心之食堂 (裝修中)

家人難得開車到銅記食個家庭飯，去到心之食堂幫襯一下香港小店，點知得出結論一個字「伏」。成咗近$1500，點知我哋食的嘢比「葵涌廣場」、大埔小店不如，貴....例如點咗個$80幾鈫的日式抄雜菜，返嚟的喺椰菜炒草菇，成碟水汪汪咁，見到就想話句「回水」。鰻魚石頭鍋飯、牛仔粒、牛舌芯等，一個字「咸」，咸到無曬味覺。🤢海胆杯食材喺有腥味的，證明有幾唔新鮮🤮，唔新鮮食材在夏天嚟講會攪出事嚟的。😷日式煎蛋、芝士吉烈蝦用大量平價沙津醬蓋過食材的「唔新鮮」，秋葵沙津攪到成碟「出曬水」。今次最好彩喺無食到「食物中毒」，但喺真心想講句「唔好攪衰香港美食天堂的美譽吧」唔該。🤮失望到爆，三個大人、一個細路都食成$1500，真有點「貴得意外」，因為用極平價的食材、極差的手藝 同 極難食的感覺，連小朋友都唔想食，真喺要好好檢討一下往後的路。🤦🏻‍♀️

今日放工黎到心之食堂雖然係樓上Cafe，但地方都好就腳好易搵一上到去門口佈置好和風特別鍾意呢塊門口塊布簾入到去環境都幾舒服今次同朋友嗌咗五個送，一杯嘢飲大概四百幾蚊連加一雖然每樣食物嘅價錢都唔算好平但係絕對值得嘅價錢，好味！咁多餸最特別一定係呢個一嚟到店員就淋咗啲汁上去然後就有火係咁燒呢個餸唔係淨係得個樣串燒入面既牛肉都好味，有牛味又唔un推！呢個係炸蝦卷都唔錯裏面除咗有炸蝦仲有牛油果，青瓜等外面仲有蟹子，海苔同魚子食炸蝦卷最怕就係炸蝦已經林晒但係呢個炸蝦個皮keep到好趣卜卜唔錯帶子刺身裏面塊青瓜好驚喜唔轉個角度真係見唔到塊青瓜塊青瓜真係加左分令到成個帶子更加清新呢個大阪燒細細隻不過有成寸厚蛋香味重，仲要係心型鰻魚茶漬飯清清地加埋濃味嘅鰻魚十分

今晚想食日本菜，唔打唔撞黎試新野。舖頭細細，但裝修好用心，環境舒服，坐得鬆動。同老公一人一杯，我就飲左Fruit Punch，賣相靚之餘，味道唔算太甜，arm曬我口味。老公叫左西柚橙味白啤，第一次飲覺得好特別，易入口，好似飲緊柚子茶咁。唔知有幾耐未食過厚切三文魚，啖啖肉。海膽咁新鮮，直接食，唔配紫菜都冇問題，好後悔冇叫海膽杯。胡椒豬骨湯煮蜆，唔好以為日本餐廳煮唔出胡椒湯既精髓，我話你知湯底真係一流，好在唔太辣，唔會搶左蜆既鮮味。主角出場：甜蝦軍艦&邪惡包Close Up望下就知點解「邪惡」，整到成個包樣，方便進食。鵝肝極野味，帶子中和返鵝肝既油膩，配合得宜，令人一試難忘。我諗最邪惡既部分係你會想再食多一舊。牛舌又係正正子，鍾意食牛一定要食。心之火焰鐵板牛柳串，上枱既時候大陣像，用火燒一燒，食落更香口。燒雞奕串不嬲都係我至愛，重點係要燒得夠乾身，調味好就加曬分。餸菜選擇都幾多，唔夠飽仲可以叫飯面，而我就揀左豬軟骨烏冬，貼心咁加左好多菜，清一清口腔都唔錯。不得了，竟然有我最最最愛既炸芋圓，少見。熱辣辣真係超正，入面煙煙銀銀，甜度都好適中。

