成都老碼頭火鍋 (已結業)

雖然依家天氣開始熱返但都係無阻女朋友打邊爐嘅興致夾硬比佢拉左去「成都老碼頭」Shabushabu!.🔸環境充滿古色古香嘅「成都老碼頭」火鍋共有兩層，室內空間極大而且樓底又高，最重要嘅係每張枱都好大一張坐得舒服自在～位於樓梯前有醬料枱多達十款醬料，如香油，醋，黃豆等等想點「溝」都得啦仲有老碼頭秘製醬料又香口又解辣，不仿試下除左醬汁，仲提供公筷，一次性圍裙連水果都有埋添～PS.醬料費每人$25.🔸餐牌款式指數：🌕🌕🌕🌕湯底有七款，普通款同特色款我地揀左鴛鴦鍋成都無渣紅油麻辣同豬骨湯 $168而火鍋材料分為八大類仲有特別小食同飲品款式幾多樣化，仲好特別添.🔸老碼頭筷子牛肉 $88美味指數：🌕🌕🌕🌕🌕牛肉切開條狀，醃至入味表面灑上芝麻，擺盤極為吸引～牛肉味濃，無多餘油脂口感好軟嫩，超正！.🔸手抵龍蝦肉蝦丸 $68美味指數：🌕🌕🌕🌕以龍蝦肉所製成，入口彈牙仲有龍蝦肉貨真價實蝦丸表層係滿滿嘅蟹籽粒，令口感豐富～.🔸脆炸午餐肉 52美味指數：🌕🌕🌕🌕🌕午餐肉切成約1cm嘅厚切炸至金黃色，咬落極為香脆最欣賞嘅係選用金華火腿午餐肉肉質更具層次感～.🔸串串蝦 $82美味指數：🌕🌕🌕🌕大蝦蝦殼係青灰色，透明

最近同朋友傾開好耐無打邊爐同食辣野，我哋即時上網搵餐廳，見到大角嘴成都老碼頭食四川麻辣，即時打去book 枱。餐廳裝修好特別，去到20:00，侍應好快安排坐位，同我哋講外面有水果同調味醬自取形式~湯底選擇：成都辣油火鍋 （小辣） 一黎見到紅紅的湯底、好香麻辣味，食得唔辣既我 怕小辣會好辣 ，還可以接受，食完好麻。~小食：酥肉 同香麻海蜇 酥肉熱辣辣，食落好香脆，海蜇 ，好爽口 ~～主菜： 即整響鈴，筷子牛肉，四色飛魚墨魚滑 ，鴨血，魚腐，牛肚， 我自己推介， 酥肉食到去好香脆，四色飛魚墨魚滑，食到不同味道。

疫情之下食飯，探熱和搽消毒洗手液絕對係指定動作。但呢間火鍋店不但如此，佢仲引入左一部消毒機喺餐廳門口，每一位食客入座前對住部機㩒一㩒，就會噴出消毒液體喺你身上。超貼心啊☺️。火鍋店面積稍大，而佢地嘅安排亦都非常妥當，每枱客人分隔一張枱。當侍應安排座位之後，就係我地配醬料嘅時候啦。除左正常醬料同生果之外，仲有一種自家秘製醬油👍👍，另外有一細罐全新自家製洒同一對公筷，好細心呀⋯⋯待應誠意推介胡椒猪骨桶湯底，而另一邊當然係麻辣湯底啦 （今次你嘅主要目的🙊）。豬骨湯底有四大舊豬骨，湯嘅配料亦吾弱，白蘿白，紅蘿白同西芹等等，如果覺得胡椒唔夠，可以無限添加⋯⋯至於麻辣果邊亦可弱，微微辣，啱哂我地呢d對麻辣又愛又恨嘅人。日本A4 牛肩胛：成晚嘅主角，入口溶化，脂肪分布均勻，牛味香👍👍👍👍👍澳洲雪花肥牛：又系無得輸，肥而不腻。👍👍👍👍牛胸爽：同個名一樣，口感好爽👍👍👍 菠菜墨魚滑，冰豆腐和紅薯幼粉：吸收晒所有湯底精華，越食越想食👍👍👍👍馬蹄竹蔗茅根水：最後係甜品，清熱解毒，絕對唔需要擔心火鍋後遺症🤣🤣

