德記潮州菜館

營業中

休息中

說到「德記潮州菜館」港島區的朋友應該不會陌生吧。真正的十年如一日，提供正宗價錢適宜的潮汕美食。我喜愛的滷水鵝片配雜會，一盤子就可以吃到不同的滷水食材，豐富。我並不喜歡汽水，可是我喜歡這自家製的鹹檸檬。每次都要喝一杯鹹檸七，滋潤喉嚨兼順氣！芋頭香酥鴨，沾著開胃的酸甜醬，很快盤子就見底了。碧綠川椒雞，雞肉非常嫩，比得上新鮮雞的味道，我們把炸脆的川椒葉當成紫菜，一掃而光。脆皮糯米釀大腸，看得出廚師的手藝和老闆的用心。真正的外表酥脆，裏面軟香。地道的糖醋麵，麵餅過了油，可一點兒也不膩，加上砂糖和香醋，為晚餐畫上完美的句號。絕對的 特色就是出色！

與好朋友一起團年，又選在德記，二十年前已經在德記相聚了。當年店鋪仍在大道西，是一間街坊小店。滷水鵝不能少，自己調配的滷水汁一定是鎮店之寶。因為無論什麼時候來，味道始終不變。喝了鹹檸七，整個人舒爽啦。香酥芋茸鴨，沾些甜酸醬，透過綿綿的芋頭，與鴨肉配合的天衣無縫。脆皮糯米釀大腸，與其他食肆單一的蒸，又多了一道工序，炸。結果是外脆內嫩！雲腿大芥菜煲，芥菜火侯略嫌不足，火腿也無濟可施...川椒雞，我們每一次的必選菜，雞肉非常嫩滑，雞有雞味。糖醋麵，再飽也必須要吃的，完美的結局。

今日去咗德記度食晚餐， 六點半已經很擠迫，雖然地方大, 但係枱嘅數量都好多， 雖然係咁，但係他們的服務質素還可以，人手還算充足。 叫咗一個潮州肉碎蠔仔粥， 一個冬菇扒時蔬 ， 一個蠔煎餅， 三個人食已經很足夠。 蠔仔粥的蠔很大隻很鮮美，比起其他地方質素已經算很好， 蠔煎餅選咗煎的不是炸的， 炸的雖然很香脆但是粉也比較多， 雖然很大件很抵食但是個人還是比較喜歡煎的那種。 整體來說其實質素是不錯的，不過真是太多人了，如果想吃的話一定要訂位。 價錢中等不是太貴，性價比還可以，可以再食。

女朋友諗住行山後食潮州野，咁就一早book左德記👍。我地一行山四人下午行鶴咀，大約4點幾左右出番巿區，再搭巴士去德記。去到餐廳，都幾多人排隊，好彩我地準時到同預先預約左，所以一去就有得食😆😆。鶴咀😆1. 炸蠔餅蠔味濃郁，十分鮮甜。蠔餅都炸得金黃香脆，但粉團嫌太多。2. 沙嗲滑牛炒河👍沙嗲味十分香濃，炒得不錯，值得一試😆。3. 胡椒豬肚胡椒味濃郁，驅寒首選👍👍4. 蒜蓉豆苗豆苗好嫩口，蒜蓉味濃，唔錯👍5. 蝦棗同墨魚餅E道菜唔算特別，中規中矩整體而言，食物質素好好，岩哂三五知己或一家人去食😂😂。最好book定位

我係西環大, 食過舊鋪新鋪好多次都幾好食, keep 住亦都多人排隊. 特登訂位去食. 不過我想講食物 + 服務再也不配這個 "德記" 名牌不特只, 連潮州菜館都稱不上. 叫左個糊椒豬肚湯, 唔熱, 臭, "壓"味...叫侍應黎佢聞都冇聞話今晚已經賣左過百鍋唔覺得有事仲反話我地可能食唔慣豬肚味 (我阿公係潮州人賣鹵水鵝, 食潮州野大, 當我唔識? 你老字號講呢啲?), 之後態度極差拎走話叫過第二個湯, 之後叫左蟹肉魚肚羹, 係淡而冇味道的. 第二樣蠔餅, 亦都冇蠔味, 第三樣金銀蒜帶子, 離譜到帶子係擺上個殼度, 點解我知, 因為隻帶子係"那"過唔係新鮮既....之後鹵水鵝肉質係ok, 可惜個汁......唉之後魚湯浸菜心, 冇特別...講完....亦都唔會再去

