207
27
28
港鐵旺角站 D2 出口, 步行約1分鐘 繼續閱讀
所有分店 (2)
電話號碼
36203980
開飯介紹
以潮州小吃為主的小店,餐牌上雖然只有十多款食物,但大都是很少聽過的風味小吃,如手工捻面猴、菜茶、潮式生醃海鮮及小米餃等。 繼續閱讀
營業時間
今日營業
17:00 - 04:00
星期一至日
17:00 - 04:00
公眾假期
17:00 - 04:00
公眾假期前夕
17:00 - 04:00
付款方式
Visa Master AlipayHK 支付寶 現金
座位數目
100
其他資料
網上訂座
Wi-Fi
深夜營業
酒精飲品
自帶酒水 詳細介紹
切餅費 詳細介紹
電話訂座 詳細介紹
賞訂座積分
外賣服務
加一服務費
電視播放
當面支付
有關獎賞計劃
食評 (288)
等級4 2019-02-13
1020 瀏覽
難得約到唔少朋友食團年飯,所以決定去食潮州野,貪人多可以試多幾個小菜。係云云餐廳中最後揀左旺角既心夜來潮,一黎食評唔差,二黎地點方便。之前睇食評咁多人讚好,仲諗住會好full,所以一早經Openrice book左枱,但入座果陣7:15,只有兩三枱客。人唔多,唔會好嘈,但餐廳用無椅背既長木櫈,坐得好唔舒服之餘,我仲要全程攬住個袋食飯,中意久坐既朋友就要注意。食飯前就梗係飲湯先啦,所以點左個胡椒豬肚雞湯,暖下個胃先。足料胡椒豬肚雞湯 $268實物同個名一樣-----足料,雞嫩、大件又唔腥既豬肚、十足既胡椒,非常好飲!!醬鹵鵝片 $140切得夠薄,所以入口鹵汁味夠濃;肉質軟淋,唔痴牙;下面既豆腐片都好好味。心夜小炒王 $98我每次食潮州野必點既小炒王,呢度都唔例外!! 呢度既小炒王除大一般會用既材料外,再加上芋頭絲,整體鹹香十足,又夠鑊氣,不過幾油下。傳統鴨蛋煎蠔烙 $98係米真係用鴨蛋我就試唔出,但呢個蠔餅偏薄身,粉感唔重,炸得未係好乾好脆,入口比較濕潤,但個人比較中意食乾身、脆身、厚身D既蠔餅;蠔既SIZE算大隻。石板紅燒醬香骨 $88石板熱辣辣送上枱,香氣四溢,泰式辣醬味,一客有九支骨。牛柳粒少少辣,個汁夠惹味,不過牛粒較韌,好考驗牙力。脆香小食雙拼 $68 (一口牙籤雞拼魚餅)魚肉餅彈牙有魚味,不過好鹹,係無飯既情況下只好灌水;牙籤雞味道似KFC既雞粒,不過呢個雞肉軟身D,外層亦脆身D。金黃雞油豆苗 $78豆苗唔會炒得太老,仍然爽脆,亦無出好多水。黃金一口炸饅頭 $38/9個第一次見咁細粒既饅頭,名符其實既一口饅頭,味道正常,但價格偏貴。潮式XO醬炒腸粉 $58顏色非常誘人,每條腸粉都沾上醬油色,原以為好入味好香,但入口先知,金玉其外,敗絮其中,唔好話XO醬味,連豉油味都食唔出…櫻花蝦欖菜肉鬆炒飯 $68呢個係咁多款裡面最難食,除左一黎無櫻花蝦之外,個味仲要好油膩好奇怪,千祈唔好柯打。金沙寶寶寶 $98 (鮮魷、腰果、銀魚)最近好興金沙食品,所以見到呢款小菜,就二話不說揀左佢。濃郁既蛋黃配上彈牙既鮮魷無唔夾既道理,再加上脆口既腰果、芋頭絲同銀魚,增添左唔少口感。其實之前一直都想黎,所以我係滿懷期望,但試過後發現呢度既食物偏油、偏鹹,而且份量較細,好似我今次一行8人,每人每碟都只可以食到一兩啖,建議最多6人黎食比較好。加上餐廳用長枱,人多既話,傾計同夾餸都唔方便。 繼續閱讀
