德美壽司 (新都城中心1期) (已結業)

今日放工同朋友去左寶琳站附近嘅新都城食晚飯，揀左呢間日本餐廳 — 德美壽司。晚餐都有好多人食，等左一陣就有位。呢間餐廳有晚市定食，連埋沙律、味噌湯同埋甜品，有熟食同埋魚生嘅定食揀，唔會太貴。店員都好有禮貌，落左單等一陣就上菜了。吞拿魚腩茸三色丼$148:吞拿魚腩茸配埋海膽、帶子、同埋飛魚籽，十分足料，夠新鮮，好好食。豚肉生羗燒定食$78:豚肉燒得剛剛好，唔會太韌，同啲羗汁好夾，撈汁食飯好開胃😋。甜品係芝麻味麻糬餅，味道ok。總括黎講，今餐係非常滿足嘅一餐！