文記車仔麵 (福榮街)

營業中

休息中

全間舖頭都貼哂曬支付寶用得， 埋單嗰陣時就唔用得, 我提佢點解唔貼張紙提嚇人壞咗， 我話我冇現金， 佢話只係壞幾日啫唔使貼喇， 服務態度非常好, 好多人都係為咗支付寶有優惠先至食， 你估真係好食咩行到死

今日星期三，最好就去食返碗車仔麵。我約左男朋友放工見個面，反正要買上網卡，所以約左佢係深水埗。買左上網卡後就周圍亂行，無意中發現左有間好多人排隊既食肆：「文記車仔麵」真係好岩今日呢種天氣去食，一於試試（題外話：本人好鍾意食車仔麵，之前食過永年覺得唔錯，唔知道呢間同永年比較會是如何呢？排隊排左大約三十分鐘，入到去其實已經好肚餓了。我同男友一人食一碗，我就揀左餃子，豬腸，瑞士雞翼配米線；佢就瑞士雞翼，魷魚，牛腩同埋八爪魚卷配油麵，另外加一碟油菜。真係唔洗多講，石破天驚，去相。 I will be back.

尋日本身已經好想食文記車仔麵，雖然而家有三間分店，但三間都真係好多人排隊，因為趕住要返工，所以放棄左食。但我都決定今日特登返嚟深水埗食。雖然12點半嚟到，搭三間分店都係好多人，我選擇咗黎老店排隊，而另外果兩間都係攞飛嘅。但冇諗過原來老店排隊係最快可以入到座。佢嘅車仔麵係入座之前叫定，叫完之後俾錢，職員就會幫你將車仔麵拎去你想坐嘅位置嗰度。 我叫咗牛肚，玻璃辣魷魚，同埋豬油渣。湯底淨係可以揀辣同辣。餸嘅份量都好多，真心抵食。豬油渣炸到脆卜卜，雖然好肥膩，但好好味，食完都有少少罪惡感。牛肚好入味。魷魚雖然有少少辣，但10分爽口非常惹味。要排隊入黎食真係有原因。只係環境方面爭左少少，地下有啲濕滑。

今晚返義工前，想食少許野先返義工。但不想食太飽，於是諗起食碗車仔麵。係深水埗食車仔麵，一定去文記食啦。拿起張點菜單，好多樣餸都想揀。但想食太飽，於是揀左豬大腸，豬皮，酸齋及通菜配幼麵。文記車仔麵一直保持水準，大家一定要去食呀。

呢間最多人評論最多口碑嘅文記車仔麵，以前有來過，時間過去有了新的裝修。佢既新舖格局好似拉麵舖，差Ｄ唔記得左係食車仔麵，我叫左個蘿蔔牛腩米線配辣汁。　牛腩炆得好淋好入味，口感真的不錯。　蘿蔔夠淋唔會吸左好多湯同腩汁，入味得來又不太喊還有點鮮甜。辣汁好味提升到湯底。米線食落去口感都ＯＫ，之後吸左Ｄ湯都幾好食。個腐乳通菜，腐乳醬都幾多，而且都幾濃食麵配佢都唔錯。　環境企理，整齊，座位下仲有籃俾你放手袋。　整體來講平凡的車仔麵都真係有好味滿足啲時候。

深水埗有三個記好出名：維記、劉森記同文記。今次想介紹文記，呢間係我最鐘意食既車仔麵之一🤤🤤佢呢一間店最癲一樣野係，佢出名咗竟然愈黎愈好食😱😱_佢既車仔麵🍜有好多餸+麵底+湯底+調味選擇。_湯底🥢有兩款最多人嗌：腩汁同瑞士汁。兩款都超正👍超濃味👍重口味人士必點🤤🤤我係腩汁死忠🙋🏼‍♀️而我男朋友係瑞士汁死忠🙋🏻‍♂️_秘製辣汁都係無得輸，辣汁夠香夠辣，但注意返佢係比平時辣少少架。_餸🥢推介一：瑞士汁雞翼🤤超濃超入味，真心無得輸。推介二：流心蛋🤤做到蛋黃超流心，食完超級有幸福感。推介三：蘿蔔🤤好甜好淋，食車仔麵一定必叫。仲有酸齋、牛蒡都好正架👍👍👍_呢一間係值得排隊既車仔麵👍深水埗又平又好食既推介😛😛😛_味道指數：🌝🌝🌝🌝🌜上樓指數：🌝🌝🌝🌝🌜回頭指數：🌝🌝🌝🌝🌝_⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️💡是日嗌咗： （免加一）車仔麵三餸 $40-45💡餐廳資料：文記車仔麵 (深水埗)深水埗福榮街121號地下

