更多
2018-07-16
107 瀏覽
下大雨到好似黃雨咁，肥髀又想食日本菜，搵咗呢間食評幾好嘅，事先打電話問有無位，男店員聽電話，佢話有位，我仲想問多句，佢已經收咗我線😑上到去電梯大堂好窄，只有大大個招牌，入內店員問我有無訂座，我話無但已打電話話ok，女店員就指示我坐中央2人枱，店內黑色主色，加掛牆單車🚲做裝飾！講真唔似食日本菜，而且角落放咗啲雜物，比較雜亂！餐牌就係落單紙，圖文並茂餐牌已過膠，用箱頭筆揀好菜色，交比男店員，佢無覆單接咗餐牌就走咗（雖然最後無漏單，感覺上不被尊重）食物好快到！不過唔跟次序上嘅（即係熱食會上早過啲冷盤）果汁特飲🍹（$38）fruit punch，味道水果味酸酸甜甜，開胃味道唔假！日式蟹籽沙律（$58）賣相幾靚，不過蟹籽唔多，蟹籽卜卜脆，加大量西式沙律菜，我同肥髀較喜歡嘅係青瓜絲沙律，沙律菜爽脆！幾好！厚燒牛舌心（$58）一串三塊，加咗好多淮鹽，所以食落頗辣，牛舌肉質無筋有咬口，而且有肉汁，其實唔落咁多調味料，搶咗牛舌本身嘅肉味！心動大阪燒（$88）呢個同想像嘅大阪燒唔同，第一用小碗上，好厚身，燒餅入面有椰菜、章魚🐙，雖然煎過，但太厚，入面唔熟口感好粉，無大阪燒嘅煙韌，雖然淋上大阪燒嘅醬同木魚片
上到去電梯大堂好窄，只有大大個招牌，入內店員問我有無訂座，我話無但已打電話話ok，女店員就指示我坐中央2人枱，店內黑色主色，加掛牆單車🚲做裝飾！講真唔似食日本菜，而且角落放咗啲雜物，比較雜亂！
餐牌就係落單紙，圖文並茂餐牌已過膠，用箱頭筆揀好菜色，交比男店員，佢無覆單接咗餐牌就走咗（雖然最後無漏單，感覺上不被尊重）食物好快到！不過唔跟次序上嘅（即係熱食會上早過啲冷盤）
Fruit punch
12 瀏覽
0 讚好
0 留言
果汁特飲🍹（$38）fruit punch，味道水果味酸酸甜甜，開胃味道唔假！
蟹籽沙律
7 瀏覽
0 讚好
0 留言
日式蟹籽沙律（$58）賣相幾靚，不過蟹籽唔多，蟹籽卜卜脆，加大量西式沙律菜，我同肥髀較喜歡嘅係青瓜絲沙律，沙律菜爽脆！幾好！
厚燒牛舌心
9 瀏覽
0 讚好
0 留言
厚燒牛舌心（$58）一串三塊，加咗好多淮鹽，所以食落頗辣，牛舌肉質無筋有咬口，而且有肉汁，其實唔落咁多調味料，搶咗牛舌本身嘅肉味！
大阪燒
10 瀏覽
0 讚好
0 留言
心動大阪燒（$88）呢個同想像嘅大阪燒唔同，第一用小碗上，好厚身，燒餅入面有椰菜、章魚🐙，雖然煎過，但太厚，入面唔熟口感好粉，無大阪燒嘅煙韌，雖然淋上大阪燒嘅醬同木魚片，上菜木魚片都唔郁，一啲熱氣都無，好似食菜撈薯餅咁！唔知我孤陋寡聞，定係真係有呢種唔脆唔熱唔煙韌嘅大阪燒
豬頸肉烏冬
2 瀏覽
0 讚好
0 留言
香草豬頸肉烏冬（$48）比較細碗，烏冬粗身煙韌彈牙，不過佢唔係好傳統日式嘅配菜，我未見過配黃芽白菜（幾嫩），粟米粒幾甜，豬頸肉燒得幾香，但浸湯後無咁香口，醃得入味！好味！不過湯式比較味精，湯太鹹了
彩虹卷
5 瀏覽
0 讚好
0 留言
彩虹卷（$68）高腳木架上菜，賣相幾靚，每件卷黏不同味粉，中央炸蝦脆脆，飯鬆軟，青瓜爽脆，好味！
大啡菇
10 瀏覽
0 讚好
0 留言
鹽燒大啡菇（$48）菇身燒得乾身，水份燒乾了，菇味更濃，木魚片因蒸氣郁郁下，菇煙韌，加鹽鹹香！加木魚片鹹味！好味！
後加：
炸芋圓
15 瀏覽
0 讚好
0 留言
炸芋圓（$38）賣相幾可愛，金黃色熱辣辣，切開見到兩色（紫、黃）熱辣辣軟糯香甜！好味
綠茶雪榚
2 瀏覽
0 讚好
0 留言
綠茶雪榚（$28）高腳杯綠茶雪榚🍵加朱古力漿，綠茶味濃，但夾雜冰碎，口感唔夠軟滑！
男店員感覺唔熱心，唔夠nice，見到就做，唔覆單唔多說話，講野比較倔，女店員nice啲，會積極啲答問題，好似我在openrice見每人消費滿$250就有折扣，女店員解說要經openrice訂位先可以有呢個折扣！
食物有點失望！
張貼