(以上食評乃用戶個人意見 , 並不代表OpenRice之觀點。)
有時會喜愛選擇旺區的餐廳的我,因為地理位置方便回家去。這一頓飯,人均消費在旺區此數目不算昂貴,但我認為我會一而再、再而三到訪。希望有心經營的餐廳,可以挨得住租金,繼續為喜歡去食潮洲菜的食客出品更多美食。因為整體質素令人確是相當滿意啊!而且是晚人氣挺熱鬧的,潮洲氣氛更濃烈,那就更好了。這家分店位於旺角中心對面,西洋菜南街的一幢商業大廈內,非常就腳之選同層的有著另一間主打牛肉火鍋的「饕牛記」,兩者吸引,但為著吃潮洲菜而來最後也是轉身去右邊的門口【心夜來潮】吧。推門後看見整舖以木材做擺設又用木桌木椅,古式古香的風味正正有潮洲風格,亦看見全院滿座,呢種感覺漸漸令的期待一會的晚飯呢。黑色的封面的餐牌,一打開,厚厚的一本,選擇非常多令我即刻有有選擇困難症,入面有新派潮汕菜、涼菜、熱炒、湯類、川·湘菜、主食、廚師推介菜等等。標明主打新派潮汕菜應該每款各式其式,沒點太多打冷食物,而點了些道小食為主,愛香口野味的我就點了,爆炒醬啫秋葵、秘製花膠豬手墨魚脯煲及家鄉南脆炸雞呢。特色的潮汕砂鍋粥、饅頭都有得炒、鴨蛋煎蠔烙都是我下次想點的菜式呢。仲見到一些新出左不少新菜式...一張二人檯有一點逼如果闊落點可能會食得更開心。坐低後待應亦好快咁幫我地倒水!落單又夠快,服務非常不錯!落單後非常快送到,這刻心想獲氣會不會不太夠呢?!爆炒醬啫秋葵 $78秋葵係我最鐘意嘅蔬菜之一,但炒既都係第一次食,店員話呢個爆炒醬啫秋葵總是餐牌上的座上客,好多人都會點,是不是因為秋葵是男士的恩物?嘻嘻...鍋底每一處都散發焦香,爆炒完後放置在熱騰騰的石鍋,令原本黏液很多的秋葵變得清爽,吃起來口感卻不一樣,石鍋上的方法可以存熱,但我就認為不夠熱,欠缺獲氣,可以更好!爆炒醬比清炒更惹味,配白飯食一流!豆醬香,仲有肥豬肉碎,微微辣椒,可能就係受歡迎的原因,而且份量不少啊!都好大份,兩個人食足夠有餘!真係好惹味!朋友想試的...秘製花膠豬手墨魚脯煲$138花膠(即魚肚),珍貴之食材,要到大時節,例如冬至,中秋節,除夕或過年等等,才拿出來煮。我愛花膠,因為含豐富蛋白質和膠質,是高蛋白低脂肪的健康食品。秘製花膠豬手墨魚脯煲是否取其意頭:橫財就手?花膠同豬手嘅份量都好多,疊得高高,「滋滋炸炸」熱辣辣,花膠不少充滿膠質,炆得好腍同入味而豬手脂肪不少,筋多可能煮的很久,整體香噴噴,鹹鮮味十足雖然有啲啲肥,但又幾好味。好啦,說說墨魚,墨魚相對花膠、豬手就比較普通一點,因為口感正常,又不算腍身吧!整體味道都算唔錯~家鄉南脆炸雞 $98份量又是不少的一樣菜,南乳的香氣很好,心想有沒有用雞先用南乳醃過夜呢?