撈喜 (已結業)

Very slow and bad service... The dishes arrived is not hot enough, even steam vegetable takes more than half an hour. Need improvement!!

食過幾次，永冇中伏。無論喺menu叫乜都吾會差，希望可以保持水準。今日一家四口叫左兩個set lunch, 再加兩杯龍眼茶。兩個化骨龍就食黑松露鮑魚飯。埋單$244，平靚正！花膠撈麵黑松露四頭鮑魚飯

同事講呢度有花膠入饌，工作咁忙，都要補吓先得，於是約咗朋友嚟食返餐先。睇完餐牌，同朋友二話不說，就叫咗個撈喜豪華餐，豪一豪佢先! 墊枱紙都有介紹花膠嘅好處，又長知識啦!湯我同朋友都揀咗招牌美人湯，即係花膠燉雞，一飲就叮一聲，因為個湯好清甜，一定係用咗唔少料頭去燉製，裡面有成大塊花膠，仲有雞腳、雞件、瘦肉、杞子、紅棗同雪蓮子，好正呀! 招牌花膠撈麵又係有一大塊花膠，撈粗嘅汁應該係蠔油鮑魚汁，加埋蝦子，食落更香，仲有冬菇同西蘭花，健康又美味。小食又係可以喺幾款裡面揀，叫咗香煎鹿兒島牛柳粒，牛肉味香濃，有頭，唔錯! 泰式豬頸肉煎得好香口，配埋個汁，好惹味。跟餐仲有個灼菜，最怕食油菜好多油，呢度剛剛好，啲菜又唔會好淋，好食! 食飯期間，店員細心有禮貌，仲會主動加茶，呢啲細微位加晒分。呢個豪華餐好豐富，食完已經好飽，下次有機會，想試埋佢哋嘅花膠甜品呢!

今晚同朋友去左筲箕灣東大街搵野食,見到OPENRICE有人話有間補湯正既撈喜唔錯咁我同朋友就去試一試,補補佢好快就搵到間餐廳,望下餐牌先好啦一人一個餐撈喜豪華餐,招牌花膠撈麵,原盅燉湯.灼田園清蔬,小食個小食我地選左香煎鹿兒島牛柳粒,泰式豬頸肉.跟住一人一盅花膠燉雞花膠燉雞--好清既湯...大大塊花膠,仲有好足料真係好掂香煎鹿兒島牛柳粒--香口牛味,唔會太肥泰式豬頸肉--好熱辣辣,好似平時食串燒咁正灼田園清蔬--好大碟,新鮮既生菜招牌花膠撈麵--超正呀,蝦子鋪面,大大隻厚身花菇.撈喜撈起愈撈愈起,好意頭,仲有大大塊花膠

今晚和太太去筲箕灣東大街逛街，行到有點累，就在附近看看有甚麼好吃的她想再吃這裡的花膠撈麵，我當然要陪伴她。地方不算很大，座位只有廿個，裝修都很整潔。撈喜豪華餐$148，原來自由配搭，超過限額要補錢，包括一個麵、燉湯、小食、生菜。鹿兒島牛柳粒，牛柳粒面煎得好香，內𥚃保持肉汁，仲有芥末沙律醬可點。魚翅燉雞，魚翅採用日式魚翅，雖然不是真魚翅，不過都幾味，燉湯清甜沒有味精，仲好多料。薑蔥安格斯撈烏冬，稻庭烏龍彈牙，安格斯牛肉軟腍。晚餐有生菜，梗係最健康啦。

小店裝修簡單舒適，牆身貼滿食物相，實行有圖有相。除左一定要食主打花膠撈面之外，正所謂不時不食，推介料必食。廿幾蚊食到鮑魚，價錢相當吸引，平靚正之選，爽口彈牙，好食。花膠撈面，望落的色，撈起食埋就知猛料，大約有2大碗面既份量，爽無梘水味，花膠軟棉棉炆得夠。老黃瓜燉魚翅，湯頭勁量，魚翅成梳成梳，爽到爆，連埋雞肉燉，好濃烈雞味，飲得出係新鮮雞，呢個真心推介。黑松露四頭南非鮑意大利飯，係一間咁中式既餐廳，又燉湯又花膠面呀，突然有個咁西式既野都幾特別，不多講，有圖有真相，黑松露佈滿每一粒飯，個種濃烈既味道真係唔識形容，成件事絕對"誇張"。木瓜花膠奶凍，滑不流口直落喉嚨，甜度剛好帶點奶香，入面仲有幾片花膠，太奢華吧。而家落街食個茶記最少70蚊落樓，同一價錢係呢度係食緊花膠撈面咁奢侈囉，簡直瘋狂兼反通脹，支持用心小店。

