文輝墨魚丸大王

營業中

休息中

嘩嗰日銅鑼灣周街都係黑衫人，呢間野個老細都算有膽。照開門。我哋肚餓無辦法都要照食，我問過老細，點解你咁夠薑，佢話細佬你唔明。算啦唔講廢話，紫菜墨丸河。講得上招牌真係唔會錯，有紫菜墨魚丸都河粉。真係冇得彈，為一彈佢幾十年，都冇乜新菜式。但佢都將固有嘅嘢進化到無可再進化。墨魚丸真係好食到唔識講，鮮/味皆全。相反斜對面榮記，湯底就普通左好多，遲啲第二個食評會慢慢講。最重要好多人嘅唔解以為佢湯底好淡。其實唔係，佢要就返唔同人口味，只要落少少魚露，所有湯底鮮味和鹹香立即出返嚟！堅好食，想就冇辦法食晒先記得影！哈哈

其實今次係我第二次嚟食，兩次都係凳都未坐定就被催促食乜嘢，我覺得呢個都係香港文化嘅一種，生活節奏非常急促，連落order同食碗麵都係要快。上一次我都係食紫菜墨三鮮河粉，因為箍牙妹上次都食到，今次再食，墨三鮮包含墨魚丸，墨魚仔同墨魚頭，但今次箍牙妹覺得墨魚仔同墨魚頭都硬咗啲，而且份量上一次咁多，不過慢慢食都食到嘅，味道都keep到鮮味。另外我最鍾意佢嘅一點就係加咗冬菜，唔係好多店都有。不過我對個河粉質地就麻麻地，因為佢比較厚身，食落唔夠爽。

文輝的墨魚丸，據說專挑每只淨重2斤以上的大墨魚當原料，打成有彈性的墨魚漿後入大鍋滾熱。湯底用豬骨與老母雞連滾24小時不停，搭配招牌特質河粉，入口清爽甘美。像乒乓球一樣白花花的墨魚丸子，肥肥地嵌在米粉間。咬一口墨魚丸，QQ的感覺，咬勁十足，可以清晰感受到了丸子的細膩纖維。

🍗🍕🍔🥘👫🍜🍣🍭🍮相信系銅鑼灣 好多人都有食過每日餐廳都坐無虛席 人來人往近年主打做旅客生意 店員都岀左名無禮貌🤣但對我泥講墨魚丸大王就系個兒時回憶❤️紫菜墨丸三鮮河叫得墨魚丸大王 墨魚丸當然有料la✨墨丸紮實 好有墨魚味 仲會咬到粒粒真墨魚👍🏻顧名思義 三鮮仲有墨魚仔同墨魚鬚 兩樣都好爽口 而且數量都唔小tim👀我鐘意加埋紫菜 可以掛下湯 至於湯底都系比較清 個人習慣加多多醋 多多辣 少少魚露 perfect 🥰⭐️最緊要係走芫荽呀!!!!🧐🧡腐乳通菜都系必叫之選 仲有其他油菜可以揀芥蘭 韭菜花etc.🔥有啲野唔方便系餐廳講 - 系好食既😉以粉麵餐廳泥講 其實系偏貴既但佢既墨魚丸真系無得同其他比加上算系我由細食到大 有種情意結🙈佢既豆漿同炸魚皮都好正咖👍🏻

在銅鑼灣收工九點幾，就去搵野食，今晚想食湯粉，就去左呢間食。叫左紫菜墨丸河粉，再加個沙爹墨魚頭，再加杯凍豆漿同腐乳通菜。先講個紫菜墨丸河，個墨魚丸好好味，好彈牙的質地，個河粉又唔係太淋。個沙爹墨魚頭個汁好味，墨魚又夠爽，個菜正常，幾好味，沒太大特別。不過價錢都唔便宜架。我埋單都成一百多。service就馬馬😣，侍應都比較心急同惡既。要快食快走，始終茶餐廳文化。但值得再去食既，因為兩樣野都好味既！👍🏻