今次已經唔係第一次食架啦 自從上次食完之後就心掛掛 所以見出開銅鑼灣就去再試下啦！門口幾特別雖然係樓上食店，但都坐無虛席 就知道無翻咁上下都留唔住食客啦海膽蟹籽杯 $68海膽甜美唔腥 下面仲放左大量蟹籽 再下面係飯 三重享受 淡淡都有 正！蒜片牛柳粒石鍋飯 $98牛柳好鬆化 重蒜同牛肉味 飯都浸哂牛味厚燒牛舌心 $58牛舌心係名定真係有個位置係叫牛舌心呢？不過佢同食開既牛舌唔同，口感好特別 唔痴牙同好鬆化京葱雞肉串 $38大大既京葱配上雞件 係我既至愛呢到都燒得唔錯 唔太熱氣又有串燒風味李小龍卷 $68完全係比個名吸引住，入面有炸蟹鉗 牛油果，魚子醬，蟹籽同青瓜 味道都幾夾 咬落去爽得黎又有炸物既脆 好食忌廉溝鮮奶 $38 加 熱生薑茶 $28熱生薑茶，薑味濃厚！食完串燒後飲用幫助消化和解膩。忌廉溝鮮奶，選用新鮮忌廉，甜度適中，十分推薦總結，牛舌心推薦大家 而性價比高既餐廳買少見少啦 仲係係銅鑼灣既 下次會再試其他食品！

今日想食日本菜，想試一啲之前未食過嘅餐廳，望過 OpenRice同 google review, 揀左心之食堂來試下。天氣咁熱又飲晒自己樽入面的水，一定要叫野飲。綠色個杯係菠蘿薄荷特飲，菠蘿同薄荷都幾 match, 夏天飲真係覺得消暑透心涼男朋友個杯係 fruit punch, 佢話 okay。海膽蟹子杯 （等於海膽加蟹子加壽司飯）食得出海膽係新鮮的，呢個好重要，雖然無喺日本市場食到的咁鮮，但在香港來講，絕對收貨 👍🏼原來海膽同蟹子送飯都幾 match 架喎，不錯。燒白鱔。呢度都有燒物食。揀個少見的來試下。嘩，不得了白鱔肉質結實，唔腥，魚皮燒得脆脆的，配埋燒汁真係一流 仍在回味中不過如果可以平少少就更好了 左邊係李小龍卷。口感豐富，内有蟹肉、牛油果及青瓜。外有蟹子和魚子。好味。邪惡包 😈 雖然帆立貝同煎鵝肝好似無咩關係，但食落佢地配合得幾好。鵝肝煎得微脆，入口豐盈，帆立貝略略煎過，介乎生與熟之間，風味頗佳。炸雞軟骨：新鮮炸起，味道唔錯食左咁多小食，食返個飯先。燒汁牛肉飯價格合理，48 元，份量、味道正常。今餐最喜歡的食物係燒白鱔同邪惡包

自從上次去完心之食堂之後就一直好想再食一次，因為覺得價錢合理又好好食！無論上次定今次去，都係嗌到成枱菜，樣樣都好好食呀😍😍上次嗌咗一客三文魚刺身兩個人食覺得唔夠喉，今次我同朋友去，兩個都係三文魚控，所以專登叫咗兩客三文魚😂啲三文魚刺身真係一流呀，佢超級肥美有好新鮮，而且好厚切好大塊😍食得好滿足🤤我叫咗杯熱朱古力，朱古力上面有好多棉花糖，飲落好有口感，暖暖地又甜甜地，好味😋南瓜薯餅係新鮮炸起，啱啱上菜一擺落口仲好辣口😂😂入面啲餡軟林林，出面炸到脆卜卜，點埋沙律醬食就一流😍豆腐酸酸甜甜咁非常開胃，又唔會酸到頂唔順，係啱啱好！不過冇諗過豆腐有咁大份，兩個人叫有少少飽😂😂呢個飯我上次已經叫過一次㗎啦！一樣係好好食，啲牛柳粒好林，啲蒜片又好甜，完全冇平時蒜頭嗰種辣味！