成日經過見到好多好多人排隊，已經係一條街３間鋪頭，點解仲可以咁多人排緊隊。望一望係車仔面，其實真係心諗可以有幾好食，車仔面應該都無乜太大高低？！個人朋友放假泥搵我食飯，諗緊食咩就諗起宜家排長龍既車仔面，梗係叫咁得閒既朋友仔去等位先！哈哈哈哈！！１２：３０去到，原來係排隊嗌送即煮跟住自己再搵個位坐嫁！朋友好似都係等左１５分鐘咋喎個日，其實入面都仲有好多位，唔知係咪因為個日星期五，大家都HAPPY FRIDAY無去食車仔面呢不過總之坐底左，見碗野其實唔係好多嫁咋。同朋友夾埋嗌左花膠，牛腩，蘿蔔，小花菇（即係細冬菇咁）同埋梗係有走唔甩既豬大腸。食落真係有驚喜喎牛腩好淋同入味，高質的！豬大腸，我平時都唔係太會嗌的，但試左又真係幾唔錯！我同朋友都各自清唒自己個碗，份量其實岩岩好（對女仔泥講），唔會太飽。不過其實深水埗車仔面泥講，都唔算平嫁LOL 但都值得一試試既！

超超超有名既車仔麵，永遠都咁多人幫襯，其實坐得就唔舒服架喇，不過為左碗麵，冇野可以阻擋到我，我揀左花膠、墨丸、牛根，湯底揀沙嗲，簡直係靈魂所在，調較得好惹味，其他車仔麵食唔到。

好朋友介紹這間位於深水埗的車仔麵，話說日日都排長龍，每款食物都色香味美，淋漓盡致。今天終於有機會一試，但都排了約四十五分鐘。一碗點了酸齋、雞中翼、秘製牛孖筋和辣魷魚，另一碗點了柱候牛腩、花膠和韮菜餃子，兩碗都是油麵底。每款餸的確香口惹味，而且份量也不少。雞中翼很入味，牛筋牛腩很腍，大大塊的花膠很滑，值得推薦給車仔麵粉絲們。至於油麵及湯底，和其他車仔麵店的不同，真的好好食。深水埗區有這間臥虎藏龍的車仔麵店，值得一讚👍。

晚上九点半我多到了，发现人好多呀，还是要等位，还好我就一个人，所以位置很快就到了，然后很拥挤，我不太喜欢拥挤！依然选的沙爹汁，可是菜品味道啥的没啥印象特别深刻的，还是喜欢任意点车仔面

瑞士雞翼腩肉粗麵😎$32文記雖然有好多人排隊，但整體感覺，我就覺得比較普通，味道不過不失。腩肉味道尚可，反而粗麵應該未夠熟，所以好硬😂雞翼就真係幾入味😉難怪係必食之選

是日中午一個人去到深水埗咁多間小店好西 諗咗好耐食咩毒毒一個人 決定食個車仔麵平日 十二半唔夠 等位等咗唔晒五分鐘次次食親車仔麵都好難揀餸因為樣樣都好想食😆😆最後揀咗：豬大腸、通菜、韮菜餃（本身叫西洋菜餃 但係冇）外食嚟講 我一定要有菜der🥦啲餸冇野好講，一個字 好食枱頭一排擺咗好多唔同既醬料自己調味我就加咗啲辣椒酒同醋最後麵就食唔晒，但係飲晒個湯 正餐廳既裝潢感覺好似日本既拉麵店，有別於一般車仔麵啲碗都幾靚果然 包裝係好重要啲位同拉麵店一樣係一字排開既，逼就唔多唔少都有啲架啦本時拍拖冇機會食呢啲難得一個人麻甩地食車仔麵，竟然遇到靚靚又好味既文記，感覺非常良好😎😎

深水埗呢間文記車仔麵真係好出名！次次黎都要排隊，不過好彩等嘅時間唔算長。每次嚟食都會叫瑞士雞翼，魚蛋朱紅油麵呢啲走唔甩㗎啦！特別推介好少人知道嘅就係文記車仔麵可以買麻油！麻而不辣！！！好啱啲鍾意食麻但係又唔食得辣嘅人！買返去打邊爐落幾滴都好正！！佢唔會放喺鋪頭出面嘅，要自己問！幾十蚊一支大大支！！平時喺屋企打邊爐落啲麻油再加少少豉油。真係好正！起碼出面暫時見唔到有先！所以每次食完我都會買一支麻油走！

成日聽到人哋講文記車仔麵好好食又排哂長龍，終於有機會試吓。我8點左右去，排咗大概20分鐘。地方好靚，但略嫌有小小逼。今次我叫咗豆卜，雞腎同韮菜餃，仲有馳名嘅瑞士雞翼，整體黎講都唔錯，瑞士雞翼好入味，最重要係價錢唔會因為名氣而貴咗，值得一試！

文記車仔麵辣度Spiciness: 🌶🌶🌶🌶 (out of 10)————————————今日喺荔枝角睇完好姊妹嘅歌唱表演終於順便可以嚟試下傳說中嘅文記車仔麵喇😍.叫咗玻璃魷魚、韮菜餃子、豬紅、蘿蔔米粉加勁辣辣汁🌶都唔錯嘅 但都係覺得榮記好食啲主要因為覺得湯底唔夠濃味但今日番到公司同文記專家@tiff 反映原來要加埋腩汁或者咖喱汁先會好食咁我下次一定要再去了😆😆😆..多謝Elaine 請客☝🏻