昨晚下班後一個人在這裡吃晚餐，叫了紫菜墨丸河。侍應給我魚蛋河，我很累沒注意到，放了紅醋才發現，於是告知侍應生（一名中至老年男子），他沒有道歉之餘，竟然惡言相向，自辯不是他放下這碗河粉的，可是我加了紅醋，這是我的錯！我十分無奈，更正是他們先出錯，而我下班又很累。他一直說下去：「不！如果妳沒放醋就無錯，放了便是妳的錯！」另一男侍應更附和他，一起怪責我。這是甚麼服務態度呢？還要兩個男人一起駡一個女人。但是人間有情，我被欺負時，對面的年輕小姐先勸我要容忍一下，然後她仗義批評那些駡我的男侍應，叫他們收聲。Last night I had dinner by myself at this restaurant in Causeway Bay. The waiter gave me a wrong bowl of noodles. I was tired after work and didn’t notice it at first. I only realised it pouring vinegar in it. When I notified the waiter, he said he d

係香港好難搵到好食嘅墨魚丸，而我成日經過呢間所謂嘅「墨魚丸大王」都見幾多人食，有時仲見到要排隊添，心諗應該唔會差得去邊啦，就行入去試下。點知。。。好難食！真係好難食！唔會再去食！-招牌墨魚丸完全冇墨魚丸應有嘅味道，而且調味上亦冇乜味，口感又差，極難食😵，真係令人極失望！跟住河粉係勁碎😵，完全夾唔起！湯底似味精水，完全冇意慾飲落肚！😵叫咗個小食【炸魚蓉球】就極油😵！唯一比較正常嘅就係墨魚頭，味道正常夜都幾爽口。-真係冇下次，完。

路經銅鑼灣渣甸街遠遠就看見這個大大的文輝招牌, n年前在銅鑼灣上班時，食晏都常去幫襯這間墨魚丸河粉。 今次專誠去回味回憶一下， 環境冇變，食物水準冇變， 叫了紫菜墨丸河粉，一樣大大碗，墨魚丸彈牙爽口非常鮮味配埋滑河粉，以前味道返哂來，回味無窮。

今日去文輝買外賣返公司食，食佢嘅招牌菜——紫菜墨三鮮河（$46）。俾完錢一分鐘左右就拎得，好快，但因為等埋去第二度買嘢食嘅同事所以遲咗返去，搞到啲河粉索晒水漲咗，賣相變得無咁吸引。唔好睇相就以為淨係得粉、紫菜同丸，其實禾稈冚珍珠，好物沉歸底。啲粉下面係滿滿嘅墨魚仔同墨魚鬚！！ 妹妹: 啲墨魚丸好紮實，真材實料有墨魚粒喺入面。墨魚仔有好多好多隻，食嘅時候仲可以兜住啲湯，好鮮甜。墨魚鬚勁粗，好彈牙，好食！ 妹妹: 雖然價錢唔算平，但有咁多墨魚仔同墨魚鬚咁足料，我覺得都可以話幾抵食。

食左好多年。正確啲講，應該係好多年前食過，但依家得番呢間舖。印象中當年有間係糖街街口。墨魚丸同河粉應該係招牌。好老實，河粉都可以，墨魚丸都彈牙，不過唔係好夠墨魚味。比起以前係爭左啲。

星期日去扒龍舟，因為係晏晝時間集合預咗好難搵車位泊車，所以預早兩個鐘頭出門口去赤柱。先去到銅鑼灣，見仲有時間多諗住醫定個肚先，喺小巴站對面食碗粉麵，我相信好多去開銅鑼灣嘅人都有聽過文輝墨魚丸大王，其實我都唔係第一次食，之前食過幾次都覺得墨魚丸好彈牙爽口，超好味，所以今次叫咗個紫菜墨丸加墨鬚河。份量同之前食開無咩分別，但今次墨魚丸感覺好似無以前咁彈牙，而且紫菜好似少咗，加上河粉烚過龍，唔好食...有些少失望。

