成都老碼頭火鍋 (已結業)

今日辣癮發作，於是相約為食姊妹，一起去成都老碼頭打邊爐，最鍾意食呢間嘅麻辣火鍋，因為好正宗，同我喺成都食嘅有九成似，喜歡呢度嘅醬料款式多，食麻辣加上麻油，可將食物降溫之餘，也可減去辣度，其中有一款成都老碼頭秘製醬料，麻油內加入香蒜，芫荽，蔥，只要再加上火鍋醬油和一點醋，就不用花太多時間調配鴛鴦湯底，一邊是香濃的豬骨湯底，另一邊是中辣的麻辣湯底，紅紅的湯底，呷一口，辣到十足， 十分惹味雪花肥牛，油脂分布均勻，不用淥太久，只需幾秒便可，入口香濃得來有口感無骨鮮鵝掌，要一早放入湯內，滾得越耐越好，鴨掌要淋，越好味，加上吸收麻辣味就更出色冰豆腐，食麻辣火鍋，又怎少得冰豆腐，豆腐吸入麻辣香味，又香又辣，嗜辣的好友大呼辣得過癮手工龍蝦肉蝦丸，外型有趣沾滿一粒粒蟹籽的龍蝦丸，入口先是脆卜卜的跟著就是彈牙的蝦丸鴨腸比鵝腸更好味，帶點粉紅色的鴨腸，光澤新鮮，鵝腸始終帶一點粉感，但鴨腸質感更爽口彈牙，值得一試千層肚，切成一條條的千層肚，吸收麻辣的精華，惹味非常，只需淥一會，食落更爽口最後來個魚皮餃，雖然說魚皮餃沒什特別，但不是每一間食肆也提供優質的魚皮餃，這裏的魚皮餃皮薄餡靚仲記得上次打完邊爐，有部消毒噴

啱啱星期二趕完ot, 趕到旺角食打邊爐。呢排好耐無打邊爐喇，去到成都呢度，門口好啱現在呢排情況，竟然有噴身消毒機，我貪玩係前面轉咗個360一入門要噴手同探熱，仲有私家袋入口罩，果然係比較貴價嘅打邊爐地方。坐底d位好寬敞，人流正常，感覺幾好，環境都靚，背景音樂係中樂版嘅月半小夜曲（之後有好多曲，不過已經掛住食無聽喇)叫咗雙拼嘅湯底，一邊辣一邊唔辣，辣嗰邊都係叫小辣啫，因為我哋鍾意食辣但唔係食辣能手。個鍋嚟到個樣好刺激呀~wow, 火辣辣嘅感覺湧埋嚟，d料未嚟我佔咗少少湯底落口，果然好香辣。清湯果面我食咗d本身有嘅冬菇，好鮮味(本身鍾意冬菇嘅我，最尾係將湯底嘅菇食曬)佢d牛肉好靚仔呀，d紋藝術品咁，夾埋辣湯底都無蓋咗佢嘅牛鮮味，好正。綠色嘅墨魚滑，我落曬落清湯嗰邊，咬落好清新。脆卜卜嘅響鈴，兩邊都落過，吸咗d湯好好味，多汁內脆。其他配料都好得，如果話邊樣無咁吸引，應該係個芝士丸，因為其他太正。嘢飲我叫咗一大樽杞子龍眼花蜜，好好飲，食辣嘢有潤一潤嘅感覺。另外呢係慶祝日，叫咗兩大杯啤酒啤啤佢，食辣嘢飲啤酒的確係正嘅。成餐食咗大約9百幾，都唔平嘅，但計返食物質素，我決定下次慶祝都一定嚟辣一辣佢。

因為唔食得辣，所以一直都未夠膽量去嘗試下麻辣火鍋。但自從聽說一個唔食得辣嘅朋友愛上麻辣火鍋之後便想親身感受下麻辣火鍋嘅魅力。第一次食麻辣火鍋，朋友就帶我嚟成都老碼頭，門口就已經聞到好大陣味。聞落幾香。淨係點咗一個湯底令我無得逃避，不過辣度點咗小辣，就返我個食辣新手。雖然係小辣，麻辣味都幾重。除咗麻辣湯底第一次食，仲有好多配料都係第一次食，例如豬腦，菊花牛鞭，維怡豆奶，味道真係幾特別。鐘意重口味嘅人就好啱食，而且食辣個人感覺精神爽利啲。

