心夜來潮 (已結業)

第一次食呢間，呢間鋪頭開夜晚6點到早上六點，最啱一班人收工去食，但係座位方面就坐得唔係太舒服，環境尚算OK地方幾大，Order 左， 牙籤雞，辣酒煮花螺，海鮮粥。牙籤雞分量算多炸得好香口， 同埋雞肉都好滑，辣酒煮花螺，佢會即場落酒炒，幾得意，但係就差少少鹹味。海鮮粥可以自己配搭海鮮，我哋就叫咗膏蟹，元貝，蜆肉。個海鮮粥真係值得推介，好鮮甜！感覺上冇乜味精。牙籤雞之後我哋仲order多左一碟因為好香口好好食！我同朋友們都讚不絕口！而且佢哋服務態度都唔錯！會再幫襯！

上星期日，即係3-6-2017既零晨4:30-5:00左右，因為公司客人突然抽起條筋話要食蟹粥，同樣身為吃貨既我，就由尖東搭的士落旺角心夜來潮買左兩隻中蟹份量的蟹粥，埋單$4xx，蟹粥既店員都好好，知道我響尖東搭的士去幫襯，比左個箱我好拎啲，唔洗咁辛苦，但當我由旺角搭的士返到尖東公司，將蟹粥攞出黎果時，我直頭同個客人都O晒咀，點解？因為總共有8碗蟹粥，個店員係將蟹粥上下兩層叠住擺放，但底下果4碗蟹粥既膠蓋，溶晒響粥裡面，堅係溶左，個客仲用匙搞吓碗粥，睇吓可唔可以撈番個蓋，有2碗係已經撈唔到中間圓形果塊膠蓋⋯⋯⋯蟹粥味道不過不失，所以話，投訴唔敢講，貴店就當係我比個建議啦！如果再有外賣單的話，請店員中間擺放一塊層隔紙皮隔熱，而且亦比較好擺放，客人又好攞！

今晚同朋友睇完午夜場, 就落左旺角搵食, 搵到間潮州菜館仲營業緊...原來呢間餐廳係開至第二朝既6點! 所以就算凌晨時份都可以黎食返個宵夜。店內環境裝修都偏向中式, 檯椅都以木為主呢度主打潮汕砂鍋粥, 幾乎入黎既客人都定必會點一煲! 砂鍋粥有大細煲之分, 我地點左個細煲, 大約有6個飯碗份量左右, 揀左SIZE之後就可以係下面自選HK$180既配料我就揀左膏蟹、蟶子王、鮮魷魚呢三款配料【潮汕砂鍋粥篇】小HK$180起; 大HK$330起; <--以配料價錢計膏蟹 小HK$120/隻; 蟶子王HK$40/份; 鮮魷魚HK$60/份砂鍋粥呈淺金黃色, 米飯煲得很綿....個粥味道係超超超超鮮甜!!! 細膏蟹雖然細隻, 但蟹膏比例都算多, 同埋唔會係死蟹水汪汪, 食到完整蟹肉; 另一驚喜既係鮮魷魚份量都幾多, 而且幾爽口; 至於蟶子王的確係幾大條, 而且爽甜, 但一份得一條, 似乎少左D。但整體個砂鍋粥係值得一試, 真係好正!!!【正宗汕頭手打牛肉丸】HK$48潮州其中一樣出名既係牛丸, 手打牛丸果然又彈牙, 又鮮甜, 一碗有7粒。【家常牙籤雞】HK$46除左砂鍋粥, 呢款小食亦係推

去旺角中心行街~就試下對面的心夜來潮！主打新派潮州菜~店的擺設很有特色，好像回到古代吃潮州菜 xd第一道是。。杞子紅棗蓉蒸鮑魚！上桌都是熱騰騰的！鮑魚很有嚼勁~味道不錯！入口更有杞子和紅棗蓉的甜味~之後。。手工捻面猴！其實是潮洲湯面~但面的形狀是一塊塊而不是一條條的，口感有驚喜！配菜有梅榨菜和魷魚乾~脆炸潮式獅子頭！個人很喜愛這道菜~獅子頭炸得很鬆脆，炸粉的份量剛剛好。而入面的料包括冬菇、魷魚粒等，十分美味~小米餃子！其實是魚皮餃~餃皮好軟糯，點上很鮮味的蠔油，味道更豐富

