得龍大飯店 (已搬遷) 新店位置

初十就到,而家先的起心肝,review番上月OR的團年飯,地點在"得龍".六十幾人參與,實在地熱鬧.六十幾人分五圍,我檯食友,已經差不多"超載",十分"親切".全夜菜式由老頂Ray哥一早安排妥當.我輩者可安心地坐低吹水飲酒,George兄剛從新加坡外遊回來,帶來不少好吃的小食,十萬個多謝.作為餐前小吃,最好不過.同檯食友,有好多已見過,甚至已成好友.正所謂以酒會友,出發前入去Wine Cellar,問個姐姐仔今夜食燒味,諗住一紅一白,有咩好介紹.)結果帶走一支波爾多紅,一支布根地白.黑白雙剎.加埋大食阿四支澳州紅,單睇個陣,十幾人分三支,其實係唔夠分.....兩杯到肚,第一道打頭陣的燒鵝,做得皮脆肉嫩,感覺上,竟比鏞記出色.記住,係今日的鏞記,當然同我初出茅蘆時,在威靈頓街邂逅心目中的香奈兒黎比,都仲係無得比.繼全蛇宴後再來一盅補湯,響螺燉烏雞,非常清徹鮮甜,仲有湯渣又係不容錯過.事後反應暢和,沒有蛇宴果次兩碗到肚就on fire.賣相絕佳的"八面玲瓏",實際係釀雞翼之類,此類功夫菜,純為賣弄功夫,食味就幾好,幾好,唔會比多.蒸多寶魚,平時少吃,肉質鮮嫩,比起那些名貴珊蝴魚,更加高一個

初八,很無聊的一日,原本應該身在澳門,但後來取消了,唯有約人食飯,點知大家都很”旺場”…….最後都是和大食妹撐木台腳!上次openrice團年飯試過得龍,今次再去試------黃酒煮雞------湯雖然都幾甜,但湯料無上次咁多,雞亦無上次咁有雞味!糯米蒸蟹------飯雖然幾有蒜香,但略唯濕左少少,蟹亦是霉的!荔茸鳳尾蝦---炸得幾鬆化,但蝦唔係幾新鮮,近乎霉,味亦調得不好,汁料亦不相配!金錢雞-------始終都不懂欣賞!總括今餐飯感覺麻麻!

昨晚去了這飯店食飯.....無機會食d"名菜"..(指的是雞)haha~d"煲仔菜"(唔知叫咩名..)....麻麻地，又食左一個咩咩雞肝....好滯~我最鐘意和深印象的是...蟹糯米飯....超正~其他的都不錯！哈哈，這飯店使我有好多回憶....我細細個，阿爺成日帶我來飲茶....不過而家無機會啦！

1月23日20:00是日大魔怪生日，本想趁OR團年，讓她試多一點美食，奈何她臨時變掛，由有食力的太座補上。可能生意太好，廚房有點應接不下，造成有點失準，令每席同一菜式，質量有所不同。以下是我倆的意見：燒鵝：皮、皮下脂肪厚和較咸。姬松菇、茶樹菇、蹄筋燉烏雞：全晚最掂一樣，味甜濃厚，料足，滋補。黃酒雞：酒香撲鼻，用了肥雞，煮了較長時間，仍嫩滑，不理Jeff的提醒，仍盡兩碗油湯。八面玲瓏：上檯已凍，食味大打折扣，油雞翼稍咸，那些酥卷餡料有甘香的肝臟，可惜冷了。砵酒焗蠔：焗得太乾身，有點吃生曬蠔豉蠔仕的感覺，失卻肥美的口感。香草燒羊鞍：我的至愛，太座避之側吉，因膻味，香料味濃，多寶魚：蒸得剛剛好，魚的肉質在內地難求，一般很"削"。o者o者芥蘭：我地果圍菜心，重要中間有白點的老菜心，但用蝦乾和瑤柱來爆幾惹味，可惜又失敗在不夠熱。太爺雞：雞皮咸到苦，但勝在滑。糯米飯：籠仔蒸，不油膩，口感好。(掂)桂花湯圓：太座(糖水狂)感到失望，因是湯丸微暖，香氣大打折扣，但我極欣賞那桂花的清香。整體食味不覺特別出色，但仍是那句生意太好，廚房有點應接不下，造成有點失準。有機會我會再試。題外話：我們賣了蘿蔔糕，有蘿

