作模式，一切從簡就係最好夜晚九點鐘喺銅鑼灣行完街先發覺自己未食晚飯…咁就不如整番碗文輝醫下肚～叫咗碗紫菜墨三鮮河粉$46顧名思義～有紫菜，而墨三鮮呢就係墨魚仔，墨魚腳同埋墨魚丸根據我個人經驗，食文輝都好講運氣我試過一碗麵裏面有十幾二十隻墨魚仔，個次係食極都仲有但係呢，又試過成碗得六粒墨魚仔咁大把如果想試下自己運氣，可以黎文輝 成碗食晒，好飽已經無空間再食咁既價錢黎講，係銅鑼灣都算係咁難怪好多local同遊客都咁支持

相信大家對文輝並唔陌生，細個時成日去食，而家就得返銅鑼灣分店，所以周不時行開銅鑼灣都會去食下魚蛋河，只可惜而家堂食嘅好多都係遊客，無左以前細個街坊嘅感覺，而且無食一排仲加左不過食物水準依然維持到我最鐘意食魚蛋河（雖然名叫做墨魚丸大王xd）但我鐘意手打魚蛋夠彈牙，河粉清得來又唔會好寡無味，份量都唔少，（食粉最怕就係份量少到食左陣風咁）男朋友叫左四寶粉，紫菜好惹味，墨丸更加係招牌好彈牙同埋有魚味xd 份量亦都夠，雖然加左價，但埋單＄90有找，食得飽仲要銅鑼灣，都算係咁haha

時代變遷，文輝墨丸大王只剩返一間咁啱行過，餵食的我見自己一個先走入去食嘩！原來依家紫菜墨丸河成$44一碗。其他嘢都$40走晤甩，不過香港咁貴租一定係咁，所以唯有只食唔飲。好多紫菜，撈埋落湯熱又好味！$44得五粒墨魚丸，不過份量部夠，ok啦，食租掛～墨丸都係爽又彈牙，但好似欠一點點，欠的似是墨魚鮮味及甜味～

今天想吃點輕盈的中午餐，所以便走到這家粉麵店吃lunch了。基於這家店最著名的是墨丸，我又特別想吃紫菜，便點了紫菜四寶米。紫菜為整個米粉帶來多一個層次的香味，四寶有魚蛋，魚片，魚皮餃，豬肉丸和墨丸。魚片是出奇的厚切🤣魚蛋是沒炸過的白色彈牙版，但最好吃的仍然是墨丸，彈牙之餘亦有咬口，非常出色。可惜只有一粒，下次應該要點淨墨丸。豬肉丸對我而言是不過不失，但旁邊的女士卻說以前好吃多了😝米粉和湯的份量都很足夠，難怪這麼多男士幫襯。

今早同班fd去揾食，肚餓得濟隨便入左呢間。坐低見每碗都過40，心諗有冇咁貴，不過坐低左都算。4條友，有3個包括我都叫左河粉，結果一食落去就出事，我地3個食落都覺得d粉味勁怪，感覺上好似有種霉味咁，唔係變左就係隔夜嘅唯一冇中伏嗰位，仲話望住我地個樣勁似食毒藥咁，無奈肚餓，當頂住個胃先，落左勁多醋先食得落我叫嘅係紫菜四寶河，紫菜普通水準，但丸類真係淋到一個點，完全唔彈。不過認真講，就算佢丸整得幾好，都拉唔番呢碗縮左嘅河粉嘅分

唔係第一次去食, 啲墨魚依然好爽口, 但店員啲態度就.... 都知地方local, 唔會要求啲乜嘢服務, 但我諗合乎事實同有禮係每間食市應有啩... 知道呢度食嘢要快, 入去時已開始望牆上餐牌, 見到XXX銀粉, 我就好surprise, 諗緊係咪銀針粉呢, 因為我好鍾意食, 咁就一坐低就問亞姐"銀粉係咪即係銀針粉呀?".  亞姐話"係".  咁就好開心啦, 再諗下要乜餸, 因為亞姐同第二個人落緊單, 咁就叫隔離個亞叔落單, 我問"有無墨魚三鮮銀粉呀?", 亞叔話有, 咁就落左單. 碗粉嚟到時, 見到係粉絲, 我就同埋亞叔講我係要銀針粉, 亞叔就回我"你叫銀粉就係粉絲, 如果你叫銀針粉就應該叫銀針絲", 咁我講番我係問左亞姐, 係佢話銀絲=銀針絲, 我先咁叫, 我點知原來個亞姐玩嘢. 仲要比個亞叔繼續話係我自己叫錯!  大佬, 嗰個亞姐唔係咁答我, 我咪唔會咁叫囉, 仲要話番我轉頭!  跟住見到嗰個亞姐, 我同佢講番"你又話銀粉=銀針粉", 個亞姐仲要好無賴咁話"咁你想要乜嘢呀? 呢樣係咪你想要0既嘢呀?" 嘩, 好明顯唔係我想要0既嘢啦, 仲問我想要乜, 成個過程佢地一絲唔好意思都無

