380
122
64
港鐵中環站 F 出口, 港鐵香港站 A2 出口
繼續閱讀
電話號碼
28254007
開飯介紹
歷史悠久的快船廊更是香港本地人與酒店客人最喜愛，早餐及晚餐自助餐大受歡迎，星期日的香檳早午餐也深受香港人喜愛，而快船廊最有名的就是下午茶。
繼續閱讀
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
食評 (634)
之前喺信用卡獎賞錢換咗clipper lounge嘅afternoon tea set慶祝一下💞半價換嘅，真係抵🤭🔸Art Inspired Afternoon Tea(💰828 for two persons)🔸🔹Sandwiches🔹▫️大蝦雞尾酒芒果生菜三文治👍🏻▫️雞蛋沙律香草黄瓜三文治▫️水煮三文魚酸忌康檸檬菠蘿三文治▫️上等肉眼捲心菜沙拉辣根全麥麵包三文治🔹Savory🔹▫️加冕雞酥盒🔹Desserts🔹▫️烤蘋果和木炭餡餅▫️1963文華芝士餅👍🏻▫️黑白朱古力藜斯▫️大溪地雲尼拿杏脯紙杯蛋糕👍🏻▫️開心果金磗蛋糕👍🏻文華芝士餅的確好味，芝士，忌廉同麵粉比例剛好！係我喜歡嘅質感！雲尼拿蛋糕又靚又好味！上面有支用朱古力做嘅毛筆🤭係好滑嘅朱古力。🔹Scones🔹▫️傳統鬆餅👍🏻▫️提子鬆餅▫️玫瑰花果醬👍🏻▫️牛油忌廉Scone同玫瑰花果醬果然係文華東方下午茶嘅必食推介！個Scone唔黐牙，外脆內軟，幾香甜甜地。玫瑰花果醬好重玫瑰味👍🏻另外仲有一架甜品車，有小蛋糕、餅乾、朱古力、蝴蝶酥等等。不過味道就普通，純粹用黎點綴下啦。🔹Taste of lcgend文華東方傳奇茶🔹多種口味混合一齊嘅茶，烏龍、茉莉、橙皮、雲尼拿、薰衣草。好香，幾好飲🫖食物質素還好，喺傳統五星級酒店品嚐傳統英式下午茶。不過張枱就比較細，同隔離枱嘅距離較少。服務可以，但今天比較多人，服務員都急急忙忙咁。我地都好開心咁enjoy咗一個下午💞Overall評分:7.5/10
繼續閱讀
1660 瀏覽
話說上回幫襯「文華廳」時成為咗「CENTRAL+」會員，會籍所包咗嘅其中一張現金券只適用於「快船廊」，新年就相約嗜甜嘅後生一族品嚐遠近馳名嘅文華下午茶。週六下午兩點，咖啡廳都幾靜吓，接待處旁嘅二人散座全為吉空。五人小派對被安排入座最入嘅位置，空間感足，只係樓底偏矮，四周啡啡橙橙嘅色調較為俗套，設計欠缺特色，估計已多年冇翻新。桌上嘅餐墊及銀具望落都好似酒店咁有成六十年歷史。崩角巢皮嘅餐牌首頁先道出傳統下午茶嘅起源。內頁只印有一款下午茶套餐「Winter Afternoon Tea」（$828/兩位；$428/一位）及可選配嘅咖啡同茶品。忠實爵屎契妹日前於網上留意到偶像嘅代言品牌與酒店正攜手推出以茶香作主題嘅「Sabon Afternoon Tea」（$888/兩位），細問下得悉期間限定套餐因必先預訂，故未有印在餐牌內。真係好好彩，廚房當日竟然備多咗，契妹可有緣一試！套餐嘅錦盒造型神秘得黎好有戶外露營氣息。三層糕點色彩繽紛，十分精美。贈送嘅肥皂產品及禮券啱哂最愛扮靚靚嘅契妹享用，看似貴$60但其實更為超值。所有下午茶都包咗兩款傳統鬆餅及提子鬆餅。無奈大家都有感鬆餅又凍又實，盡管招牌玫瑰花果醬芳香甜美都未能作出補救。XO仔早於訂座時告知接線生自己對果仁敏感，用餐前一日收到妹妹來電確認時佢都提到冬季下午茶內並冇用上過敏食材，可安心食用。幸好遇上經理Victor哥哥態度認真及細心，落餐飲時與細佬對話中發現同事誤將「果仁敏感」記錄成「花生敏感」，佢立即入廚房跟進，核實下午茶原來只有三款「茉莉花茶葉煙三魚忌廉芝士火箭菜三文治」、「雞蛋沙律香草西洋菜三文治」及「黑加侖子慕絲配雲呢拿脆餅」冇果仁成份。