彩aya

營業中

休息中

知道佢都開咗一段時間今次終於去試咗！位置喺條橫巷入邊如果唔係特登行入去搵都唔會經過當日夜晚去 都有幾多人排緊隊.蝦味噌湯 $88.湯底同麵底都係得三款選擇麵底有(小麥 黑胡椒 今日Special) Special 口味見過有檸檬 伯爵茶 味道幾特別 配料有筍 叉燒 份量足夠蝦味增湯味道幾濃唔會過鹹 但返到屋企有少少口渴麵底都幾多 我同朋友都唔係好食唔晒麵條都掛到湯 但係湯底唔係好熱如果熱返少少會好啲.好難得石塘咀會有沾麵店做得唔錯又係良心店舖大家可以多多支持！💛💛

呢間小店位處屈地街傍一條小巷中，完全唔起眼好容易會miss咗。但係食物質素高之餘仲要價錢合宜。本身鋪面唔算大，一入去右手邊就有幾張bar 枱，再入D就有7至8張正常枱。牆身貼滿麵粉袋，幾有趣。當日去食lunch，其實menu冇乜選擇，基本上就係選邊隻湯底同乜嘢麵。當日同老婆大人去食，我哋分別點咗蝦湯配胡椒麵同黑蒜配Earl Grey麵。蝦湯底超濃郁超鮮味！🤤本身已經有兩片义燒、蔥花、笋、流心蛋、同印有店名嘅紫菜！份量唔少！胡椒麵有咬口好正，仲有啲胡椒嘅微香後勁。🤤好食！麵嘅份量好多！可能我本身細食，食哂夠飽足成日！嗰日skipdinner😅！麵加湯合照黑蒜湯老婆好like, 但個人感覺不及蝦湯底濃及鮮，不過嚴格嚟講都唔錯。個Earl Grey麵就比較淡，茶香味係有但唔太出。呢隻流心蛋不得了呀🤤🤤🤤🤤正到冇朋友，滷得入味之餘個流心蛋黃既有蛋香又夠滑溜！一咬落去就深深愛上！！兩個人食兩份沾麵埋單都唔駛兩舊水，仲要有咁嘅質素，shut up and take my money please!!😆

This tsukemen shop is unlike other tsukemen shops as they make their own ramen and even have special flavours of ramen everyday! Today their special flavour was earl grey and I was curious how earl grey would taste as a noodle flavour 🧐 the taste of the earl grey wasn’t too strong and it really was the broth that dominates the meal. I liked how they had a rich taste but wasn’t salty unlike some other stores I’ve had before 😁

好耐好耐之前食過一次元朗店，但實在多年前已無乜印象，今晚喺西環做完嘢要覓食，突然諗起附近有間彩，就決定一試！佢位置好隱蔽，平日係唔會經過，所以都搵咗一陣，我哋大約8點左右到達，前面只係要等2個人如果假日應該就大排長龍嚕～佢主打有三款湯底，每款都有包溏心蛋、叉燒同筍，再可以揀自掣麵底，有正常小麥麵、黑胡椒同埋是日柚子，最後我揀咗黑蒜湯加黑胡椒麵好期待嚟到有一碗湯加一碟麵，麵望落份量好足！條條粗幼分明 黑蒜湯香濃，又唔會太攻喉配埋好有咬口嘅麵底好出色！叉燒係薄身嘅，偏瘦但份量都幾多，溏心蛋同樣正！而我一向覺得筍係拉麵沾麵嘅朋友，配埋就更加好 整體沾麵好味！員工同師傅好有禮貌 一定有下次！

🦐🦐蝦味噌湯（$88）⠀沾麵汁嘅質地比外面一般既稀，但入口濃郁又唔會過咸👦🏻👦🏻，就咁當湯飲都得。蝦味嘅沾麵汁真係少見，雖然撈均成碗汁都見唔到一隻蝦，但咸香鮮嘅蝦味早就融入湯入面😍😍😍，好似飲緊鮮蝦濃湯咁，鍾意蝦嘅朋友唔可以錯過！😝另外，配料有叉燒、溏心蛋。叉燒比較瘦，有少少乾。溏心蛋每次食都有流心效果👅👅，質素保持得唔錯。食完哂麵仲可以加少少清湯飲哂佢，唔浪費每一滴精華！🤟🏻⠀⠀🧄🌚黑蒜油湯（$83）⠀豬骨湯加上黑蒜油係重口味之選🙋🏻‍♀️🙋🏻‍♀️，入口有香濃嘅蒜油味，味道會持續一陣先散去。蒜油既味道由開始到食完都保持到，唔會越食越淡味，仲會越食開胃添。👼🏻👼🏻⠀⠀🍜拉麵：黑胡椒、special（櫻花味）🌸🌸⠀拉麵有小麥、黑胡椒同每日special揀🧾🧾，分別係會加哩啲材料入去麵到😛，食既時候會增加風味。👦🏻推薦點黑胡椒，因為食嘅時候間唔中會咬到黑椒碎粒🤓🤓🤓，多一啲辣味層次。佢地既麵似乎冇做過冷河嘅動作，所以預設係熱麵🔥，麵上面嘅澱粉冇洗走，掛湯能力唔會因為汁稀而減弱😽

