成都老碼頭火鍋 (已結業)

一行老朋友相聚老碼頭火鍋店，我們屬於老客戶，味道相比香港本地其他火鍋店，算比較正宗的川味火鍋。這次點的食材比較多，不能一一介紹，如麻辣無骨雞腳、酥炸雞皮惹味，落酒最正。涼拌青瓜雲耳，爽口。其他火鍋菜耗兒魚，稍遜色，腥味過重，鵝腸、魚鏢我哋有點掌握唔到煮的時間。最終好硬，有啲難食。其他食材新鮮，鴨血、羊肉、肥牛、都非常好味，總而言之簡單說明，味道不錯，食材新鮮，自助吧水果也新鮮。服務態度也不錯。可以繼續幫襯。

我同朋友2個都好鐘意打邊爐，香港打邊爐真係好多，但比較有特色既店就唔算太多，因為朋友都比較鐘意食辣，我同朋友好耐之前去過一次成都，食過成都既打邊爐😍，真係好正，但係香港就難試到個比較正宗既味道，之前有聽同事提過哩間（成都老碼頭）不過一直都無時間去試，今日終於約到朋友去試下🤣 因為我大概8點半左右去，等左5分鐘左右已經有位，一入到去feel 到個裝修好有特色，完全同出邊個d鋪頭好大分別，而且張台好大，唔使驚唔夠擺食物！我同朋友點佐個鴛鴦鍋，豬骨湯同成都風味辣油（可以選擇香港風味），黎到哩d一定係選擇成都風味架拉🤣 正宗d，如果真怕食唔到都有個豬骨湯🤣，個辣油湯底真係好正，夠嗮辣，朋友食到唔停😋瘋狂辣牛肉牛肉個面有好多孜然，鐘意食辣重味既朋友可以試下，個味好特別，我暫時係其他打邊爐未食過哩種👍🏻👍🏻老碼頭筷子牛肉筷子牛肉就係一條條咁，最好可以滾耐d，感覺會好位好多，一開始滾佐唔係好耐，感覺好難咬，滾耐佐就好食好多！手打黑松露牛丸不算太重黑松露味，不過就完全係食得出手打😍😍好彈呀，好香滑，唔似普通個隻牛肉咁拫！皇帝蟹柳蟹柳大大條…唔會太散，味道算正常鮮蝦雲吞雲吞好大粒，一向唔鐘意食雲吞既朋友

朋友帶我黎左間平時我一定唔會經過既火鍋餐廳~地點雖然係旺角, 但又真係冇幾何會行到黎....呢間火鍋店其實好大間~~招牌裝潢都好搶眼估唔到偏偏地既地方會有一間氣勢咁勁既火鍋店!!食火鍋之前叫左碟小食~~紅糖糍粑 $48甜甜地暖暖的~外脆內軟好Q彈軟糯火鍋必食醬料~~呢個秘制醬油堅冇得頂!!混得好香好正~~淨係點佢都食到成餐鮮淆豬骨湯 $88湯底豬骨味濃郁~仲有好多配料係入面...D菇好似食極都有咁, 哈哈珊瑚蚌 $58好難得以呢個價錢食到珊瑚蚌~珊瑚蚌新鮮爽口!!澳洲雪花肥牛 $82半份份量都唔少喔~2個人食一定夠!!肥牛牛味甘香, 而且肉質軟腍A級五花肉 $50五花肉睇落好似好膩咁, 但食落口就一D都唔覺~薄薄地好快熟, 入口煙韌口感十足手打龍蝦肉蝦丸 $68蝦味幾重~ 入面真係有龍蝦肉架蛋餃 $32幾型幾靚幾吸引~味道都唔錯冰豆腐 $25打邊爐食冰豆腐超正~豆腐索晒湯汁, 啖啖精華所在唐生菜 $28新鮮脆口~~~紫薯寬粉 $38紫色既寬粉好特別好靚~煮完後變透明紫~有淡淡既紫薯味, 口感煙韌埋單有8折喎~食品有質素, 價錢合理

朋友帶我嚟咗旺角附近呢間餐廳打邊爐，遠遠已經好覺眼呢間嘅招牌打邊爐就最怕成身味，好欣賞呢間餐廳有呢一個去味嘅機器！餐廳嘅環境都算幾闊落，坐得舒服嘢食亦都可以擺喺側邊嘅木枱度嘢食選擇方面都多，價錢不高不底調味料嘅選擇方便比起一般火鍋店多，適合鍾意食辣嘅人😛而且餐廳好細心咁準備咗圍裙俾我哋，打開圍裙仲係好可愛嘅圖案添🤪湯底清甜，媽咪中意☺️呢度嘅肥牛脂肪比例好，食落都好滑身，而且牛味重，係新鮮料，必叫！另外有飯後果俾我哋清下熱，加分😋