近幾個月都係銅鑼灣出沒，所以自自然然就有好多時間去發掘一啲有特色又好味既餐廳。銅鑼灣真係好多食店，價錢由平到貴都有好多選擇。個人特別中意食日本料理，因為除左菜式豐富之外，日本人對食既要求都頗高，所以經常有好多別出心裁既料理出現，簡直係色香味俱全。今次經過百樂中心，又見到長長既人龍，我同朋友又想去試新餐廳，考慮左一陣就決定去心之食堂，因為好似有唔少好評。一上到12 樓，就見到心之食堂既大門，門外掛住既帳簾好有日本氣氛。而且牆身亦有唔少粉紅色既櫻花🌸，美輪美奐。我地一入座，餐桌已經放好餐具同餐牌，仲有醬油同小碟。心之食堂食物既種類好多，佢分開左燒物同主食，再細分左沙律🥗、小食、炸物、刺身等等～ 食身種類繁多，而肉類亦分左雞、豬、牛同羊，基本上想食咩都有 😍巨峰提子汁 $48由於天氣酷熱，我地首先點左一杯巨峰提子汁 🍇，消消暑開開胃。呢杯飲品充滿清新果香，清涼又好味。三文魚刺身 x 海膽 $38 + $58海膽名貴大家都知，靚既海膽難求，而且數量少～呢道海膽好鮮甜，味道完全唔腥唔臭，海膽既鮮甜微咸既味道充滿口腔內每一個味蕾，難怪咁多人都中意食海膽😍三文魚腩刺身簡直係味覺享受 😋 三文魚

今晚朋友生日想食日本嘢，而佢又鐘意食海膽，所以係openrice search左呢間日系式心之食堂，地點係銅鑼灣時代後面街，地點方便！各自叫左杯汽水，另一杯有漸變顏色的叫水果特飲，可以試試海膽刺身用個杯子裝入幾塊海膽配紫菜，好特別的擺設食具，海膽好鮮甜海膽蟹籽杯因為海膽太鮮，再叫多一款，呢個下面鋪左蟹籽同飯，又是另一種口感黑松露帆立貝呢個好趣緻，用個浴缸來裝著肥美帆立貝串，我諗佢等緊我出浴甜蝦刺身甜蝦肥美身材坐係小櫈仔度等我，好可愛炸紫薯粟子粒粒粟子的口感加上紫薯蓉，外脆內軟火焰鐵板牛柳串著火果刻好靚，啖啖牛肉配塔彩色椒，最後食埋個波蘿，一d也不覺得膩芝心海苔蛋卷一切開就流緊芝士出來，咬落去有蟹籽，上面有酸甜番茄醬，有新意！彩虹卷顏色好靚，飯里邊係炸蝦，青瓜，上面有黑松露，口感豐富總結：朋友食得開心，服務態度好，用心裝扮每件食材，值得再來，價錢每人二百蚊左右！

雖然成日都喺銅鑼灣覓食，但係發覺原來仲有好多地方未去過。就好似今次同朋友去嘅心之食堂…心之食堂位於銅鑼灣耀華街3號百樂中心12樓1203室，樓下就係酒吧區，夜晚黎食，別有一番風味。唔只地區選址特別，就連裝潢亦都好特別，有運動既元素，又有文青既元素，有個開放式廚房，仲有少量 boardgame同書藉 ～燒雞皮($38)，一客有3串，如果唔落檸檬，可以話係無咩味道，不過其優勝之處係唔油膩！芝士他他炸蝦($58)，如果塊芝士可以再溶啲就好啦。炸蝦再加上沙律醬，味道同m記嘅炸蝦堡完全一樣！汁燒白鱔($78)，唔係度度都有白鱔食，所以當然要品嚐下啦～白鱔肉質彈牙，外皮燒至香脆，一串是唔夠兩個人分啦…黑松露牛油帶子($88)，帶子下既菜吸走左部份既油，所以唔會太油膩。牛油嘅咸香再配搭上黑松露嘅微香，再加上帶子，值得品嚐～紫薯甘粟餅($33)，即叫即炸！因為粟子餡比較少所以嘗唔到粟子味道，當成紫薯餅食就可以了～對於鰻魚愛好者既我梗係點原條鰻魚石鍋飯($118)，真係成條鰻魚直上嫁！石鍋飯入面仲要有飯焦，脆卜卜，好好食。不過如果重口味嘅人可能會覺得有啲淡，因為無咩汁。因為唔係好多位，所以如果想食建議提

