我愛慢煮 (孖沙街) (已結業)

再次來到上環閒逛，所以晚餐決定來試一下很久沒吃的我愛慢煮，享受meaty的晚餐。這次的menu和上次來的有點不一樣，多了一些套餐的選擇，肉類也有些不一樣了，所以我都叫了一些之前沒有吃過的東西來試一下。🍽一人燒烤盤這個非常適合有選擇困難症的肉食獸。有雜菜沙拉、香草番茄和薯仔沙拉作為前菜。雜菜沙拉很開胃，另外薯仔沙拉的分量也不少，而且很喜歡honey mustard的醬汁，配上薯仔剛好。香草番茄也是另一個驚喜，車厘茄配上香草汁很開胃，非常鮮甜。肉類方面有安格斯牛肉、燒烤美式豬腩和烤紐倫堡香腸。牛肉有4-5片，慢煮的關係肉質完全不會老，肉汁飽滿，但是略嫌調味有點淡，餐廳也很貼心地設立了調味料區，大家可以依據自己的口味拿不同的香料，我們加了一點海鹽和黑胡椒後味道就剛好。我非常喜歡燒烤豬腩，肥瘦比例適中，不會有太多的肥肉，再配上美國bbq醬，簡直是豬肉的絕配醬汁。燒烤味很濃，而且令肉汁更鮮美，很好吃。烤香腸也不錯，雖然表面上看起來會很乾，但是因為是烤的關係，外層烤得香脆，裡面依然保持肉汁，香腸本身的味道也好吃。吃肉的時候不要忘了中間的溫泉蛋，大家可以把牛肉和蛋黃混在一起，好像Sukiyaki的吃

今日星期六，又係時候出街搵好野食，之前見呢間餐廳好多人都推薦，甘今日就食你啦。我同朋友12點幾去到，雖然上層坐滿人，但下層都仲有位唔駛等。店鋪裝飾係行簡約風，枱都幾大，坐得都幾舒服。甘睇下個Menu有咩食先一張menu就係野飲，另一張就係食物。甘我地就叫左個安格斯頂級牛鐵扒， 芝士香草車厘茄，芝士通心粉同埋三文魚蟹肉沙律安格斯頂級牛鐵扒： 份量唔算好細，肉質好嫩，而且好有牛味，脂肪比例剛剛好，食完唔會好膩(113HKD) 👍芝士香草車厘茄：個芝士好濃，啲香草同個車厘茄好夾，咬落去果陣會爆汁(32HKD)芝士通心粉：個芝士味就唔夠車厘茄果個濃，不過奶味好香! (好似30幾HKD)三文魚蟹肉沙律：有真蟹肉，好有誠意三文魚都有四塊，好足料!月個菜中和下啲芝士同牛就非常之perfect (78HKD)由於自助服務，所以係唔加一。兩個人食左250蚊，晏就黎講唔算好貴。

同老公兩人食early dinner. 有半價加呢個質素簡直超抵! 係encore 之選 鴨脾，蝦串燒個鴨脾外脆內嫩，啲蝦味道特別，加咗mayo牛扒 juicy, 加埋香料好香，我連啲香料都食埋Brownies 都做到外脆內嫩效果，有加nuts 唔會死甜，正!埋單兩人半價$14X

餐廳環境舒適，唔會太擠迫，且收費合理，算係一間親民既西餐廳。同朋友嗌左主食安格斯頂級西冷牛扒(大），外加一份沙律同兩份小食（炸蕃薯條、芝士忌廉菠菜苗），仲點左一杯西柚青檸特飲同一杯柚子清酒。感覺牛扒係慢煮後再煎既，牛扒剪得啱啱好，而慢煮可以鎖住啲肉質，咬落去好鮮嫩，唔會太韌，仲帶有肉汁添。再加小小鹽同黑椒，味道簡直係正呀！鍾意食牛既朋友仔可以試下。沙律比想像中大份，有幾種沙律菜，配埋新鮮芒果粒同牛油果，芒果好甜，牛油果香滑，沙律菜好清新，值得一試。蕃薯條炸到外脆內軟，再配埋個黑松露沙律醬，又唔會掩蓋左蕃薯既甜味，味道岩岩好。同埋份量又夠多，真係抵食。芝士忌廉菠菜苗既芝士味道好濃郁，仲可以拉絲，配埋清新既菠菜，味道香濃，同埋唔會太濟。嘢飲方面，本身已經好鍾意飲西柚配青檸既嘢飲，而呢杯西柚青檸特飲冇令我失望，酸甜西柚配上清新青檸，酸中帶點兒清甜，夏天飲就啱啦，非常解渴。

