心夜來潮 (已結業)

心血來潮想食潮州嘢，之前經過南記見到一間新開的潮州小菜館，喺旺角地鐵站行2分鐘就到。今日一於同老公來試吓，好彩預先訂咗位，人頭湧湧，如果唔係就有排等啦。餐牌有好多特色潮州菜，可惜兩個人唔食得多，但我最喜歡的滷水就非食不可。醬鹵雙拼～ 豬腸拼豆腐。豆腐和豬腸的滷水味香濃 入曬味但又唔太咸。豬腸好軟熟 洗得好乾淨！豆腐好滑溜 yummy~潮汕砂鍋粥，特別之處在於有得自己揀配料，豐儉由人。配料好多選擇，肉類、海鮮包羅萬有。我們揀左花甲、鮑魚、雞件。即叫即煮，出嚟嘅時候熱辣辣，粥底軟綿綿，雞件同花甲好足料，鮑魚就每隻計錢。花甲和鮑魚都好鮮甜，時間控制恰到好處，所以有咬口得來唔會太老。配上蔥花 芹菜 食落去更加香。豬油渣炒菜心 豬油渣香口～ 菜心爽脆鮮甜 送粥一流！椰樹牌椰子汁 香滑又夠濃 凍飲正！下次多點人去食 可以試多幾樣 冬天食砂窩粥 應該會好正！

講到潮洲野，梗係第一時間講打冷啦，今日就同個朋友黎到旺角嘅心夜內潮，試下新派啲嘅潮洲菜。餐廳位於西洋菜街，如果有去過南記都會知道係邊座大廈，不過未食先考考腳骨力，雖然只係2樓，不過對平時零運動嘅我黎講，已經夠我扯蝦一段好長時間。餐廳位置唔算好多，四四方方，入座時剛好7點鐘，客人已經半滿，心裡羨慕仲以為自己今日收7點已經算好早。不過估都唔估唔到，愈食一路愈多人，到埋單嘅時候已經全部滿座，都幾誇張，可能企企理理嘅潮汕菜館唔多裝潢都幾有特色，木枱木櫈，枱面有埋紙巾、濕紙巾，方便客人。可能入座時未算好繁忙，店員都好細心快手幫我地加左水、然後落單未有發生之前食評所言嘅不禮貌對待，反而收銀姐姐臉色有點不太好。餐牌供應砂鍋粥、醬滷類、卜卜蜆煲、小炒、湯品、飯麵等，我同朋友得兩個人，實在唔係食到好多野，點在個粥都已經飽左7成，所以只係加左一碟菜同小食、炸鰻頭，整體黎講，味道都唔錯，難怪平日都爆滿砂鍋粥 $180（鮮魷魚、花甲王、海蝦）：呢度嘅砂鍋粥彈性都幾高，分大煲（$330起）同細煲($180起），各款配料自由配搭送粥底，價錢都好清晰。例如小膏蟹係$120/隻、海蝦$60/份、鮮雞件$40/份、鮑魚

成日都行過，諗住要食宵夜既時候就黎試一試佢，咁岩今日留定肚就同老公去食喇都知依度主打粥，但篇篇今晚試其他款式先首先叫左XO醬炒腸粉，正香口又好食，落足料唔記得咩名，叫住勝瓜硯湯先硯冇沙OK但個湯同勝瓜就差啲喇，勝瓜有啲老，同埋有陣怪味，好似係廚房切好放左好耐果種嘩，個鮑魚真係不得之了，睇個樣好似蒸到老晒火咁唔好食，但一啖咬落去紅棗果種香甜出哂黎，連個鮑魚都即刻提鮮左，每人兩隻一啲都唔夠喉下次要叫多幾隻黎食方魚炒芥蘭，好食有獲氣，夠野味黎之前有睇啲人話冇以前咁好食，我冇去過舊舖唔知，同埋啲人話伏既野我都冇點所以我地今次係覺得好食既

媽媽的家鄉是潮州，今日就帶她來到在openrice都頗高好評的潮州菜餐廳。*醬醃海膽炒飯 ($88)炒飯粒粒分明，夠鑊氣！不過海膽的份量少了一點，都不夠拌飯。*爆炒醬啫秋葵 ($76)秋葵幼嫩，爽脆；不過有點咸，拌飯食會比較好。*脆香小食拼盤 ($88)又是邪惡的炸物，大佬的最愛。有脆炸獅子頭、巨型脆香手打魚蛋和一口牙籤雞。脆炸獅子頭和平常吃的有一點不同，餡料多一點之餘，質感似魚蛋；巨型脆香手打魚蛋質感比較實一點；一口牙籤雞炸得很脆，很邪惡。*醬滷六小碟 ($138)豬耳仔、豬腩肉、豬大腸、豆腐、紅腸和豬脷。每一款都煮得很入味，尤其最愛豬耳仔、豬大腸和豬脷；豬耳仔爽口；豬大腸和豬脷鹵得入味又夠淋。

