撈喜 (已結業)

東大街的食肆轉得好快，要留住d客真係要靠食物品質。撈喜新開不久，就嚟試試，其實之前都在雜誌看過介紹。餐廳很細，樓面只有2位職員，開放式廚房，就有一位廚師及一位清潔姐姐。中午十二點去到還沒有其他客，到十二點半左右就開始多人，因為是開放式廚房，d油煙越來越多套餐只有一款，多一、兩款選擇就比較好。餐具都幾靚及特別，但比較嘥位，因全部都有手柄，d枱細張，叫多幾碟都無位擺麻辣雲耳味道剛好，不會過辣蜜味雞中翼咬落香口，但蜜糖過多偏甜，如不連皮食的話d雞肉沒有味，應該醃製一下會比較好。牛柳粒個名就好聽，鹿兒島牛柳粒，但不是一粒粒，外觀完全零分，又係靠煎得香口，沒什麼牛肉香味可惜。到食招牌撈麵啦……招牌花膠撈，其本上聽到d客人個個都叫這個撈麵。蠔油撈粗麵，面有些少虾子，但虾子不靚完全無味，希望可改用翻d靚少少的。麵就無鹼水味，不過就碌得過淋，冬菇夠大粒及入味，花膠都正。燉湯就order咗兩款，一款是魚翅燉雞，一款是花膠燉雞。兩款湯都好足料，但住要的魚翅和花膠就少咗d。味道方面，基本上兩款湯一樣，不過都唔錯，清清哋，連渣都食埋如午餐嚟講，價錢都屬於中檔，品種亦不算多，所以品質方面真的要做好d，否則留不住

今天又去到柴灣拜祭先人的日子！上午拜完先人，下午梗係唔放過尋找美食好時機，今天選擇最近有美食街之稱「筲箕灣東大街」，因之前朋友介紹過新開撈面店，這間特別之處是用花膠/海參或南非鮑魚撈麵，好豪華，但價錢一啲都唔貴 店舖裝修光猛，企利乾淨。一場來到，梗係試吓佢撈喜豪華套餐＄148，除咗撈麵仲有燉湯，小食及油菜一碟，小食我揀咗麻辣雲耳。原盅燉湯用花膠、瘦肉、杞子、紅棗、雞腳，非常足料，而且湯味濃郁 這個冷盤非常入味爽囗主菜花膠撈麵，大大片花膠，口感非常厚實而且黏口，麵質彈牙😋薑蔥安格斯牛撈蕎麥麵＄68跟主餐可另外以優惠價＄38有一隻南非鮑魚，鮑魚醃製後非常入味，非常煙靱

今天一個人吃晚餐，去東大街找食物，行到街尾見到一人豪華餐，立即入。門面光鮮，鋪內小小的，但感覺很舒適自己一個人食好啲，選了撈喜豪華餐招牌花膠撈麵，花膠爽滑彈牙，冬菇峪口香甜，有好香嘅冬菇味，另外配上一碟麻辣汁，店員說是老闆自己做的，用它來撈麵馬上增添更多層次感，麵質爽滑可選擇任何一款＄58的燉湯，魚翅燉雞湯，湯香濃甜美，魚翅和花膠也不少分量火足兩人用小食選擇了豬頸肉，肉比較亁身，味道也算OK油菜是生菜，豉油汁非常美味，我本身喜歡吃菜，也全碟吃光了

平時經常行東大街，看見間撈喜專吃撈麵，今晚就和奶奶去吃，鋪仔只有拾幾個位，但空間感也不會過窄，坐得也很舒服，燈光光猛他們有一個招牌套餐，有花膠撈面燉湯、一小食和油菜，但我們選擇散叫，也有很多選擇大奶叫了黑松露汁花膠撈$72，黑松露汁香濃，花膠爽滑也不會太細，冬菇厚肉香甜我的是薑蔥安格斯撈$68，薑蔥味香，若然牛肉份量較少，面質夠爽本想叫棗王蓮子燉花膠糖水，醫生他們說沒有，只得木瓜紅棗雪耳花膠$38，飲落非常潤喉，清甜美味，一點花膠的腥味也沒有

