我愛慢煮 (普慶坊) (已結業)

上次同朋友行街講開食扒話帶我食間正野，初頭以為講下算啦，點知今日突登打黎就話行餐廳係上環，行一條樓梯之後到，我唔熟上環所以唔清楚個位置，不過環境好優靜，環境好好。時間尚早，餐廳未有客人，正﹗分佐上下兩層，不過其實所謂上層只係行幾級樓梯，感覺好自成一角，我地就揀佐上層坐。望下MENU 又一D 都唔貴，其實坦白講，仲有D 偏平餐廳主打慢煮，我地兩個人，朋友極力推介個慢煮牛面肉，另外點佐個特式雜菜沙律同埋一個小食併盤。呢度食野幾得意，唔係傳統西餐廳咁係有侍應黎幫你落單，而係睇完枱頭份MENU 後去BAR 枱落單。可能因為咁樣所以食物會平返好多落完單就可以坐定定等上菜啦先黎係個沙律，初頭以為會係細細碟啦，因為價錢都幾平 ，只係48蚊，但估唔到黎到都幾大盤，仲要超級新鮮食佐一半個前菜沙律之後就黎個小食併盤啦小食併盤98蚊，但超多野起大碟，雞翼、炸魚手指、燒粟米、黑松露蕃薯條 (呢個超好食)，同埋芝士條。見到已經流曬口水。基本每樣都超級好食，大大條芝士條，咬落去D 芝士係真係流出黎、燒粟米好甜好大舊仲要有超大條炸魚而我最鐘意係個黑松露蕃薯條，薯條係用蕃薯做，好甜，第一啖食仲以為係南瓜黎，再配埋個黑

揀餐廳時，沒有留意到普慶坊這麼遠。從中環出發，搭地鐵又不是，等叮叮又不是，結果一行就行了差不多半小時，汗流浹北。地點實在有點偏僻。一眼看去，全部都是高枱，行入去才發現上半層有餐桌，可以選擇。慢煮只有牛肉選擇，其他肉類都不是慢煮。其他菜式則跟一般酒吧餐廳差不多。黑松露蕃薯條炸得不算脆，勝在不油膩，幾乾身。中間腍腍的，有天然蕃薯味。配沙律醬不錯，沙律醬上有不少松露醬，都幾香，但會蓋過淡淡的蕃薯甜。椰子水朱古力特飲／荔枝接骨木花特飲荔枝那杯頗清香。朱古力沒甚特別，不太喝到椰子水的清甜，朱古力又不及一般熱朱古力濃，少少兩頭不到岸。芝士四川雞肉薄餅果真有四川菜的麻辣味，但不平均，時有時無。吃不到麻辣時，芝士又不夠調味，雞肉亦醃得不入味，就淡了一點。薄餅是雪藏那種，卻罕有地脆。算是幾有驚喜的一道。慢煮36小時紐西蘭牛面肉不斷冒煙，摸一摸碟子，熱得縮手。可是牛面肉只帶微溫，奇怪。慢煮的牛面肉不是想像般嫩或腍，反而又硬又乾，都幾失望。似乎沒有醃過，不入味，汁亦不多。未吃過如此硬的面頰肉。當它是牛展般吃反而可以接受。芋頭蓉/　德國酸椰菜比薯蓉多一個選擇，就是芋頭蓉，不常見。有淡淡的芋頭味，但偏乾，吃了一

潮流興慢煮，有好多人都中意慢煮，呢度喺朋友話要黎，我本身想反對，諗住呢頭大把選擇，咁好啦，一人話一次事。去到心諗，咁local嘅，唔係食西餐嘅咩，但係食物有驚喜！笨笨嘅我見到人地一大盤fries諗住叫，點知叫左cheese n bacon，上到枱同隔離唔一樣，先醒起人地食緊sweet potato fries，好啦，照食，好味，肥仔薯條，有肉，重點係，多cheese，係溶左嘅，基本上食到底，都重有好多cheese!!!兩份肉，鴨腿，牛面頰，真心不得了。我唔係好中意食鴨，因為怕so，怕肥，但係呢隻鴨脾無油架，無油，以為佢會乾，又無喎，點講呢，係香口，係想令你飲啤酒嘅鴨脾！個牛面頰肉，我後悔左，因為食完鴨脾，我飽左，見人地盤肉，以為得幾舊，一定食得哂，點知，太抵食嘞，無論味道，軟硬程度，香味，同埋份量，都係超值，我要建議大家，黎呢度一定要試呢個牛面頰肉！好嘞，主角出場，芋頭蓉！你無聽錯，係芋頭蓉蓉蓉蓉蓉！有無人會諗到，呢度食慢煮，西餐，happy hours竟然有咁實在又美味嘅芋頭蓉，你唔好睇佢細細瓶，成個樽塞滿哂，超滿足！呢個就係我中意佢地嘅地方！其實佢地呢個小店格局，地點係有少少唔就腳

