心鉄板燒 (已結業)

7月1係老公生日佢話想食鉄板燒，上openrice搵搵到心鉄板燒，打去訂枱時request埋bb櫈，咁就可以帶埋阿仔出去食不過忘記了夜晚放煙花，巴士改路，有啲位仲封路。。。。真大鑊，大遲到，我打左2次去餐廳講俾職員知個情況，希望可以留返張櫈俾我地，如果唔留，改食第二間好彩職員好體諒，仲叫我地慢慢到餐廳，職員即刻知我訂左枱，帶我地去坐（之前有問我想要普通枱定坐近鉄板燒位，當然一場來到，想睇師傅即煮美食啦）職員帶我地入左一間好似廂房定VIP房咁嘅地方有2張枱，女廁/殘廁都係我地呢度不過就privacy高啲隔離枱咁啱無人，變左包房咁著西裝嘅職員，我地估係經理，佢話呢個位仲望到少少煙花景我地都好期待等夠鐘，真係望到煙花，仲問我地上唔上天台?不過咁啱落緊雨，唔上lu大家下次食飯可以睇下request呢間房嘅枱，撞正隔離枱無人好似包房咁，都幾正係放煙花時，職員好識do，整暗啲燈，好有情調，放完煙花就即刻開返燈，完全唔駛你問，幾貼心幾識做講返食先點左2個1人餐，比較過2人餐其實食嘅都差唔多，但好似1人餐啱食兼且平少少離遠望到女師傅煮野食，感覺無咁大油煙又新鮮即時可以食到先來頭盤火炙吞拿魚腩、北海道螺

最近太多事情不順利，幸好今日有人帶我去食好野，終於有機會食到呢間一直想試嘅餐廳一入到去，店員好殷勤招呼我哋去坐喺鐵板燒枱，我好鍾意食鐵板燒嘅其中一個原因就係可以有機會睇到師傅係你面前煮，所以好多時我訂枱嘅時候都主動要求坐鐵板燒枱我哋選擇咗呢個特選二人餐，頭盤首先係火焰吞拿魚腩同沙律，吞拿魚腩好香魚油，而且火焰燒到佢外層好香口，配埋紅莓汁感覺好清新，另外螺肉沙律亦都好新鮮，感覺好開胃另外湯方面，我揀咗一個比較少見嘅蟹肉豆乳粟米湯，個湯好香豆乳味，而且蟹肉份量都唔少，湯味道唔會好濃烈，但亦都唔會好淡，味道幾新鮮，不錯之後一個菜式係西班牙紅蝦配番茄辣汁，蝦算好大隻，肉質爽口，而且本身如果唔食辣可以唔點辣汁嗰邊，佢本身個醬汁都好濃烈，可以帶出蝦嘅鮮味，出色之後呢個係我覺得成餐飯入邊一個比較出色嘅菜，就係翡翠鮑魚喇，首先個鮑魚殻個色已經係好靚，成個擺設都好吸引，而且鮑魚好淋身，但亦都好有質感，本身鮑魚唔係一種好濃味嘅食材，但係師傅配上柚子醋汁之後，成個鮑魚即刻好清新，好開胃，好特別，正另外一個主菜就係牛三味，分別用上牛嘅不同部位去煮，食落每一個部位感覺都唔同，有牛味比較重嘅肉眼心，亦都有好香口嘅

好開心選中＂心鉄板燒＂確實好食👍女師傅工藝好✌🏽食物好新鮮環境一流，員工招呼又一流👏👏為自己生日選擇好食好地方係一定要🤗三人行食食到個個飽哂✌🏽日後一定會多再來食🤤😋冇得輸嘅一間鉄板燒👍👏👏