超級尷尬。。 嗰日係我朋友生日，本身我哋兩個都唔係住附近係特登入西環，我哋上網見到彩嘅分店喺附近，而且我哋兩個都好想食沾麵就決定去呢一間幾出名嘅舖頭度食。。點知道入到去超級臭。。。係一陣坑渠味。。仲要成間舖頭都有 。。我未試過去到一間食店有咁明顯嘅臭味。。。不過冇辦法我哋兩個都好肚餓同埋我哋唔熟悉周圍有啲咩地方可以食嘢，而且我朋友開聲話想食沾麵，嚟到坐低冇理由走㗎(*´Д｀*)好彩成餐飯冇比嗰陣味影響得太犀利，食嘢嘅時候都食得出係好食嘅，未去到話想作毆嗰啲, 但係絕對係我哋唔會回頭嘅原因希望遲啲可以改善其實都幾值得再食。。

我勁鍾意麵/拉麵個啲，難得嚟開港島呢頭，就要食「彩」！。之前一直食開元朗分店，呢間就未試過啦～本身驚要排隊，就準時12點到彩門口，唔使排隊就入得hehe!門口細細，但入面都算多位，起碼比元朗店多位我今次叫咗*黑蒜油沾麵· 伯爵茶麵* $88黑蒜油帶少少苦，濃厚嘅湯配帶有淡淡茶香嘅麵，粗麵軟硬適中，掛麵一流，好食又特別，唔係一般拉麵店食到嘅味道。唯一美中不足就係，我嫌佢塊紫菜太細塊，得一塊係唔夠食咖！！

🦐超濃的蝦味噌湯沾麵 最驚喜的是叉燒的水準十分高配上韌勁彈牙的麥麵真的值得一試！ps.之前食過元朗嗰間 覺得個湯底香D濃D西環呢間明顯地淡口味鍾意重口味嘅朋友可能要去返元朗嗰間啦！還可以選擇不同口味的麵，小店每天有指定三款沾麵發售，小麥麵、黑胡椒麵及「今日Special」，之前就有推出過伯爵茶、羅勒、檸檬皮等等。

食完灣仔間和牛沾麵後，聽朋友講係香港站都有間沾麵好好食😋所以專成過黎試一試，位置有d夾攝，搵左一陣先搵到。餐牌得3款面，而麵既種類都係有3款可以揀。基本黎既時候係冷麵，除非落單時要求要熱麵。個人之前食開都係熱麵既關係，覺得冷麵有個唔好既地方係一放入熱湯到即食都係涼涼地。。。。無個種熱辣辣既感覺😅食到無一半仲已經搞到成碗湯都凍埋。。。感覺就更加無一開始食時咁好味了🙁叫左2款，一款黑蒜，朋友叫原味豬骨。而麵底就係小麥面同黑胡椒面。其實我食唔出2款面底有乜分別。而黑蒜味比豬骨重味d，好夠味，肉好食，蛋仲要係成粒上。整體不錯，喜歡沾麵的朋友可以一試。

呢間只做沾麵嘅拉麵店款式唔多，湯底只有原味豚骨湯、黑蒜油湯、蝦味噌湯，而麵條就有小麥麵 / 黑胡椒麵 / 今日 special 麵（今日係菠菜麵喔）揀 😆蝦味噌湯沾麵（配黑胡椒麵）$93🔹湯底由蝦味噌等幾種味噌，再加上豬骨湯調配而成，蝦味濃郁又唔會覺得油膩～ 湯底比較稀身，與其話係沾麵湯，我覺得更似一般湯麵嘅湯底😂🔸我試咗出面少見嘅黑胡椒麵，睇得出有黑胡椒，但食落椒味淡淡的～🙊🔹default 會俾冷麵你，口感偏硬身，一開頭湯底好熱嘅時候冷熱交融咁食都幾有趣，但慢慢湯底冷卻之後再放冷麵入去就會變微暖偏凍...我諗下次會試吓叫熱麵🤣🔸仲有一點，就係麵條嘅掛湯度唔高，如果就咁沾一沾就食會吸收唔到湯嘅味道，到後來我直情將麵條放入湯中浸1分鐘先食，一來可以略略浸軟啲麵條，二來麵條可以索哂湯嘅精華🥰🔹其實呢碗湯嘅底收埋咗隻溏心蛋，但我太遲先為意...然後佢變咗9成熟🙈🙊🙉 所以...大家記得早啲救隻蛋出嚟啦...🤣