::* 自選海鮮粥,客人可隨喜好將海鮮加入粥煮!我的自選海鮮粥加了膏蟹.花甲.瑤柱.雞件,海鮮令平平無奇的粥底變得出奇地鮮甜,而且十分足料!::* 豉椒炒蟶子皇,一碟只需兩隻起計,蟶子皇大大條,好有咬口,爽彈鮮甜,調味亦夠濃味,好吃好吃!::* 這道秘制豬手墨魚脯煲, 可謂"色.香.味俱全",入口陣陣八角的香!::* 近鏡可見豬手份量多,豬手煮得很入味!::* 新鮮豬手跟冷藏豬手果然口感味道有所出入,肉質較嫩,而用墨魚配豬手做煲仔菜就第一次見,一般見到用筍伴煮較多,然而墨魚跟豬手兩者配搭起來十分夾!::* 黃金一口炸饅頭,擺放得像花朵般,外型美觀,饅頭炸到外脆内軟,沾上煉奶伴吃,十分滋味!!

地址好易揾，就係旺中對面。我地行完旺中一起頭就見到。少食潮州菜，今日咁熱又濕咁，食得無咁熱辣辣為好。石板紅燒醬香骨88蚊，用鐵板上好鍋氣。份量勁多件，有成8件，抵！排骨勁林身同好大南乳味，好入味。朋友一路食一路。好少一字骨可以做到肉林，但骨不失軟。方魚炒芥蘭68蚊大碟，芥蘭好硬爽，翠綠色既。方魚就硬硬地同咸，小心，配飯配飯。用薑炒就有少少薑汁，去左菜青味。醬醃海膽炒飯88蚊，海膽是我至愛。因為係醬醃關係係咸點，配飯中和返d味無咁感。一上枱，心諗咁普通？粟米火腿炒飯？配左海膽食之後粟米有返甜味，nice。醬醃海膽係咸，但不失鮮味。無試過係潮洲店食甜品，榚燒蕃薯芋58蚊，有點似日本野食名。又係好大份，多人食都得，咁多件。蕃薯同芋頭都粉既。小食滋味，但多食好熱氣。最後飲擂茶16蚊咸咸地，完結潮汕菜既重口味 咸的一餐。有個帶眼鏡既男店員好細心解釋d菜名比我地，例如咩係炒饅頭。好得意可以之後試下，見有人食一口饅頭都好可愛。

每次講起潮洲菜，就令人唸起打冷仲有麻甩(!?)但今日男友就帶我黎到旺角呢間開到夜晚三店既潮洲食堂感受不一樣的潮菜。位於三樓，裝修屬懷舊客棧風。我地被安排既座位，隔離竟然有潺潺流水聲，原來旁邊放住一座石造擺設，望住佢就好似做緊SPA甘。方魚炒芥蘭 $68好惹味既炒菜，充滿油香，芥蘭好爽同實心，不過重口味既男友就略嫌佢唔夠咸香。脆香小食拼盤 $88左: 巨型手打魚蛋唸個魚蛋大得黎真材實料。魚蛋彈牙，有五香味，而且外層炸得夠乾脆，會食到上癮。上: 脆炸獅子頭另一個炸大肉丸，內裡有豬肉及冬菇，外皮是酥脆口感。下: 一口牙籤雞好迷李的串燒炸雞，外層裹了脆米，口感好有層次。潮洲砂鍋粥(小膏蟹和花甲王) $180砂鍋粥以自由配搭模式下單，只要在眾多海鮮配料中揀選好心水組合，餐廳就會即時烹煮。我地揀左小膏蟹再加上花甲王，出黎味道香中帶甜，而且粥身好綿滑。膏蟹唔算多膏，但金黃色既蟹膏十分甘香，花甲肉飽滿，有肉汁。天地一號 $18藍妹啤酒 $32食住小食飲啤酒最適合不過，估唔到呢到仲有果醋天地一號，令到食宵夜既罪惡感大大減低。