好耐之前係普慶坊店食過一次,真係好好味,但地點無咁方便,知道孖沙街開左分店,心思思又想去試孖沙街餐牌同普慶坊好似唔太一樣,以輕便為主,價錢都仲係十分親民朋友指明要食RIBS,再加2隻大啡姑超重料,好香,一切開流晒汁,正RIBS勁多肉,好JUICY醬汁超好味,我地淨住食好易切,一條RIBS好長蜜糖香草烤雞鎚4隻,成條香草,勁香香草味,蜜糖甜甜地,好好味法式豬鞍架,好厚肉,肉質KEEP住咁滑,唔會乾爭爭今晚好多肉,好飽,又平,抵食!!

今次朋友介紹呢間慢煮店佢食過有高度評價，因為佢上次食過普慶坊果間，今次推介我食孖沙呢間分店因為好近地鐵站，行過去2分鐘就到！ 入到去裝修行工業風，分兩層，下層係open kitchen可以睇到㕑師煮野食，只有四張枱，行半自助型式，要自己到收銀處點餐，水同餐具都係自助的！我哋點了每人一份獨食燒烤盤$138，真係好抵呀，仲要唔使+1🤩真係好大份呀，拼盤有薯仔、小份沙律菜、一個温泉蛋、一份頂級慢煮安格斯牛柳、紐倫堡腸仔,美式豬腩肉、車厘茄、仲有比利時窩夫😱我覺得呢個獨食餐係可以足夠兩個人食囉，份量真係無得輸！店員同我講呢個獨食Menu係最新㗎，呢個價錢呢個質素真係好難搵到！另外我哋仲叫咗一個白酒慢煮菠蘿配雪糕，菠蘿上邊有一層焦糖，雪糕有淡淡的白酒味，係特別嘅！店內都坐得舒服，好適合我哋撐枱腳嘅朋友慢慢食住傾計，食物質素真係CP值好高。

為左慶祝朋友生日 我上網睇曬食評同埋餐牌 就即刻Book左「我愛慢煮」同佢慶祝 哈 佢地仲要係黃店 無得唔幫襯入到去之後樓底算高 空間感大 環境乾淨 周圍都有文宣 播住廣東歌 好有氣氛 坐低之後 我地前後叫左三份肉 上菜後 自己都嚇親 超級大份量 同厚切 用「木」呈上 好靚仔西冷牛排 $138可以話係鋪頭招牌 西冷係牛後腰脊柱兩邊既肉 相對於其他部位會無咁多脂肪 用慢煮嘅方式鎖緊肉汁 同時又保留到西冷嘅細嫩肉質 唔需要太多調味 小小鹽 黑椒同香草 就帶出濃郁牛香 平鐵牛排 $118大家都係牛 同西冷唔同嘅係 牛排經慢煮後 再煎香 外層微微焦香 內裡都保持到粉嫩 脂肪同肉質比西冷多 味道就相對上無咁濃 所以睇大家口味啦 我最愛係西冷😝法式油封鴨脾 $118作為經典嘅法國菜 整油封鴨嘅程序繁複 鴨脾外層烤到好脆身 而內裡嘅鴨脾啖啖肉 肉質鮮嫩 隨之就品嚐到香口的鴨油好香 平時西餐都少有 值得一試燒蘆筍苗 $28哈 俾鴨脾壓住 食太多肉 所以叫黎減輕下罪惡感 不過不失🤣