夜更下班後，肚子不受控饑哩咕嚕不停叫！此時此刻想起吃貨朋友，因為只有她才會陪我這樣。到達不夜城旺角，周圍滿佈營業的餐廳，什麼種類也有。最後選了離港鐵站數步之隔的潮洲菜。路邊炒米粉 - 驟眼看確實與粥品店的家鄉炒米粉分別不大！米粉分量甚多！配料有蝦米、雞蛋、冬菇、魷魚等。色澤賣相不錯，而且炒得很香，算分明之餘又夠鑊氣！菜甫煎蛋 - 賣相不甚特別，不過食落覺得蛋味比想像中濃郁香口。混入切得不一的粗菜甫，味道變得不單調！巨型脆香手打魚蛋 - 質感厚實非常，外面炸得香脆內裡肉質軟綿香滑，魚味頗重！配上與連鎖店雷同的泰式辛辣醬，變得食不停口！芹香紫菜汕尾馬鮫魚丸湯 - 份量不少，約有十粒魚丸！小飲一口湯，不顯鹹。魚丸表面看落與牛丸無異，但質感實身，口感軟綿不顯空氣感且魚味算重。配上大大瓣的紫菜食，別有一番風味呢！蒜蓉椒絲炒通菜 - 通菜炒得爽口，嗦嗦聲響亮得很！食落苦甜交雜，再有椒絲陪襯，有著不同角度的味道。

今天放工陪同事去旺角中心買衫，行下睇下，不經不覺已經九點多，明天還要返工，快快找間食店食飯，落到旺中樓下，心諗甘夜食乜好？甘岩望到對面有間叫心夜來潮的食店，過去望一望，招牌寫著：砂窩粥、新派潮汕菜，我們甘夜都吾想食飯了，食粥都好，那麼我們就上樓入座！潮汕砂鍋粥：砂鍋粥是即叫即做，材料豐富，可自由配搭，我們選了膏蟹、鮮雞件、鮑魚，粥底很綿又鮮甜，膏蟹有很多膏，雞件滑，鮑魚鮮，十分美味！食時加點芫茜蔥就更惹味！醬鹵鵝件：平時食鹵水鵝都是凍食，但這間新派潮汕菜就將鵝件整熱，上檯時整碟鵝件都是熱的，包括隻碟，點上少許醋試一試，可能我凍食慣了，不習慣熱食。味道都Ok！

一直都覺得「心夜來潮」呢個名改得好，簡簡單單四個字，已經表達咗幾重意思，睇得咗老闆嘅心思裝修好有中國傳統大屋嘅感覺，特別係嗰盞中國傳統燈籠，好有特式。9點鐘嚟到仲係人人海。雖然全部都係潮州菜，不過種類都唔少。先嚟一個醬鹵鵝$108，色澤靚，鹵得入味，食落有鵝味同有嚼頭，做得唔錯。蒜蓉椒絲炒通菜$68份量都唔少，起初以為得蒜蓉椒絲，點知食落仲有蝦米，除咗炒起嚟更加香之味，口感仍都比較豐富。見個menu 影得好靚，所以我地都叫咗個火焰辣酒醉花螺$98。上枱時侍應會係鍋入面點火，非常吸晴；食落好有酒味，佢個酒醉唔係浪得虛名，同埋味道真係會辣，會令人好有飲啤酒嘅意慾由於我地無叫飯，所以最後叫多咗個家鄉路邊炒米粉$68。米粉似係台灣米粉，比較幼身，材料都好豐富，有冬菇、肉絲、雞蛋等。不過我略嫌佢炒得唔夠乾身，如果再乾身少少就好啦埋單每人唔洗$200，以呢個質素計，真心唔貴。

旺角分店嘅心夜來潮已經唔係第一次食，地理位置極之方便，正正位於旺角中心對面，南苑粉麵嘅上層。不過呢度始終係住宅，所以現在如需要上去的話就需要行樓梯上2樓，如果行動不便嘅人是比較唔方便，如有需要的話需要找住宅看更協助。還記得上次與屋企人來這裏食潮州菜，吃了一個很好吃的潮州粥，所以今次專誠帶朋友來這裏吃飯，細談之下，原來她很久也沒有吃過潮州菜了，我知道今天吃潮州菜她真是相當興奮。裝修同佈置同荃灣分店有點相似，不過呢間嘅分店人流相對比荃灣少，感覺上比較舒服本身想叫一碟螄蚶給她試試，可惜她因為不愛吃生野只好打消念頭隨左叫左一窩潮州粥，仲叫左個小米餃同炒蜆小籽餃個皮有d似紅薯粉，帶點煙煙un un面餡料一啲都唔輸蝕，內裡係用上豬肉加大地魚粉，單食會食到內裡既肉香，點汁就有不同風味，不過我自己就覺得個汁咸左dd，單食比較好吃一大鍋既潮州粥上枱喇！加左蟹，鮑魚同蜆，粥底好綿好香，因為有海鮮關係食落帶點鮮味。肉蟹都幾多肉食，蟹肉香甜。鮑魚叫得少，有點唔夠喉，另外砂鍋粥份量都幾多，3個人都夠食😋 食到我同朋友都好飽！豉椒炒蜆蜆都幾多肉，因為用豉椒炒關係食起上黎好惹味，正！雖然淨係叫左兩個送，同一鍋潮州粥