成都老碼頭我都唔係第一次黎每去想食麻辣火鍋都會第一時間諗起佢 佢地嘅食物質素永遠都唔會令我失望 今日又口痕痕又見無咩做就自己一個走左過去打邊爐 無錯係好dry咁自己一個大家都知近排疫情有啲嚴重 店家都好貼心係門口準備左消毒機比我地而且仲要探熱先比入店 咁就唔駛怕變第二個火鍋家族啦講到打邊爐豬肉牛肉都例叫嫁啦 不過上一次去佢地到篇食評已經講過就唔多敍述 不過佢地嘅肉真係好高質 而且質素都相當穩定 有興趣嘅朋友可以睇返我上一評關於成都老碼頭嘅食評今日梗係講返啲上次無叫過嘅野啦今次新叫嘅都係啲相當吸湯嘅野 一個菜食到兩款截然不同嘅口味相當抵🤪先上個竹苼黎比大家睇下先佢地嘅竹笙真係又長又厚身 食落爽脆 竹笙本身係無咩味嘅食物所以同打邊爐真係天作之合 吸收左麻辣湯頭嘅香同辣 又可以係豬骨湯做到解辣第二款上次無叫 但係又係我食火鍋最愛嘅就莫過於響鈴啦 一落就上就會食到響鈴外皮軟化 內心仍保持脆口 而且佢地嘅響鈴最特別係自家制 所以比平常食嘅都厚身 所以可以更加好咁鎖住湯汁~~~~~~~~~~~~~~~~~~~~~~~~~~~~~~可惜嘅係今次我太夜去無哂鵝腸 我一定會再去嫁 下次一定要食到

之前試過喺呢間老碼頭嘅門口等車時，被佢香氣撲鼻、客人一群一群咁湧入去而吸引住，雖然最近因為邊爐家族嘅群體染病而令到好多香港人都對打邊爐卻步，但我唔驚喎。因為我覺得而家少左咁多人去打邊爐，而且就算侍應唔小心噴咗口水落去，我都可以拾返熟先食，其實比一般食飯更安心！最緊要唔好一班人去，小貓兩隻就最好。叫左唔算好多野，其實份量偏少，但最後食埋個紫薯粉就飽晒➡️ 湯底好有真成都風味，夠麻又夠辣，佢仲好似我喺重慶食過嘅火鍋咁，有一碗油比你點，喺醬料bar就可以攞，一罐罐嘅，仲有佢地建議嘅食法添！因為我食到個辣，我就無再點油，但試左係可以減辣嘅！➡️ 菠菜墨魚滑比一般墨魚滑貴$10 ，顏色幾靚，都幾好味，只係略嫌份量太少➡️ 牛肉冇叫到最貴嗰啲，以呢個價位來講呢盆算係可以➡️黑毛豬就好似無乜特別➡️ 牛黃喉幾好味呀，唔太食得辣嘅話用牛黃喉試麻辣果邊，正！➡️ 千層肚又係出面唔一定有得點嘅食物，好味！➡️奬料及水果$25一位架，記得食埋水果原來門口有部消毒機比你全身消毒，走果時先知，立即噴返兩轉，好唔錯呀，雖然我地唔驚呢排邊爐，呢個措施對驚嘅人來說好安心，仲有，入去食就已經會量體溫，洗手間門口更張貼話請左專業人士消

係到食過多次火鍋，當然係食物出眾，而且環境又像皇宮般的享受，無論服務、食材、環境、衞生丶與及價錢都係💯💯💯💯💯分全日都有折扣認真抵食好食當然一去再去又去繼續去........食門口放置一部自動消毒噴霧機，全身消毒後再檢測體温後才入內進食，衞生程度食得放心又安心💯💯💯💯💯每個待應都好有禮貌，招呼周到不在講，食材又靚，自助醬料、水果任食👏👏豬骨火鍋湯底：湯底材料有火煺、冬菇、大蔥、紅蔥及.............等等，湯夠甜⋯⋯火鍋材料：珊瑚蚌丶桂杞蚌丶牛胸爽丶羊肉片、🐷豬腩肉、皇帝菜、紫薯寛粉、魚🐟皮食、豬🐷潤、耗兒魚🐟⋯⋯1-珊瑚丰——爽脆又鮮甜，好味道2-桂花蚌——-桂花蚌和珊瑚蚌都一樣咁鮮甜，而且比珊瑚蚌更加爽口，兩款蚌我都咁鍾意食😋3-牛🐂胸爽——聽落去可能好多人以為是牛胸的部位，其實係胸腔肋骨中間的軟骨部位，食落好有口感而且又爽口，好多人可能都未食過，而且唔係咁多地方可以有得食，但係呢度就可以食到呢個牛胸爽，食材特別，材料豐富又特式⋯⋯4-羊肉片——-肉質嫩滑又鮮甜5-豬腩肉——爽口滑溜。6-豬潤——補血氣，7-皇帝菜——-有點像唐（hold)菜的味道，爽甜好味。8-紫🍠薯寛粉