今天同友人逛書展，行吓行吓行到不知不覺已過了晚膳時間！已經是九點了！友人帶我到銅鑼灣日式小店~~心之食堂作晚膳。一入到店內，感覺全部返晒嚟，店內氣氛非常好，擺設非常特別，有日本小店的格局，心情頓時返回日本一樣！我們非常肚餓，所以急不及待點了海膽蟹子杯及呑拿魚剌身作前菜，飲品就點了西柚橙味白啤及抹茶奶泡少甜！不出我所料，飲品及前菜好快就送上，當時我嚇了一跳，估不到68元的海膽杯竟有多片加拿大海膽~我的最愛，我倆忍不住好快就消滅它，還有肥美的呑拿魚剌身，我倆都特別喜歡！還有我嗰杯西柚橙味的白啤，果味同啤酒之間融合得剛好，不飲啤酒的人都應該一嚐，非常易入口而又不失啤酒本身的味道。在這，我真的不能不表揚這在銅鑼灣之小店，簡直物超所值！真的，在銅鑼灣區很難找到這抵食而又有質素的小店了！我們之後再點了心之魚生飯，因為之前既海膽蟹子杯實在不夠，所以我們encore再點了魚生飯，魚生飯非常新鮮肥美！飯與飯之間夾有蟹子，大大粒魚生有厚度地佈滿整個飯面，最為感動的是這個魚生飯是心型製作的，我幻想如果情侶嚟這小店表白，真的好浪漫呢⋯⋯似有若無意，隱瞞而又有情意，自己諗到都開心呢⋯⋯估唔到係香港揾到這類小店！

聽說銅鑼灣耀華街的百樂中心有好多好野食,所以放工約朋友一起來Dinner~嗯,百樂中心係有好多選擇,唔知食邊間好呢!當排緊隊等lift時,有位嬸嬸派了張傳單比我哋, “心之食堂”,食日本菜,貌似不錯,就去試試吧~間餐廳細細地,大約10張檯左右,裝修有點似CAFÉ,上餐的器皿好得意,是檯檯凳凳,好似壽司坐係上面,等我們食。D卷物的名都有心思:邪惡包,李小龍包,彩虹卷,聽個名,不知是什麼,咁點來試試有幾邪惡,點樣李小龍法,係咪彩虹咁靚先?哇哇!!望個樣係大件,多餡,味道我係未食過的,好食喎!!脆脆吞拿魚腩卷都好食,吞拿魚腩新鮮肥味,入口即融~~蟹肉忌廉餅,夠熱夠脆,忌廉好滑,蟹肉都多!!鰻魚茶漬飯,鰻魚的份量都多,很淋身,配埋好多芝麻係面,好好食

奶油包最鍾意試新野而朋友話俾奶油包知道銅鑼灣有個地方唔錯奶油包決定去試一試去到門口覺得『心之食堂』都幾隱蔽入面既設計都幾得意有2架單車掛係牆上而點餐係直接畫係MENU上奶油包同朋友就點左下面既野食帆立貝刺身 ($38) so fresh一啖一隻而且中間夾有青瓜味道上係好清新既上枱既小木枱好得意甜蝦刺身 ($38)呢個堅好笑好似D蝦識坐咁勁攪笑講真...蝦唔係好fresh可能係因為食左好fresh既帆立貝刺身之後嚟個芝士他他炸蝦 ($58) 同咖哩薯餅 ($33)奶油包比較鍾意食咖哩薯餅因為我係薯王....芝士他他炸蝦我就覺得一般啦芝士炸雞 ($58) 呢個建議襯熱食因為D芝士熱既時候可以拉絲味道唔算太濃燒雞皮 ($38) 同燒雞軟骨 ($38)2樣都唔錯特別係個燒雞皮出面好似唔多見有得食燒鯖魚飯 ($68) 呢個真心覺得食完好飽肚份量多不在話下而且真心覺得好食既D飯加左D飯素咸咸地真係令人好想食晒個飯燒鯖魚更加不在話下奶油包係鍾意食燒鯖魚既因為啖啖肉奶油包覺得食物方面唔錯值80分