狗年本人的第一個食評，謹祝各Openrice食友身體健康，萬事勝意，新年進步。上周一，Openrice的團年飯，是一等一的大事，食友反應踴躍，出席人數多達64人，坐滿5圍有多，有幸敬陪未席，真正與有榮焉。開席前例牌有食友的不同小吃，如David兄自家製的椰汁年糕、Gwendolyn的水路手信、以及George的飛天手信等，真的多謝又感激。當然還有八方食友自擕的紅酒/白酒/威士忌，真的是未開始吃，已經飲到夠。菜色由版主Ray兄安排，真的是妥當又稱心。先來隻燒鵝，熱辣辣又脆皮，不錯；再來是黃酒雞窩，版主已通報是晚沒有野雞卷及金錢雞，但天氣凍凍地，吃黃酒雞也暖胃又應時；再來是叫「八面玲瓏」的得獎菜，賣相異常對辦，實情是釀醬汁雞翼，不大懂得欣賞了；響螺茶樹菇蹄筋燉烏雞一大窩的，湯底淳厚芳香，除了要再添飲之外，連湯渣也不要放過，可惜手慢，只吃得到茶樹菇及蹄筋，沒有響螺了；蒸多寶魚也出色，魚剛離骨，火候恰好。魚肉亦鮮甜嫩滑，份量亦足夠一圍人吃，出色；砵酒焗蠔是個人而言，當晚最喜愛的菜色。走過油的蠔夠大隻又微脆，味道濃重，但配上生菜及炸米粉絲一起吃，是絕妙的配搭，我是連吃兩隻；芥蘭用砂窩上檯，有酒香

之前聽其他食友講過這裡的叉燒不錯，趁是日要落新蒲崗搞點私事，就來試下。呢度果然係受歡迎，成三點鐘都坐到滿咁滯，幾犀利。叫了碗叉燒飯，當然要半肥比較穩陣一點。叉燒是另一小碟上，跟飯分開，幾認真。半肥叉夠晒肥，非常對口味。肥肉部份甘香豐腴，蜜味幾香又不過甜，再扒一口飯，是非常之滿足。可惜廋的部份韌了一點，看其窄身的，不是枚頭肉，係咁上下的了。所以這餐飯，是只吃肥肉及飯，是非常的不健康，但間唔中一餐，都無相干。埋單27蚊，有人招呼又有壺普洱飲下，相當之經濟抵食。

我是近呢幾年先有幫襯佢,因以前間舖實在太懷舊,但幫襯佢又因為佢有一些懷舊菜及它的燒鵝,如野雞卷、荔茸鳳尾蝦、酥脆鳳肝卷、金鋩錢雞、咕嚕肉、梅菜扣肉(大多數都額肥膩,但唔肥膩又唔係懷舊菜啦,唔好同我講話以現在健康標準,怕就唔好食),還有一些特式菜,如砵酒焗蠔或鱔球、金蒜蒸糯米蝦或蟹(平時我很少吃糯米的,因為食完會胃痛,但這味蒸糯米胃痛都要食)、孜然燒羊鞍(這味羊鞍不甚特別及好味),而這裏的燒鵝都算食得過,唔駛下下去中環,下下去深井.齊齊來向膽固醇挑戰.

我在某一周刊看到，這飯店有些菜式得飲食獎，終於在剛過的星期日去過，發覺菜餚味精太重，味道祗是一般，環境極度狹窄，可能由於當日門外大排長龍，所以，服務員態度不好，還沒吃完飯菜就趕上糖水，有一種被催逼的感覺，還有就是，有一名貌似外傭的女服務員，竟然在我們吃完糖水正準備埋單的時候，(我們坐在收銀櫃的對面)在我們後面向收銀員高聲的說，這檯吃完還不走，門口還有人在等，還有跟在旁邊等位的人說，這檯吃完了，很快便走，等一下就可以，我們當時還沒叫埋單，這外傭竟然叫其他服務員執檯，這惡劣的服務態度，是不能容忍的，我們以後都不會踏足這飯店。

星期三26.10.05 係本姑娘的生日,就一行五人黎呢度試下d古法菜式~1.前菜:普普通通2.太爺雞($68/半隻):味道好特別,好像煙燻出黎的雞3.蜜餞金錢雞($12/件):味道我唔鍾意,而且好咸,有疆,有肥肉,好油4.糯米蟹飯($68):蟹味都ok,都係咸d5.魚湯腐竹浸菜($55):最好味呢個,清清地6.皇帝蝦+麵底($40/隻大蝦):大蝦肉好彈牙,芝士伊麵底,芝士味唔夠濃,只係"杰"7.野雞卷($48):好肥膩,好"流",好似好大舊肥豬肉8.糖水:都ok

11/9 9pm今晚專誠同家人一行5人黎試試懷舊菜色,之前預先留左一隻太爺雞$130同糯米蟹飯$68,另外叫左鮑片"爬"唐生菜$48,香草羊鞍$80/6件,魚湯腐竹魚肚$5x,山楂咕嚕肉$48.太爺雞---全晚最好既菜色,肉質夠滑夠鮮,食到淡淡煙醺味,讚!糯米蟹飯---糯米飯好香蟹味,反而d奄仔蟹無咩味!鮑片"爬"唐生菜---size偏細,但味道都可以.香草羊鞍---自己吾食羊,家人話都吾錯!肉質嫩滑又吾太羶.魚湯腐竹魚肚---一般!腐竹太硬,魚肚則頗滑.山楂咕嚕肉---招牌菜之一,但個人認為無咩特別,咕嚕肉炸得吾夠脆.吾洗加一但要茶芥,total$550.佢同大榮華,蓮香樓比,都仲有距離!

