成都老碼頭火鍋 (已結業)

疫情之下食飯，探熱和搽消毒洗手液絕對係指定動作。但呢間火鍋店不但如此，佢仲引入左一部消毒機喺餐廳門口，每一位食客入座前對住部機㩒一㩒，就會噴出消毒液體喺你身上。超貼心啊☺️。火鍋店面積稍大，而佢地嘅安排亦都非常妥當，每枱客人分隔一張枱。當侍應安排座位之後，就係我地配醬料嘅時候啦。除左正常醬料同生果之外，仲有一種自家秘製醬油👍👍，另外有一細罐全新自家製洒同一對公筷，好細心呀⋯⋯待應誠意推介胡椒猪骨桶湯底，而另一邊當然係麻辣湯底啦 （今次你嘅主要目的🙊）。豬骨湯底有四大舊豬骨，湯嘅配料亦吾弱，白蘿白，紅蘿白同西芹等等，如果覺得胡椒唔夠，可以無限添加⋯⋯至於麻辣果邊亦可弱，微微辣，啱哂我地呢d對麻辣又愛又恨嘅人。日本A4 牛肩胛：成晚嘅主角，入口溶化，脂肪分布均勻，牛味香👍👍👍👍👍澳洲雪花肥牛：又系無得輸，肥而不腻。👍👍👍👍牛胸爽：同個名一樣，口感好爽👍👍👍 菠菜墨魚滑，冰豆腐和紅薯幼粉：吸收晒所有湯底精華，越食越想食👍👍👍👍馬蹄竹蔗茅根水：最後係甜品，清熱解毒，絕對唔需要擔心火鍋後遺症🤣🤣