心鉄板燒 (已結業)

去了歐洲旅行兩個星期，我最掛住既除咗阿媽煲既老火湯，另一樣就係日本料理。所以朋友約我食日本嘢既時候，我自然毫不猶疑就衝啦！ 心鉄板燒位於尖沙咀亞士厘道樓上鋪，唔熟尖沙咀既人可能要花D時間搵搵。不過係亞士厘道搵緊既時候可以留意下大廈貼出黎既燈箱，心鐵板燒既招牌都有貼出黎。呢度唔算好大，有兩個Open kitchen既位置，再加上個落地玻璃窗，一邊睇住廚師烹飪一邊睇住夜景都係一種享受嚟。Menu有單點亦都有套餐，由於選擇好多，我都唔逐樣逐樣講，影出個Menu大家可以睇下有咩食。我同朋友就點咗個鐵板燒特選二人套餐，已經涵蓋咗前菜到甜品等。前菜包括海膽凍豆腐、蟹肉枝豆薯蓉同煮穴子沙律。豆腐淡而清香，同濃味既海膽甚為搭配；薯蓉香滑鬆軟，食到絲絲蟹肉； 沙律就好開胃，酸酸咪咪都好新鮮。湯我就揀咗龍蝦湯，睇唔睇到好大舊龍蝦肉？  橙紅色既湯上有兩道cream作為點綴，攪拌均勻後飲一口，冇其他西餐廳既龍蝦湯咁鹹，淡淡地更顯示出龍蝦鮮味。 到熱食方面，師傅喺我地將食材煎熟，絲毫不馬虎，聲效同視覺效果都滿足到。面前呢份西班牙紅蝦配紅蝦啫喱，紅蝦就唔算非常大隻，但蝦身通紅，望住就覺得新鮮。食落口唔簡單，清甜

好長時間沒有跟朋友出去食飯聚一聚，剛剛朋友來電約食飯，見時間都可以抽到便即時約出黎聚下舊。難得出黎當然唔可以刻薄自己同朋友啦。細心挑選左餐廳大飽口福。煮穴子沙律本人幾喜歡食鰻魚，呢個前菜沙律有燒鰻魚配，估唔到前菜都有驚喜。鰻魚燒到蕉香，食入口已有陣陣既碳燒味道，對於喜愛食鰻魚既我更加是慾罷不能。前菜既水準都十分不俗。味煮韓國螺湯濃郁得黎又不會太漏，陣陣的柴魚味道由蒸氣帶入到空氣當中，另外螺肉煮的時間剛剛好，軟熟度剛剛好外，味道也全部讓螺肉吸收了。翡翠鮑魚配柚子醋汁鮑魚的肉質十分軟熟，另外用柚子醋子配合外，還有菊花的香味在其中，美中不足的是醋味稍稍有所欠缺，若然可以提升此方面，更可以令鮑魚味道更升一個層次，但整體已十分不錯。比目魚配菠菜汁不得不讚賞一下師傅在處理此道菜的心思，比目魚皮跟魚肉是分開處理，魚皮方面可以煎得更加脆口，好像在食藉片一樣，香口美味。而魚肉也可以好好地保存了肉汁在肉中，加上菠菜汁令到魚的香脆中有清新的味道可以形成一個對比感及中和左油膩的感覺。

為慶祝友人生日，一早就book咗呢間高檔日式鐵板燒食。位於尖沙咀嘅樓上舖，環境恬靜，我地6點幾嚟到只有一枱客人，除咗可以即場睇廚師整嘢食外，望向外面可以見到維港五光十色建築物。由於唔想諗嘅關係，選咗鐵板燒特選二人套餐。海膽凍豆腐&蟹肉枝豆薯蓉。海膽連凍豆腐食可以食得出海膽嘅鮮味，而淡淡薯蓉嘅點上偏咸嘅豬扒汁剛好。煮穴子沙律。大大粒嘅魚子加上鰻魚同沙律醬感覺新鮮，亦都好開胃。龍蝦湯。廚師將龍蝦炒過加上預先準備嘅湯，味道超鮮!西班牙紅蝦配紅蝦啫喱。紅蝦好鮮甜，廚師燒到連蝦腳都食得落肚，而個紅蝦啫喱相對味道較淡，建議先食啫喱再食紅蝦。活北寄貝配芝士牛油汁。芝士奶味較重，北寄貝好爽口，飲埋最後啲汁正。鵝肝配黑醋汁。甜甜地嘅黑醋汁同鵝肝食落開胃唔漏。日本A4和牛厚燒&牛舌心。肉汁豐富，牛舌口感較爽，和牛厚燒就好有咬口，亦都唔韌。高菜文昌魚炒飯。未食已經比啲飯香吸引，連埋啲酸菜炒唔會覺得滯。紅豆湯年糕伴意式雪糕。紅豆湯甜到好似飲緊糖水咁，綠茶雪糕就比較正常，食埋甜品真係大滿足。第一次食咁貴覺得好肉尺，但係有呢啲食材同環境都值得嘅。

