心鉄板燒 (已結業)

是日休息一天，係自己放假出來放鬆一下，亦都對自己個胃好一點來到尖沙咀亞士厘道樓上食鐵板燒，中午時分人流正常，唔洗點等位就有檯了先點了個日本神戶黑豚薄燒配梅子飯團 $208先上前菜季節沙律，沙律菜新鮮配芝麻醬好開胃之後師傅就煎飯團另外已上煎好的瓜及菇，好香又夠嫩多汁到主角神戶黑豚肉在鈇板上煎，再加入泡菜，份量都幾多食落好嫩腍惹味，肉汁鎖得幾好又夠香，中間泡菜可減少油膩感麵豉湯夠熱，味道正常梅子飯團兩邊煎得好香脆，飯粒帶點煙韌仲有炒什菜添啊最後會有甜品，雪糕及紅豆配抺茶蕨餅，好美味的一餐，加上師傅都好快手，一小時內就食完好啱附近返工唔洗擔心唔夠時間

日本料理向來是我「肚餓list」的首選，但最近天氣凍也不是特別適合吃刺身或壽司，於是就選擇了鐵板燒。吃鐵板燒不僅是舌頭的享受，更是眼睛的享受。我喜歡坐在鐵板面前，望著師傅把食材從生烹製至熟，由零變一，賞心悅目之舉。店內空間不算太大，大多都是六至八人圍著鐵板的座位，平日午膳時間也不算太喧鬧，靜靜地享受這個小空間。落地玻璃的設計，在夜晚居高臨下望著窗外霓虹燈火，相信應該更加有味道。這裡提供鐵板燒套餐，Set Lunch和單點，選擇都非常多樣化，我就選了鐵板燒特選套餐，包含一份沙律、大蝦、鮑魚、豚肉薄燒、炒飯、餐湯和甜品......非常豐盛。原以為沙律就是很簡單的生菜、蕃茄，誰知一放入口有驚喜。我咬到一片脆脆的東西，問了店員才知道是冰頭漬，也即是三文魚的鼻樑軟骨位，因每條三文魚只能生產到少量冰頭漬，故非常珍貴。經過醃製後的冰頭漬酸酸甜甜，完全沒有腥味，和清爽的蔬菜非常搭。沙律也放上一些海葡萄，一粒粒增添了特殊口感。大蝦配蕃茄辣汁，這是師傅在我面即刻烹調的。看著師傅純熟的功架，蝦肉簡單地撒上了黑胡椒來煎，不花太多時間已經可以上碟。先夾上一塊蝦肉嚐嚐原味，因沒有太多調味，蝦肉爽脆又鮮甜。第二塊則

位於阿士厘道的心鉄板燒，餐廳座位不多，午市都比較多人，幾乎滿座。午餐有平有貴，全部都差不多由百多元起。環境開揚光猛，望住個景食飯都開心點。季節沙律：沙律菜新鮮爽脆，加些車厘茄配搭，清新開胃。大蝦：非常新鮮，肉質結實彈牙，有些蝦膏而且非常鮮甜。銀鱈魚：外皮煎很香脆，鱈魚雪白，肉質嫩滑鮮甜。芝士春卷：煎得香脆，芝士味濃郁。野菜：翠玉瓜及茄子煎得軟腍，不過茄子比較油膩。炒飯：每粒飯粒都沾滿蛋醬，飯粒軟硬適中，非常爽口。炒什菜：有些芽菜等炒成，味道清爽不油膩。麵豉湯：濃淡適宜，有些昆布。漬物：酸酸甜甜，非常開胃。雪糕：自家制綠茶雪糕，比較硬但不會太甜。總結：食材新鮮而且即叫即做，但份量比較少，女士就會剛剛好，不過質素不俗，價錢中等。

今日難得老公又放假，兩公婆出去拍下拖順便去睇戲，買了下午兩點飛，所以一早出去尖沙咀食個午餐先去睇戲。老公請了我去了位於阿士厘道的心鉄板燒食個中價午餐。餐廳景觀開揚且夠光猛，感覺舒適。師傅站在鐵板爐前即燒即食，食物新鮮。我們各人點了一個午餐。先來的是胡麻醬沙律，有些沙律菜及番茄仔，加上甜甜的胡麻醬，十分開胃及清新。日本神戶黑豚肉薄燒黑豚肉肉味濃郁且不騷，表面燒得微焦，自身的油份滲出煎香表面，裏面包著些泡菜，有點香辣，非常惹味。旁邊的蘋果醬，中和豚肉的油膩感，令口腔清新。燒翠肉瓜及茄子燒得軟腍，有此焦香。麵豉湯濃淡適宜，有很香的麵豉味。炒雜菜有芽菜、椰菜絲及蘿蔔絲等，清甜可口。梅飯團清新的梅香，表面煎至略有飯焦香。最後食埋個自加製的雪糕，非常滿足的一餐。

