快船廊

營業中

休息中

怕母親節正日太多人,今年就提早同媽咪慶祝..想同媽咪食好啲,就揀食Buffet啦,咩種類都有,而且媽咪好鐘意食甜品,聽講文華嘅甜品同朱古力都好出色咁就決定去試下啦.海鮮種類都幾多,有鮑魚,長腳蟹,麵包蟹,龍蝦,青口,凍蝦,生蠔..海鮮都好鮮味但生蠔就唔夠肥美..麵包&沙律款式都好多,啲蝦又爽口彈牙,芒果好甜呀每人額外有一碟和牛&椰汁燕窩湯水和牛煮得啱啱好,肉質好嫩滑,又香口.甜品嘅款式真喺好多好有水準,好好味呀真喺每樣都好想試試

懶人出Post，岩岩個星期慶祝母親節，一家人去咗食afternoon tea，結果又係文華東方，我都唔知點解，方便快捷簡單掛，而且食物都可以嘅，可惜無Live band ，好少可Afternoon tea無Live band，而且只有兩小時，不過母親節應該周圍都係咁。快船廊👅食物：❤❤❤❤大部份野都唔錯，但個人嚟講都係鍾意咸點多過甜點。第一行:紫色果舊macaroon幾好食，唔會好甜，比想像中好味。❤️❤️❤️❤️❤️粉紅色果舊最普通最唔特別。❤️芝士蛋糕好味，好濃芝士味。❤️❤️❤️❤️第二行:士多啤梨撻，唔錯，士多啤梨唔酸，好味。❤️❤️❤️❤️餅乾，普通❤️❤️❤️藍色怪撻，其實係朱古力mossee嚟，我覺得味道可以，但顏色不是人人能夠接受。❤️❤️❤️底層:蟹肉，鵝肝，煙三文魚，青瓜蛋大家都知度度嘅咸點都唔會差得去邊，全部正常❤️❤️❤️❤️周邊食物:Scone，正常，都夠熱，可以，但呢度嘅clotted cream個面係乾嘅，同其他酒店有啲唔同，但食落差唔多❤️❤️❤️❤️茶，正常無特別，用茶包嘅❤️❤️❤️咖哩酥，附送嘅，無乜特別❤️❤️❤️ 份量：❤❤❤❤️❤️超飽，每次都覺得唔洗叫咁足，scone真係令人好易飽。環境：❤❤❤❤幾舒服，可惜無

為咗慶祝新嘅一年又嚟到，加埋情人節又嚟緊，又借勢去食大餐!餐廳佈置到好似桃花園咁，掛晒紅燈籠🏮，好有新年氣氛!雖然呢度食物種類唔算太多，尤其是熱盤，不過我主力都係食海鮮。今次嚟到d擺位唔同咗少少，海鮮放咗喺中間，有龍蝦、長腳蟹、熟蝦、青口、翡翠螺同麵包蟹！側邊有燒味、燒鷄、干燒伊麵同避風塘辣蝦。賀年糕點～我食咗蘿蔔糕，一般般。reception 後面就係刺身角落頭就有麵包，賣相好鬼靚。而另一邊就成個L型放滿甜品通常我一開始就會飲湯，中、西兩款都會試。龍蝦湯~龍蝦味都幾濃但味道偏鹹圓肉燉竹絲雞~清清甜甜，普通燉湯味，唔錯！海鮮生蠔～今日嘅生蠔係order上嘅，但味道較淡唔太出色，所以食咗一打就無encore 嘞！龍蝦～味道鮮甜，蝦肉爽彈。鮑魚～其實鮑魚本身冇乜味，只係食佢個口感麵包蟹～超多蟹膏，d肉就比較鞋，有d人未必鍾意食，不竟麵包蟹係食蟹膏為主。長腳蟹～今晚最出色嘅海鮮，d腳好大條好粗，食落有海水嘅鹹味又有蟹嘅鮮味！我食咗兩轉，第二轉突登剪好晒先一次過掃入囗，超正！刺身～不過不失啦！甜品其實我麻麻地，所以求其食咗兩件。因為我要留肚食生果同雪葩！熱情果雪葩，好香果味，酸酸甜甜。另一款係

聽過好多人講過文華既tea set好好食咁我當然點都要試一次啦weekend黎食都差唔多爆曬棚Tea set一上 d 野食好吸引啊大推有三文魚包住果個Finger Sandwitch 入面有d類似sour cream加蛋既paste酸酸地配合鹹香既一大片既煙三文魚兩者既味道好夾令到味道balance得好好另外烘左既火腿三文治都好食看似平平但係烘得剛剛好外皮帶少少脆但入面keep到麵包既鬆軟配合火腿令到佢好有咬口呢度既Scone果然名不虛傳佢超級鬆化而且好想牛油味配合買微甜既Rose Jam令到個Scone更加香Tea set兩個人食其實好飽聽聞定期會換tea set入面d野好期待下一次再黎食

