撈喜 (已結業)

小店好多時都令人驚喜，更能專注做好一款菜式這店專食花膠撈，位置美食林立既東大街無飯一族想食得住家d,呢度好適合not much choices, 岩我👍🏻👍🏻👍🏻招牌花膠撈，花膠好大片，足料食落夠哂lum, 個人覺得配粗面口感最好，另可選烏冬同簥麥面❤️👍🏻其實我最喜歡既係湯，更清更甜，推推口痕叫左好多小食，坐得舒服想坐耐d😁😁牛肉粒，唔um,唔錯，黑椒必勝美味豬neck肉，可以細塊小小午餐好似都幾正咁，要試啊

幾個月前食過一次，今次經開筲箕灣又想食花膠撈面+燉湯！$148 一個花膠套餐其實好抵：杏汁豬肺花膠湯（加$10）- 杏汁應該係即磨，如果唔係做唔到咁香滑，大大件花膠，又厚又滑，又有好多件豬肺及雞腳，夠晒足料！補補補！招牌花膠撈面，手掌咁大塊花膠，好有彈性，充滿膠質，加上蝦籽撈面，不但香口又補身，仲有3-4件西蘭花！加$20將小食轉安格斯牛柳粒，外脆內嫩的牛柳粒好滑，配芥末醬係perfect match!再配生菜一碟，新鮮！比出面餐廳的少油，唔錯！

早排又試左間平民小店—撈喜，主打係女士都鐘意嘅花膠，聞說花膠係滋補養生保健嘅好食材，平時買價錢其實唔平，而且煮起上來又花功夫時間，有時想補充骨膠原不如出街食仲方便快捷～要左花膠豪華餐：招牌花膠撈，花膠燉雞湯，豬頸肉，同生菜。花膠燉雞湯湯好清，隻花膠算大隻，入面湯料都多，味道清清地，唔錯花膠撈面：一隻花膠，雖然薄身，但咁咁嘅價錢黎講，我都收貨。味道偏淡，不過個汁唔夠去撈哂個麵，而且個汁太杰身，有少少難去撈均（廚師可能唔覺意整左有少少汁向碟邊，所以好易hi到d汁，隻手好易整污糟）豬頸肉（sorry 手震）牛柳粒略為乾身同鞋口，麻麻地時菜（圖為二人份量）

新年頭，諗著佢個名好聽，而且報紙亦有介紹，所以揀咗呢間食晚飯，可惜大失所望！係筲箕灣東大街行到最尾，就可以見到呢間店舖，細細間但都算乾淨整潔！晩飯時間，只得兩三張枱有人坐，但亦有人外賣。叫咗一個賀年套餐，另叫一個魚翅撈蕎麥麵，賀年餐裏面有一part係要三選一，我哋揀咗心想事成即係海參生菜包，其實就係海參切粒，然後加上大量wasabi撈埋一齊, wasabi 蓋晒海參味道，仲超辣，超難食！蠔油鮑魚撈麵，鮑魚切薄片細細塊，仲有舊菇好硬，啲汁好咸，麵好似一團粉亦有啲硬，完全唔彈牙，無口感！湯就係杏汁燉花膠白肺，無胡椒粉，唔夠入味但都算ok! 而另一個餸瑤柱蛋白扒生菜，用咗唐生菜，唔夠西生菜好味，而且好多油！甜品紅棗杞子燉柑桔雪蓮子，又咸又甜😖勁唔好味！最後嗰個魚翅撈蕎麥麵，可以冷上或者熱上，我哋揀咗熱上，但都唔太熱，都算ok! 平價錢食花膠，魚翅同鮑魚，都不要期望太高了，不過我都係一次過唔會再去！

