德記潮州菜館

營業中

休息中

西環多老店，德記潮洲餐館係其中一間，多年來小舖轉大舖，舒適度大大提高。先來個潮洲鹵味: 🍴鹵水鵝肉片肉質軟嫩，點白醋，鵝片下面有鹵水豆腐，都係林地好軟熟然後就係海產類必食既：🍴馳名蠔仔餅首先見到佢係好大塊既，食落見到啲蠔大到嘩嘩聲！落足蠔仔，又多蔥，蠔餅香脆，油唔算太多，粉唔唔厚，是但夾一角都有蠔仔最後叫左魚類：🍴潮式炒魚麵呢個都幾特別，我第一次食咋，好似食緊一條條魚片甘，彈牙，以芽菜、蛋絲、韭菜花、蘿蔔絲炒成。色彩繽紛，食落都好味。三五知己送酒一流呀🍻下次要試下其他菜，都好吸引！

前幾日先响太子食完潮州菜，果度話就話係私房菜，但我覺得味道普通過唔普通，頓時令我想起德記，等阿sir出完trip即刻拉佢嚟食。蠔仔粥叫一碗已足夠兩個人食，每人分到兩細碗，蠔仔好大粒脹卜卜，好鮮好有蠔味，仲有我至愛嘅大地魚，令成個粥清得嚟又帶點魚香，必叫推介鹵水鵝片每次嚟都叫，鵝片鹵得非常入味，大大片肉唔會鞋，最靈魂係塊鵝皮，又香又滑帶點肥膏，令人唔會捨得放棄佢；墊底既豆腐都係大大塊，吸收晒鹵水既精華，千祈唔好錯過呀九菜蜆肉雖然係小菜，但阿sir超鍾意食，九菜味唔會太濃，但就啱我怕食九菜既人，蜆肉份量比較少同細粒，如果大粒d就正豉汁蒸白鱔鱔好肥美好入味，大部份都爆開晒所以唔算多骨，百零蚊食到佢我覺得超抵，推介後記：平日假期都超多人，一定要記得訂位呀兩人共消費：$345

中菜黎講，我都幾鍾意食潮州菜。今次黎到大名鼎鼎嘅德記，一於要食盡佢！12個人岩岩夠一圍，一於叫個12人套餐，每人埋單200蚊多啲，都幾抵食！菜式唔逐個講啦，因為真係好多，有滷水、胡椒豬肚湯、蝦棗墨魚餅、炸子雞、蠔餅、糖醋麵同埋幾個小炒。好味嘅有蠔餅，夠多蠔仔，夠香脆，唔會成口粉，仲要份量都幾多！胡椒豬肚湯都好飲，胡椒味濃但又唔會過咸。炸子雞都好好食，超香脆又唔會油！雞肉亦好滑同有汁！ 唯一一個好失望嘅係個滷水拼盤，雖然個餐已經好多野食，但拼盤份量偏少，例如鵝片一人都食唔到一塊，又冇墨魚海哲果啲，有朋友仔冇得食都有啲唔好意思！加上顏色唔多靚，比較深色，但又冇咩滷水味，懷疑係用老抽上色，所以真係麻麻地！

Chiu chow dishes are one of the favourite local delicacy for people in Hong Kong. While most of the Chiu Chow places specialize in a category of dishes called "滷水"(marinating food in a salty herbal sauce), Tak Kee offers couple of pleasant surprises for savvy diners. The "sticky rice sausage" (脆皮糯米釀大腸), a name I made up as you probably would be terrified if you know exactly what they are made of, tasted quite good and the crust was very crispy. Deep fried oyster cake, a must-try for Chiu Chow de

下雨天的父親節, 一早book 咗德記7 點. 我打去confirm booking 佢已經預告就算book 咗都要等一陣. 一行7人早咗5分鐘到已經好多人等緊. 好彩等咗10分鐘已經可以入去. 佢個menu 雖然寫住節日餐牌但係一D都唔貴wo. 叫咗:滷水鵝片 - 質感軟身, 啖啖肉不過係淡囗滷水，我鐘意比較濃味凍鳥頭 - $2xx，好似幾貴，不過係值嘅，條魚好滑，好重魚味胡椒豬肚湯 - 超濃郁, 好香, 胡椒味重, 小朋友覺得太辣蠔餅 - 大件足料夾抵食, D蠔大大粒. 又唔油. 新鮮脆囗, 只係$68 蠔仔粥 - 好大鍋, 足料好香糯米釀大腸 - 我平時唔食大腸, 不過佢真係好吸引, 終於食咗舊, 真係好美味. 糖醋麵 - 有少少失望, 因為只係煎咗一面芋泥 - 超鐘意芋頭的，芋泥好實在，唔做作，好香濃. 係比較甜，如果可以塗多士應該好味 出名好味, 服務就通常差, 因為上菜快, 我哋入座後35min 其實已經食得7788. 就問有冇反沙芋. 點知阿姐話"未有反沙芋, 不過出面好多人等位" . 點解要咁講, 又唔係食完賴死唔走. 嬲嬲哋, 就問第二個阿姐, 佢都話冇, 不過有芋泥