唔知點解今年差唔多五月份都仲有啲凍，記得上年四月都已經係著短袖噶啦。趁天氣仲有啲凍，嗱嗱聲去打多幾次邊爐先啦！今次食嘅係麻辣邊爐，其實好掛住台灣嘅麻辣鍋，仲有鴨血。但無計啦，無得去旅行，食住呢間成都火鍋解下癮啦。我地就揀咗鴛鴦鍋，紅油湯底係必試。調味都幾特別，仲有自家製香油，一開始以為係嘢飲嚟。味道幾香。唔似台灣火鍋有免費鴨血食，就要自己點啦大家都係咁鐘意食鴨血，一落就已經清空。最啱玩大懲罰就要點爆菊花鮮蝦滑有三隻辣椒仔邊個輸咗就要食。總括而言都係幾有自己特色嘅火鍋，辣味都好過癮，配料選擇多。

周六和朋友去7.30离台有六九折就去试试。不会再去，有几个原因:1 锅底真的不香，一点香味都没有，辣子比较少，油也不香，这个非常失望2. 没有六九折人均要500多，比较贵3. 蘸料水果一定要收25一个人，我们不吃蘸料，也要收，不合理4。服务不好，七点就到付，粗鲁的开始催促我们买单，明明还有半小时才需要离开。最后买单330一个人，确实不贵，但是现在很多火锅店都有打折差不多价格，湾仔渔人码头和铜锣湾火锅英雄好吃太多了

見到老碼頭火鍋幾多好評，而且又近我夠哂就腳，所以book左位去打邊爐了， 餐廳環境佈置得非常華麗又宮廷嘅感覺， 店員服務幾好，親切有禮！七點半前離座或者九點半入座有68折，其餘時間88折非常抵食。叫咗鴛鴦湯底一本係麻辣湯一款係養顏花膠雞湯， 雙拼湯底兩款口味都可以食曬" 花膠雞湯非常滋潤， 花膠竹笙嫩滑！ 麻辣湯底好香，正呀！雪花肥牛半份， 油脂分佈平均！ 將肥牛輕輕放湯已食得！牛味嫩又夠濃味！無得頂。手工韮菜餃，皮薄餡料匯豐富，好足料，好香又有層次！鮮蝦脆肉腸，質感似芝士膠段爽脆！質感更正。新鮮串串蝦， 非常新鮮 蝦肉爽彈帶鮮香！而且價錢不貴！食得過！整體非常好，又有拆頭！抵食

天氣漸漸回暖，但依然帶些寒意，塘尾道有一家裝修出眾的火煱店，一於就去暖暖身！這家火煱店在中國有多家分店，主打四川口味的火煱，環境相當寬闊舒適，而且有一定間隔，很適合一群人用餐。湯底：蕃茄湯香辣沙爹鍋 ($168)常見的湯底，看來份量十足，大大碗。醬料水果：每位($25)非常值分享的就是醬料，有多種選擇，除了常見的醬汁外，也有具風味的調味醬料油碟，有油感而不會蓋過食物的原有味道，和常見的醬料比較，非常特別；另外也有乾碟，帶辣，配合油炸食品更提升口味，不要錯過！鵝腸 ($82)一條條掛在架上，量其實不多，但效果就很好，打卡一流，食物本身質素不錯，爽口。雪花肥牛 ($88)肥牛火鍋當然必叫，肉質不錯，有入口即溶的口感。西班牙黑毛豬腩肉 ($86)大理石紋提供入囗即融的口感，惟量較少。珊瑚蚌 ($58)新鮮爽口。老友鬼鬼 (墨魚滑) ($58)墨魚滑襄在腐皮之中，份量較想像中多，而且也算新鮮。油豆腐串 ($25)原串奉上，大份而且有飽肚感，更重要是盡吸湯底醬汁精華，必食！另外兩款就不敍。鮮魷魚 ($58)稻庭烏冬 ($32)質素非常好，醬料各有特色，應有盡有，感覺實在不錯，值得推介。

老碼頭是一間以四川式麻辣火鍋為主，以麻香椒辣為食嘅人一定唔會錯過，雖然位置有點偏遠，在大角嘴與旺角的交界，但相當物有所值。V仔唔食辣,同事強烈建議嘗試椒香油的味道，唔食辣唔緊要，老碼頭也有無辣，客人可以嘗一嘗專有的椒香油，完全係自家製，可以話係迷魂油，椒香同麻油香十足，一嘗戀上咁。首選湯底是花膠雞湯底，記得飲多碗湯。非常濃郁湯底，足料，有好多塊花膠同半只雞，食個湯底都已經飽左大半。之後，火煱料，我哋叫左少數店先有嘅律胸爽，鮮哋爽口。另外雪花肥牛係必點之一，爽口肥美。蔬菜叫左個好少有嘅鍋荀，砌起長塊好爽口同脆。只睇個湯底就值回票價。半只雞加好似食唔完嘅花膠。牛胸爽，少數店有得食。好鬼盞嘅油炸鬼墨魚滑。唔知點形容，鴨血好滑同爽口。珊瑚蚌好鮮味最後店內有果盤可以下一下火。正

