367
92
35
港鐵深水埗站 D2 出口, 步行約3分鐘 繼續閱讀
所有分店 (4)
電話號碼
90595104
開飯介紹
這家車仔麵店的瑞士雞翅肉質嫩滑,非常入味。喜歡吃牛的則可選牛肚、牛腩及牛栢葉,配上腩汁,十分滋味。 繼續閱讀
獎項殊榮
米芝蓮街頭小食 (2018-20)
營業時間
今日營業
11:00 - 04:00
星期一至日
11:00 - 04:00
付款方式
AlipayHK 支付寶 現金 微信支付
其他資料
當面支付
食評 (637)
等級4 2022-05-22
0 瀏覽
堂食去到十點,收工再快手都係趕唔切🤷🏼‍♂️呢晚去深水埗買好耐冇食過嘅車仔麵!我都唔係好記得自己以前有冇食過文記,淨係記得呢間好出名😛車仔麵必食嘅餸係紅腸、豬大腸!加埋牛孖筋或者牛腩就更加正!而且識揀一定係揀油麵同沙嗲汁🤩紅腸正常,大大片👍🏼豬大腸乾淨、爽口👍🏼牛孖筋大大舊!口感好似啫喱咁!又夠晒入味!又係正👍🏼沙嗲汁惹味!都幾夠辣!!👍🏼整體味道係正!餸嘅款式夠多!下次想食車仔麵再試埋其他餸先!😗想睇我最新最快食評請Follow IG: f.nbreak 繼續閱讀
(以上食評乃用戶個人意見 , 並不代表OpenRice之觀點。)
等級1 2022-05-22
0 瀏覽
本來不住在附近,2點幾,特登來深水埗食文記。結果,外賣和堂食一起排,似街邊攤擋。不是以前廚房整完拿出來。以前堂食,有種日本拉麵店感覺,現在是街邊攤擋搬咗入去店內感覺。堂食都是在門口叫餐,再進內食。不會給你餐牌慢慢看。味道感覺差好多,待客如對待白卡佬~碗麵有烏蠅定唔知咩,好明顯有翼,同我講話係講調味料!?起初可以冇人理,當呢啲正常?應該碗碗都會冇?咁係咪要大隻到曱甴、老鼠先會重視?態度好有問題!重話我食完先講,我食到先睇到,都唔知會唔會食到肚痛。最後問你想點,唔係應該你諗吓點補救,俾返個碗面嘅價錢我都好似施捨咁!?好嬲,你態度好啲我要咁做?我對呢間嘢嘅衛生情況、服務質素、態度失去哂信心~有新朋友,或者外國朋友我都不會介紹他去這裡食~米芝蓮食店就係咁嘅態度,你哋繼續幫襯啦,慢慢排隊等街邊攤檔式招待啦,我以後唔會再食~ 繼續閱讀
(以上食評乃用戶個人意見 , 並不代表OpenRice之觀點。)
等級1 2022-04-28
185 瀏覽
自從暫停晚市之後,都好耐冇嚟,以前一直都只係食呢間,雖然價錢偏貴,但出品都算OK,佢之前有兩間舖都冇開,今日見佢開返,所以再去幫襯,如果唔係去排隊點餸果間,就要喺門口部機自己點餐,跟住比電子付款再入座,你都可以選擇用手機落點,但係都要出去門口拍卡比錢,大熱天時喺度等點餐直情係不知所謂,啲客又唔識用部機,有個阿姐喺門口左右兩邊教人用,個個都鬧部機多餘,舖頭裡面既樓面就冇嘢做企喺度吹水😞,外面既客就受罪,如果你一心轉用新科技幫助生意,令轉流更快、方便員工同客人就應該要讚,可惜佢呢個點餐同付款安排係我見過最垃圾既🤬,如果用咁既價錢去換取咁既服務,完全係物非所值,唔怪得佢哋既生意越來越差,希望佢哋老闆認真改善 繼續閱讀
(以上食評乃用戶個人意見 , 並不代表OpenRice之觀點。)
等級2 2022-04-21
198 瀏覽
想食好耐既車仔麵!身邊啲朋友都推介呢一間文記車仔麵,話由細食到大話一定要試既係瑞士汁雞翼, 同辣魷魚加韭菜餃👍🏻尼三個餸都好食👍🏻不過辣魷魚真係幾辣下🥵車仔麵必食既係油麵,加瑞士汁!另外,都可以試下加腩汁,正常既腩汁味,中規中矩😅本人就偏愛加瑞士汁,味道少甜,好味!😋😋油麵加甜醬,更係最佳配搭😬可加辣菜圃,不過味道一般,唔係世界級好食黎開深水埗區,可以試下如果再黎尼區,都會再試一試,回味一下! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-12
313 瀏覽
之前分享過一間不得我心的車仔麵店!今日就介紹這間我喜歡的給大家看看。這間位於深水埗超火紅的車仔麵店名叫文記車仔麵,在一條街內已經有三個舖位估計得到生意相當不錯,我們在平日下午兩時來到仍然大排長龍!排隊途中可在門口這張大餐牌中選定想吃的車仔餸,款式非常之多真的會選擇困難症發作啊。排了20分鐘後終於點好餸兼付款,然後由店員姐姐幫我們將兩碗車仔麵帶到另一店鋪內享用,每碗車仔麵也可以優惠價配飲品一杯,這天氣溫挺暖加上近來心情不佳一於飲杯鹹檸7加$11下下火先。車爸爸第一餐通常會喝熱飲可惜原來這兒並沒有供應!那唯有轉投凍奶茶加$10的懷抱,他說味道正正常常沒太突出。車爸爸選了豬大腸、玻璃辣魷魚、南乳豬手、豬紅及鳯爪配幼麵$67,看見肥美得可以的豬大腸已經很有食慾了。而我則選了自家製韭菜餃、豬油渣、及牛孖筋配油麵$51,另外加了辣汁醬和辣菜脯增添風味。橙色的鳯爪炆至口感恰好不會一咬即散,而且帶有醬香的味道我十分喜歡。肥厚的豬大腸內仍帶上滿滿的油脂,吃下甘香可口而且丁點異味也沒有,清洗得乾淨之餘並未失掉應有的香氣。豬紅帶有濃郁*紅*的特殊味道,加上口感爽中帶滑質素上佳。而南乳豬手雖然跟鳳爪色水相近,但味道則截然不同帶出一份南乳鹹香,豬皮軟滑淋香內裡的肉亦入口即化,愛吃軟綿質感豬手的朋友必點。玻璃辣魷魚其實是我最期待的一味,咬感是脆口的可惜汁醬已化於湯中未能細味。這兒的豬油渣份量超慷慨而且炸得酥脆又甘香,邪惡得非常可愛是必吃之選。自製韭菜餃因非即煮所以餃皮較淋,內裡的韭菜餡很豐盛味道挺香但偏甜口。最後的牛孖筋炆得口感很煙韌而且又入味真的很不錯。至於油麵和幼麵亦頗有質素而且份量超多,大食如我也未能完成將之全部吃光呢!今時今日吃車仔麵已經不再便宜了!但我吃到合心水的仍然會覺得很快慰。 繼續閱讀
(以上食評乃用戶個人意見 , 並不代表OpenRice之觀點。)