上兩個星期日來這裡開飯，八時多來到，幾旺﹗門口都有不少人在等位，等了十五分鐘左右便有位。店內環境麻麻，行路時步步驚心，皆因地下幾跣腳。不過店員都不時會提醒小心地下滑，幾細心！坐底後看了看餐牌點了以下幾個菜：野雞卷：份量看似好少，但其實都幾膩下。個面帶少少脆身，內裡包有肥豬肉，其實那些肥肉真的幾香，可惜吃多件就已有點吃不消呢。有一碟橙色汁，蘸汁後才吃能減低油膩感覺，但又會把原來的味道蓋過。山楂咕嚕肉：夠脆身，奈何肉切得太薄身，欠缺口感。但甜酸汁做得很不錯，兩者平衡得好好。另碟上細細的山楂粒酸酸的，個人就十分喜歡。砵酒焗生蠔：未吃已聞到香味，蠔是先炸後焗的，調味剛剛好，但蠔不夠肥大，幸好有蠔味搭夠。蒜蓉炒油麥菜：知道平常應配以豆豉鯪魚炒的，但不愛吃豆豉鯪魚，所以只要清炒的。其實這個菜並無特別，不過勝在少油。金蒜蟹蒸糯米飯：用蒸籠載著，飯底鋪上荷葉，飯面有兩隻蟹，雖不大隻但味道又不錯呢。糯米飯吸了蟹及荷葉的味道，再加上蒜蓉、臘肉、蝦米等，香味十足，有水準！唯飯底積聚了頗多的油份，另外可能個人口味問題，略嫌不夠咸。晚飯吃得滿意，飯後送的花生糊又不差，有花生香又不會太甜，以免費送的甜品來說真的是

昨天媽媽生日，於是小弟買了蛋糕，連親友一行八人去得龍慶祝。久聞其名，我們共叫了九個菜：金錢雞的確幾有趣，但是太油膩了；鴨下巴炆得幾好食，又多肉；燒鵝就算過了很久都很脆，只是也是太多油了。反而有驚喜的是燒羊鞍，八十蚊有六大件，而且沒茶羶味；冬瓜盅很足料，每人至少有一飯碗；啫啫芥蘭煲很入味，其他的也很好。每人駛費不用一百，難怪七點未夠也坐滿了（隔離也有兩枱街坊慶祝生日）唯一不滿只是伙計有點「性急」，人家未吃完已經收碟和上糖水（埋單時又不見太多人等候），可能下雨，加上有油，近門口的地方很濕滑，大家要小心一點

03/08/2005 20:00為慶祝小弟牛一，家人出錢請食飯兼由我話事，就去呢間想去好耐又未有機會去o既舊式菜館，試o下佢o既招牌菜金錢雞啦！地點無疑係偏辟左少少，花費左唔少唇舌及電話airtime 先人齊。呢間係一間歷史悠久o既菜館，出名的菜式不少，點了以下幾款：金錢雞- 是晚主打菜之一。記得好細個o既時候食過，都成廿年前，果時好多茶樓同燒臘店都有得賣但而家真係好少地方食到。一件金錢雞解體後成為一片叉燒、一片珍肝、一片冰肉同最特別就係有一片薑。係咪叫做得好我唔識，因為太耐冇食過，不過就覺得好好食，珍肝入口即溶，冰肉食落完全唔似食緊肥豬肉。而夾在其中的薑片在眾多肉中起了中和的作用，再加上淋在上面的蜜汁，真係諗起都流口水！！太爺雞- 預訂菜之一。可惜太遲上，眾人都係一舊起兩舊止，不過大家都有讚冇彈。但我就覺得煙薰時間未係好夠，食落唔夠香，不過雞肉的新鮮程度就不用置疑，肉嫩又多汁。椒鹽鮮魷豆腐- 分量足而且非常新鮮，椒鹽的味道亦調得很好。咖哩牛根腩煲- 咖哩汁很香而且只有少少辣，牛根炆得夠火候，入味且腍，但牛腩就略韌，整體仍有水準。鮑片唐生菜- 普通小菜，鮑片冇食過，未知味道如何，但賣相

最鐘意九味蝦球! 個汁好好味好正!!旁邊既炸南瓜都好味~仲有金蒜糯米蟹都幾好,好香蒜蓉味,不過真係幾油吓!至於太爺雞就差d...冇乜煙燻味,好普通!(我唔知佢係今次失準定點啦...)芝士汁脆豆腐就一般啦,個汁算ok,送飯幾好~德龍味道係唔錯,但衛生程度就真係極需要改善吓...

經"開飯喇" 食評介紹，本人和太座到該飯店品嘗美食,菜式不錯，"金錢雞" 美味，"八面玲瓏" 也做得不錯，大致上合格，應該捧場。不過，本人到該飯店數次，每次當客人用餐時，都追問客人是否加單或是即時奉上糖水，令到客人不知如何是好，在此用餐時亦衹有一個小時左右，而門外亦沒有其他客人等候，這些服務應是何等差勁，希望能從速改善和及早回復客人信心，生意才可蒸蒸日上。