好耐無打過邊爐，呢間成都老碼頭火鍋成日搭車都會經過，係街角非常顯眼，今次就黎試下啦！黎到成都，點可以唔試成都風味湯底呢？小辣已經勁香，一放上黎已經急不發待想食啦！另外仲叫咗花膠雞湯底，入面仲有啲素翅同竹笙，配料吸曬滋潤嘅湯底之後超好味，所以後來仲追加咗一份竹笙！菠菜墨魚滑嘅配色令我想起Kingdom入面嘅生死草，哈哈！但係煮完真係鮮美又爽口，即使紅油湯咁濃都醃蓋唔到佢嘅墨魚香！菊花鴨胗真係盡顯刀工，就算有一嚿鴨胗被遺忘淥咗好耐都好易咬開！當然無被遺忘嘅口感更好啦，而且𠝹完花更掛湯，超過癮！最後佢嘅蛋餃都非常香蛋味，入面嘅馬蹄粒增加口感，食落更清新，值得一試！

究竟有咩優惠??1. 坐的士有得Claim!! (憑收據最高可以Claim到$50)2. Wechat落單送汽水3. FB/ IG打卡再送多罐汽水4. 2位朋友一齊post FB/ IG 再送飲品一渣 (我地要左西瓜汁, 真材實料呀)5. 全天侯88折, 19:30前離座/ 21:30後入座68折優惠真係超級多!!係開始講食物之前要推介下呢個秘制香油!!呢個香油加少少醬油已經好正!!由於好肚餓既關係, 要點左D小食食住先叫左份麻香海哲, $38, 估唔到咁大碟海哲好爽脆, 溫度岩岩好, 唔會係雪左好耐果D帶少少辣, 幾好味!!湯底方面, 本身想食辣, 但係男朋友唔係太食得辣所以叫左個豬骨湯拼花膠雞湯, 花膠雞湯真係好正足料, 個湯煲到起膠, 用既係花膠筒, 仲有成隻雞脾係裡面!!餐廳有個好好既地方就係食物可以半份咁樣點, 岩哂2個人黎幫襯既朋友可以食多好多樣野, 我地以下叫既所有火鍋配料都係半份既!!男朋友大讚呢度既雞子, 大大粒又抵食!!我就幾推介呢個蝦肉脆皮腸, 味道似食緊蝦滑但外脆內軟既口感幾正!珊瑚蚌淥完一樣咁爽脆另外再要推介下呢度既餃子, 我地叫左西洋菜餃餃子皮好薄好滑, 估

最近疫情開始明朗 就忍不住出外堂食返一次平時係屋企打邊爐的味道 始終比不上餐廳所以一係唔出街食 一出就食最地道的風味不得不提餐廳衛生好好 門口仲有部全身殺菌機添裝修食具都好有中國宮廷風 非常豪華有氣派.火鍋湯底🍲鴛鴦成都原味(小辣)🌶煮一陣就已經有好香的牛油/花椒味雖然揀左最低的辣道 但已經好辣了🙈滿滿的辣椒豬骨湯🐷味道清清地 配上鮮菇 紅棗杞子 葱姜等好彩有叫鴛鴦鍋解辣😂不然會陣亡 太耐冇食辣.難得出街食 就緊係要試特別的食材(吃厭了牛豬)🥢紅糖糍粑店員上菜時話要盡快食 更說是成都火鍋必食之一外表炸得脆 裏面就Q軟 沾上紅糖 黃豆粉 白砂糖🥢老友鬼鬼超有創意的一道菜 是油炸鬼+墨魚滑+蟹籽當油炸鬼吸滿了湯底 就會自動反轉煮墨魚滑那邊了🥢極品鵝腸個人覺得這個一定要配辣湯底 吃起來才會惹味鵝腸好新鮮沒有異味 清得乾淨 賣相一流🥢手工芝士墨魚丸屋企打邊爐又點會食到新鮮手打的呢🙈完全不同level好滑好彈牙 一咬開仲會爆漿 係芝士啊~好邪惡🥢手工黑松露牛丸雖然黑松露味道不算突出 但口感幾嫩滑新鮮牛肉打的牛丸真係會多汁啲 肉味又濃啲🥢蛋餃呢款菜式真係唔會間間火鍋店有 話哂手工野一咬開超多肉汁/