今日心血來潮好想打邊爐，聽朋友講有一間叫老碼頭火鍋店，是成都很出名火鍋店，我就同朋友一起去試試(*ﾟ▽ﾟ)ﾉ這間火鍋店地方都很大很寬敞，裝修好古色古香感覺，坐下來我們就先點新鮮咬豬骨湯，湯底濃郁鮮甜，很濃的豬骨湯味呢☺️材料有火腿片等等，用來打邊爐都不錯。火鍋配料我們點了必吃的雪花肥牛，牛肉香口～入口即溶，‘ヽ(*´∀｀)ノ芝士墨魚丸很多芝士呀！又是很香口另外是我最喜歡加推薦的蛋餃，在其他火鍋店真的沒試過，味道特別～蛋皮超香蛋味(≧◡≦)還有紫薯闊粉很特別(๑❛ꆚ❛๑)放進火鍋中之後會變透明，入口很煙韌感覺。老友鬼鬼，跟其他點不同的，是當作火鍋配料放進火鍋中待熟後才吃，香滑的墨魚滑與油炸鬼超夾，真的是老友鬼鬼 哈哈手工響鈴香脆可口即叫即炸，一定要嘗試♡

本身就想同比友出黎辣一辣佢，一齊挑戰成都風味嘅紅湯！但係自己唔爭氣，講太多野喉嚨痛，就叫咗個清湯啦～$88嘅清湯都非常認真，有勁多鮮冬菇，鍾意食菇嘅我見到都心心眼呀，撈一撈仲發現超多火腿，淨係個鍋底都抵兩碟鍋料呀！講到菇，呢度獨有嘅高原雪花繡球菌真係超好味，食落似木耳，但比較滑溜，質地較厚菌味濃，如果你同我一樣係菇控嘅話一定要試呀！另外，老碼頭筷子牛肉都好有Surprise!切到快子咁幼所以好快熟，亦都好入味味道有啲似烤肉串，麻味極濃，好食到停唔到口呀！黑松露牛丸都做得好爽，而且牛味都好香濃，唔會比黑松露嘅味道搶過。除咗火鍋料，紅油竹絲雞腳都好有水準，雞腳去骨後勁爽口，加上惹味醬汁，清爽又美味！

今日嚟到呢間外表同埋入邊都好有氣派嘅火鍋店入面嘅裝修好友宮庭式復古仲播住好有中國特色嘅歌，好似七里香等等入到去見到原來傳單可以八八折，打卡仲送嘢飲，用手機點餐又送多罐咁。因為前排先食完麻辣火鍋，今次想食返清淡少少所以叫咗胡椒豬骨湯底。一嚟到個湯底超大個鍋， 入邊有好多舊豬骨，起碼有五舊，而且入邊有我超鍾意食嘅蘿蔔同埋白蘿蔔，仲有好多胡椒粒。我哋叫咗鴨血，牛黃喉，冰豆腐，響鈴， 毛肚羊肉，肥牛，豬梅肉，同埋鮮蝦雲吞好多配菜都係可以半分半份咁叫啱晒兩個人黎食嘅朋友鴨血牛黃喉同毛肚都係打麻辣火鍋必叫既估唔到配埋落去唔辣嘅湯底都係好襯！牛黃喉口感好爽脆，毛肚都係好正羊肉，有少少蘇，係岩哂我口味，好薄切，入口即溶， 唔錯。冰豆腐嘅份量都好多，食極個湯底都仲有咁。鮮蝦雲吞有六粒，入邊真係有原隻鮮蝦，好彈牙，個皮薄餡靚！響鈴索晒成個豬骨湯底，然後放入口，簡直係一流。最後夾晒啲豬骨出嚟食佢啲肉同埋骨髓精華。超正。仲有老友鬼鬼，蝦滑，油炸鬼同蟹籽成件事好夾仲叫咗罐天地1號，好有一種返咗大陸打邊爐嘅感覺。呢個係佢哋嘅秘製香油醬料。店員嘅服務非常殷勤，係咁幫我哋加湯，食完嘅碟好快就幫我哋收返走又幫我哋移好啲