知道東大街開左間新既撈麵店, 一直都好想試下佢既招牌花膠撈麵, 呢個配搭真係未試過, 感覺好新鮮。今日帶住兩老6點鐘鬆D已經黎到, 估唔到已經有唔少人, 好彩唔使等位 。不過由於店鋪都比較細, 6點半已經開始有人起門口等緊。儘管我地三個人坐四人枱, 但最後都有人一齊搭枱😢感覺怪怪的✨見佢個燉湯講到咁正, 所以叫左兩個套餐,感覺抵食D~另外再散叫多個撈麵。✨加$38蚊有冰鎮南非鮑(1隻)👍, 叫左兩隻試下。侍應亦好好之後幫我地剪開, 可能怕老人家無牙力😝。Size 比我想像中大，價錢算合理。鮑魚質地彈牙有咬口，又唔會太韌，鮮味之餘仲帶點酒香，如果再凍Ｄ更加正。✨魚翅燉雞湯👍：材料非常豐富，有紅棗，杞子，瘦肉，雞腳，雞肉，魚翅。味道清甜無味精，飲得出有雞同魚翅味，雞肉仲煲到好腍身。呢Ｄ咁凍既天氣飲完真係暖笠笠，感覺好滋補。另一款海參燉雞湯，都有一小舊海參嫁✨花膠撈麵：睇相好似好細, 麵量比我想像中多，花膠食落爽口帶點煙韌，我初初仲以為係腍身同重膠質嫁添。不過本身花膠唔係炆既，主要係靠面頭個鮑汁，所以食落無咩味。個人可能比較少食花膠，所以唔係好習慣🤔?反而我鍾意個東菇多Ｄ，因為好腍好入味😂。

今日黎到衣間專食撈麵既地方，特別在佢d撈麵餸唔係南非飽魚就花膠，一聽就覺得好豪華，但價錢一d都唔貴，非常平民價地點響筲箕灣成條街都好多野食既東大街尾段，可能衣度已經聞名左，所以在門口等位的都好奇著睇餐牌同大家都談論著衣度既豪華撈撈在外等位的都不會太多人，大約見有2 pair人左右！等左10分鐘左右就有位了店舖門面小小，內裡企企理理我哋二人當然唔少得要嗌一個豪華套餐啦，另散叫左麻辣豚肉撈進餐到埋單過程中，店員都非常有禮貌同好有笑容地serve每枱食客這點個人覺得比食物質素更為重要，起碼會再次光顧先更好的食物但服務差的話已經不用再多說了！撈喜豪華餐$148(招牌花膠撈麵、原盅燉湯、泰式豬頸肉、灼生菜)撈麵可以揀粗麵/ 蕎麥麵/ 稻庭烏冬，唔選擇的話會自動分配粗麵初頭見網上相片不是太大碟，以為好細份！但實際麵餅絕對夠份量，花膠就只得2-3塊！原盅燉湯 (可揀餐牌花膠/ 海參/ 魚翅燉雞)我地揀左海參燉雞熱辣辣好足料原汁原味泰式豬頸肉小食份量，幾好味，外皮少少脆，好似剛煎完既口感，非常香口灼生菜雖然簡簡單單一碟生菜，主角同醬汁都融入晒，好入味另外散叫的麻辣豚肉撈 $58不是太辣的，只是有好少好

東大街豪食花膠最近響股市有D斬獲, LUNCH一於入東大街食好西!行過呢間有人響門口派傳單; 見佢門面簡潔, 貼滿相, 望入去人山人海, 仲有最後一張枱仔! 二話不說: 一位唔該!!我點咗個撈喜豪華餐,  有撈麵, 燉湯, 小食, 同油菜<<招牌花膠撈麵>>花膠較薄但好大隻，配上傳統鮑汁, 灑上蝦子作點綴, 伴碟仲有西蘭花同冬菇, 賣相一流! 食落口, 花膠彈牙黏口,而且夠入味;  膠質極重, 口感好好!!麵條爽口夠味, 配埋鮑汁芡食一流!! <<泰式豬頸肉>>大大片, 香口帶脆! 點醬食仲正!!是日田園清疏係生菜清新爽口!仲可以清一清味蕾, 準備飲湯.<<原盅燉湯 - 花膠燉雞>>一打開蓋, 好香!!材料豐富, 除咗花膠, 起碼仲有杞子, 紅棗, 雞腳, 雞肉, 瘦肉飲落去, 清甜不膩!無藥材味, 無味精味, 花膠又係大大隻, 充滿膠質.雞肉同瘦肉都好淋, 又唔肥. 飲完全身暖粒粒, 宜家有D秋涼好啱飲!!!! 整體上, 食物質素同性價比同都好高! 店員服務都好好! $148,  無加一,