原來百樂中心呢到真係好多餐廳😆今次就嚟咗心之食堂食dinner😎#心之火焰鐵板牛柳串 ($88)😋好味指數：(6.5/10)都真係幾大火😂不過唔係維持好耐，所以影相拍片就要快啲喇😆有舊菠蘿同薯角係下面🤔串燒就有三色椒係到，望落去色彩繽紛🌈食落去肉質就比較普通😤#心之蛋卷 ($88)😋好味指數：(7.5/10)上面支咗啲茄汁係到😙入面就有芝士同三文魚碎😚一切開就見到啲芝士流緊出嚟，食落去蛋味都ok嘅😝#胡椒豬骨湯煮蜆 ($78)😋好味指數：(7.5/10)豬骨味幾重，再加埋胡椒味好香😆(飲咗一啖會上哂癮繼續飲😂)蜆份量都幾多，入面又冇乜沙😍仲有啲菜係裡面添，吸哂啲湯再食真係好正😋#鹽燒雞翼 ($48)😋好味指數：(7/10)燒得幾香，唔會太乾☺最好係雞翼嘅骨已經拆開，所以好輕易食到😆#脆脆吞拿魚腩卷 ($68)😋好味指數：(6.5/10)材料有碎吞拿魚腩、青瓜、蟹籽、同脆脆😚最得意係張櫈仔🤣上面有好多碎吞拿魚腩，不過食落去就冇乜味道🤔#三文魚茶漬飯 ($48)😋好味指數：(6.5/10)有啲三文魚碎係上面😚個湯味道ok🧐整體上不過不失🤔.⭐溫馨小提示📌如果帶小朋友去食串牛嘅時候就要睇住小

心之食堂位於銅鑼灣百樂中心，之前都有來過這商廈的其他餐廳，次次都要排長龍，今次同媽媽特別晚點來，差不多九點才到，果然避開人潮不用排長龍，上到餐廳，牆身裝修不錯，具格調~燈飾亦好特別，但位置有點逼，好有日本居酒屋的風味😂🐟脆脆吞拿魚腩卷 $68以迷你椅子裝住，好得意，面頭有吞拿魚腩三文魚籽同沙律醬，吞拿魚腩好有鮮味，卷入面就有青瓜加好似天婦羅的脆脆，一件多重口感，正😍👍🏻👍🏻！💜紫薯金栗餅 $33紫薯金栗餅新鮮炸起，熱辣辣，更有別於平時的紫薯餅，這個加入金栗，令味道更加豐富及香口😝！🔥心之火焰鐵板牛柳串🐮$88呢個係被佢個火焰吸引而叫，但個火燒得好快，影得相來已拍唔切片🙈，下面仲有薯角同燒菠蘿，牛柳串不過不失，我又愛燒菠蘿，酸酸甜甜又多汁😋 .🐟三文魚刺身(4片)$38刺生中我最愛吃三文魚，所以都是必點三文魚刺身，同樣用上小椅子上，三文魚肉厚肥美，亦好新鮮😋~🐔鹽燒雞翼$48雞翼開邊燒，方便食用，富鹽香，炸得香脆💛鐵板豆腐$48豆腐嫩滑，雖然多汁，覺得有點不夠味，但媽媽就覺得夠，可能我重口味😂🙈💙燒鯖魚飯$68鯖魚都燒香，幾好味，飯特別整成心型，上面就加上飯素，增添特式😉💜藍蝶花白桃乳酸

下大雨到好似黃雨咁，肥髀又想食日本菜，搵咗呢間食評幾好嘅，事先打電話問有無位，男店員聽電話，佢話有位，我仲想問多句，佢已經收咗我線😑上到去電梯大堂好窄，只有大大個招牌，入內店員問我有無訂座，我話無但已打電話話ok，女店員就指示我坐中央2人枱，店內黑色主色，加掛牆單車🚲做裝飾！講真唔似食日本菜，而且角落放咗啲雜物，比較雜亂！餐牌就係落單紙，圖文並茂餐牌已過膠，用箱頭筆揀好菜色，交比男店員，佢無覆單接咗餐牌就走咗（雖然最後無漏單，感覺上不被尊重）食物好快到！不過唔跟次序上嘅（即係熱食會上早過啲冷盤）果汁特飲🍹（$38）fruit punch，味道水果味酸酸甜甜，開胃味道唔假！日式蟹籽沙律（$58）賣相幾靚，不過蟹籽唔多，蟹籽卜卜脆，加大量西式沙律菜，我同肥髀較喜歡嘅係青瓜絲沙律，沙律菜爽脆！幾好！厚燒牛舌心（$58）一串三塊，加咗好多淮鹽，所以食落頗辣，牛舌肉質無筋有咬口，而且有肉汁，其實唔落咁多調味料，搶咗牛舌本身嘅肉味！心動大阪燒（$88）呢個同想像嘅大阪燒唔同，第一用小碗上，好厚身，燒餅入面有椰菜、章魚🐙，雖然煎過，但太厚，入面唔熟口感好粉，無大阪燒嘅煙韌，雖然淋上大阪燒嘅醬同木魚片