呢間一早聽youtuber介紹過，知道很正宗，很有興趣一探究竟。餐廳的外觀及內裡裝潢具有濃厚的中國風，很用心。店內一進去，就聞到辛辣的調味料味，果然很川味，坐下後選了花膠湯底及成都原味（小辣），上枱的時候，成都原味紅噹噹的，佈滿辣椒，很嚇人。先喝一喝花膠湯墊一墊胃，湯頭鮮甜濃郁，不錯。而成都原味因為揀了小辣，其實也不是太辣，辣味散得快，所以也不痛苦，而且可以點一點油碟，減輕下辣度。自助bar除了可以自製調味料外，還有水果提供，值得一提的是，他們的黃豆非常好味！老碼頭筷子牛肉條狀的牛肉面頭灑滿芝麻，一大特點是肉質非常非常嫩滑！很岩拎黎打邊爐。雪花肥牛肥牛刷一刷就熟了，我這晚一直專攻成都原味，這款牛肉很吸湯汁，吃起上黎很爽。蒙古羊肉湯底的辣味減淡了羊肉的羶，驚羶的朋友可放心食。川式臘腸基本上同平時的臘腸分別不大，主要係佢幼幼地可以拎打邊爐，食落都幾有趣，值得推介。

老碼頭火鍋今日天氣涼左小小去了食成都好出名的老碼頭火鍋😌這個店真的沒有令我失望！麻辣湯來到時已經好香好香🤩對於火鍋迷的我來講知道今天係冇來錯㗎，未食完就知道這店已在我心中三甲排名之一！喜歡正宗麻辣的吃貨寶寶不能錯過！真的很強大喔🤭中辣豬骨鴛鴦火鍋 $158成都麻辣火鍋湯㡳中辣好合我口味😍搭牛肉好吃到不得了！麻辣香氣未入口已經好興奮🤤另外豬骨湯㡳好清入面加入香菇和萵筍片好好食～讚喔🤩功夫萵筍片一份$42花形萵筍片好靚～少女心😍萵筍切得剛剛好不算厚打邊爐好夾麻辣湯又得豬骨湯又得😋 入口好爽😆🤩舌尖上的牛舌半份$68成都麻辣鍋不能錯過的😌薄薄的牛舌在火煱淥15秒入口好正！推介！🤩澳州雪花肥牛半份$82打邊爐怎能冇的主角？雪花肥牛再配秘製香油係我最愛😍食完一片又一片停不了🤭🤩爽脆牛黃喉一份$48爽脆牛入口好爽只要淥十秒左右食就好正！這個好特別第一次來要試吖！🤩即炸響鈴$48響鈐真的火煱不能缺少的朋友！佢的口感先淥一淥就拿上來食得😆如果鍾意重口味再配鼓油辣椒！好回未吖🤤🤩紅糖糍粑$48糍粑這個甜點好特別長方形外脆內軟有少少糯米糍的口感！不會太甜吃多幾件也不會覺得滯！這個要趁熱食🤫地址：塘尾道61