Mandarin Oriental 的自助餐，一直保持水準，算是近年吃完後有大滿足感的自助餐。食物種類不算多，但每款的質數都不差！冷盤的龍蝦鮮甜，長腳蟹腳不算太咸，螺肉亦很新鮮，真得一讚的是那冷凍鮑魚，有美國大雞蛋尺寸，我家老爺對鮑魚一向敏感，吃後常常會出紅疹，這次沒有過敏反應，應該和來原地有關。必吃之選。另一驚喜是蠔。從來不吃的我，一聞到太濃烈的蠔味會反胃，但這次我卻試著吃了一隻！味道像獅堪，咬下去很脆口，家人每個都不停的說很鮮味！蠔是要另外向侍應點的，即叫即開！確保每隻新鮮！很少在自助餐上吃熱食的我亦吃了好幾轉！燒味及咖喱必須需吃！另一處另我不顧後果地吃的當然就是甜品區！朱古力、蛋糕等當然不可不吃，但我必需要推介Apple combo！吃時勿忘叫杯熱茶或咖啡！好好享受一個美味的晚餐！

之前講到今次食 Brunch，蒸海斑係其中一款必食，其餘心水推介不約而同係熱食，分別係干燒伊麵、蝦餃同和牛。自助餐的焦點慣常係甜品同海鮮，甚至片皮鴨，干燒伊麵永遠只係綠葉。不過，今日呢碟干燒伊麵令我對M.O. 的中菜廚師大大改觀。每條伊麵都有上色，而且色澤均勻，食到有鑊氣，更重要係麵條的處理，唔係被淥到軟弱無力，你係會食到麵條本身的質感，入口清爽輕盈，成口油同肥滯全部消失。呢碟麵，高級食材欠奉，望落平平無奇，正正埋藏咗廚師的真工夫。蝦餃，皮薄飽滿，賣相靚，蝦肉爽脆，調味得怡，同 Moet & Chandon Brut 的甜美頗搭配。服務周到的侍應先生，適時從廚房端來日本和牛，每人一碟，一碟兩件。熟度剛好，咬落軟熟具肉香，肉汁豐富，油份唔太高之下，仲有空間進攻甜品同芝士麵包區。藍面 Opera 與芝士餅水準依然出色，朱古力 Brownie 用料豐富，威士忌軟心朱古力今日獨領風騷。飲到臉紅耳熱，借一球 Lime Sorbet 降温。美好的周日大半天，莫過於此。

周日 Brunch 同平日自助晚餐有咩分別？基本上食物都係個幾類，今次食 Brunch 反而覺得食物種類少過以前的自助脕餐，最明顯係芝士麵包區同朱古力區，冇以前咁多選擇。不過咁，主角永遠係海鮮，只要至愛的生蠔冇失手就得啦。海鮮區最搶眼的，一定係呢三大盆生蠔。每盆載一款蠔，鍾意食邊款、食幾多，自己動手取用，唔使排隊等配合，唔使向侍應落單等送餐。依家並非生蠔當造期，冇期望肥美肉厚，事實亦係咁，不過勝在新鮮，蠔肉有光澤，入口冇碎殼、冇異味，搾啲檸檬汁配食，特別醒胃。吞一打落肚係最低消費，回本話咁易。美食少不了佳釀，加錢任飲 Moet & Chandon Brut ，望住佢啲氣泡飄升，已經好治療，連帶啲蠔都變得好味咗。長蟹腳係另一至愛，略嫌鹹咗啲；龍蝦向來唔係飛佛，叫朋友切一舊仔嚟食吓，肉質好韌同埋欠鮮味。即時轉去食蒸海斑，望得見的新鮮。雖然佢一直俾個爐㷫住，但魚肉都算滑，豉油温和，少甜少鹹，同魚肉好夾，係生蠔以外的必食。生蠔同蒸魚係源源不絕供應架，隨時任食，好幸福呢！

又係朋友生日既時候今次主人家話想食自助餐我地最後選擇左快船廊 try try 佢因為我地忙住出出入入拎野食同傾計都唔記得影相🙈同埋重點係見到生蠔任嗌麵包區又有非常多既選擇甜品亦都係文華東方既特色!!所以真係好出色而我地今次去既時候正值農曆新年佢有d唔同既糕 例如年糕 馬碲糕 蘿白糕 等等既新年應節食品雖然對於身處香港既我地 無乜特別但係如果係旅客都幾有特色而且我地都試到佢地既味道都不錯相信其他節目都有唔同既應節食品壽司區亦都好出色 唔係平時周街見到既就甘一粒飯加一塊魚生 佢款款都係特別設計既如是者 我就食左好多件唔同既壽司因為真係好好食 唯一比較失色既 就係主打既任嗌生蠔唔知係咪季節問題?!🤷🏽‍♀️

期待已久的afternoon tea 今日終於一試。服務很好，侍應好细心講解每一樣食物，咸點很好食特別係salmon sandwich,食得出好新鮮，sandwich 都好柔軟，scones 都不錯，上檯時仲係微熱，個rose 果醬好出色,rose 味不會太重，酸酸甜甜，如果少甜d會更好；到甜點，除了個strawberry tart 算好食之外，其他都好失望，唔知點解會咁差，特別係有梨味個件，真係好難食，希望會有所改善.