門面牆身以木塊鋪設，金屬店牌下以園藝式家具流水擺設，日式古典風格。坐位都是鐵板燒單排設計，板面乾淨衛生，客人可以一邊觀賞燒烤同時，一邊品嘗最鮮食物。一入坐即呈上熱茶、替客人外套套上隔塵袋及幫客人帶上黑色圍巾，服務專業。套餐包括前菜、熱湯、主食、甜品，一飽口福。細比套餐及單點，套餐除了能一飽多種口味，還比較划算。冰頭漬沙律: 冰頭漬口感爽口配上酸甜紅梅汁，味道特別，令人開胃。火炙左口魚裙邊配海葡萄: 左口魚裙邊魚油豐富，入口香濃，配上清爽可口的海葡萄，配搭得宜。紅蝦啫喱：紅蝦蝦味濃，肉質結實。啫喱入口即溶，質感幼滑，濃郁蝦味融化於啫喱，口味創新。滋潤花膠雞湯：花膠爽口q軟，濃厚雞湯香而不油膩，滋潤養生。活北海道帆立貝配魚清湯: 帆立貝肉質嫩滑，帆立貝邊爽口彈牙，三文魚䰵皮脆飽滿，配上清甜鮮魚湯，口感多層次而豐富，回味無窮。喜之次配海膽忌廉汁：喜之次肉質滑嫩，魚油香濃，海膽汁香濃鮮甜濃厚，甘香持久。白桃冰沙: 入口即融，口味清新，口感柔軟。日本A4和牛厚燒（五成熟): 肉質嫩滑，脂肪比例分佈平均，入口甘香鬆化，油香滿溢，牛肉味濃。牛舌心：厚身牛舌，鎖住水份 滿滿油香，口感軟嫩爽口彈牙，口感

呢間我都係第一次黎！都因朋友介紹！不過真心講一句！真係好好味！師父仲好用心去整d食物！服務態度仲好好！值得再去食👍🏻👍🏻d食物真係真材實料👍🏻特別係個湯！好好味😋😋😋我同我男朋友係正常食量！食完都飽哂！

實在好喜歡食鐵板燒，所以今次又同朋友去了這間心鐵板燒食好野。可能時間尚早，去到餐廳時未有太多人入座！先睇睇個餐牌，有多款選擇，花多眼亂，最終我們一致都選了食鐵板燒特選二人套餐，可以食到不同款式的料理！食鐵板燒前，先上清新可口的明太子海藻沙律，蔬菜清甜，海藻爽口，加上明太子獨特的味道，再mix埋酸酸甜甜的沙律汁，非常match兼開胃。而湯有三款，我們選了松露磨菇湯同蟹肉粟米忌廉湯，而且係即場煮，非常新鮮美味，而且口感好滑。松露磨菇湯，用十足材料煮呢個湯，每一口都係濃郁的磨菇蓉，好飲。而蟹肉粟米忌廉湯就好清甜，好香粟米味，加入蟹肉令湯更好飲！配呢個蕃茄蓉多到瀉的意大利多士，就更滋味了！多士香脆可口，蕃茄蓉就酸酸甜甜，仲有啲香草味，兩者夾埋好Match！之後係牛油燒南非大鮑魚。鮑魚好新鮮，未燒前都郁郁下，經過師傅一番料理後終於食得了。師傅好細心咁將鮑魚切成一片片，方便食用，而且味道鮮味食落煙韌彈牙好有嚼口，兼帶有陣陣的牛油香，配上燒野菜，非常好味。另外用鮑魚殼裝住的是鮑魚內臟，口感軟腍，味道咸香中帶微微甘苦。之後係火焰清酒煮蜆，蜆肉又多又大隻，口感爽口，而且味道鮮甜帶濃濃清酒香，加上蔥蒜點綴

因爲太多好評所以去試，原來評價水分多。 師傅一邊煮，一邊同客喝酒。   抄菜時一直説話，我以爲去左人地屋。食物quality 非常一般。 e 個價錢，都係去銅鑼灣穩陣d。 第一次寫評價要比差評我都唔想。。 