自小就喜歡搭電車，今天去港島搭電車遊港島，總站是筲箕灣。肚餓了，想到筲箕灣東大街是一條食街。邊行邊睇揾好嘢食，新年流流見到撈喜已經中意，上次食過的豪華套餐是$148，就決定再次幫襯。$148豪華套餐有花膠撈蝦子麵、花膠燉雞湯、麻辣雲耳、生菜。花膠撈蝦子麵，花膠又淋又滑，大件過我隻手掌。花菇好有口感，而菇味好香喔，蝦子麵麵質彈牙。花膠燉雞湯，湯味清甜，唔係老火湯而是燉湯，勝在冇味精喎。麻辣雪耳，用醋加上麻辣油，酸辣得來又爽口。吃埋個生菜已經好飽了。

看雜誌介紹這間《撈喜》的花膠撈麵,終於有機會親身品嚐。晚餐和午餐似乎餐牌是一樣的, 午餐來說稍微貴了些, 但晚餐來說則非常公道抵食。今晚點了招牌花膠撈麵, 很香滑彈牙黑松露花膠撈麵,黑松露味撲鼻,又香又美味!冰鎮鮑魚特價28元隻,大隻又好咬口,而且很入味!!!! 燉湯絕對是正足料之餘飲一啖已覺得很滋補撈喜絕對是性價比高的食店!!!推介

今日於屋企附迎搵野食~原來開左間新野，一於試下~有套餐~好多貴價野, 又飽魚又花膠是日推介首先個燉湯係超足料好大塊花膠, 又爽口 湯係完盅燉又冇味精 推介, 花膠養顏呢你睇幾足料沙律加上胡麻醬 感覺清新又醒胃原來今日有優惠價加錢換冰震鮑魚真係好爽口, 又鮮甜南非鮑魚撈份量十足的原隻南非，鮑魚味香濃又夠鮮甜且肉爽沾滿鮑汁及蝦籽撈上面上，超級好味呢，配菜西蘭花冬菇更加一流蜜椒雞翼蜜汁沾滿了雞翼皮上, 超香甜, 雞翼皮又香脆， 黑椒味有少少辣更醒胃惹味呢!

又凍返，皮膚即刻起晒細紋乾到爆，唔食返d靚野補下真係唔掂! 裝潢企理整齊燉湯類選擇多，除左餐牌外，有d特別湯同甜品寫係白板度小食款式唔多，較特別係可另加或散叫花膠魚翅等! 可以自製豪華大雜燴，哈哈哈哈樣樣撈野都用貴價食材，係度想食cheap野都難啦，哈哈哈選擇散叫，花膠撈面，面上灑左陣蝦籽好香，面質粗有彈性，主角花膠無令我失望，夠漿口堅料，西爛花索左鮑汁成件事又貴價左啦!靚姐姐誠意推介花膠燉雞，平平地試得過，原盅上，非常有內涵，材料塞到爆，用料新鮮，一片花膠有雞有雞腳有豬肉，說實話，反而更想飲多幾啖湯

開始係銅鑼灣食到悶啦，朋友話帶我去筲箕灣食好野。今次食呢間小店叫撈喜，好家庭式的感覺，無豪華嘅裝修，但竟然係食山珍海味！主打花膠撈麵，鮑參翅肚，好豪呀，但睇番價錢又唔算貴咼。朋友叫左個撈喜豪華餐，$148有麵有湯有小食同菜，都幾超值！本身對花膠興趣不大的我，又唔想同佢點一樣嘅野，所以點左特別推介南非鮑魚撈蝦籽麵同海參燉雞湯。首先燉湯入面有雞，豬肉，杞子同海參。由於燉湯關係肉比較老，所以我無食了。湯好濃郁，充滿雞味，而且真係有家的感覺。海參大概有三至四塊，顏色呈透明偏白，唔似平時屋企食果d黃黑色帶有紋。可能係品種不同，海參咬落質地有點似蒟蒻，同平時食有點不同。南非鮑魚蝦籽撈麵原隻鮑魚切成六片，好淋而且入味。另外撈麵上灑上大量蝦籽，上枱時已傳來陣陣蝦籽香味。撈麵使用鮑汁，闊麵條煮得剛好，咬落爽口彈牙，不會太淋，混合蝦籽同鮑汁，兩者味道剛好，不會蓋過另一食材的鮮味。值得推介。店員好樂意介紹佢地的食物，同時都好緊張食客反應。記得我地結帳時問我地食物是否合口味等，睇得出好有心機經營。