天氣開始轉涼，時時刻刻都想食點滋補食品，實行外敷內服。揸車來到港島區美食林立的東大街，有家新開的食店「撈喜」，位置雖不算突出但勝在店名獨特，識食一族絕不會錯過。拉開趟門，店內幾乎坐滿，我們坐在店中間，看到隔離枱兩位女仕雙眼發光望著自己的花膠撈麵，我也立即點餐，好想試一試！餐牌中主要分兩大類 : 燉湯、撈麵我選了雞燉翅，湯頭濃郁雞湯香味及杞子香，感覺挺滋補，又清甜。別看燉湯只有一小盅，但五臟俱全，真材實料。內有魚翅、雞肉、雞腳、豬肉。魚翅爽口 ; 豬肉不是瘦肉，腍而不"鞋"口，雞肉亦嫩滑，餐前飲一碗，頂肚之餘亦很暖胃飲湯接近尾聲，招牌花膠撈來了。原配廣東麵，但無需加錢可轉蕎麥麵或讚岐烏冬，首先不去研究為何花膠配日式麵食這麼fusion，但相信店家是顧及年輕一輩的口味 (即是我有份)，改寫滋補=上年紀的觀念或只是成熟女性的專利，所以我也轉了讚岐烏冬 (我是烏冬控啊)。大大片花膠橢圓形的攤在烏冬旁，淋上鮑魚汁，花膠雖跟不上絕等貨色的厚度，但經名廚特別處理後也變得挺有口感、爽口滑溜。再加蝦籽在面層，香味倍增最令我驚喜是做陪襯的花菇，濃厚的海味！炆得好腍啊！跟撈麵還可以加$28享用鮑魚，大概10

最鍾意上openrice睇有咩新餐廳，嘩睇到花膠女人對眼就發光，女人唔補好易老，今日得閒，一於拉同事去試，東大街唔算難找，一即行到街尾就見。一場來到當然叫個撈喜豪華餐試下。地方唔大，坐位大約二十個左右，好彩兩點半來到，唔多人。原來三點至六點休息，我見好多人同我一樣睇左花膠推介專登來試，但三點後想食都無，失望走左。原盅花膠湯，足料，飲落好香甜，有杞子，紅棗，雞腳，花膠，同豬肉，感覺好補😂生菜好大盤完全食唔哂，實在太多啦豬頸肉食落香口，但凍左就有少小肥油溢出花膠撈麵，麵普普通通，花膠夠大，但薄身左D，如果厚身D口感會好D，但諗起150元都唔洗有花膠，要求都唔好咁高，厚花膠就唔係咁嘅價位。

今日放假，專登行去筲箕灣食撈喜！佢地開十二點，我同朋友十二點半到。企響門口等左20分鐘左右啦！總算有得食喇。本來無諗過叫套餐既，但見到人地叫，d 菜都好大碟，豬頸肉又好靚仔（當然自己果碟就硬係覺得無人地咁靚）燉湯方面原來可以自己㨂，響餐牌入面任㨂$58 果幾款，想飲好d 仲可以凈補差價添。朋友就叫左魚翅既。我既花膠撈比較長身，朋友既就比較厚身，我諗都係計返重量既啫。冰顛鮑魚可以$38 一人一隻。咁正既野，當然忍唔住要一人叫返一隻啦。我就叫左佢地既是日推介，蟲草花海參燉雞湯。$68 d 料多到食飽一個人。仲有埋紅棗。響一個好小飲湯既人身上，感覺真係好。最尾仲有牛柳粒，雖然佢地寫明十粒，但由於有大有細，所以多過十粒。芥辣蜜糖醬我就覺得一般。全場坐得十幾個人。得一個侍應招付。但她都不停幫我地添水。服務細心。埋單$400，最欣賞既係咁好服務都無加一服務費，變相又抵食左。

可以一試，但不會再來了。質素一般，麵少少汁，幾分鐘變麵餅，花膠少少汁，硬。量少(食完之後重食左兩餐先飽)，黑松露撈，冇味。燉雞湯好淡。想叫牛冇牛。係平，但我零願比多啲錢食好野。服務態度一般，同食譚仔個呀姐一樣...六點幾已多人排隊，中間有落場時間只做午市晚市，枱好少，細單位，本身係打算支持細舖，自家經營，好可惜，係有失望的，也許太多好評。唯一讚的是衛生程度ok，有茶水供應，有洗手間，但冷氣不足，廚房油煙跑出黎，愈坐愈熱，食完即走。