係亞士厘道有好多美食，今次就試間主打鐵板燒既日本餐廳Lunch既選擇都多，但當然由於鐵板燒既關係，價錢都有返咁上下，所以想嘆返個特別午餐既朋友，各位都可以一試中午又真係唔多人食鐵板燒，所以我差唔多包場咁，可以揀個窗邊位坐，都可以欣賞某部分維港景色，先叫左個鐵板燒自選套餐，左手邊個沙律有幾條蟹肉配新鮮沙律菜，味道正常右手邊就係師傅準備煮既材料，我個套餐揀左個黑毛和牛、大蝦，另外揀多左個神戶黑豚set lunch 估唔到一隻大蝦都需要一陣子既烹調時間，師傳先將大蝦頭身分開，再將蝦剝殼，再用牛油、黑椒等等既醬汁將蝦頭同蝦肉煮至入味，最後再以翠玉瓜同南瓜伴碟，配以辣蕃茄醬，成碟餸好似幅畫咁，蝦味濃，仲有好香既牛油味，事關師傅都用左唔少配料去煮和牛就用左呢個地方既牛，師傳磨左鹽同準備左芥辣，和牛稍為煎一煎，切件就可以上碟，和牛牛味重，建議略加少少鹽，味道更佳，師傳話加埋d菜一齊食，和牛食落就唔會咁油膩豚肉夠哂薄切，中間夾有泡菜，食落辣辣地，外層夠香口，如果覺得有d油就可以加埋個外面煎到好脆既飯團一齊食跟餐仲有野菜、炒飯、湯同心型雪糕添總括黎講，如果大家唔趕時間，食鐵板燒真係唔錯既選擇，有得欣賞師

很喜歡吃鐵板燒，望著「大師傅」在面前即席烹調，展示廚藝與技巧，以前食鐵板燒一般價錢都比較貴，而家可能因為競爭大，所以價錢已經平民左好多。餐前小食 --- 蟹肉雜菜沙律配芝麻汁，菜好新鮮，啖啖咬落去都有聲師傅熟練嘅技巧三兩下手勢就已經將蝦頭同蝦身分開左大蝦配蕃茄辣汁 --- 蝦當然有鮮味，但作為配菜嘅脆肉瓜都好好食，燒得岩岩好，配埋辣汁當仲燒緊大蝦之際，下一輪材料已經準備就緒A4和牛 --- 咬入口入口即溶，陣陣牛香味由咀角飄出來。 望住靚景食和牛真係嘆到不得之了日本神戶黑豚薄燒配梅飯團 --- 黑豚肉再配搭中間嘅KIMCHI 一齊食，令平日唔鐘意食KIMCHI 嘅我都食完一舊接一舊師傅話呢個係食用花，都係而家先知食得咋燒左咁耐嘅飯團終於有得食啦，外層脆脆地，入面就軟綿綿。蟹膏面豉炒飯 --- 每啖飯都有淡淡嘅蟹膏味，不過份量略嫌較少。炒雜菜綠茶雪糕豆腐雪糕味噌湯另外附上其他餐牌

