拉麵達人 (已結業)

係jordan 換完信用卡禮品四圍貢下有乜食. 大紅達人燈籠caught my eyes..就入黎拍番個拉麵吧兩個人share 左個小食芝士蝦球$33炸得幾脆，一咬落去d芝士仲爆.出.黎!!! Impressive! 有快感之餘大家要小心燙親個咀呢!黑蒜達人拉麵. 搞下d面已經黑蒜味摸鼻. 唔駛加錢就有齊叉燒, 溫泉蛋, 粟米粒同紫菜, 抵! 溫泉蛋是溏心的. 雖然蛋白上色度不高, 但已經入曬醬油味. 叉燒偏瘦岩曬要fit 的你. 不過黑蒜始終重口味, 有點完全蓋過豬骨湯底的味道櫻花蝦達人幾特別. 濃濃的蝦湯㡳, 大概加左好多蝦一齊淆吧?! 淨係櫻花蝦應該做唔到呢個濃蝦效果. 第一次食冇叉燒的拉麵. 取而待之有蟹棒, 帶子同大蝦一隻. 大蝦個殼炸到好薄同脆. 見佢另上左隻骨碟.. 我就無食埋個殼lu~ 愛新鮮或者鍾意海鮮既可以試下bor.食面途中聽到唔少人打黎order 外賣, 仲俾我偷聽到3點有tea set (不過唔清楚set 包乜野), 去開自己問下la~ XD

呢晚同朋友過嚟佐敦廟街買頭髮用品，經過吳松街見到這間拉麵店就被門口的日式裝修吸引了入去試一試。店內裝修有點似東京的無敵家，有長長的吧枱，亦有幾張四人枱。先來了一客雞軟骨餃子。表皮脆脆的，内裡非常熱辣辣，明顯是即叫即整。用雞軟骨做餡料令咬下去口感一流！味道亦都剛剛好，咸度適中，唔需要點醬汁都好夠味，唔錯唔錯。我點了「黑蒜達人」黑蒜豚骨湯底。湯底比一般的拉麵店較為稠身。拉麵硬度適中，叉燒有兩大片，肥瘦適中。湯底的確有濃濃的豬骨味，但一點也不油膩。朋友點的是「W拉麵達人」，用的是鰹魚豚骨湯底。兩個拉麵我都有嚐到湯底，發現他們的味道的確是有很大分別。雖然兩個拉麵湯底都是豬骨湯，但是「W拉麵達人」因為加了鰹魚而令到整個湯底提升了鮮味，二兩者是出奇的配合，聽說這叫做雙重湯底（豬骨+鰹魚），double的意思。豚肉是烤過的，有香香的燒烤味，半肥瘦，岩哂我口味。現在拉麵店已經開到成行成市，老實說已經很難做到如當初的豚王或一蘭般人氣爆燈。我和朋友都很喜歡這間店的拉麵，尤其是湯底，相信以後又多了一個藉口來佐敦了。

朕今日約左個崇東洋既隨從食午飯，佢就提議去食拉麵，於是朕就梗係叫佢幫朕Check下有咩拉麵好食，於是佢就揾左呢間位於佐敦既拉麵達人俾朕試下！一入到去，朕就即刻睇下呢間野有咩好食先。黎到拉麵達人就梗係食－達人拉麵啦！但係碗碗都係達人，咁食咩野達人好呢。朕最鍾意黑蒜，於是就揀左黑蒜達人同埋雞軟骨餃子喇。（呢度仲可以揀麵既軟硬度，同埋湯既濃淡程度。）朕碗濃湯黑蒜硬麵一上枱，朕即刻試下個湯，佢用濃厚既豚骨湯底再配埋黑蒜油，令到個湯底更美味香濃，而個麵身朕就㨂左偏硬身，食落就比較彈牙，再配埋熱辣辣既豚骨濃湯，再加埋肥美稔口既日式叉燒，成碗麵連埋湯都飲埋。雞軟骨餃子，煎到外皮香脆，入面既雞軟骨非常爽口，混和埋啲軟稔稔既豬肉餡，外層香脆，入面又稔又爽口，口感複習，可以一試！－－－－－完－－－－－