因為炸雞醃製非常入味。用南乳醃雞,鹹香可以帶出雞肉鮮味,特別惹味啊!炸雞炸得酥酥脆脆的外面香脆裡面肉質嫩滑,帶陣陣咸香,令人難以抗拒伴飯食就最好,而且也可當下酒菜!夠香口不錯。平時所認識的潮州菜大多以打冷為主,而【心夜來潮】就比較集中在地道小食為主,菜式比較少見和特別,食物配搭夠創新外面吃不了,而且成日都有新款食物,有心思夠流得住舊客又可以吸引新客。論服務,店員細心,值得一讚。論環境整體裝演看得出心機不少,大至整體裝演小至小擺設,充滿潮洲能覺。營業時間更是開心,開到夜晚04:00,岩晒貓頭鷹一族搵食吧!對不對? 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-20
2749 瀏覽
同男朋友係旺角睇完星夢情深,再去埋新之城都Shopping,醒起之前去福苑GE南記分店食野時,見到D廣告寫住再上一層係食打冷、潮州野,上次已經心思思想食,反正近,咁就簡左去食呢間。上到去大約8點鐘,嘩,全院滿座咁濟,不過我地行狗屎運,好好彩咁俾我地坐埋最後一張2人檯。一坐低,待應即刻幫我地倒水,同拎左本好厚又重手嘅Menu俾我地,打開一睇,超級多選擇!考起我地呢2個有選擇困難症GE人!待應見我地簡左好耐,所以好好咁一步步咁引導我地,同埋推介左D撚手小菜俾我地,XD係佢地GE幫忙之下,我地終於簡左雞油豆苗($78)、家鄉隔水銅盤蒸雞($138),同埋個潮洲麵線線兜亂($88),本身想試個米粿,可惜今次黎無哂。家鄉隔水銅盤蒸雞呢道菜要等20-30分鐘嫁,但等係值得嘅!蒸雞要蒸得好食,首要嘅野一定係要有一隻嫩雞,而放係傳熱快GE銅盤斬件蒸隔水,雞唔單止快熟,而且傳熱均勻D,唔會搞到D雞一D熟一D仲係生。呢道菜上檯時飄黎陣陣嘅酒香味,見到D雞全部都油油亮亮,就Feel 到佢好好食。呢度雞整得實在出色,用左雲耳、紅棗、杞子、冬菇、薑、蔥等材料去煮,再搭配少少D蠔油、糖、醬油去蒸,出到黎雞火喉剛好,雞件非常嫩滑入味,而最耐人尋味GE係雞食起黎時有陣陣GE紅棗、杞子GE甜味。雞油豆苗雖然用雞油去炒菜唔係幾健康,但難得一餐半餐,就無咩所謂啦,用雞油清炒出黎GE豆苗更加香滑,而豆苗本身新鮮鮮甜,就咁快炒,就已經好好食,再加少少鹽去吊吊味,簡單而Perfect!潮洲麵線線兜亂呢個菜令我諗起新年嘅時候,有道菜叫做撈得起。果麵個口感都幾特別,有D似米粉,又有D似鼓油皇炒麵嘅個款麵底,幾鐘意呢個口感。用左魷魚、冬菇、椰菜、豆芽等等炒,個麵用左些少醬油去炒得姐,大廚炒法了得,個麵炒得好乾身同好有鑊氣,但食起黎又唔算會好油膩,好食。份量對2個人黎講有D多,XD我諗對大棚人黎講,應該係份量好足,性價比好高。呢度都多款簡,下次可以同一大幫朋友黎再挑機。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-18
2067 瀏覽