專登嚟筲箕灣食好嘢~其實已經食飽咗,但仲周圍行搵吓仲有無好嘢夜晚食行到去東大街差不多盡頭~發現咗間細細哋嘅店~行埋去睇~竟然係花膠撈麵~仲有原盅燉湯~嘩~見到咁補~雖然飽飽哋~但我超鐘意飲湯~入去叫個湯飲吓坐吓都好喎地方唔係好大~但都都唔算逼~我哋其實7成飽~我決定咗飲湯係朋友仔未決定食咩好~呢個時候,我feel到店員有小小想吹我哋叫嘢食但朋友仔一於小理我揀咗 花膠燉雞湯都好足料而朋友仔最終揀咗 招牌花膠撈蝦籽麵 套餐朋友仔話味道一般~套餐仲有碟油菜同一杯嘢飲~但我掛住飲湯,無影到食完好滿足啊～

臨新年忙到甩褲完全坳唔到時間食個晏 我女人突然好冧送外賣到我公司仲賣晒口乖話我食完撈到風山水起 喂，乜原來今日係情人節 難怪! 好彩我醒 提早送左份大禮 補返今日無得陪佢。呢個花膠面外賣分門別類乾淨 本人比較小食花膠 淋滑好食 冬菇入味似老媽子過年妏既餸 西蘭花點埋汁好食 蝦籽俾得多唔孤寒 撈埋面成陣蝦味 面餅夠大份 面質粗仍爽口 雖然食時已凍 但呢d餸就算凍熱都仍然好食 最難得最好味係雪中送炭既味道 得此女人 夫復何求呢 不枉我重鎚買咗份大禮 掂!

舖頭係東大街嘅尾唔算好遠會見到門口上面有個招牌寫住［撈起］一入去坐底就有暖茶飲menu都有唔同款野食有湯有撈面有燉湯因為都算餓所以就叫左兩個撈食下日式魚翅撈蕎麥麵魚翅份量好多好真材實料撈完每啖都有魚翅好滿足而且好入味口感較軟好多汁而且汁嘅味道略淡雖然好多汁但又唔會蓋過魚翅嘅味道南非鮑魚麵咁岩有折扣只係$88鮑魚都算大而且係切片鮑魚好方便食鮑魚煮得黎恰到好處彈牙得黎唔會太難咬亦好爽口鮑魚撈嘅汁就相反味道好濃撈埋啲蝦子麵就岩岩好建議可以同親戚新年去食下好意頭屋企人一定好鐘意

今年孤獨留港，臨近新年唯有自製氣氛食得矜貴! 幾鐘意呢個名，撈喜撈起撈到風山水起，今年仲唔掂過碌庶!小店有點日式feel, 木枱木櫈! 餐具黑色感覺高級! 牆身放上食物相…… 相當吸引😋 原來仲有燉湯卷買，買十張正價9折… 等等~睇食評好多人都一致好評花膠撈麵，但我plan好要試下花膠燉雞湯，咁麵類就可以試下其他口味，就試下魚翅係咩料子!日式魚翅撈蕎麥麵，主角魚翅係一梳梳，完整唔鬆散，食落清脆爽口，青瓜一絲絲，原來配魚翅口感同味道都好夾，有趣! 蕎麥麵煙韌口感，成件事用芝麻醬黎撈好清爽好日式好夾好味道!花膠燉雞湯，舊花膠大嚿到要走出來，材料比例多，鐘意食湯渣既人岩晒，花膠燉得夠時間，滑嘟嘟漿住個口，好rich! 有幾嚿瘦肉同雞腳，雞腳好食唔會燉到溶溶爛爛，杞子我本身麻麻所以無食，紅棗有核既但好清甜，燉湯好重雞味飲落好滋潤，即刻買左湯卷兼打包定幾盅冰係雪櫃留返新年每日一盅慢慢嘆😋

I was having an appointment with one of my customers at Shau Kei Wan and he suggested that we should have lunch later on. Since he was familiar with that area and the weather was still cold, he brought me to a place known for their double boiled soups and seafood etc. 撈喜 was located around couple of minutes walk from Shau Kei Wan MTR.Besides their ala carte menu, they served set menu as well, which was pretty reasonable. They offered mainly seafood delicacies such as fish maw, shark ifn, sea cuc

