文記車仔麵 (福榮街)

營業中

休息中

是日泡泡小子同泡泡姐去深水埗玩具街， 出發前先係文記食個車仔麵， 大約12:30到， 攞飛等叫位， 大約等13張飛， 大約等左15分鐘就有位比預期中快入到去安排位， 地方乾淨但坐位之間有點擠逼🙈先睇餐牌， 雙面設計，簡單清楚， 用水性筆畫， 其後可擦可循環再用叫左2碗麵， 但阿姐漏單， 同佢講返， 另外上餸泡泡小子食河粉： 豬大腸、小花菇、酸齋、牛膀、豬油渣+沙爹汁、腩汁。（但漏左豬油渣等後補）💕豬大腸：乾淨、入味💕小花菇：好正 ❣️真係食到冬菇味💕酸齋： 其中最愛車仔餸之一💕牛膀： 大大舊，好味💕河粉配合埋腩汁、沙爹❣️❣️泡泡姐： （泡泡小子試左d車仔餸😋）粗麵： 蘿蔔、雞中亦、韮菜餃、魷魚、柚皮+沙爹汁、腩汁 。（但漏左柚皮等後補）💕蘿蔔： 好好味❣️無渣、 夠淋、 入味👍💕雞中亦： 入味💕韮菜餃： 3大粒， 仲要係大大粒都好味💕魷魚： 辣口的， 不過不失後補的： 豬油渣、柚皮💕豬油渣： 無得輸❣️❣️脆卜卜， 唔覺膩， 浸左湯都無變淋（下次去要再食）💕柚皮： 正常， 不過不失大滿足😋😋😋車仔餸份量算多， 下次叫3-4隻餸就夠， 今次泡泡貪心叫左5隻餸🤤好飽

Finally visit the famous noodles shop!無諗過豬紅完全唔羶唔腥，食落好q彈有咬口。雞腳醃得非常之入味，啖啖都覺得係有豐富嘅骨膠原！仲有，唔係每度都有銀針粉架，食落chewy, 連湯一齊食好好味呢！

朋友推介這裏的車仔麵，今日去深水埗當然要試下，我叫了油麵腩汁，三餸有水魷，牛筋，豬手。水魷ok，其餘倆樣燘得唔夠淋；最弊係之後食完勁口渴，就知啲味精好重手...失望！

#LuBie深水埗🍜車仔麵（玻璃辣魷魚、瑞士雞中翼、韮菜餃 河粉）（🤤：8.5/10）跟餐加$10有咸檸7🔽呢間深水埗好出名既車仔麵，已經成兩年無黎食，鋪頭裝修左 比以前靚好多，呢間係最近街頭果間 無晒啲圓枱 感覺似日本既拉麵店。一入黎姐姐就俾左塊cardboard 我 用marker 去圈野食 落order。🔽點左幾樣呢度比較出名既餸，揀左河粉底 同腩汁湯底加少少秘製辣汁。玻璃辣魷魚帶微辣 做到脆既口感，一咬落去果下幾脆 之後就幾軟熟。韭菜餃有三大隻 裹面既餡都幾足 有好多韮菜 肉就相對較少 味道唔錯 係略嫌包得較散。 湯底方面都濃味且帶點清甜味 而且加左辣 辣勁十足 ，雖然加左腩汁 但就唔太覺有腩汁既味道，啲河粉吸收晒啲湯既味 食起上黎好正。🔽杯咸檸7 俾足一個咸檸檬仔 加入汽水後 篤爛佢，令杯汽水有滿滿咸檸味，呢杯野都幾唔錯。.📍文記車仔麵（第一分店）📍深水埗福榮街119號地下#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie

一條街3間鋪，就食左呢間最多人評論最多口碑嘅先啦~先講環境，比起另外兩間，佢係比較四四正正，不過入到去真係幾迫，空間感好少，坐得唔舒服。而且感覺上太多人等緊位，所以唔可以食得太慢。配料$8-12，麵底$8-9，湯底分腩汁、瑞士汁、清湯，可配辣汁、沙嗲等。每個位都整齊擺放好醬料、菜莆，呢方面都值得加下分嘅。唔算好貴。腩汁湯夠濃, 蘿蔔幾清甜，牛腩炆得好淋好入味，不過呢D係基本野姐。豬腸份量幾多下，乾淨唔韌；鳳爪還可以，唔算鬆散；韭菜餃可能浸得耐，一夾散哂。整體黎講，用料足，湯底入味，可以再戰。至於衛生方面要扣番分，真係幾多烏蠅，咁樣真係反胃架。

