拉麵達人 (已結業)

去完美容院搵拉麵食，見呢間新開。店內裝潢有日本街頭風，調味架有蒜粒自夾變蒜蓉、即磨芝麻、自製漬辣菜。要咗同店名相同嘅麵，好快嚟到。湯底帶豬骨香，濃稠度適中，配料豐富有木耳、粟米粒、葱花。叉燒半肥瘦有層啫喱皮，真正入口即溶，如果火炙過有焦香仲正，但已經非常出色，好耐冇試過咁好嘅叉燒！溫泉蛋溏心富濃郁蛋香，調味帶鹹味但適中。美中不足麵條並非新鮮製屬日本來貨。但整體味道出色。而且新開張除咗送汽水仲有9折，份量偏大，抵食又好味！店主主動問客人意見，提醒我用蒜頭夾蒜蓉落去食，試過果然仲香濃，而且蒜新鮮自己夾，又可自己揀落幾多，點子唔錯。我仲試咗啲辣菜，有啲九層塔香味，帶清脆辣勁，同食開嘅四川麻辣、湖南酸辣截然不同，但自有誘人之處，欲罷不能。不過始終店新不到一個月，人流稍遜。兩個店主係後生仔，對拉麵好有熱誠，曾於橫濱、拉麵來等做過。因製麵機成本高，小店難以支撐到，期望店舖站穩腳步可逐步改進。聞說星期日有雲達人拉麵，湯底更重口味，搵日去試。

同honey去左佐敦搵食事關有新拉麵店開左我地最中意食拉麵，緊係第一時間去試食呢間店位置唔難搵$70-$80碗拉麵，有8折(新開優惠)都幾扺食不過食物款式較少我選了達人拉麵同黑蒜拉麵先試試個麵先...個湯結結地夠香濃豬骨味..無味精，塊叉燒啖啖肉! 好食麵質唔記得左揀，不過食落都ok再試埋黑蒜拉麵，可能expect會濃d所以覺得唔夠濃(向左店主反映, 佢都好接受意見, 佢話好快就出點餐紙，到時就可以自己揀濃度)餃子--正常餃子個炭燒雞串我最中意，食落好juicy原來個醬係日本蛋黃醬有驚喜店内有新鮮蒜比大家調味店員服務態度都好好，幫我整埋同店員傾下計發現佢地係有heart小店之後會再繼續推出更多新款食物同埋佢地係以1.食物質素 2.服務態度3.價錢為先，仲推介出名既橫綱拉麵比我地(類似姊妹店既關係)佢地而家不停研發緊其他新口味既麵好快就會推出期望下次再黎食已經推出左好多新野

首先先感謝店家邀請，有幸一試這間在佐敦的新拉麵店。單看地址可能會有點難找到店舖，我推薦從佐敦站A出口向右行，過馬路後在位元堂旁邊的小巷即可到達「拉麵達人」。晚上大約七點到達，有一兩枱食客，店舖雖然不大，只有數枱四人枱和一枱長吧枱，但沒有局促的感覺。此外，食店裝潢令食客仿如置身日本，可以暫時放下工作上的壓力，好好放鬆一下。甫坐下，店員立即作介紹，店家現提供六款拉麵、六款小食和五款飲品。(會陸續推出新菜式！)我和朋友兩人就點了炭燒雞肉串、"W"拉麵和達人拉麵。不知是否會「一碗入魂」呢？第一道吃的是炭燒雞肉串。炭燒雞肉串 Grilled Chicken $36我 吃 到 日 本 的 味 道！沒有誇張，初時對小食沒有很高的期望，因為近期在日式料理店都沒有吃到稱心的小食，但這個卻令我刮目相看。從賣相來看，它並沒有很突出，但吃一口就知道這並不簡單。雞肉的熟度剛剛好，炭燒令肉汁完全鎖住，每咬一口雞肉都有豐富的肉汁、醬汁和蛋黃醬，蛋黃醬絕對有畫龍點睛的作用，增加了層次感。這個和我在日本吃過的雞肉串超像呢。之後來的是兩碗拉麵。"W"拉麵 (鰹魚豚骨湯) Double Soup Ramen (Tonkot