很少到西區，今天幾個朋友就約了在西環試潮州菜式。七點晚飯時間已經十分多人在門口排隊，真的是好好味的嗎？今晚有口福了。先坐下我們點了傳統必食之選，蠔餅。原來這裡有兩種煮法可以給客人選擇，一是炸另一是煎，當然唔想油份太多就一定是煎了，熱烘烘上枱大家夾時仍然有煙出，不過蠔仔很小型而且不多，不太吃得出蠔味，口感亦不明顯啖啖有蠔，實在有小小失望......另一款就點了鵝肉併盤，有豆腐墊底，味道不錯，不會過鹹，鵝肉很香，腩肉入口不會感到肥膩海哲頭作為前菜爽口滑滑，一點點麻油香辣味道非常夾沙嗲豬大腸豬紅，在其他潮式菜館未曾見過這一款所以特別點來試，有點過鹹了，都是傳統韭菜豬紅比較合我口味最後我們還吃了芋泥

對於我呢個新界人, 黎到西環食野, 確實係需要好大動力!!!但呢個鹵水鵝肝拼鵝肉, 真係不得之了,鵝肝真係超滑又入味, 正呀!而家諗起都覺得肚餓!!!不過唯獨上菜既時候唔夠熱.....鵝肉都幾好呀!~~~~入味呀不過試過椒鹽魷魚就真係可以唔好叫...d粉好奇怪, d皮有d似雞蛋仔口感, 份量偏小...

以前返學嘅時候，係學校開完會，又想一班人食飯近近地，就會選擇德記，咁啱香港大學站又開通左，從此係多咗好多人，好彩今次訂左位，唔駛等太耐。今次有五個人，一入去坐低就即刻買咗碟鹵味!食潮州菜，點可以無左鹵水鵝片，紅腸同豆腐呢? 鹵水唔咸之餘又夠香!雖然只是豆腐,不過鹵得啱啱好，唔似出面個啲剩係得D豉油味。再來一個胡椒豬肚湯 ($128),蟹粥($138)，蠔仔餅(88), 黃金墨魚卷拼蝦棗($98)同埋濃湯野菌菜苗($68)。胡椒豬肚湯夠晒味,唔會過咸過醒，夠哂醒胃。蟹粥又係推介之一，啲材料仲好似多過啲粥咁，煲得夠晒入味之餘啲粥又唔會過爛。蠔仔餅都好好食，每一啖都食到有蠔架!至於黃金墨魚卷拼蝦棗就相對地比下去了，可能期望太高，唸住會啖啖都係墨魚，但係我地5個都唔係太食得出…..

又到每月一次的老表邪惡飯局，今次選德記（原來其他老表未試過）。Book咗枱六點鐘到達，已見有一半枱已有人坐！６個人，叫了１２樣餸，很豐富，但不邪惡，比碼無叫到糯米釀大腸或蠔餅等邪惡食物！海蜇頭：肥美胡椒豬肚湯：超勁多胡椒！椒鹽九肚魚：不是原條，脆漿面有鹹味，但魚肉就無。九菜豬紅：大家最先食晒的一碟餸！鹵水鵝片蝦棗併墨魚卷：我無蘸醬食，覺得肉身唔夠鹹梅菜扣肉：豬肉比其他店（如泉章居）瘦，梅菜也唔算鹹（亦不算靚嘢），賣相也不佳，但合我口胃！咕嚕肉：有點失望（睇圖都知！）糖醋麵：全晚我最鍾意的一樣餸（其實是主食），麵一面煎得很乾身，但不肥膩，另一面就保留麵的質感。沙爹牛肉炒河：我唔食牛，所以無食到。芋泥：只叫兩碗６個人分，因已太飽喇！食了兩個鐘，出門口見人山人海（等位），真是厲害！

我呢D新界人難得出港島區，經朋友介紹話德記D潮式野食比九龍城仲好食，所以黎到一試! 首先, 不得不講..其實去食當日係WEEKDAY，但都大排長龍! 重點係我已經訂左位, 如果準備到達仍然要等30MINS先有台，真係好鬼誇張! 第二，個環境就唔多清潔係真，可能因為都係舊式樓面，有潔癖既朋友慎入呀! 第三，同一般潮州店一樣，唔講服務，只講食物質素，所以你入得去都預左D服務員粗聲粗氣咁。個人認為以上都唔重要，重點反而在於食物，鵝片, 蠔餅, 豬紅,烏頭, 蠔仔粥都唔少得到! 味道當然唔錯~ 不過令我喜出望外既竟然係佢柸咸桔冰! 自家制咸柑桔製造，味道一流! 值得推介!

