文記車仔麵 (福榮街)

營業中

休息中

好耐之前同朋友食過一次文記車仔麵，當時好似仲係寂寂無名，但係過左幾年後，已經出名到開左兩間分店😰所以就突然間想念佢既味道，所以今日特登過黎深水埗食。大約下午2點鐘去到，門外仍有十人左右等候，不過等左十分鐘左右就入得。由於太多人，所以坐得好逼硤，侍應嗌極都唔理人🙄希望可以改善下。麵底揀左薯粉，配料有羅白、同牛肚。薯粉煮得剛好，十分彈牙，份量都幾多。羅白有四舊，呢個就有d少，不過勝在夠鮮甜，又唔會太林，好味！牛肚係我最愛，好香鹵水味，炆得岩岩好，夠晒軟稔入味，好想再食！！！！令人回味係個腩汁湯底，濃味得黎又唔油膩，配埋自家制辣醬，成碗野真係好好味。

每次經過都會見到呢到大排長龍，於是今日特登提早d，5點幾就過黎食😋一入去就有得坐，唔洗排隊😍籮白清甜冇渣，豬腸好彈牙，韮菜餃好足料，同埋係佢地自己包，好新鮮😋湯底好惹味😍同埋真係好大碗，非常飽，下次一定要再黎食😋

星期六約左好姊妹到深水埗買野, 中午就來文記食個車仔麵先開始行街。天氣好熱, 但剛到中午店外已有唔少人排隊。 我地就等左大概20分鐘先可以入座。 熱難得排完隊入來試, 當然要叫多D我叫左蘿白, 螺肉, 豬紅, 花菇仔同魷魚, 小辣, 油麵。蘿白夠入味, 但有少少渣。螺肉個辣汁好味, 但口感略嫌唔夠爽。 豬紅口感好, 但可以再入味d。小花菇味道唔錯, 但真係太細粒。 食完都唔覺得自己食左, 冇乜口感可言。我都係中意大粒厚身嘅花菇。魷魚again, 個汁味道唔錯, 但魷魚真係小家d, 舊舊都勁細舊/勁幼。又係食完唔覺得食左, 冇口感。我姊妹就叫左豬紅豬腸同魚肉。我冇問你魚肉好冇食, 但豬腸我試左一舊, 唔錯!我地仲叫左個腐乳通菜, 不過不失。 個量都算多。枝蔗汁都差少少, 唔夠凍的, 只係比室溫涼少少, 同埋都細枝。對於喺出面等到好熱同入到去食辣野的我來講, 就真係差少少。姊妹叫嘅凍檸茶會好d, 起碼夠凍同夠大杯!總括而言, 我個人覺得一般般, 我諗我唔會再食。因為我自己都咀刁, 我都食過好幾間好似佢咁既高檔貴dd既車仔麵。但相比之下, 佢就比較遜色了。成70蚊食碗車仔麵(未計菜同飲品),

每次經過深水埗都必定會去排隊食文記車仔麵!今次星期六中午大概12點左右去到，同朋友等左15分鐘左右就入得，唔算等得太耐!其實之前又唔係食左好多次既，所以每次黎都會試下唔同既餸，今次就叫左4餸再加油菜!豬大腸魷魚鬚豬紅魚肉油麵，豬大腸好入味唔會有臭屎味。魷魚鬚唔會好冧身，咬落去彈牙，而且味道唔淡口。豬紅又係好入味，唔會好似出面果D咁淡淡的。至於魚肉唔會係冧哂果D，咬落去仲有D彈牙!湯底叫左腩汁加辣!最正既係佢呢度有好多唔同既醬料俾你落，我個人就最中意落少少花椒油、少少黑醋、同埋佢既辣菜莆，超正呀!腐乳通菜，D腐乳醬唔會得少少咁，而且非常濃郁，唔會好稀，又係正!

深水埗有很多好食又有特色的食店一條街有三間車仔麵的文記車仔麵雖然已經有三間分店，但人龍永遠都存在，就知道質素有保證的。調味料整整齊齊地放在座位上寫子仔選擇料後，一碗熱辣辣的車仔麵隨即奉上。今次叫牛孖筋加蘿蔔， 牛筋全部都很有彈性，蘿蔔軟甜

山竹大風球就快打到來，趁仲係風平浪靜的前一晚，拿拿臨去深水埗食碗麵，買少少餸打定底先!時間尚早，未見長長人龍，但新店已經要喺門外等位。我地一行五人於是就排隔離的總店，一邊諗下揀咩餸，一邊排隊等落order...當日不知道是否想快啲清貨，餸的份量好似闊佬左。一如既往，我都係叫米粉（$9），三餸就有豬腸，牛根，鴨腎。驚喜的是，我要求的是「瘦豬腸」。開頭見到呀姐剪了兩嚿仔，就停左手我心諗，「唔係掛，咁搵笨」，真係有一刻衝動，叫佢比多少少。好采原來呀姐去拎另一盤「豬腸」過來，入面都是瘦腸。呀姐拎起左一大條，見佢不停剪落個碗到真係正。眼見「瘦豬腸」入面得乾淨，肥膏都唔多覺，真係讚嘅~ 我好奇點解會闊佬到咁，同行的食伴指多數啲人選擇「肥腸」多，「瘦腸」滯銷喎!（唔知事實係咪呢？）另外，鴨腎幾本都比晒一整嚿，好多呀！初初以為都係比一半左右。最後，會問你加唔加辣，仲會幫你送到枱上，完全唔洗自己郁手。食落唔算太濃味或過咸，不過可能出左名，價錢都有番咁上下，都唔算話超抵。如果你貪心想叫多幾款貴價的餸，分分鐘去茶餐廳食一個set都唔洗依個價錢。