朋友見限聚令放鬆咗就話不如出嚟打邊爐，大家都好耐無見，計番數上次聚會應該已經係聖誕節，真係要出嚟見下面，update一下大家。坐得耐又可以食得耐嘅就去食火鍋，其中一位朋友食過老碼頭，推介我哋去食，話地點近旺角，大家聚散都方便。餐廳裝修都幾有特色，從遠處見到已經覺得有中色嘅古時裝修，入面地方頗大，樓高有2層，坐得真係舒服，又無限時，可以慢慢食。門口有部消毒噴霧機可以使用，感覺都幾貼心安全。湯底我哋點咗鴛鴦，食得辣嘅可以淥紅油(小辣)，怕辣嘅就食豬骨湯嗰邊。配料叫到成枱都係，提番幾個重點出黎，筷子牛肉、A級五花肉、手切肥牛、鴨血，真係好新鮮，喺紅油拎返上嚟變到紅色，食得好刺激。

成日由旺角行入大角嘴時都會望見於是來試吓點了個雙拼湯底-成都中辣及豬骨湯底麻辣湯底無味嘅，得層油；豬骨湯底就見到有冬菇、蔥、早餐時吃的火腿（諗住咁樣叫有豬肉味呀？）到點菜，牛肉一碟份量少得可憐，但又唔係好食招牌嘅牛舌薄到透光咁反而蓮藕、萵苣條就幾慷慨成晚最好食就係台灣墨汁腸....唉....講吓飲品，點了竹蔗茅根，同飲水差唔多，俾啲誠意好唔好....醬料吧叫做有生果食吓，蜜瓜麻麻，西瓜都可以嘅。講吓服務，唔知係咪新請了些學生來做暑期工，個鍋煲到乾水都唔識走嚟加湯，又唔會話幫你較細些少個爐，又話者話俾你知圍裙係要出去醬料吧拎....齋企，想點呢？而最後，收了$400/位，還可能有下次嗎？

最近好想好想食麻辣，放咗工可以好好咁麻辣一翻都真係唔錯，見到成都老碼頭呢間又大間又好似地道啲，就決定試一試，入到去啲侍應服務態度幾好。嚟到食辣就梗係要試下佢個老碼頭全紅-無渣紅油麻辣鍋啦，聽個名係咪已經口水分泌緊呢，當個湯底一拎出嚟果陣已經聞到好香好麻嘅味道邊爐料就有好吸味嘅爽口萵筍同皇帝菜，少不得嘅雪花肥牛，如果啲肥牛可以厚少就更好，值得試下個菠菜墨魚丸，彈牙口感，雖然睇落細碟，但又幾襟食，桂花蚌好爽口，都幾新鮮，淥一陣就食得，鮮魷魚又係爽牙，鴨血就好滑，正！除咗火鍋料，都有食下佢啲小食，一份紅糖滋粑，糍粑係熱嘅，有層脆皮，加埋紅糖真係好夾，由於唔係邊度都食到，亦唔係邊度都好食，我打包多一份走，另一份小食係涼拌魚皮，我第一次食就愛上了，酸甜辣嘅魚皮爽口，越來越想食。成個湯底雖然係小辣但都辣，同埋佢唔只係得個辣字，仲有花椒帶出嘅麻，味覺有層次，唔太需要再點醬料。餐廳亦貼心地預備咗圍裙，以免湯汁整污糟件衫。

第二次嚟到城都老碼頭，疫情下星期二晚上都要等位，足以證明呢到幾受歡迎。今晚試吓豬骨湯，呢度同一般豬骨湯有啲唔同，係無豬骨阻住架呢份A4牛頸脊雖然得4塊，但真係好好味。要睇住淥，唔好過熟嘥咗4塊牛又點夠，仲叫咗一碟雪花肥牛。啲雪花都幾均勻。呢個牛胸爽雖然白色 但唔係肥膏嚟架 又係一淥要食呢度嘅鴨血都唔錯蛋餃呢個名真係好搞笑，好想叫佢做 "盞搞"。入面有魚肉同芫茜，都幾特別。芝士墨魚丸好小心食都係俾佢啲芝士辣親珊瑚蚌擺盤精緻另外仲點咗秋葵同淮山，仲有粟米唔記得影相淮山可以切薄啲會更好整體食物新鮮，味道保持水準。但今日招呼比上次差。希望下次嚟會有改善