見到呢間野好評如潮，即刻去試下啦。成個格局同酒樓差不多，先黎左個炒飯，有芋頭同臘腸，真係幾好食，涼菜青瓜好開胃，但椒鹽九肚魚真係大跌眼鏡，切開左一片片，而且啲骨都幾多下，上黎仲要係唔熱既，糯米大腸唔錯，但個醬不太搭，可能酸辣醬仲會比較解膩

在香港，在港島區，一旦想起要食潮州菜的話，西環這一個地區就永遠掛在人人的嘴邊。這一日，晚上臨時吹雞約人食飯，有朋友建議打冷，之後，立即有地膽朋友，推介了這一家《德記潮州菜館》，說要聊天，這一家環境好一點。因為就在香港大學站的出口，少有搭地鐵來西環的我也只好搭地鐵來，打個冷。 地點就正正在寶翠園的正對面，香港大學站C出口一出就會見到，非常之易找。而《德記》，算是一間坐得比較舒適的潮州館子。平日的晚上來，雖然是座無虛席，但不需要等位的。而在味部廚房外，有好多個玻璃瓶裝著鹹檸檬，據朋友所說，這是《德記》的名物。 食潮州菜，鹵水的食品可以說是不可缺的。是日的鹵水有鵝片，紅腸同豆腐。鹵水夠香，不咸，直接帶出了鵝肉的美味，紅腸本身都好味道，加上鹵水之後，味道就是更好味，而平平淡淡的潮式豆腐，沒有鹵水，是不行的。 小食中有一個海蜇頭，入口爽爽脆，雖然有麻油香，也有少少可愛的辣勁，但若能再放多一點麻油去撈，會更好味道。 來潮州館子，同鹵水一樣，叫一客胡椒豬肚湯好似是一個基本的動作。這兒的豬肚湯足料，咸酸菜落得足，胡椒份量剛好夠暖胃而不辣，豬肚又夠腍，美妙又美味。 蠔餅呀.....潮州菜中，蠔餅係其中一

儘管門前裝修嘈噪，但一直人流洶湧，大排長龍。的確食物質素不錯，價錢亦合理。鹵水拼盤，每樣都好食。一家人瓜分各自鍾愛的。蠔仔泡飯，原來一窩如此大，其實叫一碗已足夠分食。菜好新鮮，煮得乾淨好味。蒸烏頭有水準，恰恰好。反沙芋未見餐牌有，問了伙計，說需時半小時。還是點了，果然製作需時。但水準不錯。凍馬友魚，點豆醬，鮮甜可口，好味滿足的一餐，扶牆而出。

行完西環碼頭，一行三人就揾下有咩好食，食得西餐多，有時總令人想起中菜，除左上海野同小炒，我一定會揀潮州菜。朋友食過德記，都係讚嘅，就膽粗粗六點半先訂七點半三位。見到餐廳出面係黃金食飯時間有咁多人係門口等（目測：有三十人），相信都係堅野！等左一陣我地都有枱，坐定定後，一個親切嘅伯伯問我地幾位，見到另一位嬸嬸侍應笑臉相迎對客人，有時我覺得，人情味對一間食店都好重要，唔一定下下都要拆完起新野，所以服務係一流的！三個人叫左五樣野，都真係有D眼濶肚窄，先上滷水鵝片，其實無咩特別，而且滷水味唔太濃，平平！蠔仔粥都算OK，蠔都算多，而且有木魚（唔知係唔係咁叫），料係夠，加埋胡椒粉，就更加野味！之後到個甜酸麵，係有比較既情況底下，麵炸得唔脆，有D“林”，曾經食過另一間係外脆內軟既口感，如果問我邊個先係正宗，我就真係唔知，不過‥‥‥我點都係鍾意食香口野，所以佢就真係唔夠脆。呢個炸物，就算我真係鍾意食香口野既人，都覺得馬馬，其實我係睇番個菜名先知自己食緊咩，咬落口就唔算彈牙，不過係果度既推介，但朋友就幾鍾，所以各人有各種喜歡！全晚最鍾意就係隻雞，泊得住酒樓去飲既水準，皮脆肉嫩，重有紫蘇葉炸上，同雞一齊入口

昨晚在港大參加完活動之後和十幾個朋友來德記晚飯。一向都喜歡來這裡因為地點方便，夥計態度殷勤，更是大夥兒聚會的好地方。點了兩個八人餐，最印象深刻的是蠔烙，因為真是炸得香脆，份量又大，而且裏面還有足料的蠔仔。川椒雞也做得有水準，乾身，不算太油膩。鹵水拼盤中規中矩，不算太大驚喜。當然少不了喝馳名的鹹檸七。大家都吃得很飽，因為份量大，而且每人只盛惠200元。一班好友聚會來說，認真超值，絕對稱得上美滿的晚上。