深水埗-文記車仔麵：蘿蔔牛肚米線+腩汁(hk$31)又黎到我去到深水埗都想食既文記車仔麵，今次到訪佢既新舖格局好似拉麵舖，雖然很逼但明亮整潔，牆上放滿各式醬料，經典車仔麵膠碗換上瓷碗，椅底還貼心地提供手袋籃比你擺袋，簡直係全面升級😆黎呢度一定要食佢既秘製辣汁，加埋通菜同索湯米粉簡直係無_敵！！！但我唔知痴左邊條根竟然剔漏左我既大愛辣汁，可能上天見憐，知我因為之前食得辣野多生左粒大暗瘡（哭），所以我唯有知天命食清d算啦... 雖然都唔甘心所以加左辣菜甫😆蘿蔔係佢十大推介之一，我認為當之無愧，清甜無渣軟硬適中。牛肚係金錢肚，軟淋入味，非常有水準。腩汁又是一絕，濃味不油膩。朋友點了牛膀和一堆內臟，個賣相都好得。其實我之前有一次在舊店食完係肚痛既，不過呢度既麵擁有足夠我再回頭比機會既滋味☺️

深水埗著名的車仔麵，平日次次經過都大排長龍，同一條街有三個分店，都一樣間間都好多人等位。今日我地三個人lunchtime經過見人龍不太長就一於試一試！等左大約十分鐘就有位！-我地食左街頭嗰間分店，環境企理，整齊。座位下仲有籃俾你放手袋！-見到十大必食推介當然要試下，我叫左瑞士雞中翼，蘿蔔，通菜三個餸，加祕製辣汁，腩汁底。-瑞士雞中翼果然係十大推介的第一位，非常入味。蘿蔔好林，好甜！加上辣汁，係第二間車仔麵食唔到既味道！-果然名不虛傳，值得再去食！

有時放假都會同老公行下深水埗黃金高登成日經過呢間車仔麵舖都大排長龍見而家天氣冇咁熱今次就去試下排好彩我地兩個人食等左十分鐘到就入得!入到去有大大個招牌介紹文記既十大名物我就揀左蠔油冬菇、通菜同豬紅三味餸辣汁第一次就試微辣蠔油冬菇雖然細細粒但好入味！而且佢都比左成十幾粒落我個碗到不愧係榜上有名既餸！通菜冇乜特別但豬紅就好好味完全冇腥/益味!仲要唔貴～始終係深水埗價錢加埋野飲都係$50唔洗！下次再食要挑戰小辣！

很多人對文記車仔麵的印象是它門外長期都有人龍。它在福榮街其實有三家地鋪，但我和朋友到的時侯，大約十二點左右，已經有人在排隊。到底它有什麼「秘方」令客人欲罷不能、還能令它在短短幾年間就獲得「米芝蓮推介」的美名呢？作為吃過文記多次的「深水埗地膽」，就讓我帶大家一探虛實。.它位於深水埗的「食街」福榮街上，在這競爭激烈的地方出類拔萃著實不易。由於它在街上有幾家分店，所以在深水埗站B2和D2直走到第二個街口都能見到它的分店。而原店的人龍永遠是最長的，亦是唯一一間還保留住開放式廚房的分店。看得到的食材、見得到的功架，的確是最有風味的。.但我和友人三間分店都去過，覺很沒有什麼區別，便去了間人龍最短的，等了十分鐘便可入座了。內裏大都是「自私枱」，沒有面對面的坐位，自己一個光顧也不尷尬，甚至更為適合。和朋友來也坐不久，一空間不多、二頗為嘈吵、三很多人等位。所以，侍應下單快，收東西更快。不過店內空調足，人多但不會焗促，也尚算整潔，桌面和碗筷不會有油漬。.新分店牆上有牌匾介紹「本店十大必食推介」，不知道叫啥的食客大可叫上幾款，大多不會中伏。另外餐牌也有更多配菜選擇，也有不同麵底、湯底和醬汁，另選杯清熱的自家