見最近有幾個朋友都試左呢間新開既餐廳我當然都要去試一試啦~餐廳係普慶坊，呢到一直都有種與世隔絕既感覺同餐廳「慢」既IDEA好夾MENU比想像中多野揀扒類、小食、沙律、PIZZA都有咸蛋黃醬炸雞鎚 $48/3隻一睇MENU見到就已經決定要食雖然真係好肥好邪惡但係甘香既咸蛋黃醬加埋脆雞皮，你叫人點抗拒?而且雞鎚炸得好好，唔乾身，食落好JUICY而家見到都好肚餓墨西哥辣粟米PIZZA $38甘大塊PIZAA都係收$38，真係好抵食其實個PIZAA唔算好辣，但墨西哥香料好惹味，唔錯澳洲黑安格斯牛西冷 $138老實講，塊扒係有少少失望可能本身塊肉既質素麻麻地就算煎得好，食落都冇咩肉味同有D鞋白酒慢煮焦糖菠蘿配意大利雪糕 $48菠蘿帶點點酒香，再加埋雪糕雖然係簡簡單單，但個組合又幾特別除左牛扒有少少失望之外，其他食物都唔錯，而且呢個區黎講真係好抵食呀!

今日同成班朋友食飯Gathering, 諗住上環搵間餐廳食飯, Search 下搵到呢間餐廳，原來係新開~睇個名主打慢煮野食~正呀slow cook呢間餐廳仲有多個打咭位~又可以狂影相座位舒適, 飲野傾計一流呀~我最早到，我地今日多人，一張大台超good~呢度有main course, 小食，仲有好多款不同飲品呢~先黎個小食先芝士煙肉薯條$48呢個如果送啤酒超正~黑松露蕃薯條$48我對呢個番薯條情有獨鍾,食唔停口~因為甜甜地好吸引,仲有重點黑松露醬七味一字雞翼(8支)$48單骨雞翼好方便，呢個七味十分惹味, 香料感重~飲杯野解渴先~呢杯有薄荷葉既特飲好fresh ~青檸薄荷特飲$38焗白汁煙三文魚意粉$88白汁唔漏,三文魚足料!!!!慢煮36小時紐西蘭牛面肉(10安士)$148 再加配薯蓉主打來了~「慢煮」近期興的「慢煮」（英文：Slow Cook），是以75度或以下的低溫，再以長達多個小時的時間烹調食物，從而不會破壞原來食物的營養，並提昇了食物的營養價值。這個慢煮36小時- 不會破壞食物中的纖維及結構，牛面肉的口感變得很不同，肉超吸嫩滑又有口感, 牛味濃郁又香，鎖住食物的令其更入味及

今日豬年年初六星期日，拜完年之後，就地在上環搵食，行下行下去咗上環普慶坊嘅一間餐廳叫(我愛慢煮)的餐廳，當然應該是主打慢煮，由於慢煮都是這幾年才興起的，所以就決定入去試新野，這間餐廳的裝修很平易近人，屬於casual dining，坐下了一個比較靜的閣仔地方，看看餐牌, 選擇也蠻多，價錢也很實際。慢煮36小時紐西蘭牛面肉10安士(Hk$148)口感豐富，味道濃郁，醃法有紅酒燴牛尾的風味，慢煮確實將牛面肉煮得細嫩有肉汁，好味法式油封鴨腿2支HK$98這道菜其實是出名的法國菜餚之一，confit de canard, 製作十分之繁複，醃製也要數日，鴨腿外表金黃，由於可能慢煮的關係，食落鴨肉結實柔軟，再配合百里香Thyme，確有特別的風味，讚配菜點了柚子菠菜沙律HK$48，香草薯蓉HK$15，流心溫泉蛋HK$15柚子沙律清新，味道很平衡，不太酸，配肉很搭，香草和流心蛋也做得十分好飲品點了荔枝接骨木花特飲HK$38，西柚青檸特飲HK$38這兩個飲品確實清新解膩，食了多麼餐的過年中菜，飲一下確實不錯唷