而家上網真係好方便，按幾下就會見到晒所有餐廳嘅資料，包括內在嘅環境！上網見到呢度嘅景觀好靚，食物又好似唔錯，一於黎試吓！呢度嘅空運海鮮好多都生生猛猛，保證新鮮。今次要咗一個2人餐。火焰吞拿魚魚腩十分之軟稔！北海道螺肉好甜有𡁻口不會過韌！旁邊有一點點嘅係紅莓醬，酸酸地，令整個沙律更加開胃。餐湯我要咗一個龍蝦湯，味道濃郁，旁邊嘅香草令整體更加香。之後喺翡翠鮑魚配柚子醋汁。眼見廚師功架十足，而且翡翠鮑魚賣相吸引。完成品就好似一幅畫咁，鮑魚燒得入味，好甜又唔韌，鮮味十足。旁邊嘅柚子汁令鮑魚嘅甜味更加突出，係好清爽嘅一道菜。西班牙紅黑配番茄辣汁，廚師三兩下功夫就張大蝦肉刮出，另外再將蝦膏挑起，加落蛋漿入面炒，令到炒蛋充滿蝦膏味！而且炒蛋用慢火去炒十分之滑！蝦肉體積很大，蝦味濃郁而且鮮甜！燒和牛肉眼心，牛味十分濃郁！肥瘦適中！雖然冇入口即溶嘅感覺， 但我更喜歡食到牛肉纖維幾細膩。小女子炒飯好香， 飯粒粒分明，蔥花令到炒飯更加香！最尾甜品要咗柚子雪葩，不太甜好清新。旁邊嘅蘋果蛋糕蘋果蓉好甜美。但不會漏！

即使很多魔術已經被人揭穿了背後的秘密，但每當街頭或在電視見到有人表演魔術，我們仍會禁不住駐足觀看一樣，我對於邊食邊欣賞大廚廚藝的Omakase或鐵板燒亦有一種情意結。儘管這類形的菜式價格都不便宜，但每一次能看見一道道美饌的誕生過程，就像魔術戲法般由無變有，而且透過與大廚的閒聊亦獲益良多。＊＊＊＊＊＊＊＊＊＊＊＊＊＊＊＊＊心鉄板燒，一間位於銀座式商廈高層的日式鐵板燒店，不單能邊食邊欣賞大廚表演，邊有270度尖沙咀鬧市夜景環抱，亦是因為這個原因，我選擇了在這裡跟我最好的姊妹慶祝生日。餐廳晚市提供一人和二人套餐，人均消費其實差不多，但因為想吃和牛所以就選了二人套餐($1,780/2人)。火灸吞拿魚腩、北海道螺肉沙律配紅莓汁第一道菜以燒拖羅和螺肉沙律打頭陣，一冷一熱，每件細細件，一口一件，碟邊以紅莓汁作裝飾，擺盤都算精緻。燒拖羅入口油脂豐富，下面透明一條條的是白海藻，口感帶點脆脆的，頗為特別。螺肉都幾大隻，沒有沙亦不會過於韌口。意大利多士大廚每隻手各拿一隻鐵鏟，鏗鏘有聲，先把多士烘一烘。多士上有切粒番茄，番茄粒入口微涼，酸香味突出，與暖暖的多士形成強烈的對比。松露磨菇湯松露以生蒜盛載放在碟邊，

結婚周年紀念，當然想找一間比較好環境清幽，好食又特別嘅餐廳，之前老婆都話想去食日本野，不過又覺得好似好普通冇乜特別，食西餐又好似太過單調。所以我哋揀咗心鐵板燒，符合晒我哋嘅心水。因為我哋都有選擇困難症，所以就問下侍應有冇dinner set 。 侍應服務非常好，佢好悉心地介紹有兩個套餐都好抵食。我哋兩個人所以揀咗一個二人套餐，套餐佢份量都算好多，食都要抱住個肚走。😍 夠晒抵食北海道螺肉沙律，呢個餐嘅特別之處除咗螺肉嘅新鮮之外，個紅梅汁嘅配搭都非常特別。意大利多士，配上新鮮嘅番茄，用鐵板燒嘅多士，將番茄汁滲入去蒜蓉包，正呀松露蘑菇湯，香濃既蘑菇味，配上珍貴的松露，一碗熱騰騰的，真令人回味。翡翠鲍魚，廚師即時在魚缸裹取出，非常之新鮮，係鐵板燒緊嘅時候鮑魚仲係識郁，配上自製柚子醋汁，鮮味無窮。西班牙紅蝦，呢道菜我覺得係非常之特別，廚師好悉心咁將蝦肉取出，而且還會把蝦膏煮熟，用來炒蛋，加上新鮮番茄味，一食再食。😍😘頂級牛肉三味，可以自由配搭，喜歡食牛的，絕對滿足。 美國肉眼博笑，和牛肉眼心，牛肉入口即溶 ，師傅烹調嘅技術啱啱好，不會過分煮熟，可保持肉質鮮嫩。豬肉方面，我哋揀咗黑豚肉厚燒，呢個