朋友好想食麻辣火鍋，但朋炎期間仲去打邊爐緊係驚驚地，但呢間野d 防疫做得好足，一入到去就要check 體溫，仲有洗手噴霧洗完手先入去，仲有特長筷子俾大家做公筷，真係食安心晒。餐廳好闊落，坐得好舒服，裝修好傳統中國風。出面有醬料部，佢仲已經混左隻特製火鍋醬，份試。講左個湯底先！貪心既我緊係叫鴛鴦鍋，分別係蕃茄同紅油兩個湯底，蕃茄湯底香濃，紅油湯底叫左少辣都已經夠辣，蕃茄撈紅油湯底就得最正！🤤到火鍋材料喇！由於我地實在叫左太多配料所以只係介紹幾樣我覺得正既野。爽脆牛爽喉：爽口到爆，配紅油湯底勁好食！舌尖上的牛舌：牛舌切到好薄好快熟，肉質煙韌好好食。五花肉：肥瘦適中，豬味濃，肉質新鮮。滑溜溜鴨血：質地實的的，煮完點d 辣粉就已經好好味！老友鬼鬼墨魚滑：墨魚滑打到勁彈牙，加埋d油炸鬼黎煮估唔到咁夾。蘿蔔：我打邊爐必叫的，吸湯底一流！紅薯粉：高質薯粉，佢已經煮熟左，上台後只需要翻煮一陣就食得，好彈牙既薯粉，份量亦好大份。現炸酥肉：勁濃味，適合重口味朋友，必點一份食住等火鍋d 野熟😂總括黎講價錢唔算平而且份量亦唔算多，但味道同d食材真係有誠意，可以encore！

第二次食呢間打邊爐 依加仲有折 早小小入座好抵一去到職員就幫我地探熱消毒門口仲有好十部消毒機野食選擇好多款呢間主打辣鍋 都係想試佢個辣湯底我地叫左兩隻味 因為上次食過成都小辣都辣到喊所以今次試香港小辣 係岩岩好😂另一個就係花膠雞湯等湯滾起左 職員就幫我地分左每人一碗個湯底好甜好飲 佢仲幫我地將隻雞剪碎方便食但雞件就比較老出面嘅自助醬料吧 有好多配料！要試下佢地個香油 同埋仲有生果可以夾黎食 呢樣都加分 寳實讚佢嘅熱情果好食呢個牛塊塊都好大片 牛味香好好食唯一就係得6塊有d少 但味道肉質都好然後仲叫左花甲 豆腐豆腐索哂d湯汁好食 另外個花甲真係好新鮮拎到上黎時 仲識得郁嘅仲有鴨血 水餃 蝦丸 鳥東最後仲叫多左個五花肉 呢碟嘅數量就多好多肉質都ok 必須酒係 100蚊3支都唔算貴！最後埋單大概 $400位 因為有折所以都算抵食~

最近成日係屋企無啖好食今日決定去食番餐好西去衣間成都老碼頭打番個靚邊爐入去到第一下就覺得個裝修幾好重點係空間感夠即係枱與枱之間都有番一定嘅距離點餐方面就係剔紙仔咁打邊爐就一定係揀湯底先見到有個湯底係紅油紅油抄手就食得多拎黎打邊爐就真係未試過即係點黎試一試另一邊就係蕃茄湯底因為我怕紅油會太辣（事實上紅油佢會俾你揀辣度，我就揀左小辣）結果好彩我叫左小辣，食落都真係幾辣蕃茄湯底就蕃茄味夠偏甜，唔係太酸個人都幾鍾意黎到重點野食啦！叫左d丸，菜同一d特別嘅野食首先要講一講碟黃喉黃喉靚唔靚好易食得出唔靚果d會un un地但今次食衣個就好爽好新鮮！ 建議大家都可以試吓！跟住就想講下個蛋餃蛋餃又係d考功夫嘅食物首先個皮就做到皮薄嘅而入面d都ok
不過唔會話好特別另外果個手工芝士墨魚丸都幾驚喜佢入面真係有芝士同墨魚丸隻味都幾夾不過入面粒芝士就細左少少其他一d靠湯底嘅食物好似萵荀片呀，蘿蔔呀等等個人就偏好蕃茄湯底果邊因為食到蕃茄嘅甜紅油個辣比較多油應該係因為成都菜既關係真係要睇番個人口味最後侍應服務都好好時不時會過黎收碟較大較細個火總括而言想食一個好既價錢都尚算合理既邊爐衣間都係一個唔錯嘅選擇