約左媽媽谷朋友交收，同亞仔首次來到東大街，好多野食，花多眼亂，朋友介紹話要黎食超抵花膠面順便進補一下，好吧。門面細，好彩係街尾個間，如果唔係一定走漏眼。店鋪小，坐位排得滿滿，個個好快食完就走，午市唔洗等位，反而外賣既人較多。叫左$68招牌花膠撈+$58美人湯登登登登~ 花膠好大片啊!!一大片花膠卷住西蘭花，個面積好大，只係細過我隻手小小，好誇張，口感又黏又淋又滑，個口俾d骨膠原漿住，堅料! 西蘭花吸左似鮑汁既味，好食。撈面有密密麻麻既蝦籽蓋住，撈一撈，每條面都痴到蝦籽，好香，連埋汁好好食。靚太梗係要飲返個美人湯啦，原來係花膠燉雞， 燉盅內滿晒料，花膠又係大大片，雞腳，豬肉粒，雞肉同埋杞子紅棗非常足料， 紅棗超級甜，靚貨! 肉類新鮮，唔嚡口。淨係食呢盅野都已經飽啦～隱藏呢塊超大花膠，食左想唔變美人都唔得啦~~ 同亞仔齊齊變靚，皮膚滑滑過新年，呵呵呵！

聽朋友講咗撈喜呢間餐廳好耐，佢哋話平日午餐都會嚟呢度食嘢，今日得閑就黎呢度試吓啦。佢呢度主要食嘅係貴價食材嘅撈麵同埋燉湯。套餐有晒我想食既野，所以決定叫佢哋嘅豪華餐試下！套餐包左燉湯、小食同埋撈麵，唔使再左揀右揀。餐廳仲有燉湯券售賣，如果平日冇煲開湯嘅，可以買返佢啲餐券，一個禮拜飲一次都好似幾好咁。你會見到佢每一種食物都唔會話特別平，主要係因為佢嘅食材係一啲貴價嘅海味，所謂一分錢一分貨，要食好嘢就要付出多少少。😎😎不過當然都要睇下個整得好唔好食，就等我試吓啦。首先嚟咗個海蔘燉雞湯，材料好豐富，成半盅嘅海蔘同埋雞，雞同海蔘都炆到好林，啲雞一咬就開。而湯方面，都好濃，好香雞嘅味道，飲得出係燉左好耐，好補身！海蔘好林，好有骨膠原嘅感覺。主菜我叫左魚翅撈蕎麥麵，都幾大碟，一定夠食！首先講返個汁，望落去都幾多，但係唔係好咸，所以撈埋個麵食剛剛好。魚翅大大嚿，條條分明，食落爽爽地。冬菇都好大隻，好厚身，炆到林晒，入晒味！食落好香冬菇味。小食就叫左安格斯牛柳粒，嗰邊煎到脆脆地，好香口，入邊好林，好juicy。點埋個芥茉醬食好夾，好好食。灼清疏，佢真係灼嘅，唔係唔係油菜，所以唔會好油膩，時間剛剛好，唔

去開筲箕灣，朋友帶我去食一間出名的鮑魚店，話幾十蚊食到大大隻鮑魚。咁抵，一定要去啦。餐廳細細，佈置有少少日系feel，木為主的質材，感覺温暖。麻辣木耳酸酸辣辣好開胃！木耳爽口！叫一碟做開胃菜真一流。龍眼𣏌子茶明目清熱，入口清甜，淡淡的𣏌子味，龍眼肉多，甜甜的。一杯飲完還想來多杯，感覺涼透心扉。南非鮑魚麵大大隻鮑魚！入口煙韌可口。鮑魚已經幫我們切片，所以入口都好易咬。鮑汁煮成的麵，入口都不得了，鮮味昇華到一個無可比擬的地步。麵爽口彈牙。不得不提，這裡食個麵加$38就可以加一隻大鮑魚。但只此一次。