相識13戴好朋友豬小姐生日，由以前豬小姐變成豬大媽，真係唏噓，睇在13年感情份上，今次要破費啦念左好耐，食一人餐定2人餐，價錢每位相差$110 ,但食材2人餐比較貴，以c9心態，揀左2人餐沙律，燒拖羅點柚子汁，勁好味，拖羅燒得均勻，入口即溶仲有紅莓汁同螺肉蕃茄多士，蕃茄有小小酸好開胃龍蝦湯，湯充滿龍蝦鮮味，龍蝦肉勁彈牙翡翠飽魚，肉質好清爽，有菊花，配柚子醋，好清新，新鮮配搭紅蝦，蝦膏炒蛋，紅蝦腳再配辣茄汁蝦煎得好香，蛋加左蝦膏偏鹹，可以不用點茄汁燒野菜，好香名古屋雞肉，有松子點綴，好睇又好食，雞肉嫩滑又吾油小女子炒飯，米粒粒分明，有蝦干，黃薑，好香口芽菜好清脆最後伴以柚子雪葩，清甜有粒粒柚子果皮，超好味今晚真係十分滿足，侍應超有禮貌，主動講解食品，主動問你有無需要，好貼心服務，就算$1000/位都物有所值

今天父親節，囡囡早在一個月前已安排好同爸爸慶祝，她選了尖沙咀亞士厘道的心鐵板燒，環境舒適，食材新鮮，服務非常好，感受到一份真誠的對待，食物質素很特別，又好味，每款食物都是鐵板師父細心烹調，每個步驟都很講究，我坐了不夠5分鐘，已聽見隔離的客人每吃一道菜都讚不絕口

吃一餐浪漫又恬愉的飯！嗯，無選錯了！原以為這家主打吃日式鐵板燒的餐廳，不外乎又是吃日式燒物，但似乎這家吃得更尊尚。吃鐵板燒，個人推薦 Bar枱位，一來享受維港的夜景，二來看見一道道菜在你面前完成，甚有樂趣，打破貴價餐廳的嚴肅感。先來冷盤，一道我最愛的明太子...沙律～需要撈匀食，確保每一口都有明太子啊！不過整體味道偏咸，當晚頭盤的蔬菜不夠鮮甜。再上粟米蟹肉湯，加前意大利烤多士，超喜愛一拼食！蟹肉是一片片簿切、粟米已經濃縮咗喺湯入面，飲落實在清甜～進入主菜時間，坐 bar 枱的話，欣賞廚師在你面前烹調。先上一道新鮮燒鮑魚，個人覺得唔點醬，更食到飽魚嘅鮮味。入口彈牙，沒有硬/韌嘅口感，好吃！而鮑幾的內臟，師傅會將佢再炒，用較咸嘅味覺，讓內臟能夠食用。再上一道鮮甜酒煮蜆，把蜆微微煮熟，再把清酒倒入，再點火，不但影相靚，食落口回甘無比，真心很想把裡的清湯飲掉呢！之後就到食肉獸時間！上了美國肉眼厚燒，咬落去沒有太多油脂感，反而側重肉感。然後到和牛和尚頭，雖然和尚頭是和牛相對少脂肪部位，但餐廳每一份有一粒會跟個肥膏部位，滿足晒油膩和肉汁，兩個口感！牛脷也非常出色！麵包則用來吸油脂，超厚切的牛脷，入