時下流行慢煮，大大小小餐廳總會找到幾款既慢煮菜式，這裡打正旗號做慢煮餐廳裝潢設計甚俱特色，還有閣樓雅座店肉採用半自助形式用餐，店員還是主動送上餐具。點了一份柚子菠菜沙律，味道帶酸，係開啟味蕾的好選擇，特別醒胃。慢煮36小時紐西蘭牛面肉，以慢煮方式烹調可以減少其水份流失，牛面肉肉質保持鮮嫩多汁炸魚薯條，魚柳炸得香脆可口，肉質嫩滑！薯條粗幼度適中，入口外脆內軟，薯味十足。食物質素不錯，價錢不貴，值得一試！

同朋友去試上環一間新開既西餐店，主題係慢煮﹗一知係慢煮就知係極度需要時間同經驗。而好多人唔知慢煮除佐保留食物營養好之外，最緊要係可以將以往難以煮好部份都煮得極有口感，呢個係今日係餐廳大廚親身介紹下我對慢煮更深一層既認知而事勝於雄辯，今日餐飯真係無得彈﹗店入面環境都幾闊落，一入到黎感覺好舒服，好有親切感，我地好早黎到，店入面暫時都係得一枱食緊飯我地一行三個人，點佐三樣野，一個沙律美國黑安格斯牛肉眼(12OZ) - 188慢煮36小時紐西蘭牛肉面 (10OZ) - 188美式醬烤豬仔骨 (4支) - 98特式雜菜沙律 - 48呢度既食物價錢真係好低，先唔好講比起同區，就算比起其他區，都唔算貴，而最重要係佢地質素真係好高。前菜先黎係雜菜沙律，上枱好靚仔，大大盤，三個人食都夠，而所有沙律菜都非常非常新鮮，呢個價錢我唔敢想像會有咁高質素既菜可以上到枱，無得彈再黎梗係講下我最愛：美國黑安格斯牛肉眼，點菜時係無問你要幾成熟，但絕對不用擔心，因為此肉眼並不同以往西餐廳之煮法，佢係經過慢煮再輕煎，如果擔心太熟影響肉汁肉味就絕對太多疑啦，外層煎得好香，入面粉紅色完完全全保留所有肉汁同牛味﹗食完真係會嘩一聲

最近嚟左上環呢間慢煮餐廳試一試， 餐廳裝修偏向文青style適合好多人嚟呢度聚餐， 今次四個人去， 首先以一碟鹹蛋黃醬炸蝦小食開頭， 蝦炸得非常脆， 美味可口炸得剛剛好， 又有一陣淡淡嘅鹹蛋黃醬味， 令到炸蝦嘅口感同味道更加完滿跟住叫咗一份肉眼牛扒一份西冷牛扒同一個牛面肉， 肉眼牛扒同西冷牛扒嘅選材都非常好， 牛肉嘅脂肪分佈平均， 鹽同胡椒嘅調味亦都做得好足夠， 牛扒經過低溫慢煮之後再喺臨serve畀客人之前拎出嚟煎咗一煎係真㗎， 像牛肉嘅香味都吊曬出嚟， 然牛面肉嘅肉質都好特別， 上面嘅醬汁將牛肉嘅味道昇華到另一個階段， 加上唔同香草嘅配搭， 令到牛肉嘅味道更加豐富同突出令人驚豔嘅係佢嘅薑啤特飲， 淡淡嘅薑味小小哋辣， 飲落去嘅時候特別舒暢， 仲好欣賞餐廳用咗紙飲筒， 跟上環保嘅潮流