每次經過旺角人多車多感覺要搵安靜又舒服環食飯真係吾易，某日探了一位潮州婆婆親手為我製造的擂茶，加深我對潮州菜的好奇心。打冷打冷聽得多但一直無機會嘗試，有朋友推薦都要一試，早試早享受，係永恆不變事實，推建議大家大班人去食，因為份量超出所求所想。上到頂樓光火門口光火通明，吾會死氣沉沉，當我們走進一點看的時候，愈來愈多的驚喜正等待著我整間店的牆壁都係用灰色磚為主，感覺給我一種復古感覺，同時由於牆中掛上不少舟色的掛燈和掛畫等等讓整體感覺絕不老派，落單個陣吾小心講左聲小二 但職員們都照黎幫忙哈哈。簡單講非常有質感。空間感都可以接受。而我最喜歡就係呢個特別過人之處!沒錯房門是由實木、雕刻組成的，關起來就打造出一個私人小天地。由於聽聞份量都幾多，今次得二個人就吾叫太多美食啦，主要點小食和甜品。1。 擂茶  2。南瓜焙 3。燒手打牛肉餅$擂茶 16整杯擂茶配料都幾足，有芝麻，炒過花生米和玄米等等。原來擂茶在潮汕地區將擂茶稱之為「咸茶」、「菜茶」如圖所見，將各種不同配料泡入熱茶中，經過浸泡再調勻先飲用，係夏天食岩哂因為可以解渴、充飢，亦可當做養生飲料。岩哂大家。味道上:呢碗特色小食都係帶有鹹味 ， 每粒

係旺角區睇完戲肚有D餓想食D野, 諗起呢間新式潮菜店就係附近, 一於上去食D野先返歸!以中國式為裝飾設計, 木枱木椅, 適合三五知己開餐, 一改傳統潮州菜店既餐具, 以新式膠餐具侍客, 幾適合呢區既客路!餐牌提供食物選擇唔算話好多, 由小食, 海鮮類, 主菜, 甜品都有!, 每種類別都有選擇, 無論傳統或新式潮菜係呢度都會見到!今次黎仲發現有呢個潮汕砂鍋粥篇推介, 下次人多時可以試下!又唔想食得太飽, 2個人只係叫左幾樣野食: 呢碟蒜蓉椒絲炒通菜 ($68), 份量好對眼, 除左以蒜蓉椒絲, 仲有落埋蝦米, 唔怪得之比平時食到既更加香口惹味, 通菜當"造", 一D都唔老, 用黎送白飯就GOOD FIT!!呢碟係潮洲小食, 小米餃 ($32), 一客8粒, 一口一隻幾過癮, 個皮煙煙韌韌, 包住一小舊肉, 食落第一下就覺得似食緊魚皮餃, 點少少蠔油加添鮮味!再點埋呢碟家鄉路邊炒米粉 ($68), 米粉幼細, 炒得幾鬆身及唔油膩, 材料仲包括蝦米, 洋䓤, 蛋皮絲, 香菇, 肉粒一齊炒, 食落味道香口, 再點埋辣椒油(記得門侍應拎呀!)就更好味!簡簡單單一餐潮洲菜, 無花巧野但食得人滿足

近期偶爾會想吃潮州菜，那天便到了旺角的心夜來潮。這裡座位間算寬闊，環境不錯。勝瓜鮮甜白蜆湯 $88湯夠清甜，蜆肉極多，粉絲、勝瓜也不少，而且勝瓜很甜又不會過軟，蜆肉也很新鮮，且肉質飽滿。美中不足是有少量蜆有沙。小米餃 $32真的是必點菜式，餃皮極煙韌有咬感，餡料又好味。普寧炸豆腐 $62上桌時夠熱，豆腐炸到表面金黃鬆脆，內裡軟綿嫩滑，不用點汁已滿口豆香，點上特製汁料更添惹味。路邊炒米粉 $68份量不少，材料多不勝數，有冬菇、菜甫、蝦米、魷魚乾、乾葱、炒蛋，米粉炒得軟硬剛好，配合上述材料，口感豐富，夠味又不鹹。脆炸潮式獅子頭 $36上桌已聞到香噴噴，外層炸得香脆，獅子頭夠鬆軟，只是味道鹹了點。整體食物質素不錯，價錢也合理。

之前在荃灣心夜來潮食潮州菜,回味無窮,所以到旺角區新分店來食晚飯。 【傳統鴨蛋煎蠔烙】 $82 煎蠔烙煎得非常薄,特別餅圓邊鬆脆無比,不會過於油膩, 內裡軟滑煙韌彈牙,配上啖啖蠔仔肉的鮮味,如多一點蠔仔更好, 另不沾醬汁也夠味, 令人回味無窮。***【醬鹵鵝件】 $108 啖啖肉的鵝片,入口肉質軟腍,而且濃濃的醬滷汁滲入鵝肉質好入味,並不會過咸, 味道不錯。***【砂鍋卜卜蜆煲】細 $168 火爐上放砂鍋內有好多未熟蜆, 加上好多蒜蓉及芹菜,煮煮下蜆完全打開可以食用。蜆肉新鮮沒沙, 十分鮮甜彈牙, 想不到簡單調味, 那麼美味, 當然餘下湯不會放過飲埋佢,好鮮甜呢!