今晚又同朋友黎亞士厘道17號大樓的心鐵板燒食好野, 我諗好快食混呢座美食樓!我跟朋友2人被安排坐吧檯, 一張吧檯可以坐6人, 由一個主廚打理。我跟朋友選了這個矜貴龍蝦鮑魚2人鐵板餐頭盤 ~ 火炙吞拿魚腩、北海道螺肉沙律配紅梅汁很特別的頭盤沙律, 精緻又美味。火炙吞拿魚腩雖然細舊咗啲, 勝在香口嫩滑, 第一次食白海藻, 看似透明的粉絲, 口感很特別, 咬落嗦嗦聲, 白海藻本身冇味道, 撈埋附送的醋汁食, 酸酸甜甜, 勁開胃。螺肉爽甜, 海藻爽口, 海藻乃高纖低熱量又營養豐富的健康食品, 多食有益腸道。龍蝦湯堅係新用鮮龍蝦肉, 見住師父用一隻新鮮龍肉做出三個龍蝦湯。龍蝦肉鮮甜爽脆, 仲有4-5粒龍蝦肉, 湯頭用蝦頭及蝦殼烠制, 啖啖濃蝦膏滋味, 鮮香。義大利多士小片焗脆了的法包, 放上清新的香草蕃茄粒, 用來拌湯, 絕對不會搶走龍蝦湯的甜鮮, 也不太飽肚。鮑魚用新鮮貨, 放上鐵板時還在不斷垂死掙扎,  鮑魚肉不斷在擺動, 美豔的西班牙紅蝦.....雙雙對對.....同年同月同日同時間為我地壯烈犧牲了!!。翡翠鮑魚配柚子醋汁鮑魚剛剛熟, 咬落鮮甜爽彈, 配埋甜酸清香的柚子醋提鮮, 更可口,

開將快接近一年的心鐵板燒，是由靚仔師傅，鮨真的小老闆阿立創立的。鮨真的Omakase已經讓人吃過難忘，心鐵板燒就以優質肉類提供餐食，所有肉類都來自高質肉類批發商，讓食客吃得安心又滿足。而且能坐在師傅之前，看著師傅把食材燒熟的功夫，也足以讓食客眼目都一樣滿足。****************************心鐵板燒也是同鮨真，位於尖沙咀同一大廈之內。來到門前，就看見心鐵板燒的布牌。走進心鐵板燒，景觀和鮨真一樣，開揚尖沙咀海景，有兩張鐵板燒檯，大門的另一邊還有一間房。餐牌選擇，就是1人餐 HKD780或是2人餐 HKD1780。1人餐和2人餐最大分別在於主食的食材有點不一樣，但都是包了頭盤、餐湯、多士和甜品。以高質肉類提供，當然要好好品嚐一下2人餐的頂級牛肉三味、肉眼、和肉和牛舌。頭盤火灸吞拿魚腩、北海道螺肉沙律配紅梅汁，單看賣相很有西餐的風味在其中。北海道螺肉腍而不韌，鮮味不算很突。螺肉之下便有一小束昆布，口感清涼。火灸吞拿魚腩，用火把吞魚魚腩燒過周邊，帶點燒過的香味，但又不會把吞拿魚腩燒至全熟。吞拿魚之下透明條狀的是白海草。白海草少許爽口，配上酸汁又幾好味。餐湯有3款選擇，包括

一直覺得食鐵板燒係一件視覺同味覺上嘅享受，睇住廚師係自己面前烹調，感覺好神奇。特登預訂左吧台，完全近距離，等同於演唱會嘅握手位，第一次食高級日本鐵板燒，期待感大爆發。二人套餐$1680，餐牌上嘅食物樣樣都好想試，好彩兩個人可以交換試下。明太子海藻沙律鍾意食日本野嘅其中一個原因就係個賣相好靚，連一個沙律嘅材料都放得好有美感。一直覺得白色一條條外表好似粉絲嘅配料好特別，口感好得意，雖然我到而家都唔知嗰啲係叫咩😂另外沙律有凍菜，好特別，之前從未試過，食落好清爽，凍菜本身係冇味道，不過有沙律醋調味，頂部鋪左蟹肉，仲有海藻，成個沙律食落好清新好新鮮。松露蘑菇湯+意大利多士一開始坐低就見到有三個茶煲係鐵板上面，到呢一刻先知道原來煲入面嘅係三款唔同嘅湯。松露同蘑菇呢兩樣都係我最鍾意嘅，碟邊係黑松露，可以因應個人口味自行加落湯中，飲個時食到蘑菇蓉，比起忌廉湯感覺上奶油味冇咁濃郁，偏清淡少少。意大利多士用咗好多番茄，味道偏酸，多士嘅味道濃郁，但配上咩都偏淡嘅蘑菇湯，感覺上可以中和返。南非大鮑魚配正油牛油一路飲緊湯個時，一路就望住師傅燒緊鮑魚，然後手起刀落咁輕鬆切片，燒牛油個陣啲味道迎面咁撲過泥，實在係太