我鍾意食日式拉麵，特別愛拉麵濃郁的湯底~ 拉麵最重要當然湯底，跟住就麵質都一樣咁重要啦 今日星期六黎左佐敦呢間拉麵小店食拉麵，人流相當多，好彩岩岩入黎時未坐滿。每一間拉麵店裝潢上各有個性，盡顯心思，和風一番～拉麵配料有齊晒，芝麻、昆布油、蒜... 另有清水供應～呢到拉麵款式不少呢，今次選上呢碗櫻花蝦達人拉麵$88用上濃蝦醬油湯頭，先嚐一口熱騰騰湯頭，相當香濃的櫻花蝦味，伴有很多脆口的櫻花蝦粒，湯頭有微微骨膠原黏咀感，湯頭很贊相信用上不少時間及材料。拉麵麵條粗身是我喜歡的，入口彈牙湯頭掛麵，麵質很不錯，食到最後一刻麵質仍然保持彈牙不林身！拉麵中的炸大蝦令拉麵倍感生輝，大蝦肉質飽滿紮實，炸過的蝦鮮味更香，正！除左大蝦之外仲加入帶子及蟹棒（下次加番隻溫泉蛋就prefect^^)這裡是近期食過最有誠意的拉麵，值得推介！******************************Yan_PIG 推介度:  (5 為最高)

拉麵係我其中一個最愛嘅食物，又快又飽肚又唔貴。香港近期開左好多間新拉麵店，呢間係其中一間。朋友試過覺得不錯，於是今日便帶我來試試！拉麵店門面及店內裝潢好日系，放了很多日式小擺設，如公仔，燒酒樽等等。店內約有20-30個座位，分左高枱高櫈的及普通的，我地揀左坐高櫈，較有風味。呢度嘅湯底係無味精架，強調係用豬骨去煲10個鐘，充滿骨膠原，會非常濃稠。我地order左個2碗拉麵再加個小食。1.黑蒜拉麵 $82湯底很夠熱，湯頭非常香濃，稠稠的，黑蒜味好出！麵質硬度我揀普通的，予我來說剛剛好！略嫌不夠掛湯。叉燒是半肥瘦，我挺喜愛的。哪半隻溫泉蛋是糖心的，煮得岩岩好！2.櫻花蝦達人$88這碗湯底亦是濃郁的，有鮮甜的蝦味。碗麵好足料，有玉子，元貝，蟹柳，加上一隻大大炸大蝦，爽口彈牙！3.炭燒雞肉串 $36雞脾肉外層燒得微焦，內裏相當嫩滑，照燒汁甜甜地，面頭上的蛋黃沙律醬好香！加上少許檸檬汁可將整體油膩感降低！值得提提嘅係佢調味盒上嘅調味配料，包括有蒜粒，即磨芝麻及漬辣菜。佢嘅漬辣菜夠曬香辣，配麵食好正！

一入店已經覺得店家超細心：橡筋、風扇仔、冰水。有樣野好多人都唔知，係日本食拉麵就算冬天其實都係飲冰水，係因為拉麵好熱，但要趁熱同趁早食，所以要飲住冰水食，先可以係最好味既時候飲哂d湯黑蒜達人（$72）成個碗都黑蚊蚊，飲落好香黑蒜同麻油味，好濃既湯底，飽飽的。留意返，麵係比較幼身，喜好粗身既朋友記得係落單時講聲啦達人拉麵（$75）原味，豬骨湯，都係好濃，睇得出店家想盡量整得似日本食既咁。叉燒肥瘦平均，味玉唔夠色但夠味紫芋年糕（$25）好熱，外面年糕，包住入面既紫芋，都幾煙韌，而且又夠熱，外層脆，好香口。隨碟附送既沙律醬，唔點更好