很喜歡吃鐵板燒，望著「大師傅」在面前即席烹調，展示廚藝與技巧，以前食鐵板燒一般價錢都比較貴，而家可能因為競爭大，所以價錢已經平民左好多。餐前小食 --- 蟹肉雜菜沙律配芝麻汁師傅熟練嘅技巧三兩下手勢就已經將蝦頭同蝦身分開左大蝦配蕃茄辣汁當仲燒緊大蝦之際，下一輪材料已經準備就緒A4和牛 望住靚景食和牛真係嘆到不得之了日本神戶黑豚薄燒配梅飯團師傅話呢個係食用花，都係而家先知食得咋燒左咁耐嘅飯團終於有得食啦蟹膏面豉炒飯炒雜菜味噌湯綠茶雪糕豆腐雪糕

之前看到其他食評，對他們有點期望，但原來他們除了有高級食材外，就沒有其他了。鐵板師傅沒有令食物提升，上菜的擺設也沒有。只是一家十分普通的港式鐵板燒餐廳而已。希望他們可以學習真正鐵板燒的製作。對鐵板燒的製作的過程再多點瞭解及對自己的要求提高。其實他們的價錢在尖沙咀區是可以接受的，環境也不是太差，只是覺得他們用鐵板的技術實在是十分普通，沒有好好利用鐵板，只是把食物煎熟了，也沒有和客人好好溝通，希望他們之後會有改善。

好耐冇食過日本嘢嚕， 尤其是係鐵板燒， 今次見到佢嘅餐牌平均百幾蚊就有一個午市套餐，而且包咗好多嘢食，包括一個主食，沙律,麵豉湯,炒飯仲有雪糕食㖭，覺得好抵食又好想即刻試下日本嘢，所以決定入去餐廳一試 。入到去已經見到個環境唔錯 ，如果坐窗口位的話仲可以望到維港， 座位好闊落好舒適，令我哋今次有個暢快嘅下午 。我哋分別叫咗兩個套餐。第一個係燒大蝦配銀鱈魚 ，好開心可以對住廚師望住佢點樣烹調每一種食物 。佢每一種食物都煮得好有心機 ，而煮出嚟嘅嘢食都好高質素 。大蝦方面 ，佢加咗少少黑椒呢提升味角效果， 如果鍾意味道濃啲嘅話就可以配埋旁邊嘅 茄汁醬， 佢地嘅味道好夾，隻蝦又大隻又彈牙，食完好想再食多隻。 銀雪魚方面， 佢都剪得好滑， 更加可以加埋 上面啲花一齊食， 食落去好清新好有花香 。另一個套餐就係雞扒， 雞扒裏面嘅肉質汁非常多 ，好有咬口 ，見到個廚師煮嘅時候有加咗啲牛油落去，令到雞扒更香口。層 皮仲有少少脆 ，好好味。 個炒飯都 好高質素。我最欣賞嘅就係 佢整出嚟嘅蛋好滑， 炒飯都炒得好乾身，由於太妳食，我 食咗咁多嘢之後再食炒飯都可以食得曬!

呢間餐廳向來都有好多人訂枱 ，本來想食晚餐，但係原來已經畀人定曬枱，所以我哋決定去嗰度試下午餐如何。一入到去就已經見到環境非常寬敞，每兩位嘅座位中間都有好多空位，好有私人空間。今次我哋叫咗兩款午市套餐 ，一個係大蝦銀鱈魚，另一個係雞扒。兩個都有超水準之作 。個廚師喺我哋面前即場示範點樣烹調呢兩款美食，佢嘅廚藝熟手了得，手勢都好好 ，已經清楚曬每一個步驟係要煮啲乜，加啲咩調味料，同埋幾耐先令到食物啱啱熟透。所以今次要畀個廚師一個大讚， 煮出嚟嘅食物都超高水準。 先講銀鱈魚 ，銀鱈魚非常滑，再加埋個他他汁都好好味， 而且肉質有少許彈牙，食落去有啲甜味， 而且佢嘅油份啱啱好 ，所以總括嚟講 佢嘅味道，調味，同質感嘅配搭一流!大蝦方面，口感非常彈牙，最欣賞嘅係佢加咗d黑椒上去，特色野味。碟嘅旁邊仲有茄汁蝦醬，配搭上去味覺特別豐富。個雞排見佢煎到一邊熟透先煎另一面，可以鎖住d肉汁，而且煎到皮脆內嫰，再加上口感彈牙，份量又夠多，好抵食。每個餐到有漬物，湯，沙律同炒飯。炒飯煎得非常香口，個蛋好嫩滑，都加咗少少蔥上去調味，簡直色香味俱全!個餐最後仲有雪糕或者咖啡送添!我地叫咗綠茶同豆漿雪糕都好好味!

