成都老碼頭火鍋 (已結業)

唔知點解今年差唔多五月份都仲有啲凍，記得上年四月都已經係著短袖噶啦。趁天氣仲有啲凍，嗱嗱聲去打多幾次邊爐先啦！今次食嘅係麻辣邊爐，其實好掛住台灣嘅麻辣鍋，仲有鴨血。但無計啦，無得去旅行，食住呢間成都火鍋解下癮啦。我地就揀咗鴛鴦鍋，紅油湯底係必試。調味都幾特別，仲有自家製香油，一開始以為係嘢飲嚟。味道幾香。唔似台灣火鍋有免費鴨血食，就要自己點啦大家都係咁鐘意食鴨血，一落就已經清空。最啱玩大懲罰就要點爆菊花鮮蝦滑有三隻辣椒仔邊個輸咗就要食。總括而言都係幾有自己特色嘅火鍋，辣味都好過癮，配料選擇多。