同屋企人去左西環大排長龍既德記食晚飯。訂左枱都要等位，冇訂枱的話真係企到腳仔軟都唔會有位。若果肚仔餓又未入得去，餐廳門口有個婆婆賣砵仔糕同糯米滋，可以醫吓肚仔先，味道都唔錯，又可以懷緬一下兒時回憶。進入餐廳，座無虛席，座位擠迫，但尚算整潔。近門口位置擺放咗打冷食物櫃枱，一隻隻凍蟹，滷水鵝放哂响度，好吸睛，睇見都流哂口水。服務方面，服務員都忙到踢哂腳，若果要親切友善、隨傳隨到既服務，就要請移玉步去其他餐廳用膳勒～是晚我哋點了滷水拼盤、陳醋燻鳯尾魚、沙爹牛肉炒芥蘭、凍蟹和蠔仔粥。入座後服務員會先上鹹菜和豆腐乾作為前菜。鹹菜爽脆，鹹味適宜，不俗。豆腐乾真係好乾，仲有油益味，感覺唔新鮮，試左一粒就冇再食勒。滷水併盆-有鵝片、連皮豬肉、腎，紅腸及豆腐。鵝片入味，肉嫩富肉汁，咸度適中，好味好味，連皮豬肉真係不得了，質感似豬頭皮，煙煙韌韌，夾雜左瘦肉又冇豬頭皮咁油滯，碟野黎到冇耐d連皮豬肉就俾我食哂勒，唔健康都要食多幾塊。至於腎、紅腸和豆腐就不過不失啦。陳醋燻鳯尾魚-香口味美，油而不膩，略帶微酸，開胃醒神。正！凍蟹-肉質結實，鮮甜飽滿，唔點任何醬汁經已非常好味。六佰蚊一隻算是物有所值。超讚沙爹牛肉炒

食品其实不错，但伙计在人客只是坐了40分钟枱面还有食物便催促客人要走這种做法确令客人不爽，食品多好也会令客人不爽，今时今日竟还有這服务犬态度，老板确实要检讨一下這种做法，生意多好也会被伙计把客人趕走！

我喺中環返工，有個同事住西環，成日聽佢講德記好食，一班同事六七跟佢去食過一次，覺得都唔錯。之前公司攪過一次好幾圍，撞啱我放大假，又約咗人，無去到，返去個個話好食，話我無口福。今次終於可以一試一圍菜。果真唔錯！我哋覇咗8圍，出面排晒長龍，名不虛傳！最讚係反沙芋，我食咗3粒！出面少有，有剩，同事叫我食埋，正！幾個同事讚綠豆清心爽好好味，我反而覺得無味，太清，唔甜又唔咸。另外個甜品拼盤都ok，丸子唔係實心，幾得意。鵝片拼盤入面最好食係海哲，唔係切一條條，係一粒粒，又爽又有咬口。有個4/5寶小點拼盤，我覺得好食，尤其是粒丸，唔知材料，但覺得好有口感，唔係普通魚蛋。蟹粉蟹肉湯包都好好味，有幸飲咗2碗，有口福！咸菜胡椒豬肚湯都好飲，冬天飲，好暖胃！我只係飲咗1碗啫，因為之前飲咗2碗湯包，所以個肚無位啦！蠔餅就一般。魚同炸子雞都ok，但因為我感冒，所以食咗半舊雞，算做食過啦！芥菜煲都好讚啊！芥菜完全清晒苦味。煎兩面黃都ok，唔太油。好彩今次終於試到一圍圍菜！

港鐵開左堅尼地城站之後都黎多左港島，今次黎西環係要試下老公介紹食潮洲菜。避免夜晚人太多要等位，所以6點半就入座。椒鹽白飯魚 - 幾乾身，又鬆化，不過就無乜椒鹽同魚味蠔仔肉碎泡粥 - 好多料同味道夠鮮，不過我比較喜歡泡飯式既蠔仔粥(其實仲有嗌後面碟鹵味，但味道一般，淨係記得夠熱，食完都唔記得有咩評價）胡椒豬肚湯 - 好重胡椒同咸菜味，重口味人仕應該會鍾意，佢既豬肚同咸菜份量都唔小，而且洗得乾淨，無奇怪既味道鹹檸七 - 招牌，必叫 另外要介紹埋德記孖寶 欖菜同埋鹹檸檬，可以買走返去煮欖菜刀豆同埋鹹檸七。全部野食份量都幾多下，好滿足。不過始終開始人多，所以都有d 趕客feel...臨走買左個欖菜返屋企煮餸，味道都唔錯！(出到門口見到超多人等位）

Man, somehow I never knew that the Belcher's were so huge! Anyway, I recently came here for a dinner after an HKU talk. The graduate students had been to this place a number of times, but they are from places like Italy and afraid of spicy food, so I don't in general trust them to find Chinese restaurants that are good. Well good job, grad students!Embarrassingly, I live right near a ton of Chiu Chow restaurants, but I've only ever been to one of them, once. I'll be frank, I kind of always thoug