是日收工約左朋友落旺角行街，行到肚餓朋友提議食拉麵，由於佢諗唔到有邊間好食，於是我就建議去呢間有少少距離既位於佐敦既拉麵店試下，因為見佢幾受好評！去到剛好唔駛等位，店員就安排左我地兩個人坐一張四人枱，雖然地方唔大，但店員都好細心問我地要唔要多張凳仔擺袋食得舒服D。坐定定之後睇下MENU先，由於我幾時都話食拉麵一定係個湯行先，所以雖然選擇好多仲樣樣都好似好正，我都係決定點左個W達人鰹魚豚骨湯拉麵(W取其DOUBLE意義，因湯底用了鰹魚及豚骨製造)，朋友就點左個配料多到滿瀉既櫻花蝦達人濃蝦醬油拉麵。係等待既時候，發現加點小食係有優惠，於是就加多左個唐揚炸雞。店內既裝修就一貫既日式小店風格，用左好多日式中古風既懷舊小飾物去做擺設，加埋埋一個一碗入魂既大牌扁，都幾特別。每張枱旁邊既牆上仲貼左句提示，話店內豚骨湯底係用大量豚骨製造，非常濃厚，如果想食稀D既湯就要同店員講聲，對濃湯極之入迷既我簡直係等到流口水！兩碗麵上枱，聞一聞果然不負我既期待，鰹魚豚骨湯既濃又香，飲落鰹魚味會慢慢散出黎，但又唔會完全蓋過豚骨既香味，簡直係絕配！至於朋友既濃蝦醬油湯底就係濃濃既櫻花蝦味，飲落又唔會太鹹，朋友話都唔錯

今日中午難得早左落堂，與朋友特意相約去佐敦吃個午飯。早就知道佐敦有間人氣拉麵店，久久未能抽空細嘗，今日中午去試一試。拉麵店有濃濃的日本風味，從外觀到內裡裝潢都很有日本風格😁😁餐廳的吧枱位置看到內街，零舍有味道。餐廳細細，大約有16-18個座位，繁忙時間必定要等位。餐廳都有提供套餐優惠，我們便散叫了拉麵和小食。W達人拉麵。湯底用上大量的豬骨湯熬煮，非常黏稠，入口黏口惹味，聽說有大量骨膠源於當中。湯底非常濃郁，客人可以選擇淡湯。湯底是雙重湯底，豬骨+鰹魚。兩種味道非常濃香突出。厚身豬腩肉，肉質極之軟腍入味，達到入口即溶的感覺。一邊是燒香的叉燒，另一邊沒有燒過，吃到香口的味道☺️叉燒拉麵。湯底同樣黏稠，濃香惹味。叉燒份量多，入口保持軟腍，沒有絲毫鞋口的感覺。燒雞肉串。👍🏻👍🏻👍🏻👍🏻👍🏻👍🏻我們大愛這個小食。燒香的雞肉非常嫩滑，入口軟腍。燒汁和沙律醬味道惹味，帶出豐富的味道。雞肉入口多汁香滑，出色之作。我和友人都十分滿意這間拉麵小店，香港拉麵店太多，值得回頭的卻不多。我們深深把這間店鋪記住了😃😃

今日中午黎到佐敦食午飯，經過吳松街，發覺好長一段時間未食拉麵，終於入左去一間拉麵店。店鋪日本風味濃郁，好多擺設。我和朋友各自叫了一碗拉麵。W達人拉麵。湯底是豬骨+鰹魚。湯底非常濃郁，黏稠度非常高，原來店鋪用上大量豬骨熬煮湯底，因此骨膠源很高。☺️☺️☺️ 厚身叉燒，入口非常軟腍，入口溶化，火燒後更為香口。朋友叫了叉燒拉麵。湯底仍然好黏稠，味道濃香惹味。叉燒軟腍入味，整體水準很高。