最愛慢煮，因食物質感嫩滑，又健康。近年主打慢煮的餐館一擁而上，但要知道好吃的都不健康，要做到又好吃，又健康的，便要花點心機，今次來到這間餐廳便做到這點。主廚本來主修酒店，但因為熱愛烹任，所以改行做廚師，在這餐廳主理。餐廳以傳統中式設計糅合工業風裝潢的美式設計，令餐廳讓人們有嶄新的視覺感受。餐廳大門以石屎牆裝飾，兩旁畫上中國龍和猛虎，氣勢磅礡。餐廳間隔分開兩層，第一層一邊是廚房，另一邊放有酒吧高枱，又有圓桌四人枱。再上幾級樓梯，有半層放置了四張圓桌，特別寧靜。先來杯澳洲檸檬青檸特飲，兩種檸檬各有特色，配合起上來味道豐富，清新自然。小食來了，咸蛋黃醬炸雞鎚，超邪惡的食品，以慢慢煮讓雞鎚有七成熟，再配上蛋白炸䊢，把雞鎚炸至金黃色，並加上咸蛋溶，咸蛋的香味配上脆皮雞鎚，多邪惡的也要點單。我們兩個男孩都是食肉獸，都點了兩個肉，一個是我們都喜歡的羊肉，那是羊T骨，肉煮成軟化的，但羊味香濃，很好吃。因為菜色都是不加配菜，以最低價錢提供最優質產品，但如果有特別配菜想添加，也是可以的。我們便選了牛油炒露荀苗作配菜，牛油的香配合露荀的甜，可口美味。另一個是廚師推薦的牛面肉，因爲通常餐廳都不會煮，肉本身很多

左青龍、右白虎！莫非這扇大門後面，是個三教九流之地？越是刺激，就越想冒險，在好奇心驅使下，我倆放輕腳步走近窺探，抬頭一望，便見到「我愛慢煮」的牌匾。哦！原來是間餐廳。店子面積細細，裝修帶工業風，水泥地、紅磚牆、烏絲燈，型格新潮，又有中西合璧的感覺。看過餐牌，心中暗喜，因為價錢平得驚人。沙律、輕食、薄餅和甜品，絕大部份$50有找，成本較貴的扒類亦只需百多元，論性價比，同區食肆難以比媲。原來店家採用半自助模式運作，客人需在櫃台落單，然後由侍應送上食物，這樣便能減省樓面人手，降低經營成本，顧客自然可享受廉價美食。小食選了黑松露番薯條($48)，店員送上時，我們不禁瞪大眼睛對望一下，因為份量超多啊！切成幼長狀的番薯條，新鮮炸起，色澤金黃又熱辣辣，非常吸引。甜美天然的番薯條，外面香脆、內裏軟糯，沾些馥郁芬芳的黑松露醬，鹹甜交雜，味道有趣，難怪大家都停不了口。日式蛋黃醬粟米煙三文魚薄餅($38)定價親民，起初還以為只是迷你size，原來足足可分成3大片。薄餅餅底有點厚度，吃起來就像脆餅乾般，富飽肚感；面頭則蓋滿澎湃的芝士，焗後呈半溶狀態，那個拉絲畫面實在誘人。煙三文魚落手慷慨，味道稍鹹，幸有甜甜的

店面牆有塗鴉🎨，而店內設計中西合璧又有小小文青feel。多數出面既肉類main course都會跟埋配菜，而The Hangout Corner Menu將肉類同配菜分開，自由度高左又平左🤩。而且唔收服務費採用半自助形式，自己落order拎餐具同紙巾，不過上菜同收碟都係由店員負責既👍🏻。⠀▫慢煮36小時紐西蘭牛面肉(10oz) ($148)🐮牛面肉第一啖有啲似瘦版牛舌，食落其實係似牛𦟌多啲，經過慢煮肉質keep到鮮嫩口感，份量好多，配微酸既紅酒汁食落無咁濟🍷⠀▫慢煮36小時美國安格斯牛肋骨 ($238)🐂牛肋骨肉質軟腍，好香濃既牛味⠀▫小食拼盤 ($98)里個小食拼盤相當抵食💛新鮮炸起熱到燙手🧀流心芝士條好香芝士味而且拉絲效果非常好🤗、🍠🍟蕃薯條好甜份量好多加上大量黑松露沾醬😻好香好JENG✨、🌽墨西哥粟米花本身已經甜 再用墨西哥調味醬去烤好惹味😋、仲有七味一字骨雞翼、英式炸魚，好適合同朋友share餸啤酒🍻⠀▫荔枝接骨木花特飲 ($38)🥤清甜荔枝加上有氣既接骨木花好解膩👍🏻⠀▫️Menu