/慢煮越黎越興🤩原因不外乎啲人中意食嫩口既食物🙈一啲好鞋口既用慢煮烹調方式都可以變成美食👍🏽經朋友介紹黎到依間慢煮店😋不得不推，性價比好高😇最重要既係黃店💛.🐮24小時煙燻牛胸 $98雞胸食得多啦，牛胸真係第一次食🙈牛仔好嫩口，多汁😂切既時候細細舊🤏會好好多，美中不足係個醬凍左😅.🐽16小時美式煙烤豬仔骨 $98從來都未試過甘嫩口既豬仔骨🙈完完全全估唔到係可以嫩到甘❗️再配合埋酸酸甜甜既醬汁💯大推⚠️.🍳芝士溫泉蛋大啡菇 $28唔洗我講都知依個幾夾🥳岩岩好既半熟蛋配超juice既既大啡菇，最重要既係！岩岩焗完😍熱辣辣，正🤩

生活慢不下來，唯有食一餐慢煮來調和 來一個生活的沉澱慢煮一直都代表著生活的品味 當然，品味是要付出代價的 動轍 4, 5百元一份 rib，實在不是我的生活格言 尤其是這個經濟低迷的時刻，錢，可以用在更有意義的地方2個小資女今天到了上環，尋找另類生活享受 -- 平民慢煮 The Hangout Corner 我愛慢煮這家位於孖沙街的小店，地下的店門連廚房，細細的 開始時令我有小卻步原來天外有天，2樓的小閣樓又是另一番境地~平民慢煮，價錢當然平民級 一百元一份慢煮的西式， 貴嗎？當然不 年年加價的大集團快餐也要差不多這個價了餐廳係半自助式的，地下自助落單，樓上自助取餐具 ，不過就有專人送餐 對於年青人，這些半自助的模式很快捷方便呢~  (起碼不用下下等叫人黎，等人攞~) 貪心地樣樣都想試，點左一個牛一個豬 每份有2件，share 剛剛好~ YEAH !! 24小時煙煄烤頂級安格斯牛肉 HKD 98 餐牌有2款安格斯牛，一款係牛肩，而我點的呢款係牛胸位慢煮的特質，肉都係粉嫩粉嫩的~  牛扒帶有少少焦香~只係肉偏薄而全熟透，沒有了嫩口的感覺 但起碼不是那種落左鬆肉

之前已經去過普慶坊分店食過，得知附近仲有間新分店，今日放假就去試下。距離地鐵站幾分鐘路程，位置方便易揾。法式油封鴨髀👍🏻有兩隻大鴨髀，慢煮方式緊緊鎖住肉汁，肉質比較實淨，但唔會鞋口，反而好滑，絕對係教功夫！另外仲點多份牛油卡真蝦仁串，非常爽口！炸蕃薯條好食到停唔到，配埋黑松露蛋黃醬食更加好食，炸得香脆但唔油膩，我哋足足點咗2份😂慢煮法式豬鞍架已經係第二次點豬鞍，一如既往嘅高水準。厚厚嘅豬鞍充滿肉汁，份量亦好大，只係落小小簡單調味已經好足夠！絕對係我愛慢煮嘅必點菜式！整體食物都能夠食到食材嘅原汁原味，兩間分店水準都keep得好好，會繼續有下一次！

真係好高汁， 最好食嘅豬同牛影唔切就食哂，雞脾好特別，蕃薯條極出色冇乜carbohydrates 感覺健康飲品種類多，仲有$98 任飲好抵（我地帶酒冇叫到）期待下次再食過

星期日放假，約咗個識咗好耐嘅舊同事去港島行山郊遊，行完山順便落去中上環搵下小店支持下，結果搵到呢間喺上環孖沙街嘅我愛慢煮。睇一睇地圖，原來附近仲有間分店位於普慶坊。西冷牛扒(小) ($138)我地叫咗份細嘅西冷，雖然話細份但份量合格。牛扒厚度可以，肉味夠濃，上碟時候仲有肉汁，唔會話太乾，最後經師傅調味再上碟，味道對得住呢個價位。美式煙烤豬仔骨($118)豬仔骨係一道我非常鍾意食嘅菜式。外面烤至微焦，內面肉質鮮嫩，火候控制得相當唔錯，切完大概有5-6條。作為一名豬仔骨愛好者，絕對收晒貨！雜菜沙律($20)開胃前菜，食完之後先食上面兩個主菜。炸蕃薯條($28)幾欣賞呢到係供應蕃薯條而唔係普通薯條，可以食到啲唔同嘢。一上枱已經覺得好大兜，份量非常多，仲配咗個好惹味嘅醬汁，食到停唔到口。澳洲檸檬青檸特飲($38)+荔枝接骨木花特飲($38)兩杯相當有特色嘅飲品，製作有誠意，味道亦合格。