和朋友去佐敦食晚飯，行經廟街一帶，見這間新開的拉麵店門口都有人排隊等位，於是湊越鬧決定試下，等了約20min就有位。室內空間唔算大，以深木色的木材營造日試街頭拉麵店感覺，店員還很細心放了幾把風扇仔係Bar台上，怕食客食到大汗淋漓。賣相好豐富，十足一碗海鮮拉麵！有一大隻大蝦，好有誠意！還有扇貝、蟹柳、海帶、紫菜、粟米粒和半邊糖心蛋！軟心蛋超好食，入口還有陣酒香，好與別不同。先飲一啖湯，入口是濃滑豬骨湯配有陣陣濃蝦醬油既鮮蝦味，麵條軟硬適中，還夾雜著細細粒充滿鹹香的櫻花蝦仔，整體配搭和味道無得輸，值得下次再encore。湯底是鰹魚鋼豚骨湯，起源自東京,配料有炙燒厚切叉燒、竹筍、香蔥、黑木耳，半邊糖心蛋和紫菜。湯底濃郁，豚骨味和鰹魚味做得很平衡，彷彿起了化學作用，沒有了骨湯帶來的油膩感，令整個湯底更鮮甜，層次更豐富，真心依個湯底好味過油麻地要排成個幾鐘的某拉麵店！彈牙的幼麵掛湯力無得頂，同其他配料一齊食，口感味道一流。一客有六隻，煎到裡面仍保持juicy。整體食物質素很高，每款拉麵都是誠意之作，不過上菜時間有小小耐，但美食是值得耐心等待。

已經食第三次先寫呢個食評!好喜歡佢地自家製嘅辣菜，加入拉麵的確胃口大增。真心覺得佢地碗麵好過好多百幾蚊碗嘅拉麵，湯底濃淡適中，豬骨味濃!麵底一點䶨水味都無(我最驚麵有䶨水味),而且我自喜歡吃淋麵!我同青年伙計講，佢話無問題，要咩要求出聲就得!小店有人情味啊!價錢好扺食!我朋友仔直情飲晒啲湯!

與朋友在附近想找點好吃的，走了不久就被家拉麵店的門面吸引。想起我們在兩個月前曾到東京旅遊，也不時在街頭看見這種充滿日式風味裝修的拉麵店，真的很掛念旅行自由自在的日子啊！就是這種突如其來的感受，驅使我很想入內吃一碗熱騰騰的拉麵，重拾兩個月前的愉快心情。坐進站內，看到餐桌旁貼著紙條，聲明拉麵的湯底是用真正的豬骨熬製，立時增強了對店家的信心。而且無論是湯底的濃稠或者是麵質的軟硬，食客都可以在落單時提出要求，此舉可使食客自行選擇最切合自己口味的拉麵。無論是裝飾和餐牌，達摩公仔都是老是常出現，這個紅色不倒翁是日本高崎市傳統祈願吉祥物。餐牌提供幾款拉麵，有原味豬骨、鰹魚豬骨和黑蒜豬骨湯底可以選，每款拉麵上面的配菜都不盡相同。除了拉麵外，店家也提供了十八款小食，以小店而言選擇十分豐富。我叫了一碗「Ｗ達人拉麵」($82)，先搯一口湯試試，發覺湯的質感很稠，幾近忌廉湯的狀態，膠質感十分重，湯面也沒有過份的油光。因湯底加入了鮮甜的鰹魚湯，使豬骨湯多了一層鮮甜的魚香，使湯底不至於過於滯膩，個人非常喜歡。拉麵附有兩件火炙厚叉燒，一小一大，小的偏瘦，大的半肥瘦，經炙燒後肉香格外出眾。半隻蛋呈約七成熟的狀態，蛋白