文輝 墨魚丸 ，假如在銅鑼灣附近工作， 我在香港區生活的朋友， 很多已經嚟幫襯過， 話說佢應該係香港三十幾年， 陪伴著我成長， 記得以前 在銅鑼灣工作 ，經常來吃， 反而這十年八年， 經過門口看見很多人都沒有意欲， 因為太多人等位唔好意思坐咁耐。 今日下午經過看見裏面不是太多人， 便找個位置坐下夥記都係熟口熟面， 應該佢哋同是潮州人點咗一個紫菜三鮮河， 一上嚟河粉白雪雪， 還有墨魚丸和 墨魚頭， 墨丸大大粒咬落結實彈牙， 看到墨魚肉在裏面， 墨魚仔也很新鮮， 飲了兩啖 上湯，甜鮮估不到開業幾十年仍然保持他的水準， 值得一讚

夜晚係銅鑼灣行完街肚餓，就睇下附近有咩好野食，見到哩間自稱墨魚丸大王，入面又ok多人食，咁就入去試下...入到去叫左碗紫菜四寶河，碗野唔洗一分鐘就黎到，有啲懷疑係晨早整定哂既。而哩碗野真係我成世人食過最難食既河粉。首先，成碗野都淡而無味，啲魚片呀墨丸呀魚蛋呀魚皮餃呀，全部都好似浸左好耐水咁，一啲味都冇，你蒙住我隻眼俾我食既話，我真係唔知自己食緊啲咩。第二，啲河粉又厚又鞋，好粉感好難食，真心唔明點解河粉都可以咁難食。哩碗野仲要收46$...真心覺得好伏！

年初二晚兩夫妻出外度新歲，打算到銅鑼灣看煙花，但整個銅鑼灣滿街係人，想搵個地方食飯都極困難，最後行到渣甸街見到文輝，晚飯時間入面只有三個客人，本覺得奇怪但無選擇下唯有入內一試，點知......新年流流換來一肚氣先講食物，我地兩人叫左一墨丸河及一碟沙爹牛腩撈麵再加一碟腐乳通菜，碗墨丸河一點味道都無，墨丸係大粒，但除左大又係無味，成碗粉都係淡如水；沙爹牛腩撈麵我只係食左三四啖便放棄，油麵底及沙爹汁係尚可的，但牛腩韌得不能咬開，食三四啖放棄（有心理影響，原因在下面）；唯一可取一點係碟通菜.....再講服務，新年流流，入到去個個員工都好似黑面神咁，算！食物唔好食，可以話口味問題，算！反正都係諗住求其食碗野頂下肚，但啲員工嘅態度簡直離哂大譜，我叫沙爹牛腩撈麵唔記得走青走芫茜，係自己問題，碟麵黎到我只係細細聲同老婆講話：「唔記得走青添」，點知個阿叔大大聲串我：「挑！係你自己唔一早講啫。」聽完當堂著哂火，心諗都無叫你換講咁多做乜；果時已經都食唔落，但求求其等老婆食完就走。跟住後來我坐個位冷氣滴水，我同另一個阿叔講聲話上面滴水，佢竟然話：「係咁架啦，唔鍾意去第二度囉。」埋單個收銀仲睥左我幾眼，好似話我

黎到銅鑼灣 ，試埋大名鼎鼎既墨丸大王 文輝 ， 叫碗 淨墨丸。 銅鑼灣鬧市食到碗43蚊既粉麵 都算係咁 。 當中有六粒丸 ， 蔥及冬菜 。 好唔好食 ， 見仁見志。 我食唔到有墨魚味 ， 又食唔到粉丸味喎 。丸野都好彈 。 好爽口既 ， 但係唔係粒好食墨丸 ， 我真係唔識野 ⋯ 我屋企既港島居民表示 ： 好好食 ， 文輝最正宗 最好食 🤷‍♀️