今日同朋友係上環普慶坊分店既”我愛慢煮”食晚餐，係上環或者西營盤都行到過去，路程都唔遠我地叫左個一人燒烤盤，細既西冷牛扒，忌廉菜苗，大啡菇，仲有一杯芒果特飲。燒烤盤有4oz既西冷牛肉，豬腩肉同腸仔，加埋沙律同窩夫等等既小食，都好抵食👍👍而且味道都唔錯，無論自己一個或者同朋友黎都可以叫😂😂😂忌廉菜苗份量啱啱好，忌廉唔會過多，整體配搭得好好。大啡菇加埋上面隻流心蛋，味道上都有互補到👍👍即使我地係叫左個細份既西冷牛扒，但係份量都好夠兩個人食，熟度適中，唔會好老同太煙韌，加埋黑椒就好惹味😋😋😋總體做得唔錯，同朋友黎都可以選擇呢間餐廳，價錢方面都好ok

近期久唔久就會諗起想食慢煮，自從上次食咗次我愛慢煮後，覺得真的很不錯，所以今次就試下另一間分店，呢間分店就比普慶坊果間大啲，環境氣氛都係幾適合飲住嘢傾計，設計簡單而平實令人坐得幾舒服。今次食咗法式油封鴨脾，唔好以為油封會好油膩，食落去嘅感覺係乾爽的，不會一口油的感覺，亦唔會好咸，味道剛剛好，就咁食都好啱味，每人一脾後好滿足，如果配上一杯你鍾意食嘅飲品更佳。另外叫咗份安格斯頂級平鐵扒，牛扒面上加咗迷迭香草，令到肉嘅味道香香的，熟度差不多係5成熟，都幾鍾意呢個熟度嘅口感，不過今次食呢塊係筋位，所以要用啲牙力，哈哈佢啲配菜小食都十分出色，芝士溫泉蛋大啡菇好爽口，啖啖都係菇嘅汁加上溫泉蛋嘅味道，牛油卡真蝦仁串：大大粒嘅蝦仁，好爽口嘅蝦肉，炸蕃薯條：有別於一般食嘅薯條，有啲清甜，感覺冇咁重澱粉，一食又係停唔到口，啲小食真係好味😋最後又點可以唔試下甜品呢，一開始只係叫咗份鹹焦糖醬朱古力布朗尼蛋糕，利用鹹焦糖配上朱古力嘅味道好夾，而且都對於唔鍾意太甜嘅人嚟講係非常喜歡的，蛋糕裡面仲有啲果仁片增加口感，值得一讚！由於食完呢個，忍唔住又叫份草莓醬比利時窩夫配意大利雪糕，草莓份量適合，窩夫嘅口感幾好，配上

有家人在上環返工，都好耐冇陪過佢喺公司附近食飯，今次就同佢Chill一下！環境都幾清新，有自助嘅感覺，因為水，餐具等等都可以自取，落單亦都係出面先order再等嘢食。48小時羊後膝 $13848小時係一個點樣嘅概念，即係兩日，好大隻羊後膝，講真真係幾吸引！而且佢個羊味唔會話好so，肉質仲好嫩滑添。美式煙烤豬仔骨$118豬仔骨調味得好好，而且啲肉質仍然保持嫩滑，肉嘅份量都唔少，加上我哋加咗 燒露荀苗$28 令整體豐富左唔少，好飽肚添！士多啤梨特飲$38荔枝接骨木花特飲$38鍾意酒精嘅可以選擇酒精飲品，如果唔係嘅話揀佢啲特飲都係一個唔錯嘅選擇，例如要揸車或者本身少啲飲酒，佢都有好多款式嘅特飲可以選！兩款埋身都靚靚，而且味道清新唔會過甜，亦都可以解渴。草莓醬比利時窩夫配意大利雪糕$38最後食多個窩夫雪糕，價錢幾抵，口感比較香脆，意大利雪糕的確高質，性價比高。