This is an always full noodles restaurant, very tradition, tasty and cheap noodles yet you may need to queue for quite a long time to get a seat, it’s worth trying if you have never tried

本人一向鐘意食車仔麵，依間文記自舊年已經如雷灌耳，但次次出親黃金，見到條人龍，都已經唔想排隊，啱啱收工收夜左，見到佢收夜晚一點，早啲落車去試一試，點知，夜晚十點九都仲要排隊(排左五分鐘)，不過，鋪頭入面係有位的 (好多人都係買外賣)；叫左四個餸，幼面，四件三寶：豬腸幾淋，唔太咸，冇苦味(洗得好乾淨)蘿蔔夠淋，而且幾入味，當然係冇喳瑞士雞翼都夠味，又大隻牛磅 (依家出街食牛什都已經唔係檔檔有牛磅賣，佢哋仲可以有淨牛磅叫 ) 入口即溶幼面都啱啱好，少少爽口青椒，一寸厚，啲魚肉仲要到底，比足料豆腐，魚肉貼得實，唔會飛出豆腐湯底，都夠味，只係甜左少少整體黎講，無械可擊，依次米芝蓮完勝

現代健康飲食理論中，豬油渣我相信是不健康的食物，但偶然吃少少也不是太過份呢！今天就去文記滿足一下。今日選清湯 我想吃他們原味的豬腩肉，他們的出品有香濃的鹹香豬肉味，看似肥的部份是爽的、不帶肥膩感覺。豬油渣脆脆的，好像將所有脂肪炸了出來，脆卜卜的。蘿蔔清甜很嫩，吸收了各種食物的味道，好正。這兒有超多調味醬料提供選擇，但每次我都不需添加，因為已經好好味😋

去深水埗。真係一個適合男女老幼 、中外人士行街嘅好地方。可以行街買衫，買電腦用品，夜冷鋪，玩具，連街市都有。最重要係勁多野食，今次先試試米芝蓮街頭小食推介嘅車仔麵— 文記車仔麵。佢有三間鋪，其中總鋪同新鋪相連。我當然就食總鋪啦！永遠的長龍店。其實我一開鋪就排隊，點解仲咁多人？一望鋪入面，原來係排哂隊，點好嘢食，先至入座。排好隊慢慢等又望下有咩好食。記得識食朋友話一定要加辣，要菜甫，其他自己諗啦！叫左最愛牛肚牛双筋加9⃣️菜。D菜多到成碗都係，自制辣汁加牛双筋拼牛肚油麵，湯底好香好濃，牛肚（又叫金錢肚，係牛牛第二個胃）真的好好食，敖到十分軟熟。牛筋唔硬，好有膠質的感覺。最後當然要食油麵啦！車仔麵配油麵係絶配呢！加上自制辣汁真係好味好多。

上次幫襯唔記得左影食物相，文記車仔麵真係好食到會上癮，隔左一個星期又返黎再食，真係好瘋狂，今次揀左上湯花膠雞腎牛肚河粉秘制辣汁，碗麵一上枱見到舊花膠咁大塊，即刻已經心心眼，先攪勻d辣汁，初初食其實唔覺得辣，但幾啖之後開始feel到辣，我已經揀左最小辣，其實我應該揀返沙嗲汁先岩，之後食主角花膠，好有骨膠原好好味，雞腎同牛肚都好爽，唔硬好易咬，同埋我會加勁多麻油，食落更加香。題外話，見到個食客碗麵好大碗，張單要差唔多$100。

1個人排隊係正舖隔離果間, 阿姐已安排入去坐, 比埋餐牌我, 坐低左話排前面有張4人, 要調果人黎坐, 跟住叫我出返去排隊。唔好意思都無講一句, 仲話我擅自入去坐。由得一間鋪果時開始有幫襯, 做左米芝蓮, 服務仲差左

車仔麵佢都算經營得好成功，每次去到都排晒長龍，同一條街已經有3間鋪，但依然有人龍，唔知將來會唔會繼續開分店，我叫左牛筋豬腸墨丸紅薯粉沙嗲醬，真係好好味，哩個就係要排隊既原因，但坐位有d迫。

之前喺網上睇過一條訪問文記老闆嘅片講佢呢間車仔麵點樣由一間變三間嘅故事就襯放假特登過黎試下當晚落住少少雨粉都阻礙唔到我喺門口等位嘅意慾!餐牌上都好多選擇今次我就揀左D 見真章嘅餸包括雞中翼，小花菇，蘿蔔同埋牛肚果然所有野都好入味 最好食係雞翼湯底味精唔重 食完唔會好渴但我都叫左個蜂蜜菊花茶睇佢個賣相我當佢唔係現成野係幾清甜希望佢唔好因為人流或者其他原因而降低質素啦~~

車仔麵多款式選擇都好多 尤其銀真粉唔錯 其他粉都可以試試 (個人比較中意食銀真粉多) 除左瑞士汁雞翼之外 佢既大腸都可以試試而且開多左幾間分店之後 排隊時間少左 所以整體覺得都ok