德記！係我細細個嗰陣家庭聚會既首選，主要係因為呀爸鐘意食中菜😂舊舖嗰陣成日都食，之後搬左黎呢個舖位，就開始少左食今次，同事話想食潮州野，我就即刻諗起佢！呢日係平日，不過離遠已經見到一大堆人，心諗又有排等！🙄不過，等左一陣，好快就有位！我諗係因為得兩個人，入到去都仲見到有一兩張雙人枱空既！不過，其他枱就滿灑，全部都係一大堆人！所以等大枱真係要等好耐😪由於得兩個人，所以我地只係叫左三樣野，因為中菜始終係大大碟，兩個人好難食得多！滷水什會( 例) $78每樣有啲，有鵝片、鵝肉、豆腐、內臟等如果唔係太多人，可以叫呢個，每樣都試到整體唔錯，鵝肉好味，不過豆腐一般沙嗲大腸豬紅 (例) $68水準下降...而家係好鹹，最後都食唔晒，大腸較少潮式炒魚麵 (例) $66正常，無咩特別PS 記住要book 位！因為我上次book左位，都仲要等成大半個鐘！😪如果可以，食頭輪係明智既決定！🌸曾經，德記係我家既聚腳點，可惜質素下降，或者太多人慕名而來，令水準保持唔到...有啲概嘆... 或者，過去從來只能回味😪

專程來到德記，第一件事係叫啤酒，啤啤佢先！叫左斷個餸，碟碟大大份，睇得又好味！不得了！<椒鹽九肚魚>呢個除左送酒一流之外，真係好味到停唔到口！外脆，內軟，脆醬薄，魚肉滑，加上惹味椒鹽，點會停到！<黃金墨魚卷拼蝦棗>吧樣又係好好食！圓形係炸墨魚卷，外脆內彈牙既。好似麥香雞既係蝦棗，蝦膠混入馬蹄粒，加強口感。重點係:佢個秘製醬汁！質地似蠔油，但食落甜甜地，為墨魚卷同蝦棗再添美味<沙嗲牛肉炒芥蘭>沙嗲味濃，芥蘭爽脆。幾時先有得再食？

西環多老店，德記潮洲餐館係其中一間，多年來小舖轉大舖，舒適度大大提高。先來個潮洲鹵味: 🍴鹵水鵝肉片肉質軟嫩，點白醋，鵝片下面有鹵水豆腐，都係林地好軟熟然後就係海產類必食既：🍴馳名蠔仔餅首先見到佢係好大塊既，食落見到啲蠔大到嘩嘩聲！落足蠔仔，又多蔥，蠔餅香脆，油唔算太多，粉唔唔厚，是但夾一角都有蠔仔最後叫左魚類：🍴潮式炒魚麵呢個都幾特別，我第一次食咋，好似食緊一條條魚片甘，彈牙，以芽菜、蛋絲、韭菜花、蘿蔔絲炒成。色彩繽紛，食落都好味。三五知己送酒一流呀🍻下次要試下其他菜，都好吸引！

前幾日先响太子食完潮州菜，果度話就話係私房菜，但我覺得味道普通過唔普通，頓時令我想起德記，等阿sir出完trip即刻拉佢嚟食。蠔仔粥叫一碗已足夠兩個人食，每人分到兩細碗，蠔仔好大粒脹卜卜，好鮮好有蠔味，仲有我至愛嘅大地魚，令成個粥清得嚟又帶點魚香，必叫推介鹵水鵝片每次嚟都叫，鵝片鹵得非常入味，大大片肉唔會鞋，最靈魂係塊鵝皮，又香又滑帶點肥膏，令人唔會捨得放棄佢；墊底既豆腐都係大大塊，吸收晒鹵水既精華，千祈唔好錯過呀九菜蜆肉雖然係小菜，但阿sir超鍾意食，九菜味唔會太濃，但就啱我怕食九菜既人，蜆肉份量比較少同細粒，如果大粒d就正豉汁蒸白鱔鱔好肥美好入味，大部份都爆開晒所以唔算多骨，百零蚊食到佢我覺得超抵，推介後記：平日假期都超多人，一定要記得訂位呀兩人共消費：$345

中菜黎講，我都幾鍾意食潮州菜。今次黎到大名鼎鼎嘅德記，一於要食盡佢！12個人岩岩夠一圍，一於叫個12人套餐，每人埋單200蚊多啲，都幾抵食！菜式唔逐個講啦，因為真係好多，有滷水、胡椒豬肚湯、蝦棗墨魚餅、炸子雞、蠔餅、糖醋麵同埋幾個小炒。好味嘅有蠔餅，夠多蠔仔，夠香脆，唔會成口粉，仲要份量都幾多！胡椒豬肚湯都好飲，胡椒味濃但又唔會過咸。炸子雞都好好食，超香脆又唔會油！雞肉亦好滑同有汁！ 唯一一個好失望嘅係個滷水拼盤，雖然個餐已經好多野食，但拼盤份量偏少，例如鵝片一人都食唔到一塊，又冇墨魚海哲果啲，有朋友仔冇得食都有啲唔好意思！加上顏色唔多靚，比較深色，但又冇咩滷水味，懷疑係用老抽上色，所以真係麻麻地！