老字號墨魚丸粉👍👍👍，由細食到大，每月經過也必食番碗，今天也不例外🤣🤣🤣。店鋪分店只淨返這間分店，三間變一間，希望這店鋪能夠傳承下去啦🙏🙏🙏今次經過是下午3時多，所以人流不太多，不過仍然眼見好多粉絲，港人又有，內地同胞們又有，外國遊客又有，通常來銅鑼灣購物都必定試試。我每次都是同一款紫菜墨丸河，這店鋪的墨丸真是百吃不厭。這店的墨丸爽口彈牙，不會太粉或太多墨魚粒，加上紫菜，河粉和湯底真是正。還有辣椒油，是自家制的，所以我也經常買瓶回家，夠晒辣和香口，正😁😁😁如果有幾會去開也可試試看，不過店鋪不是很大，所以如果假日或食飯時間，那就要等等囉。這麼多年還保持水準，也算是這樣，很多店鋪打響名堂後，水準通常會有點下降，所以很值得欣賞

讀書年代常在銅鑼灣出沒，文輝墨魚丸的各式粉麵食過無數次。畢業後，少了很多機會來吃，所以早幾天下午2、3點經過，難得沒有太多人，立即跳進鋪內，點了「滷水鵝河粉」，其實還想額外加拼墨魚丸，可惜店員說「滷水鵝河粉」不給加拼其他食物。很失望！但又吃不下多一碗淨墨魚丸，所以只好一心一意食這個粉吧！太好了，並沒有失望！吃到久違了的味道，很懷念的味道！依然好味、足料。滷水鵝不會「鞋」，湯也好喝，但喝後不會有很口渴的感覺。下次要再去吃今次吃不到的墨魚丸！

此間店已經營了很多年, 自稱墨魚丸大王。 以前也不時到此嘗一碗紫菜墨魚丸湯河粉, 記憶中的墨魚丸爽口"彈牙", 還會有墨魚粒在丸子裏。 大碌竹河粉也爽滑。 自從多了遊客去光顧此店, 本已擠迫的店舖就更加水洩不通, 自此我已少去這地方。 今日路經其門外, 見還有位子, 想起很久沒來, 便入去回味ㄧ下。(因為店舖不大, 加上已有很多客人, 我就不敢向着他人拍攝店内環境。)看著牆上貼着的餐牌, 既然是"大王推介"紫菜四寶河, 那就點這個吧。 當然先嘗墨魚丸, 但已不像當年的爽口"彈牙", 雖然是有點墨魚味道, 但與當年相比, 質素差得遠了。魚皮餃則是皮太厚, 其他魚/肉丸普普通通。 大碌竹撻粉亦比以往失色, 不夠滑和爽, 與其他粉麵店沒甚分別。 湯底沒味道。 店舖環境方面說真的, 除了擠迫以外, 衞生情況也不大好。 服務質素也就是可接受吧了。 現在就是食物質素也有點令人失望。 坦白說, 雖覺此店不致於很差, 但去其他粉麵店或是更好的選擇。

小秘書今日一收工就咁走咗落銅鑼灣，趕住去workshop，可能中午食得太少，好想食碗湯河先到目的地。咁啱一出港鐵就見到「文輝墨魚丸大王」喺對面，一於整碗「紫菜雙墨河」 獎勵吓自己。所謂「雙墨」就係墨魚丸、墨魚鬚👀 加埋啲紫菜同老闆秘製辣椒油，就係小秘書嘅黃金組合。裝修咗嘅「文輝」，外觀無咩改變，只係唔見咗養咗好多年嘅「龍吐珠」，連裝粉麵嘅玻璃碗都唔同咗，不過依舊嘅就仲係由一班潮洲大叔嚟管理同營運😏 幫襯「文輝」咁多年，味道始終無變，墨魚丸一樣鮮味、爽口，只係啲河粉無以前咁滑，扣咗少少分啦！

一碗淨墨魚丸41蚊六粒菜都無條...貴，質數普通，坐得辛苦，所有員工全程黑面唔應人，有無落單都無講，如果有人請嘅話......都必定唔再食，可否唔比星，祝佢哋生意興隆，早日上市

係銅鑼灣行完街唔知食乜，又想試下新野，我個fd就話不如去食文輝，話係好出名，行到去門口原來就係成日行過既鋪頭但咁耐都冇留意過佢😢以為係普通既魚蛋粉麵檔～我地2個女仔去食，我叫左一碗紫菜四寶河粉，我個fd就食墨魚丸墨魚仔河粉（唔記得個名叫乜），材料如圖所見，墨魚丸冇傳聞中咁好食，大失所望，反而我覺得墨魚仔幾好食幾新鮮，湯底係超級清淡，冇味精，食完都唔會口喝～鍾意食清淡口味既人應該覺得唔錯，但係佢既招牌墨魚丸就真係好普通，其他材料亦冇乜特別好食，食完之後就覺得：嗯！真係一間好普通既鋪頭😂名過其實🤷🏻‍♀️