心夜來潮對我並不陌生,它原址在旺角,搬遷後現址同樣在旺角,現在這間位於西洋菜街的新店,無論環境與座位更為美觀及舒適,裝潢用上木枱.木椅.石牆,仿古代感十足!• 凍馬友,潮州特色菜之一,沾上普寧豆醬慢慢細味,一流!• 炒通菜夠鑊氣,嫩綠不黑!• 豉椒炒蜆,一上枱香味撲鼻!• 伴炒的小魚仔• 豉椒炒蜆,炒到每粒蜆肉都有汁掛著,加上有些小魚仔伴炒,辣辣地很野味!• 潮州生醃螄蚶,陣陣蒜頭香,螄蚶獨特的紫赤色肉柱,極為鮮甜的味道,真的讓人念念不忘!這裏上菜時會跟一碗白粥,醃螄蚶配白粥,一濃一淡不錯的配搭!• 螄蚶雖美味,但其驅殼帶沙泥,所以清洗上都需下點功夫,這裏的螄蚶清洗得十分乾淨,這點很重要!• 店員很細心,看我開不到正打算用熱水熱一熱再開,她親自教我正確使用開殼器用法,在這都跟大家說一說,只要將開殼器放在螄蚶開口的背面凹位,雙手按著左右兩邊,一拍即開!

炒米粉有潮州家鄉菜feel整體都唔錯店面夠光猛又企理乾淨設計上有中國風的菜館氣息出菜方面速度都可以唔算過快感覺係即叫即整的感覺雖然菜色睇光好似幾多油但食落唔油膩

味道大有進步，上次來過，真心差，今次唔知係咪轉左師父，有水準，味道不錯，秋葵野味，炒花甲入味，蠔餅推介，服務生態度不錯，上菜速度快，等候時間算快，7點左右都係等左10分鍾左右

今次同幾個朋友黎食 試左幾樣唔同嘅菜式同平時食開嘅潮洲打冷唔太一樣 又無咁好食😔😔😔 完全唔明點解會咁受追捧🤔🤔🤔家鄉隔水桶盤蒸雞 $138呢個雞唔算平 但雞件又唔多 又唔新鮮 又多骨 冇咩肉🙃鐘意咬骨頭嘅你 可以叫黎磨下牙😌石板紅燒醬香骨 $76呢個有石板同冇石板都冇分別 因為係唔熱 完全唔熱 個石板可能係for 人凍食？🤔而且整得唔夠淋 好難咬 或者專得煮到好似橡筋咁？🙃食完呢次 真係永冇下次 野食雖然價格中等 但比呢到好食嘅餐廳大把 唔洗特登黎食呢到唔算平 又唔夠好味嘅野🙃

同行十人去到旺角「心夜來潮」早幾日卜左枱安排到另一邊既圓枱俾我地，可惜張枱太大，另一邊全部長枱話唔夠坐當日大家直頭要企係度食，仲要行黎行去甘夾對面啲野食海鮮粥（大）二隻蟹同蠔仔蟹多膏，但窩粥唔夠味好淡雞粥（細）二份雞 咸豬骨 螺片依窩勁有咸豬骨味，有點偏咸，但比海鮮粥有味..牛腩窩同蜆窩 已是大窩 分量超小其實大部份嘅份量都係偏小，甘計法價錢就變左偏貴....又唔特別好食，連最期待嘅海鮮粥都煮到甘，唔會考慮下次再食

One of my friend introduces here to me, to try a very nice Chiuchow food she said.the place w is very nice, have their own style, like an old chinese culture HOWEVER, the food is terrible 😑As I love soup, so we try these two kind of soup dishes the first one is just like put some random vegetables together, very oily and salty😢the next one, more worst.Is a clam soup, but i rarely find it in the soup😶maybe it should rename "clamshells soup"?when I try to tell the waiter it is no clam inside, but

我記得 一年半前 朋友第一次帶我係舊店食 係真係好好味 食完係會再諗下次幾時再黎好但無諗過今次再黎新鋪呢到 水準差左咁多😔以前menu 上雖然得幾款餸 但每樣都好正 而家多左好多野揀 但每款都一般 甚至可以話係唔好食😐😐😐出左名失左水準 真係........呢次得兩個人食 所以叫嘅野唔多叫左個手打魚彈 上次食過 好彈牙 今次再食真係一般完全冇彈牙嘅感覺 而且唔係新鮮炸起 上枱嘅時候唔熱 好失望😑之後到呢個雞勁多油 好油膩 而且d 雞好重冰鮮味 去腥去得唔好😢同埋唔知係咪因為我地叫得兩碟野 野都未食曬 就好想趕我地走咁 😑而家完全唔想再幫襯 嬲🤢

兩個人嗌左中膏蟹 一份花甲王同一份海蝦🦀🦐🐚膏蟹冇乜膏lol 以為花甲王啲肉會大隻啲 點知同手指公差吾多 至於蝦冇乜特別 不過幾吊至煲粥既味👌🏻食到一半開到隻蜆 店員立即成煲換過新俾我地 值得讚既！😅👍🏼 兩個人二百六左右埋單 算抵 不過吾會再翻兜😐