冇去過成都四川，但一直好想試下佢既火鍋，聽講呢間一直幾出名就忍唔住黎試下～職員服務態度相當好👍我地叫左鴛鴦鍋，黎到肯定要叫個紅油辣湯底，我地怕好辣所以叫左小辣，湯底滾左之後職員好貼心，驚我地太辣，幫我地不起曬d辣椒，費事越滾越辣～叫左杯啤酒飲，超大杯😂紅油湯底好食，唔會話辣到食唔到，係辣得黎好有味～下次都會繼續食呢個湯底😋呢到既秘制香油超好食！調出黎既醬料真係不得了！係出面食唔到既味～好好食！叫左個炸酥肉，新鮮出爐熱辣辣，外皮好酥，入面肉質好嫩，點埋個辣椒粉好好食👍鵝腸好新鮮好爽口，真係幾好味～鴨血係打邊爐必備，配辣湯底係一流～叫左2款肉都好嫩好好食～總括而言呢間成都老火鍋質素相當唔錯😋

成日都聽到朋友話去旺角食老碼頭，今次終於到我喇，原價食其實有啲貴嘅，所以我宵夜時段去食囉！21:30後入座68折，平好多，今次經過先至知道原來打的過去可以claim錢，唔知真唔真，不過有個咁大嘅廣告唔係假卦。味道係好濃厚，好夠味，鍾意食辣要試下，真係好有成都重慶啲friend嘅風味。湯底真係正嘅，反而肉類正常，唔係唔好味係無驚喜啫。款式都好創新，有綠色墨魚滑及紫色薯片，好繽紛呀！份量係偏小嘅，如果想飽肚記得點澱粉質。

最近好少同朋友去食飯，所以好耐都冇食火鍋了。為左滿足食火鍋既心癮，今日就同屋企人去左食成都火鍋，呢間火鍋店係我既至愛，之前都成日過黎食，佢地方夠大，而且火鍋夠哂正宗，正！依家疫情嚴重，所以餐廳擺左個消毒殺菌噴霧喺門口，可以消毒全身，好貼心啊！湯底方面，我點左鮮淆豬骨湯。點完湯底同火鍋料，可以去水果吧到拎生果同埋自己調醬汁。肉類方面，我地點左蒙古羊肉片同埋澳洲雪花肥牛，肉勁新鮮，滾幾滾就食得。仲有啲牛柏葉同埋蔬菜。我至愛既酥肉，炸到好香脆，勁惹味！

連續兩個post出打邊爐等大家同我一齊頂下條邊爐癮🤤今次去試左呢間幾正宗嘅成都火鍋😋🍴鴛鴦鍋($168)今次揀左成都原味嘅紅湯配蕃茄湯~紅湯表面有層油聞已經好攻鼻🤣食落都幾香幾正宗~蕃茄湯超濃郁~放啲索味嘅食材落去超正😋🍴和牛面珠墩($158/半份)覺得幾得意未食過面珠墩就叫黎試下~個人建議用紅湯以外嘅湯煮~如果唔係就會蓋過左個肉味😋🍴筷子牛肉($88)筷子牛肉都係覺得個名幾搞笑所以試下~上枱原來牛肉係條狀真係好似筷子形狀咁樣🤣表面佈滿芝麻~我個人幾鍾意食呢款配埋乾碟好正👍🏻🍴極品鵝腸($88/半份)個人本身唔係好食內臟所以鵝腸我都係食過一兩次~呢度嘅鵝腸幾爽脆配埋油碟幾好食😋🍴菠菜墨魚滑($68/半份)咬落去入面有墨魚粒粒~冇乜菠菜味但係都食到墨魚味~😉🍴手工西洋菜餃($38/半份)西洋菜餃內餡飽滿~西洋菜味都幾重😋🍴即炸響鈴($48)呢到啲響鈴係即叫即炸~上枱嘅時候仲係熱辣辣😋浸完湯都仲好脆❤️👍🏻✨仲叫左啲菜同烏冬冇乜特別就唔逐一介紹~不過烏冬索左蕃茄湯勁好食😋❤️🍴萵荀條($35)🍴皇帝菜($38)🍴稻庭烏冬($32)