來到時感覺像置身日本，香港的日本餐廳眾多，但內裡的氣息不難令人聯想到深夜食堂，有種來放鬆，慢慢品嘗美食的感覺。畢竟環境襯托也是品味時的重要一環，為美食加持。店裡有可愛的吊燈。也有日式小擺設。排座也感覺一點不擠擁。厚燒雞肉串回到正題，食！厚實的雞肉串淋上照燒汁和秘製醬汁，好吃到令人忍不住睜大眼絕對值得一試再試！W達人拉麵是鰹魚厚叉燒拉麵，湯是濃郁的鰹魚味，拉麵彈牙，厚叉燒比較肥不過絕對不膩，拉麵配上溏心蛋，完美的配搭。達人拉麵友人吃的是叉燒拉麵，交換了一試，豬骨湯夠濃，叉燒厚實。新開張的店，看到的是用心的製作，店員的誠懇態度。PS 店內附有新鮮蒜頭，加上去十分美味！

Happy Friday 响佐敦見完客，行過吳淞街見到間新開拉麵店，行埋啲店員就好主動介紹有新張八折優惠。好！就入去試下。試左達人叉燒拉面，辣味噌。一上枱，幾對板！湯幾香濃，店員介紹係無味精架，叉燒肥度剛剛好，係麵質個人喜愛硬啲。叫多左個雞肉串燒小食同朋友share .呢個真係好得！燒汁好香好惹味，雞脾肉又燒得好滑加埋上面蛋黃醬，好滋味！想enccore 但可惜太飽。埋單都係$8x 一個人，可以再嚟！

佐敦又有新餐廳，於是抱住一試心態去了。見到個餐牌，一碗達人拉麵索價$80，新開張有8折。中午時分人不多，店面小小未坐滿，而且冇午市套餐。叫左個達人拉麵，同w達人。個湯底係一樣，只w達人係多左鰹魚粉。一個80蚊既拉麵，同豚王只平幾蚊，比拉麵jo貴，只能講，性價比係好低。個湯好淡，啲麵掛唔到啲湯味。個麵質係公仔面咁，唔好食。個糖心蛋係最好食，個腩肉煎左一邊，另一邊白灼咁，不過算ok，另一碗既叉燒就好肥好咸。服務算唔錯，會問啲客意見。只係我寧願俾多幾蚊去食豚王。

今天同2位朋友行到佐敦經過見到這間拉麵店新開張又有八折優惠，咁啱肚餓就入黎試試，裝修唔錯，很有日本小店感覺，就坐低睇下menu有咩拉麵好食先。這裡共有6款拉麵，推介是叉燒達人拉麵，有3種湯底(東京醬油，北海道味噌及自家制辣味噌)，另外也有濃豚骨湯底既達人拉麵也是重點推介，最後我地都是叫左碗自家制辣味噌叉燒達人試下。等了大約5分鐘，侍應拿來3碗拉麵，賣相不錯，即刻試下個自家制辣味噌湯底先，喝第一口味道不錯，湯底味噌味很濃，有少少辣味，試得出師傅用左很多心機烹調，再試下個拉麵，都不錯，麵條不太軟剛剛好，下次可以試下其餘款式。

行街行到攰，隨意入左呢間新開的拉麵店食拉麵。入到去坐低，個waiter就好好客咁介紹吳同種類的拉麵。咁我就簡左“w”達人拉麵。個湯底出奇地好味😱😱😱d麵又夠彈。（可能我當時又攰又餓😆😆）個waiter話個湯底係用豬骨煲十個鐘，絕不添加味精，有好多骨膠原，所以會比較杰。我聽到骨膠原即刻bling一聲😃😃，骨膠原對皮膚好好喔😜😜我差不多成碗湯飲曬😁😁再加上肥美的日本叉燒，d肉好林，吳會癡牙，正！我對整體成碗麵的評分8/10👍👍👍除左食物之外，最值得讚係個waiter的服務！今時今日仲有佢呢種服務態度，真係比得上劉華👍👍。一定會再去食拉麵！

今日同女朋友行佐敦經過間拉麵店，女友拉住我話好耐未食過拉麵 又8折 不如試下，我見行左咁耐無野落過肚 所以諗都無諗就入左去。每人叫左碗麵首先溫度夠熱 第一次見咁大條腩肉個湯好夠味（本身自己吾太好魚，但呢個湯岩我口味 吾錯）麵硬度適中 ，整體來講  值得試再來女友既 達人拉麵！碗野一黎到放底果下 我留意到d湯同平時食開拉麵既湯有分別 係凝固d （老闆同我講 話d湯係用多種豬骨新鮮熬製 所以個湯會稠身d)

宵夜時間來吃碗拉麵。帶有辣味的麵豉湯非常濃稠，服務員說湯頭是用豬骨淆製，濃稠的口感是來自骨膠原。麵條軟度適中，剛好宵夜時間本人比較想吃軟一點的。溏心雞蛋口感軟軟的。四月新張期間有八折，整體感覺還不錯。