女人到了一定年紀都會變得養生。除了飲紅棗水戒食油膩食物外，最怕是重要的骨膠原不斷流失。朋友約試這家熱門花膠麵餐廳，大家都覺得很對口味，看到熱暖燉湯和大塊花膠都食指大動。小店在街尾，其實不難找。店小小只有8張-10張檯，但看上去企理乾淨。當日人不多，剛好可以入座最後一張檯。店員遞上餐牌，隨即被各式燉湯所吸引，本想分開點湯和麵，但發現招牌套餐比較抵食，多一碟菜和小食，於是跟朋友都點了套餐，點了豬頸肉及雲耳小食。燉湯先上，招牌花膠燉雞，感覺就很養生。天氣轉涼了，喝一口立即暖和身子。除了有一大塊花膠很養眼外，味道亦非常不錯，有媽媽足料靚湯的感覺。豬頸肉及雲耳小食，雲耳小辣很惹味，豬頸肉很爽口。到了主菜的招牌花膠麵，大大塊花膠沾上鮑魚汁，花膠是厚身黏嘴的，烹調的方法令花膠柔軟之餘很有咬口，每一啖都是濃厚的骨膠原。個人不太喜歡食麵，但麵的部份不會有梘水味，多食不會令嘴發麻，不過強烈建議要趁熱食，放涼了味道會明顯變差。冬天將至，相信比夏天到訪更適合!

自從搬出來一個人住以下好，已經很少會自己煮飯吃，更加成為了外賣的忠實粉絲，可是吃外食真的不太健康。不過最近在家的附近竟然看見了這一家餐廳，用不是很高的價錢便可以吃到非常有營養的材料。餐廳嘅招牌有簡潔的感覺。餐廳內的裝修一個人都可以吃套餐，有燉湯、時菜、撈麵、還有小食。燉湯亦可以自由選擇。餐桌上亦有教人花膠的好處，長知識。魚翅燉雞湯湯一上來立刻喝一口，味道夠實在。用了不少材料的燉雞湯，有杞子、紅棗魚翅、雞肉等等。而且魚翅的份量也不少， 十分足料。麻辣雲耳煮得夠入味，而且作為冷盤也夠爽口，開胃不少。招牌花膠撈麵上面鋪滿了蝦籽的花膠撈麵，一上菜已經看到十分養眼帶大片的花膠。花膠咬下去也很夠厚肉，吃完之後十分滿足。撈麵入口彈牙爽口，和醬汁很配合。時菜顏色夠翠綠，入口爽脆。

俗語有云女人唔補好易老, 從小從電視接收到花膠鮑魚就是山珍海味, 補品. 誰知現在吃花膠變成了一個熱潮近日在網上發現東大街有一家專食花膠的餐店, 相約好姊妹一齊補一補魚翅燉雞, 一盅熱辣辣, 內裡用料豐富, 魚翅/雞肉/瘦肉紅棗杞子及雞腳, 先嚐一口湯, 湯頭鮮甜, 每一口都吃到魚翅, 都有四, 五匙紅棗好甜, 絕對是女士恩物招牌花膠撈, 餐牌上配粗麵, 但無需加錢可以轉稻庭烏冬或蕎麥麵, 蕎麥麵多數是配上冷麵汁進食, 花膠撈熱食又真係要試試, 每條圓身有咬口的蕎麥麵吸收晒鮑魚汁及蝦籽, 濃郁美味, 每碟跟上花菇及西蘭花, 主角花膠差不多手掌大 , 未算太厚身但掛上鮑魚汁剛好旁邊的花菇有驚喜, 好香花菇味,咬落好軟身點了主食後可以以優惠價加38蚊有一隻南非鮑魚, 鮑魚醃製後完全入晒味, 每一啖都好煙韌, size不會太細

說起滋補這命題女孩們都特感興趣。我這天為大家介紹的是一家非常非常養生的小店- 撈喜。位於筲箕灣美食街東大街的店。裡面位置不多，人卻很多。晚飯時間人頭攢動，店員都必需非常勤快。難得吃花膠鮑魚，當然要叫豪華套餐。豪華套餐其實非常抵食，先來有一燉湯。魚翅爽口，湯是沒有味精的，養顏美容，兩粒紅棗吸收了湯的精華，不能放過。這盅燉湯完完整整地被我消滅了！泰式豬頸肉比較普通，反而清蔬好甜好清新。最後令我念念不忘的當然是招牌花膠撈⋯絕對要一試。男友叫的是撈鮑魚！根本讓人停不下口。這裡價錢公道，性價比高、我很快又會再來吃了豪華套餐都其實只是$148⋯ 有菜有肉有湯有撈，均衡飲食又健康滋潤！