小巷上食的拉麵達人以豬骨湯打名堂的拉麵店在香港比比皆是, 對上一次吃已經是4,5個月前了, 今日交收完就食個麵先直接返屋企。菜單上有達人拉麵同W達人拉麵兩款都好想試, 分別在於塊叉燒, W達人拉麵係一大塊肥美的炙燒豬腩片, 達人拉麵就係平日見到一塊塊個種。本身豬骨湯都重油份, 心怕食完太油膩同滯穩陣起見點碗達人拉麵先。店面唔大都係一排單丁位上加幾張4人台, 望住廚房等食。 一來好心急飲啖湯,好濃郁夠味, 入口鹹味同豬骨味同時濃縮，飲入口有張力架。再夾口麵放入口, 大大力啜都不失質地, 同時有又D湯沾左係麵條上好夠味．麵條幾爽身，10分鐘放耐左都無點變糊或太爛，不過湯放涼了會察覺到麵有少少皂水味浮出。到食叉燒同配料啦, 半隻流心蛋都幾喜出望外, 個黃好似嗜哩蛋白又唔會鞋身, 蛋味幾濃郁。叉燒唔會過肥, 入口都好軟好易化開, 有肉甜味。呢度同樣有生蒜粒同醃菜, 個醃菜似似地雪菜，辣辣地好惹味邊食邊加落麵度更滿足。同街食多肉多調味, 唔似自己屋企煮會炒碟菜, 習慣每餐都要食菜, 加一碟雜菜先, 因為返到屋企唔會再食野, 咁炒菜配拉麵就擺脫左唔平衡架饍食, 炒碟幾爽口呀 !有陣陣甜豉油味，有柴

見門面很日本式就吸引我地入去。 以木板裝修為主，日本擺設， 餐桌setting, 形做出日本風。櫻花蝦達人 $88濃郁的蝦湯味，蝦乾未完全發揮在湯中， 不會太咸，我向來不愛太太太濃味。 麵質也軟硬適中。 除了有基本的溏心蛋外， 大蝦外脆內軟，金黄色的外表而且長度有我的手般長！！ 還有蟹柳， 蟹柳吸收了湯的精華更鮮味。也有凡立貝, 唔韌亦唔腥。 海鮮味浸透每個味蕾。達人拉麵 $75湯底是濃厚豬骨湯， 也嘗到醬油味。 最讚的是豚肉， 脂肪比例剛好，不會成口油但又感受到入口即溶。雞軟骨餃子 $36價錢合理。 表皮脆脆，內裡暖暖的， 雞軟骨"咯咯"聲。 不過沒有juicy的效果。服務員很貼心，見我肚子突突更主動給我暖水tim ~

 跟朋友由旺角慢慢行到仁敦，肚餓時就進入了一間拉麵店醫肚！整體裝修都是木材製成，跟日式拉麵店感覺相近。而整體感覺都頗自助，包括是枱面上有很多調味料，可以自行調配自己的口味！另外，牆上有不少點餐提示，可讓客人選擇到自己的口味。當坐下後不久，就越來越多客入前來，很快就令拉麵店滿座了。我點了櫻花蝦達人拉麵，湯底非常濃稠又濃味，湯底用料豐富十足；湯底是混合濃蝦醬油同豚骨湯，味道十足，湯底亦非常香，加上每條拉麵都吸收其湯底精華，非常夠味！對於我來說，湯底有點咸，可能我愛比較清淡，下次再點可以向店員要求清淡一點～而我更愛就是拉麵上的炸大蝦，櫻花蝦味道濃烈，香噴噴的。而且炸殼非常香脆，不會有笠的情況。而炸大蝦內裡亦非常爽口，不會因滲到湯裡而變得笠。拉麵中的蟹柳外皮有少少脆口，應該是輕微烤過，跟平日跟湯上的蟹柳不同，即使是拉麵中的配料，店主都沒有忽視，這種誠意十分好！而糖芯蛋做得出色，蛋芯軟綿又充滿蛋汁，不會是蛋黃熟透的！這個是我最第二最愛呢