今日又有得早放 飛奔去筲箕灣食好西😜😜東大街小店 鋪面不大但整整齊齊 有窩心感覺🎈🎈唔好以為menu上好少野揀但款款都是精緻美食✌🏻黎到唔食撈 點會撈得起咁岩新年 真係要撈一撈即刻風山水起🙈🙈招牌花膠撈 大大塊花膠足料到有過之而無不及🎊個麵底仲有鳥冬或者蕎麥麵揀😍講番花膠 個口感好rich 每啖都有滋補感覺😂😂麵底爽口彈牙👌招牌美人湯 岩哂靚女同想愈黎愈靚女的孩子🤭🤭都係兩個字 足料！很足料！雞肉 豬肉 花膠等材料燉到個湯好甘甜而且唔會油！無任何味精味道✌🏻另外叫左蜜椒雞中翼小食炸得香酥而又多汁 辛辣度加上濃郁蜜糖味 好似人生咁有tough有honeymoon時期😂Sor講得太遠下次有咩人生低潮期 可以再黎撈一撈！🙇🏻‍♀️講下者 其實幾時都可以encore 🕺🏻🕺🏻

剛過新歲，經過這家名為「撈喜」的餐廳，心想：乘着這個好意頭過新年，這晚就試一試「撈起」吧！進到餐廳，環境十分幽靜，倒是十分舒服的。一看餐牌，盡是鮑魚、花膠、魚翅之類的名貴食材，忍不住嚇了一跳──現在的撈麫原來這麼高級嗎？於是，我便點了一個魚翅撈蕎麥麫，打算試一試出生以來最名貴的撈麫。碟子剛放上餐桌，我已心知不妙：份量這麼少，難道我要再點一個？但想着雖然不是「魚翅撈飯」，但也是魚翅撈麫啊，份量少也是正常的。懷着這樣的心情，我決定先嚐嚐再說。魚翅十分硬，完全沒有魚翅應有的爽口彈牙，而且醬汁完全不入味。再吃一口麫，才發現也是淡然無味，原來是醬汁本身就沒有味，即使我撈勻了，仍然是丁點味都沒有。這一刻，我真的感到甚麼是雞肋──食之無味，棄之可惜。最後，我只好匆匆吃過撈麫，再另外出外「醫肚」了。想不到自己竟然為了「撈起」這個好意頭而遭遇如此慘痛經歷，看來「覓食」還是要謹慎行事，小心為上。

搬留柴灣之後越尼越覺得柴灣冇乜野特別好食 今晚決定行多兩步去東大街搵食東大街真係好多野食 我同媽咪決定係未來既日子試勻哂佢地今晚就揀左哩間撈喜 開頭以為係食麵 睇睇MENU先發現原來哩度係食花膠魚翅麵仲有幾款燉湯但價錢又唔算貴堝首先尼個沙律 未試過哩個食法花膠有少少黏口 加埋胡麻醬 感覺幾清新燉湯超足料 真係一大塊花膠係面 湯好好飲 飲得出真係冇味精 我未去過鹿兒島 唔知啲牛應該係點 但哩個真心唔多好食似某連鎖店既質素 太乾身 哩個都唔係好得 似豬扒多過豬頸肉又係太乾身 撈麵上邊有少少蝦子 其實最吸睛都係塊花膠 侍應好好人幫我地剪開啲麵 真心唔太特別 都係普通既撈麵但係好食既 啲麵既口感啱哂我值得加分既係上枱昤熱辣辣除左某啲小食之外哩度係值得一試既最重要係每個侍應同廚師既服務態度都好好

筲箕灣東大街多美食係人都知， 而最近多左間平民價賣「鮑參翅肚」嘅隱世小店—「撈喜」， 以花膠作主題設計一系列菜式， 由頭盤、主食和甜品都有， 價錢仲勁貼地， 小編當然要來朝一朝聖啦！😏 「撈喜豪華餐」是的必點之選， 只需$148即可享用「招牌花膠撈」、「原盅燉湯」、小食「泰式豬頸肉」或「麻辣雲耳」，和「灼田園清蔬」， 一次過可品嚐晒店內嘅招牌菜！😎 招牌花膠撈 採用黃花魚的花膠雌， 厚身完整，顏色金黃剔透， 以鮑魚汁炆得軟腍， 再配搭鮑魚汁蝦子麵， 麵條爽口帶嚼勁，啖啖都是滋味！😋 原盅燉湯選了花膠燉雞（招牌美人湯）， 用料足， 火候控制得宜， 花膠滑嘟嘟，雞肉軟腍嫩滑，湯味濃郁。☺️ 香煎鹿兒島牛柳粒 牛柳粒以鹽和黑椒調過味， 蘸上惹味嘅芥末醬味道相當不錯， 但略嫌肉質有點韌。🙊 灼田園清蔬份量都幾多，新鮮爽脆，不錯喔！👍🏻 整體來說， 招牌花膠撈和燉湯都相當有水準， 用料足，超抵食，值得一試！😏