跟得夫人跟左男朋友去同佢朋友食飯飯,約左系中間點食飯飯,上左Openrice搵,見到呢間餐廳個名咁得意,叫做心夜來潮,於是簡左黎食,Try下潮汕菜。我地大約7點幾到,剛到GE時候都仲未算好多人,後尾未夠8點就已經全院滿座Lo。潮洲麵線線兜亂($88)本身以為呢個麵線可能會好似臺灣麵線咁,好似糊咁,但原來佢系炒麵黎GE,而呢個面GE質地好有趣,佢唔完工炒麵果種咁幹GE口感,軟身D,同掛醬汁GE能力都強D。店家炒野都幾夠火喉夠味,上臺D煙系咁向上飄,而且非常多充料,落左好多魷魚、冬菇、椰菜、豆芽等等果D去炒,我地一台食人,果果都食2碗先肯停手!秘制花膠豬手墨魚腩煲($138)花膠+豬手=養顏聖物,身為貪靚人士之一GE我又點可以唔叫個黎試下呢。我唔太鐘意D花膠同豬手煮到融哂GE口感,而呢度GE花膠同豬手系入味得黎,系仲系有咬口,QQ彈彈爽口果種,幾鐘意佢地GE調味料,鹹甜拿掐岩岩好,好食!傳統鴨蛋煎蠔烙($86)去食潮汕菜唔食蠔餅好似有少少對不起自己,呢個蠔餅GE粉漿系用鴨蛋開的,所以食落去香口好多,店家非常大方,蠔仔好似唔洗錢咁,食個蠔餅都系蠔,啖啖肉,啖啖都補呀!蠔餅香脆可口,蠍仔咬落去爆汁勁鮮甜,點少少魚露少,勁好食!雞油豆苗($78)小編覺得豆苗靚的話,無論點炒都好食,但估唔到用雞油去炒菜會加分咁多,即刻香口左好多,唔再點加調味,果味已經好出,好好食!家鄉隔水銅盤蒸雞($138)呢道蒸雞超超超好食,首先雞唔系冰鮮雞,雞系有好香GE雞味,而呢個雞蒸得岩岩好,入口好嫩滑,而且醃我好入味,店家再放左D木耳、杞子、紅棗、冬菇去蒸,令到D雞入口帶少少GE甜。醬鹵六小碟($148),非常大碟,呢度GE鹵水同出面街食開有D唔同,佢唔系冷盤黎GE,帶少少溫熱,我鐘意!女仔唔可以食咁多生冷野呀嘛!見到有6款喧咁多鹵水可以食,真系開心,今次有豬耳仔、豬腩肉、豬大腸、豆腐、紅腸 同 豬脷,佢地GE鹵水野都煮得幾入味下, 唔會太鹹。豬腩肉唔會太鹹;豬耳仔咬落QQ彈彈又爽口;豬脷都彈牙;我唔食豬大腸,但朋友話好好食,話好有咬牙;豆腐夠入味,好食。朋友飯聚呢度GE氣氛都幾好,而且店家都幾熱情。  繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-15
6 瀏覽
✨旺角深宵食堂 潮洲打冷✨番工攰到狗咁 收工夜一夜要食宵夜慰藉下打工狗既心靈😭呢間主要做晚市 仲開到4點食番個宵夜打冷就最嘆🥰.🔥火熖辣酒煮醉螺🐚($88)有火爐一直滾住 熱辣辣出哂煙螺真係多到痴左線😍估計我自己都食左廿幾隻辣味加上酒煮成既湯底 好惹味味道唔會太辣 可以接受.🦢醬汁滷鵝($132)鵝肉肥美 皮香肉滑滷水汁熬煮好入味 唔會太咸 略嫌皮既肥膏太多.🥢蒜蓉粉絲蒸帶子($42)有冇人嗌呢個係為左食粉絲😂😂送飯食一流!可以食十碗🍚蒜蓉加蔥蒸得好入味帶子大大隻 味道鮮甜🤤. 繼續閱讀
(以上食評乃用戶個人意見 , 並不代表OpenRice之觀點。)