今日去左尖沙咀食午餐，朋友介紹有間鐵板燒餐廳好好食，本身諗住同男朋友黎食，佢唔得閒結果我一個人走黎食。晚餐menu好吸引，決定左下次晚餐要黎食。芝麻醬沙律我最愛，開胃香口蔬菜爽脆新鮮，加左蟹柳和三文魚魚頭軟骨，完全唔單調。和牛厚燒套餐。和牛五成熟油脂好重好香，牛肉入口即溶超級有水準，牛味夠濃夠豐富，粒粒油香口中充滿牛味。炒飯有驚喜，乾身多餸，完全唔會好單調，配上漬物又再感開胃。豆腐雪糕好靚，心心型好靚，豆味清香。

今日去左尖沙咀食午餐，好耐好耐之前朋友帶路試過一間鐵板燒餐廳，今日再來回味一番。大大個靚景，未食先興奮。午市餐牌！蟹柳芝麻醬沙律伴三文魚頭軟骨。芝麻醬香濃夠惹味，蔬菜好新鮮，好鐘意三文魚魚頭軟骨先醃製再上枱，味道酸甜好開胃。香燒帶子，原粒帶子入口鮮嫩好甜，加上蟹肉沙律醬味道豐富。黑豚薄燒。薄薄黑豚肉油脂豐富，包上泡菜減低油膩感，味道層次更多。炒飯我最鐘意，乾身味道香口，當中有好多餸，配漬物最開胃。最後有炒野菜和麵豉湯。仲有豆腐味和抹茶味雪糕，師傅知我鐘意食，送多球我食！

香港地動輒食個鐵板燒少則$1000，較高級的$2-4000大有餐廳在。但「心鐵板燒」無論晚餐或午餐，都在我budget內。間唔中奢侈的食個鐵板燒lunch set叉叉電，人生就是要享受「心鐵板燒」位於亞士厘道商業大廈內，雖擁有優越位置，但始終樓上鋪，租金相對便宜，就可以用更好食材回饋客人。餐廳位置不算太大，有卡位、包廂亦有普通細枱。但吃鐵板燒，當然要坐在廚師面前欣賞廚師的工架！餐廳另一邊更可以望到維多利亞港景色，可謂奢侈到一個點是日我點了一個銀雪魚、虎蝦配芝士春卷lunch set。當日為平日的午餐時間，所以人流不算太多。廚師先生可以專心的服務我，好讓我靜靜地享受一個美好的午餐前菜有時令沙律，但因為不太特別不作多介紹。所以最令我欣賞的一定是銀雪魚。由於鐵板燒調味簡單，所以食材新鮮一定是重點。雪魚嫩滑無比，盛載鱈魚的碟更加是靚到不得了。廚師先生特地把魚肉及魚皮分開，魚皮用油半煎半炸，比薯片更鬆脆如肉質細滑，魚脂豐富，令整個口腔都充滿鱈魚的香味再來芝士春卷，煎得鬆脆的春卷皮包裹着芝士，雖然非常邪惡，但因為廚師先生控制油的份量十分適量，所以整體不算太油膩，裏面芝士餡香軟細滑，口感煙煙軔軔，芝

今晚同呀媽撐枱腳，賀賀她牛一。老媽子話要食鐵板燒，我一諗就諗起呢間，訂枱先。坐係鉄板前，著住圍裙，再望住廚娘優雅地煮野食，真係會令人好期待。兩個人都選一人餐$880：前菜-冰頭漬沙律，紅蝦啫喱，火炙左口魚裙邊配海葡萄：冰頭漬脆卜卜有嚼口，左口魚，火炙完魚香肉嫩，入口溶化，配上海葡萄，非常鮮爽。紅蝦配啫喱，很特別。龍蝦湯龍蝦湯是靚媽最愛，非常鮮咸，暖入心。火焰活北寄貝賣相令人震撼極了！火焰中的北寄貝真令人著迷，又暖又嫩，啖啖鮮味在心頭。比目魚配菠菜汁魚肉鮮嫩，真材實料，配上菠菜汁大有驚喜，不錯的魚。味煮韓國螺第一次食韓國螺，螺肉肥美，很精緻。白桃沙冰食到中途，淺嚐沙冰，清清口腔。美國西冷厚燒或薄燒厚燒薄燒一樣肉嫩多汁，原來美國西冷都可以咁出色。神戶黑豚肉厚燒或薄燒神户黑豚肉肉質香濃，厚燒肉味更濃。薄燒配上kimchi ，辣中有點清新，和豬油香交瀜，很有創意。季節野菜野菜小碟精緻，很鮮美。蟹味噌小女子炒飯炒飯簡單卻不普通，加上太陽蛋，飯香更濃，味道佳。玻璃曲奇伴意式雪糕最後吃上漂亮的甜品，真幸福。