難得閒日放假唔洗返工,相約闊太朋友一起到我恨左好耐既文華棟東方酒店 tea 一tea, 很喜歡scone的我,稍嫌太粉太林,但配上最有名的玫瑰醬又作另論, cake十分出色,茶香,環境好無需多講~~~開心

星期五揾下午茶。本來想去同集團既另一間食下午茶的，但係果間有一個半小時時間限制。所以㨂左呢間。當日並唔算太多人，本來安排既位置同坐響商場無分別！好彩後尾因為訂左稍後時間既客人無黎，我地就可以轉到沙發櫈，感覺好好多。下午茶方面，無論幾多人都可以叫一個餐，比起其他high tea 既地方計人頭，呢度比較優勝。鬆餅配玫瑰花果醬及牛油忌廉！個人覺得玫瑰花醬很香，但味道太濃，搶左鬆餅本身既味道。單配牛油忌廉已經好好味。😋肉腸卷鬆化但無咩特別！左起： 肉桂蜜梨蛋糕（似聖誕蛋糕）中間既唔肯定係乜野！右邊係白朱古力慕絲蛋糕（唔算太甜）草莓撻無特別，乾果蛋糕唔太硬身，加上呢個唔算太甜既拖肥朱古力撻。感覺不錯。三文治方面有煙三文魚、火雞、烤牛肉、雞蛋。以烤牛肉火箭菜最吸引！味道最豐富。兩個多小時，茶方面會不停添加熱水！絕對係朋友暢談既好環境

星期六既下午想食個英式鬆餅飲杯野決定拜會下MOScone 一set兩個一個提子一個原味上枱時只係微溫有啲扣分個玫瑰醬好香👍🏼👍🏼🙊不過點食都唔係傳統英式味道叫左杯breakfast tea但飲落有啲菊花味🙅🏻‍♂️🙅🏻‍♂️另外杯咖啡就真係好普通喇整體不過不失啦不過個環境其實有小小嘈音樂都偏大聲個鬆餅唔錯不過俾玫瑰醬哂風頭個醬成為左主角

之前跟C先生到文華東方酒店的快船廊Clipper Lounge品嚐下午茶雖然現在的餐牌好像有少許改變，但也想記錄一下這個高質素的下午茶飲品方面，點了Flat White及朱古力口感順滑的Flat White不帶半點苦澀感至於朱古力，一開始覺得有點甜後來吃了不少甜食，竟覺得朱古力的甜度好像還好，沒有愈來愈甜 首先試試快船廊最有名的鬆餅C先生說文華東方酒店的糕點一向有高水準，這讓我十分期待質地厚實的傳統鬆餅和提子鬆餅，牛油味相當濃郁即使沒有玫瑰花果醬及牛油忌廉，也覺得鬆餅十分美味 玫瑰花果醬及牛油忌廉令鬆餅錦上添花快船廊的玫瑰花果醬果然是名不虛傳淡淡玫瑰香，味道清新而不造作，而且不會過酸或過甜牛油忌廉屬於幼滑細膩的質感，淺嚐少許牛油忌廉，已在口腔散發陣陣奶香，令人回味無窮三文治味道很好，唯獨是咖哩雞肉葡萄乾三文治怪怪的因為我和C先生不喜歡有葡萄乾的食物，加上以咖哩雞肉為主角整個三文治都好像有點格格不入左上：蘇格蘭煙三文魚忌廉芝士三文治右上：咖哩雞肉葡萄乾三文治右下：香蔥蛋黃瓜沙律三文治左下：烤牛肉芥末杍番茄乾三文治 這個好像是檸檬撻，只記得淡粉色的頂層又酸又甜，味道複雜=0=黃色條狀物體有

同男朋友慶祝生日泥食下午茶，因為係平日，好多人係度見客。環境好靜，枱同枱之間距離足夠，傾下計幾適合。Service幾好，Scone無想像中咁好食，但個玫瑰果醬真係非常好食叫左Earl Grey同Ceylon Tea都幾香但Sandwich七百幾蚊泥講係完全未有水準，甜品都過得去既，個pound cake真係可能本身唔識欣賞啦食環境係唔錯既，男朋友剛落機無食午餐都食到好飽，個味道上性價比就一般啦如果有重要gathering 想有個地方靜靜地傾計都ok ge

星期日約好閨蜜三人去快船廊一試afternoon tea.之前都聽聞呢度下午茶好出名，水準好高，終於有機會一試。我地三人點了1 set afternoon tea,另加一杯咖啡。本來諗住唔夠食，可能要再點野食，後來其實份量好多，足夠三人享用。以下係其中一些甜點同咸點，Scone都好酥化，外脆內軟，裡面唔會乾到散晒。除左scone, 仲有另外2款咸點，賣相亦好吸引，有青瓜三文治、三文魚、紅莓批、芝士蛋糕等等，都令到畫面好色彩繽紛。環境亦安靜舒服、服務週到，絕對係閨蜜閒聊好地方😃