Victor哥哥再三道歉後仲親自安排將含果仁嘅糕點換上水果及芝士蛋糕。平心而論，名氣咁響嘅文華下午茶無論係外觀定美味指數都比較普通，當真難敵市內其他咖啡廳及酒店。架上嘅三文治都還好唔會乾或硬，但係個「黑加侖子慕絲配雲呢拿脆餅」甜酸度唔得均勻，墊底件餅餅偏腍唔夠脆，有少少漿住個口嘅甜品唔好睇兼唔好食囉！小肥杯特濃咖啡還好正常隱陣。不過契妹最不能接受六星級酒店標榜「傳統」嘅熱茶竟然冇茶包或茶隔，事後更提供相關嘅照片俾契哥於食評內刊登添，明顯極不滿！文華東方酒店咖啡廳「快船廊」環境、傢俬、餐具都相當陳舊，服務最專業就係Victor哥哥一人，但也難以獨力撐起樓面各大小事務。名牌下午茶套餐論賣相及質素都唔似係酒店級數，難怪週六下午毫不旺場，講真有禮券同九折優惠都唔需要嘥彈藥去試囉！
繼續閱讀
位於五星級酒店內的快船廊餐廳，裝修優美，簡潔 高貴。餐廳會提供早午晚餐，另外有三層架的雙人下午茶，有三文治做鹹點，我喜歡的口味有煙三文魚，好咸香，有小蟹蝦雞蛋，啖啖肉，甜品有馬卡龍，好鬆化，入口即碎，梨形的小蛋糕，內有酸甜的果醬，十分解膩。重頭戲係鬆餅，暖暖的十分好吃，配上出名的玫瑰醬，啖啖花香在口中，仲有奶油，可以試到唔同的口感。茶飲選擇左東方傳奇茶，是文華獨有的茶飲，滿口薰衣草香氣，十分特別。飲完心情都變得輕鬆愉快。
繼續閱讀
Staycation 連早餐，琴晚dinner buffet 好失望，所以對早餐都不抱期望。整體黎講，平時酒店早餐嘅菜式都有，配合返東方復古風格嘅文華，提供一籠籠點心，遊客可以感受下本地特色。breakfast buffet正正常常，不過不失啦～ 飲品值得欣賞嘅，果汁fresh，仲有！！！綠茶令我好surprised ，好香醇～成壺上，好嘆！
繼續閱讀
文華東方酒店下午茶🎂食物唔錯，服務加分❗️.之前聽人講文華東方配scone嘅玫瑰花果醬好出色、好特別、好好食，所以今次家姐生日就訂咗呢間酒店下午茶💗.👷🏻♀️戴番個頭盔，我哋唔係專業foodie，純粹個人主觀分享🙏🏻👩🏻🍳我哋IG絕大部份內容都係會繼續分享homemade food💗.—————————————————————————🍴文華東方酒店快船廊📍中環干諾道中5號香港文華東方酒店閣樓—————————————————————————💁🏻♀️主觀記錄1️⃣ Scone-外脆內暖，唔痴牙，食到少少麵粉味-raisin🍇比plain好食-clotted cream嘅奶油味比坊間買到嘅更香更重-玫瑰花果醬🌹嘅玫瑰味強左少少、甜左少少，同clotted cream一齊食會蓋過clotted cream嘅味道，有啲唔平衡2️⃣鹹甜點-正常-招牌芝士餅🧀最好食3️⃣Taste of legend文華東方茶-第一泡聞到雲呢拿味，飲落同其他紅茶差唔多-茶葉浸耐左，越嚟越濃，後勁有可可苦味-只可以話好特別 ，but not my cup of tea 4️⃣服務好好，加分😚喺歐洲啲侍應一定會主動問你好唔好食，喺香港啲餐廳就好少見啦—————————————————————————#hkfoodie #hkfood #hkfoodblogger #hkfoodblog #hkfoodlover #hkfoodstagram #hkfoodpic #hkfoodpic #hkfoods #hkfoodieblogger #hkfoodporn #hkfoodies #hkfoodshare #hkfoodig #中環 #中環美食 #香港美食 #香港美食指南 #中環好去處 #中環食乜好 #下午茶 #afternoontea #afternoonteatime
繼續閱讀