今晚同大美人慶祝年年十八的生日，左揀右揀，都係揀咗心鐵板燒，美味度高，環境又優雅，將今晚交托係呢一份鐵板上應該最窩心😛齊齊食特選一人餐$880：前菜-冰頭漬沙律，紅蝦啫喱，火炙左口魚裙邊配海葡萄：先從沙律吃起，清新怡人，再吃左口魚，入口溶化，加上海葡萄的鮮爽，大快朵頤，最後吃上啖啖蝦肉，層次分明，胃口大開。龍蝦湯龍蝦湯還是最愛的餐湯，鮮咸度高，暖透心窩。火焰活北寄貝美味極了！上枱時火焰中的北寄貝最迷人，暖熱柔軟的口感，很幸福。比目魚配菠菜汁魚鮮香甜，令平日不愛吃魚的我大有驚喜，菠菜汁新材實料，不錯。味煮韓國螺初嚐韓國螺，螺肉鮮美，烹調精緻，口感佳。白桃沙冰讓味蕾稍有清新，再品嚐主角們。美國西冷厚燒或薄燒兩個一人餐，兩款食晒。更愛厚燒，肉嫩多汁，很滿足，想不到吃的是美國西冷，同有和牛般入口溶的享受。神戶黑豚肉厚燒或薄燒神户牛就成日聽，神户豚肉同樣優秀，豬肉香濃，肉汁緊緻，薄燒配上kimchi ，一絲辣一絲清新，和肉香交瀜，層次感佳。季節野菜新鮮美味，想食多d菜😍蟹味噌小女子炒飯非常果腹，美味佳餚令我意猶未盡。玻璃曲奇伴意式雪糕配上靚靚的甜品真幸福。最後，親愛的大美人，生日快樂🎁🎊🎂🎊🎈

今日為咗同一個好耐無見的好朋友約食飯，當然要搵返間好地方。上網搵到呢間位於尖沙咀阿士厘道的鉄板燒餐廳，環境寧靜，位置方便，但係一定要先訂位，比較人多。環境十分一流，可以高處近玻璃窗望住出面街景。今日黎到係吧台，開心可以坐係爐端燒前欣賞師傅的廚藝同煮野過程。我地兩個人好豪氣咁揀咗個二人餐，前菜主菜小食甜品全部都齊。前菜有紅蝦啫喱，口味很創新，完全入晒蝦肉的鮮甜味，很特別，冰頭漬沙律，新鮮爽口，火炙左口魚裙邊配海葡萄，左口魚肉十分淋身，仲有甜薯仔墊底滋潤花膠雞湯，花膠煮得勁淋身，入口即溶，吸收晒濃郁的雞湯味活北海道帆立配魚清湯，帆立貝微微燒過，肉質彈牙鮮甜，有海水味，大粒，厚肉，魚湯清甜白桃冰沙，可以在接住食肉前清一清味喜之次配海膽忌廉汁，喜之次魚肉結實，經過表面烤熟十分香脆，加上濃厚的海膽汁味道好夾日本A4和牛厚燒，七成熟，肉質嫩滑，牛肉味重，外面燒得香口，入面肉淋身，點上椒鹽食可以更突出鮮味，左上係燒牛舌心，肉質比較爽口彈牙蟹味噌小女子炒飯，飯粒大粒飽满分明，炒得乾身，蟹味噌惹味，炒得好入味，仲有一個炒蛋，份量好足。甜品係玻璃曲奇配意式雪糕，成個甜品都好心心型，好可愛，曲奇比較鬆脆，中