本身住附近，呢間火鍋店次次經過，都傳出陣陣嘅麻辣香味。成間鋪頭係好中國古典風格，而且兩層，如果多人同朋友聚會最好，打邊爐可以叫多啲不同材料，之前同一個朋友黎過，只可以試到好少野。今次是好朋友生日 我地成班人5位去食，叫到一檯都係野食，必食鴛鴦火鍋咁岩魚刺身做特價，我地又人多，今次點左份魚刺身，超新鮮，條魚尾仲會識郁，第一次係火鍋店食魚刺身，覺得好食，如果唔食生，已放落去打邊爐。因為我啲朋友好中意食牛，所以都叫左啲貴牛食下，果然啲牛肉好高質，雪花紋好令，好有牛味，入口即溶化，略為有點貴，但真係好推介👍🏻👍🏻醫料區都好足夠，有自家細細樽既麻油比你自己落。總結：火鍋湯鍋夠麻夠辣，好正宗環境舒服，位與位之間好闊落，唔會太逼，聚會聊天食飯一流。最貼身係會一人一條圍裙，唔怕整污糟衣服。最最最貼心，係店門口有一部勁大部身體除臭機。

疫情稍緩，約好兄弟食飯。難得有人陪食辣，就去收藏已久嘅成都老碼頭試試。去之前，係開飯睇到好多好評，滿心期待。19:30未夠就到，前台堅持19:30先可以入座，因為滿座。但目測係有位嘅，點知突然19:15又話入得🤨火鍋點嚟講，一啲都唔平，調味料每人已經要收$25/位，仲要唔問佢調味料係邊都唔講。叫咗份日本A4牛，還不如價位低一點嘅手切牛。油炸鬼墨魚滑口感亦有啲怪。西洋菜餃皮亦太薄，滾兩滾就爛。啤酒價位亦偏貴，$120四支百威。唯一係丸類同切成長片嘅萵筍不錯。3個人人均$600多。向來捨得食嘅我都有啲肉赤😣😣😣

考完哂筆試(⁎⁍̴̛ᴗ⁍̴̛⁎)朋友們就預先book左邊爐慶祝一下-📌湯底：自選鴛鴦兩款（💰168）👉🏻成都原味無渣紅油麻辣湯👉🏻中辣麻辣湯底真係滾嗰時聞到都覺得嗆🥺朋友辣到喊_(´ཀ`」 ∠)_👉🏻先淆豬骨湯鮮甜🥺-📌醬料係自助形式👉🏻連黃豆都有 亦有西瓜哈密瓜-📌紅糖糍粑（💰48）紅糖醬濃郁甜甜加上好香糯米味既糍粑出邊又脆卜卜(⁎⁍̴̛ᴗ⁍̴̛⁎)入面軟糯💕黃豆粉令到佢更加香‼️十級推薦‼️.📌爽脆牛黃喉（半份💰48）好爽口彈牙 清爽次次去親邊度都冇今次終於比我試到😋.📌老碼頭筷子牛肉88估唔到係條狀🧐好嫩好爽重牛味建議唔好落麻辣到食佢嘅原味佢本身都重香料味 仲有少少嘅芝麻香.📌滑溜溜鴨血半份36嫩滑有質感(˶‾᷄ ⁻̫ ‾᷅˵).📌紫薯粉（💰38）比平時食到嘅寬粉更加煙韌(⁎⁍̴̛ᴗ⁍̴̛⁎).📌菠菜墨魚滑（半份💰68）又真係比佢整到有菠菜味(´･Д･)」煙韌彈牙.📌即炸響鈴🔔（💰48）由於即炸所以好趣而且好香豆味📌娃娃菜（💰28）幾甜-

此店外觀一看便知來自成都，傳統的招牌顏色藍底金字，再加紅色竹籠燈，令人即時聯想到麻辣川菜。麻辣火鍋湯底選取了無渣紅油，不會太膩。對不吃辣的人士，養顏花膠雞湯是鴛鴦鍋的好配搭，濃郁入味，當湯喝非常不錯。火鍋配料應有盡有，店舖推介、牛豬羊、丸、雞鴨鵝、海鮮、餃、菌菇、瓜菜等等，還有主食、小食任君選擇。海鮮類配料實熟不錯，夠新鮮，桂花蚌爽脆鮮甜，花甲、元貝鮮甜。筷子牛肉性價比高，肉質帶點人工的嫩滑，口感粗獷，似熟悉的茶餐廳滑牛。另外一提，此店啤酒種類夠齊全，有老外生啤、國內外的支裝啤，若日本啤也有的話，無懈可擊。2人光顧，點餐如下：醬料及水果 x2自選鴛鴦（兩款） 成都原味（中辣） 養顏花膠雞湯活元貝2隻生啤-Stella Artois滑溜溜鴨血（半份）爽滑豬潤（半份）順德魚腐（半份）花甲（半份）桂花蚌（半份）鮮魚鰾（半份）手工韮菜餃（半份）功夫萵筍片（半份）蘿蔔馬蹢竹蔗茅根水老碼頭筷子牛肉生啤-藍妹加一後，合共HK$1,189。