係悠閒嘅週末晚上，同友人黎左上環一間新開嘅餐廳 - the hangout corner。一聽就知係比朋友一聚嘅好地方，果然如此！荔枝接骨木花特飲 $38好喜歡呢個咁refreshing嘅飲品，帶點點獨特嘅清香，配荔枝飲起黎幾順口，一啲都唔會死甜。柚子菠菜沙律 $48用左新鮮嘅柚子肉，就算無沙律醬同樣美味，而且少左卡路里，簡簡單單作為開胃嘅前菜唔錯！小食拼盤 $98估唔到$100唔洗嘅小食拼盤原來咁大份，最適合幾個人share！最欣賞係落左多重配料調味嘅烤粟米，有芝士碎、青檸汁、稍辣嘅沙律醬等等，多重滋味。蛋黃醬粟米煙三文魚薄餅 $38好有日式風味嘅pizza，唔洗四十蚊好抵食。每份都只係有四小件，少人黎都食得曬。美式醬烤豬仔骨 $98聽職員講慢煮菜式係呢度嘅主打，當然要試下肉類喇。豬仔骨嘅賣相望落好似無咩特別，點知原來好淋好入味。白酒慢煮焦糖菠蘿配雪糕 $48煮過嘅菠蘿好甜啊，加埋脆身嘅焦糖，口感更豐富。雖然呢間餐廳嘅地理位置相對隔涉，但係環境chill，食物質素唔錯，值得一試！

好彩係同🐷隊友過嚟唔係嘅話我這個路痴1定盪失路😜。未入到間餐廳已經感覺到好文青嘅氣息，再入到去更加覺得文青味強烈濃厚🤭仲覺得自己都年青咗好多😂😂未坐下店員介紹要自己先出去收銀買嘢食之後再由店員送上食物。$500唔駛嘅價錢食到好嘅質素好環境已經覺得下次可以再來👍👍😋澳洲羊T骨~第1次食羊T骨，感覺唔錯，幾好食，又唔覺有羶味，煮得好夠入味。讚😋👍慢煮36小時西冷牛面肉~第1次食牛面肉煮得好夠入味，有啲似食牛肉乾嘅感覺👌😋焗卡尼意粉~店員送到放上檯就已經吸引咗我，因為都係我第2次見到有隻蛋🥚放喺意粉上，通常送上檯前隻蛋已經被撈好。所以視覺我已經可以加分👍味道都好好味👍😋😋小食拼盤~粗薯條，炸雞翼，炸生蠔，炸蝦，炸魚柳。各樣炸物都唔錯，雖然係炸嘅唔覺得好油😋飲品因為唔舒服所以叫了杯熱薄荷茶，飲咗感覺個鼻無咁塞👍而🐷隊友就叫咗杯澳洲檸檬青檸特飲，佢話都幾好飲👍

普慶坊呢個名對大部份捐窿捐喇搵野食嘅人黎講應該一d都唔陌生事緣呢到都有幾間特色cafe我都喺到留低左唔少腳毛呢日見呢頭又開多左間文青味濃嘅餐廳即刻捉老公黎試呢間餐廳叫我愛慢煮裝修都好有特色除左黎食晚飯之外黎happy hour都好適合！見到餐牌遲d都會有手工啤下次可以同三五知己黎chill下我地兩個一人一杯飲品嗌左個咸蛋黃醬炸蝦作為前菜黃金醬非常出色唔同大排擋d黃金蝦咁厚粉而且佢menu上嘅小食種類都幾多多人嘅話可以嗌多幾款share添我order嘅Ribs咬落去好淋～d汁同ribs好夾 老公嘅西冷扒偷食左一啖肉質好滑好juicy~望住d肉汁標出黎超治癒果然每一次黎普慶坊搵食都唔會失望！