心鉄板燒 (已結業)

今日去左尖沙咀食午餐，好耐好耐之前朋友帶路試過一間鐵板燒餐廳，今日再來回味一番。大大個靚景，未食先興奮。午市餐牌！蟹柳芝麻醬沙律伴三文魚頭軟骨。芝麻醬香濃夠惹味，蔬菜好新鮮，好鐘意三文魚魚頭軟骨先醃製再上枱，味道酸甜好開胃。香燒帶子，原粒帶子入口鮮嫩好甜，加上蟹肉沙律醬味道豐富。黑豚薄燒。薄薄黑豚肉油脂豐富，包上泡菜減低油膩感，味道層次更多。炒飯我最鐘意，乾身味道香口，當中有好多餸，配漬物最開胃。最後有炒野菜和麵豉湯。仲有豆腐味和抹茶味雪糕，師傅知我鐘意食，送多球我食！