對於潮汕菜的認識，我們只知其一，不知其二，不過我們都它的興趣依然濃厚，在年輕人中最有名的潮汕菜莫過於心夜來潮，也是我們最常去的。潮式炒飯將蔬菜切成細末，加點肉粒，蝦米，魷魚乾，雞蛋等拌炒而成，上桌時味道很香，很有媽媽的味道。飯粒也是炒得粒粒晶瑩，每顆都恰到好處，不過黏。它吃起來鹹鹹香香，有著蔬菜的香甜，也有蝦米的鮮味。脆炸潮式獅子頭不只是純粹的豬肉，內裡還包含冬菇，蝦米食材等，誘人至極。獅子頭做起來可是很費工夫的，要先把豬肉與調味料拌勻，以人手揉製到肉富彈性，之後要下鍋油炸，才會有著金黃色的外皮。獅子頭外層酥脆，內裡肉質彈牙之餘仍保有微微肉汁，不錯的小食。對於潮汕菜的認識，我們還未去到完全深入了解，所以看到一些未曾接觸過的，我們興趣滿滿，就如這擂茶。擂茶大部份的食材都以茶葉與堅果類的為主，然後把它們打磨，越細口感越好，之後加入熱茶與米通就完成這擂茶。擂茶帶點黑芝麻的香氣，故茶色有點烏黑的。擂茶口感比較飽實及豐富，所以肚餓的時候吃這可飽肚。吃潮汕菜不可能會錯過潮州鴨蛋煎蠔烙吧，這裡蠔仔相當新鮮，鴨蛋比雞蛋的煎得香香的，而且它煎得金黃香脆，味道可口，沾上醬汁吃，百分百滿足口腹之慾。小米餃飄

睇完戲有少少餓，想食蠔仔餅但又懶不想走到廟街，想起上次荃灣那間潮洲店係旺角也有分店，所以又來到心夜來潮食宵夜晚上十一點許，人流還是很多，果然係旺角特別旺，呢度仲要係廿四小時營業鴨蛋煎蠔餅有驚喜雖則我不知道鴨蛋跟雞蛋有咩分別，但特別香口是真的而其粉漿不厚，很簿身所以邊皮特別脆口，沒有一口粉的感覺，而且不油膩，而蠔的質數也不錯，圓圓的很厚肉有質感滷水鵝片而滷水也不錯，甚為入味，而份量也足夠，其實本人特別喜愛墊底的豆腐，淡味的豆腐遇到濃味的滷水汁十分合拍

心癢癢又想去食下潮州粥啦。。。上次係荃灣食過一次。。十分難忘。。。今日放工約左朋友出旺角行街。。。今日天陰陰又帶點雨粉。。。氣溫清涼了。。所以便再食一次心夜來潮個潮州粥啦 難得旺角又比我遇上此店由於我已經食過一次，今次已好有目標咁order野食啦今次第一次點呢個炸饅頭。。。一向我都很喜歡食炸饅頭。。因為香脆的外層。。。中間軟綿綿又煙韌。。口感很好除非。。炸饅頭仲要配上煉奶。。。炸饅頭跟煉奶真是絕配甜甜又creamy..加上了脆身的饅頭皮。。。雖然我們得2個人。。但很快很快 。我們都把這客炸饅頭一一掃光因為熱食時。。味道口感都是最佳炒通菜。。。通菜嫩滑。。。。有淡淡的蒜蓉味。。。為整個通菜都帶出了味道的層次。。一般來說通菜都配上腐乳。。但這店是配上蒜蓉，椒絲。。。但因為我不吃辣。。所以已在下單時把椒絲走了。。。但味道依然看到清翠及每一啖菜都有蒜蓉。。。所以味道又點會唔惹味呢滷水鵝掌。。可以說的上是我心目中的招牌菜吧。。。醬汁十分惹味。。而且每一啖肉都滲入了濃濃的醬汁而且都大大隻的。。。又有肉咬。。口感味道都一流十分喜歡本店的滷水鵝掌嘩嘩嘩。。到我至愛的砂鍋粥啦。。。雖然製作需時。。 但完