自從陸續係深水埗福榮街開咗三間鋪，而家服務之差，熊度之串，一個士啤碗（吉碗）要多收九蚊即係同一枝菊花茶一樣！文記家陣真得，淨收現金唔知啲稅有冇報齊？啲野仲係幾好食

好耐之前同朋友食過一次文記車仔麵，當時好似仲係寂寂無名，但係過左幾年後，已經出名到開左兩間分店😰所以就突然間想念佢既味道，所以今日特登過黎深水埗食。大約下午2點鐘去到，門外仍有十人左右等候，不過等左十分鐘左右就入得。由於太多人，所以坐得好逼硤，侍應嗌極都唔理人🙄希望可以改善下。麵底揀左薯粉，配料有羅白、同牛肚。薯粉煮得剛好，十分彈牙，份量都幾多。羅白有四舊，呢個就有d少，不過勝在夠鮮甜，又唔會太林，好味！牛肚係我最愛，好香鹵水味，炆得岩岩好，夠晒軟稔入味，好想再食！！！！令人回味係個腩汁湯底，濃味得黎又唔油膩，配埋自家制辣醬，成碗野真係好好味。

每次經過都會見到呢到大排長龍，於是今日特登提早d，5點幾就過黎食😋一入去就有得坐，唔洗排隊😍籮白清甜冇渣，豬腸好彈牙，韮菜餃好足料，同埋係佢地自己包，好新鮮😋湯底好惹味😍同埋真係好大碗，非常飽，下次一定要再黎食😋

星期六約左好姊妹到深水埗買野, 中午就來文記食個車仔麵先開始行街。天氣好熱, 但剛到中午店外已有唔少人排隊。 我地就等左大概20分鐘先可以入座。 熱難得排完隊入來試, 當然要叫多D我叫左蘿白, 螺肉, 豬紅, 花菇仔同魷魚, 小辣, 油麵。蘿白夠入味, 但有少少渣。螺肉個辣汁好味, 但口感略嫌唔夠爽。 豬紅口感好, 但可以再入味d。小花菇味道唔錯, 但真係太細粒。 食完都唔覺得自己食左, 冇乜口感可言。我都係中意大粒厚身嘅花菇。魷魚again, 個汁味道唔錯, 但魷魚真係小家d, 舊舊都勁細舊/勁幼。又係食完唔覺得食左, 冇口感。我姊妹就叫左豬紅豬腸同魚肉。我冇問你魚肉好冇食, 但豬腸我試左一舊, 唔錯!我地仲叫左個腐乳通菜, 不過不失。 個量都算多。枝蔗汁都差少少, 唔夠凍的, 只係比室溫涼少少, 同埋都細枝。對於喺出面等到好熱同入到去食辣野的我來講, 就真係差少少。姊妹叫嘅凍檸茶會好d, 起碼夠凍同夠大杯!總括而言, 我個人覺得一般般, 我諗我唔會再食。因為我自己都咀刁, 我都食過好幾間好似佢咁既高檔貴dd既車仔麵。但相比之下, 佢就比較遜色了。成70蚊食碗車仔麵(未計菜同飲品),

每次經過深水埗都必定會去排隊食文記車仔麵!今次星期六中午大概12點左右去到，同朋友等左15分鐘左右就入得，唔算等得太耐!其實之前又唔係食左好多次既，所以每次黎都會試下唔同既餸，今次就叫左4餸再加油菜!豬大腸魷魚鬚豬紅魚肉油麵，豬大腸好入味唔會有臭屎味。魷魚鬚唔會好冧身，咬落去彈牙，而且味道唔淡口。豬紅又係好入味，唔會好似出面果D咁淡淡的。至於魚肉唔會係冧哂果D，咬落去仲有D彈牙!湯底叫左腩汁加辣!最正既係佢呢度有好多唔同既醬料俾你落，我個人就最中意落少少花椒油、少少黑醋、同埋佢既辣菜莆，超正呀!腐乳通菜，D腐乳醬唔會得少少咁，而且非常濃郁，唔會好稀，又係正!

深水埗有很多好食又有特色的食店一條街有三間車仔麵的文記車仔麵雖然已經有三間分店，但人龍永遠都存在，就知道質素有保證的。調味料整整齊齊地放在座位上寫子仔選擇料後，一碗熱辣辣的車仔麵隨即奉上。今次叫牛孖筋加蘿蔔， 牛筋全部都很有彈性，蘿蔔軟甜