天寒地凍又乾燥，之前睇雜誌見到全港唯一花膠撈面，價錢仲要唔貴，放假特登去東大街食返個花膠補一補滋潤下。店內小，目測最多20個位，樓面得一個，全場爆滿都見佢踢晒腳好忙，同時不停有人黎外賣燉湯，但仍然保持禮貌笑容，幾好。招牌花膠撈蝦籽面，睇落細細份，食落原來咁多，一大舊花膠包住西蘭花好有心思，花膠正路無乜味一定要靠醬汁炆腍，炆得好入味，好滑好腍大大塊，真係想大嗌~~~ 好多骨膠原呀~~ 哈哈哈。西蘭花6粒細細粒d花索晒d汁好味但不失菜既爽脆口感。麵上鋪滿粒粒蝦籽，一撈喜先發現，乜咁大個麵架，麵質爽口彈牙煮既時間剛好，比出面既粗麵厚身d，唔係鹼水麵貨色，有面既香再加埋蝦籽更香濃好食。叫個花膠撈麵送油菜，放係煎pan上幾有特式，估唔到送既菜都有返咁上下份量，新鮮爽脆淋上豉油汁，帶出菜既味道一餐內面無肉落肚好似爭咁d野，叫個安格斯牛柳粒配芥未醬，外表煎得脆脆，雖然脆但無油膩感做得幾好，牛味重夠腍軟無渣，配埋芥末醬更野味，食晒成碟無難道。最後點返個甜品作結尾，熱辣辣木瓜雪耳燉花膠，入面d料爆滿，幾粒有核紅棗，幾舊木瓜甜甜的好潤，雪耳燉得夠火侯好軟滑，舊花膠仲大過隻匙羹（唔知點解試左幾次都post

星期六揾地方食下特別野，放是去到東大街較後位置。去到店內已坐滿，稍等10分鐘後有位。食物算多選擇，最後單點了南非鮑魚蝦子撈麵同花膠撈麵套餐，另外點了一碗花膠湯。大約10分鐘後，食物相繼上枱，賣相相當不錯，味道亦對板，麵條爽口，有咬口，雖然花膠偏薄，整體於水準以上，以呢個價錢，已經算交到貨。反而跟餐加10蚊轉嘅桂圓杞子茶熱飲有驚喜，幾足料，喺呢個咁凍嘅天氣下飲用，份外温暖。埋單230幾蚊，價格合理，下次試埋其他出品。

港島東最多好東西吃的地方當然是位於筲箕灣的東大街。今次難得來到這邊，當然要到東大街覓食。在東大街走過來，看到一間餐廳名字很有趣，只得兩個字「撈喜」，主打花膠撈麵。如此特別，就試一下吧。餐牌上除了單點還有一個名為「撈喜豪華餐」的套餐，有湯有小食有撈麵，好像很抵食，於是就叫了一份，另外再多叫一款撈麵和燉湯。先上的燉湯，我們選了海參燉雞和花膠燉雞，上枱時侍應把燉盅打開，雞湯香味隨即撲鼻而來，而且相當足料，海參切成片，花膠原隻清燉，兩者都非常爽口，入口清甜，喝到最後還有幾件雞肉和豬肉，單是喝個燉湯便已經相當飽肚。喝了湯就輪到撈麵出場。首先是招牌花膠撈麵，兩隻大大的花膠配以冬菇跟菜心，花膠爽口，冬菇入味，而醬汁方面亦很香濃，與蝦子麵稍為撈一下，麵底輕易沾上醬汁，一下子就把撈麵吃光了。小吃方面，我們選了鹿兒島牛柳粒，牛柳粒煎得外脆內軟，口感不錯，肉質亦很鮮嫰，肉味香濃。清灼生菜亦是跟餐的，剛好可以清清喉嚨，準備迎接下一款撈麵。另外一個撈麵，我們選了薑葱安格斯撈，薑葱與安格斯牛的配搭的確是非常新鮮，薑葱汁配合本身較味淡的蕎麥麵剛好互補不足，安格斯牛肉味亦很濃。以花膠撈麵作賣點的餐廳不算多，今次難得一