前一陣子經由一位同事推介這「成都老碼頭火鍋」，說他從這裡尋回一點於內地吃四川麻辣火鍋的味道。那當然，不吃辣的也有蕃茄、豬骨及花膠雞鍋等等，亦可自由雙拼，辣與不辣同坐一枱。這餐廳的裝潢十分「霸氣」，由外圍古典又帶點浮誇的門面就能率先看到，進門後即有一隻「盤龍」在噴水，水中還不斷噴出霧氣。設於門前的這部機是讓吃過火鍋的顧客使用，站在機器的正前方並按下按鈕，前方的三個氣孔即會噴出氣體共七秒，聲稱能去除衣服的氣味，但本人使用後感覺一般，但免費的也不妨一試，絕對是Value Added Service任食水果有兩款，分別是哈蜜瓜及西瓜，哈蜜瓜較好，大多都甜美多汁，但西瓜偏淡。多款醬料任君選擇，亦有預先調好的特製醬料，麻香突出，無需自己胡亂調出奇怪的味道，另有一罐罐火鍋麻油供取用。雙拼駌鴦鍋 $168/成都小辣拼花膠雞鍋(另+$50): 這麻辣以辣為主，非常辛香，其麻味適中，不會吃到嘴巴發麻，雖是成都「小」辣，但約為一般水煮魚的大辣級別，不夠的亦可無限加辣；至於奶黃色的花膠雞鍋，在吃火鍋前可先飲一碗雞湯，味道蠻鮮濃。澳洲雪花肥牛 ($158/全份): 牛肉脂肪比例較高，油香較重，肉味適中，中規中矩

想去成都老碼頭火鍋店好耐，因為身邊好多朋友都食過，評語不錯。這晚與朋友來到旺角站，行過嚟不算遠，離遠已經望到大大的藍色招牌，好有中國氣氛。餐廳裝修得富麗堂皇，美輪美奐。坐下第一件事就是點湯底, 因為大家都食唔到辣，所以叫咗番茄湯底。估唔到蕃茄湯底咁好食，蕃茄超多，湯底超鮮甜，忍唔住飲咗兩碗。飲品就叫咗水蜜桃沙冰，好飲唔會太甜，飲得出係真嘅水蜜桃打成。配料一定要嗌牛，叫咗本地頂級手切肥牛，肉質超有水準，嫩滑非常。另外仲叫咗西洋菜餃，魚鰾，竹笙，娃娃菜，桶 蠔，食到超飽。最後餐廳更奉上免費甜品，係抹茶牛奶啫喱，味道不錯。

浦入店內，裝潢、桌椅、鐵鍋、餐具已散發著成都地道的味道。湯底除了全統麻辣外，还混合了少量港式選擇，如花膠雞、卜卜蜆等。麻辣湯底夠粗獷，傳統的牛油鍋，能嘗到其它湯料味道，不覺死辣。花膠雞當湯喝非常不錯。火鍋配料選擇很有成都特式，豬潤、腰片、黃喉、腦花、耗兒魚。最出人意表是桂花蚌，爽脆鮮甜。鴨血不比台灣本土的差遠，有滑溜感，不結實。豬潤爽滑，沒有腥味。少有牛舌配料，薄切長塊，比平常吃日燒厚牛舌來得清淡，原味特出，口感煙韌。腰片夠薄，事前辟腥味還可以。鴨舌、嚮鈴差了少少。此店還有多樣海鮮選擇，下次回訪品嘗，希望水準更好。2人光顧，點餐如下：生啤-藍妹醬料及水果 x2鴛鴦鍋 成都原未味（中辣） 花膠雞草原鮮毛肚（半份）舌尖上的牛舌（半份）爽脆牛皇喉（半份）滑溜溜鴨血（半份）台灣鴨舌（半份）日本A4牛頸脊（半份）爽滑豬潤（半份）功夫腰片（半份）桂花蚌（半份）手工韭菜餃 （半份）即炸響鈴竹笙萵筍條杞子龍眼菊花蜜加一後，合共HK$1,355。

好似自從第一間海底撈開始就越來越多麻辣火鍋係香港出現...小店又有, 連鎖店例如劉一手又有揀左好幾間, 最後決定揀呢間成都老碼頭佢係旺角塘尾道個邊, 唔算太難搵餐廳裝修都幾特別, 好有故宮既感覺地方夠哂寬敞, 坐得幾舒服打邊爐食牛肉係基本啦~我地叫左手切肥手, 入口即化, 唔錯不過黎得食麻辣火鍋, 點可以唔叫油炸鬼呀?油炸鬼索哂湯汁精華, 食左一半唔夠已經開始出汗...但係食麻辣火鍋就係追求呢啲刺激...正所謂越辣越過癮...好似有少少自虐添 ORZ真係好追求辣度既朋友可以試下瘋狂辣牛肉....包保你食到一身汗...