之前來過呢度食lunch ,印象好好，今晚再約另外一個朋友，帶佢過來食晚飯。提早訂咗位，今次好好彩又可以係坐係吧枱位，可以用餐嘅過程之中一賭師傅的鐵板功架。火炙吞拿魚腩好開心，一開始就可以食到香溜的吞拿魚腩，仲要經過火炙，更加香！紅蝦啫喱紅蝦肉十分之甜，即係你原來係類似糖糕的味道，都幾鮮甜北海道螺肉沙律配紅梅汁紅梅汁的酸味，令到呢個沙律好開胃。龍蝦湯龍蝦湯濃、滑，又夠厚身，裏面仲有大大啖龍蝦肉，正！翡翠鮑魚配柚子醋汁比得咁嘅價錢，食材方面真係冇令我地失望，大大隻翡翠鮑魚好香、好彈牙，有啲酸酸的柚子醋汁，好配喎。銀鱈魚配烤菇汁烤菇汁係靈魂所在，好香濃，同魚肉的魚鮮互相配合， 十分可口。時令貝類清酒煮蜆清酒的酒香更加引發蜆的鮮味！美國西冷薄燒牛味很香，完全唔油膩。神戶黑豚厚燒未試過食黑豚肉食到神戶嘅等級！真係令我大開眼界、大飽口福！每一件黑豚肉厚燒極致嘅脂香，令人一試難忘，再要加上蘋果蓉的甜美，錦上添花。炒野菜小女子炒飯同上次一樣，都係高水準！ ，不過今次唔係將啲蛋同飯撈埋一齊炒，而係分開一個煎蛋放在上面。抺菜蕨餅伴日式雪糕

今天同朋友仔慶祝她升職，咁高興，當然要食餐好啦！我好久之前曾經食過心鉄板燒，是高水準的餐廳，所以就選左依間餐廳慶祝。特選二人餐$1880紅蝦啫喱晶瑩剔透，估唔到啫喱都可以做前菜，涼涼地好開胃，放有一隻紅蝦，味道好濃。火炙左囗魚香油好豐富，成咀魚油，好誇張啊。少少的海葡萄，粒粒都脆卜卜，兩種囗感。橙紅色的龍蝦湯，入面仲有龍蝦肉，好足料阿。龍蝦湯夠滑夠香，蝦肉切粒爽囗。喜之次配海膽忌廉汁，曾經係另一間餐廳食過喜之次，覺得超級好食，而依間的水準亦都唔錯。喜之次切件，加油煎起，白白滑滑，魚香撲鼻，點一點海膽汁好食。主角登埸啦，是日本A4和牛和牛舌心，和牛切成一粒粒，然後每面燒焦，香噴噴啊。牛粒軟熟，牛味幾濃，牛舌爽囗，二種不同囗味。玻璃曲奇配雪糕，玻璃曲奇是自家製，可惜曲奇部份略硬，雪糕係藍莓味好濃啊。

位於尖沙咀的 心鉄板燒，是一間高級日式鐵板料理店。今晩再次來到吃晩餐，是因為上次嚐過後覺得太好吃啦。沒想到這次光顧，竟又遇上同一大廚，親切有禮，我們更傾談好久呢。鐵板燒特選二人套餐$1880/2位套餐包括: 前菜，湯品，帆立貝，燒魚，燒A4牛或黑豚，嘢菜，炒飯，甜品。冰頭漬沙律，首次嚐試冰頭漬，知道是什麼嗎？原本是三文魚鼻樑軟骨位，非常珍貴，囗感爽脆，配以紅莓汁沙律，清新美味。湯有三種，我選擇松露蘑菇溫。香噴噴的松露香撲鼻，蘑菇打得夠碎，啖啖粒粒蓉，濃郁濃稠，好好喝。活北海道帆立貝配魚湯，有點像浜燒煮法的帆立貝，味道可好呢。大大隻帆立貝，煎至兩面金黃，切成四份，彈牙軟嫩，更放上三文魚子和黑魚子，氣派更甚。全晩重點是日本A4和牛厚燒，牛舌心。和牛厚燒切粒，六面焦香，粒粒鎖住肉汁，肉質彈軟。牛舌心爽囗，可惜其中一件略靭，另一件則非常美味。全晩另一重點，是我最愛的蟹味噌小女子炒飯。是次的炒飯是上次的升華版，上次的炒飯已美味得令我難忘，今次更是豪華版，更加滿足阿。炒飯加入魚仔，香蔥和洋蔥，囗感豐富，充滿香氣，魚仔帶甜，洋蔥刺激，溶入蟹味噌，味道更鮮更濃，最後加上一隻煎雞蛋，橙黃的蛋黃令人囗水直

今日老公安排左一晝行程，首先去尖咀睇我偶像Johnny Depp套新戲，跟住就帶我去品嚐久違了嘅鐵板燒😍呢間鐵板燒位於大廈18樓全層，可飽覽尖沙咀多角度景色，除此之外我最期待嘅當然係師父烹調食時嘅表演啦😄坐喺師父前面睇住佢將食材變成食物嘅過程真係會令人食慾倍增。午市套餐嘅價錢比較親民，menu有我最愛嘅銀雪魚同豚肉SET，正當我苦惱緊點揀之際老公話不如叫晒兩樣😘我地叫左: 大虎蝦, 銀鱈魚配芝士春卷($188) 及 日本神戶黑豚薄燒配梅飯團($208)，LUNCH SET 包: 沙律~炒飯~炒什菜~餐湯~雪糕/咖啡。麻醬沙律麻醬和沙律菜好夾，又爽甜又新鮮，呢道前菜可以清新味蕾。師父開始烹調我地點的銀雪魚~大虎蝦~芝士春卷，見師父用熟練手勢把蝦輕易去殼，又把春卷半煎炸熟，一邊欣賞一邊聞到陣陣的香味真係令人流口水!芝士春卷非常香脆，又熱又脆的春卷皮包住芝士在中間，一咬就感受到外脆內軟，芝士味道不會太濃也不會膩。銀雪魚銀雪魚的魚油豐富，肉質嫩滑，甘香的魚油滲滿口腔，配以酸酸甜甜的他他醬吃會感到一份清新感覺。在旁的蕃茄乾略領帶微酸很醒胃。大虎蝦蝦肉爽口彈牙，濃郁的蝦味在鐵板上已經聞到，點了辣蕃

自從上次來呢度食過午餐，小情人念念不忘，果然必有迴響，趁我完成一大個工作報告，今晚立即訂了心鐵板燒和我慶祝一番，果然稱職！我哋早食飯，餐廳人流唔算太多，有包場嘅感覺，非常好！收工就想放空，於是唔使諗直接揀咗一個二人餐，有齊晒我哋好想食嘅雪場蟹同鵝肝，非常豐盛！一坐低約好圍裙，先來一份沙律：沙律菜看是平平無奇，但加入左攞肉片和三文魚子，令清新嘅沙律菜更顯格調。火炙吞拿魚腩、紅蝦啫喱：第一次食火炙到差唔多全熟嘅吞拿魚腩，但原來油脂更加豐盛，肉質同樣嫩口，別具一番風味。紅蝦啫喱創意萬分，啫喱嘅口感配上水產嘅鮮味，蝦肉彈牙，鹹食配搭開胃。松露蘑菇湯：青青甜甜卻能吃到蘑菇蓉，美味健康。北海道雪場蟹腳：雪場蟹腳蟹肉飽滿，而且已經幫我地切開了，最正係蟹味增呢個準則，令蟹肉嘅鮮味更想一層樓。新鮮美味嘅蠔。鵝肝配黑醋汁：鵝肝非常優質，肥美厚身，juicy and yummy! 西冷牛肉配芝麻燒汁：優質嘅日式牛絕對係呢度嘅主打，一口一粒，入口溶化，牛味濃郁，回味無窮。黑豚簿燒：豚肉質素同樣傑出，豚肉捲着泡菜一甜一辣兩者互相輝映加上蘋果蓉的點綴，有特色。季節野菜：野菜份量細細碟，勝在蔬菜鮮甜多汁。小女子炒飯

尖沙咀食一餐高級鐵板燒, 閒閒地都要過$1000一位, 不過既可以食即製食物又可以邊欣賞師傅功架, 老婆同我都好鍾意食。係尖沙咀朋友介紹之下, 我地知道尖沙咀亞士厘道呢間心鉄板燒係星期六都有鐵板燒set lunch, 而且價錢都相當貼地, 所以今日我地預好時間係I square睇完早場就過黎嘆個靚靚鐵板Lunch。😋心鉄板燒位於大廈的18樓, 餐廳非常開揚, 享有煙花海景, 除左可直望維多利亞港外, 另一邊仲可以望到去九龍公園方向, 老婆非常滿意餐廳嘅環境。👍我地入座時師傅剛剛煮緊Lunch Set嘅和牛, 超吸引, 可惜老婆唔食牛, 我地揀左另外兩款Lunch Set, 大虎蝦, 銀鱈魚配芝士春卷($188) 同 日本神戶黑豚薄燒配梅飯團($208) Lunch Set除左有主食外, 仲有沙律炒飯炒什菜餐湯同埋雪糕/咖啡, 份量超多。😆食鐵板燒前我地先食左個芝麻汁沙律, 沙律新鮮爽脆, 芝麻汁味道清新醒胃, 邊食邊睇師傅開始預備我地嘅食物, 好正。😁芝士春卷都係用鐵板燒, 師傅細心將每一面都煎得好香脆, 芝士餡料豐富, 芝士味濃, 外脆內軟。老婆唔太食脆口野都食左一條, 我自己食兩條