西環的彩aya同元朗的彩一樣，都係開喺隱閉少少嘅地方，第一次去都要望住地圖搵一搵，不過離遠就望都有條人龍排緊隊，就知道冇去錯地方。湯底有三種選擇：原味豚骨湯、黑蒜油湯和蝦味噌湯，麵底亦有三款選擇：小麥、黑胡椒、今日Speical。今次嗌咗蝦味噌湯配今日Special（柚子麵），麵底有190g，份量都好足夠。湯底固然係沾麵嘅靈魂，見到湯面有一層蝦油，聞落香噴噴，啖啖蝦味。朋友覺得可以再濃味啲，我就覺得啱啱好，唔會太口渴或者太膩。麵底雖然話係柚子麵，但係唔係太食到柚子味，同平時款麵差唔多，有少少失望。

📍香噴噴蝦味噌沾麵 -- 彩aya🍜💛石塘咀呢到有間隱藏喺小巷末端嘅麵店🙈雖然位置隱閉，但夜晚嚟到都要排一陣先有得入座🤣可見都幾受歡迎㗎～------------------------------⭐️蝦味噌湯沾麵（$93）湯底係店主用上北海道嘅蝦味噌再加上豬骨湯而成，飲落質感濃稠，蝦油令蝦香味更加突出，啖啖鮮香❤️叉燒有兩大塊，肥瘦適中，幾有肉味👍麵底嘅小麥麵超大份😂😂男朋友食完都話好飽😂麵條係比較幼身，所以唔太掛湯，略為扣分🥺但好彩食落口感都帶微微煙韌🥰而且幾有麥香🤪溏心蛋有流心，好入味❣️-----------------------------整體嚟講小編幾中意個湯底，中意蝦味嘅朋友應該都會中意❣️雖然麵條唔係太掛湯，但勝在蝦湯底夠濃郁夠香，拉返唔少分👍😊而且份量好多幾抵食，所以值得比次機會！💛-----------------------------賣相：7.1/10味道：7.8/10性價比：7/10回頭率：6.8/10-----------------------------店舖資料名稱：彩aya地址：西環石塘咀屈地街16號金陵大廈地舖前往方法：香港大學站B1出口

處於橫巷內的彩aya可說是大隱隱於市，明明地點隱秘，但卻能吸引食客前來，原因無他，就是他們的沾麵確實令人著迷。今日下午2時嚟到 ，入面都只係坐一半滿左右 ，最適合疫情下食飯 。呢度只做三款湯底，分別就係豬骨黑蒜同埋蝦味噌 麵分別有三款， 今日嘅特別款係黑芝麻麵 ，相信除咗鋪頭內自家製，第二度都食唔到。 餐牌上細心咁寫咗 所有嘅沾麵都會係冷凍嘅， 如果想食熱面就要另行通知， 原因就係因為想跟隨沾麵嘅傳統 ，打工仔喺短暫嘅午飯時間 可以快速地吃下一碗麵 ，唔使怕食到身水身汗 。呢個安排係炎炎夏日尤其適合。豚骨湯底非常香濃嘅豬骨唔羶 ，上面放咗少少柚子皮 ，清新嘅香味中和咗濃郁嘅豬骨湯，落更加平衡 。湯底嘅叉燒肥瘦適中鬆化 我自己 就最鍾意食到一半嘅時候 加入 醋同埋香油 ，除咗可以減少飽滯感之外亦都可以增加風味。另一嘅蝦味噌湯底 ，蝦味非常濃郁 ，但我就略嫌有少少腥味 ，表面少少嘅乾辣椒絲食落去增加少少嘅刺激感 ，呢一碗就非常適合加醋 ，去令到味道更加平衡。麵嘅麵質做得好好，掛住湯鹹淡適中，煙韌爽彈，淡淡嘅小麥味都食到，但黑芝麻味就唔多食到啦。總括黎講，喺一碗好有誠意嘅麵，絕對值得試下💛

剛剛和同事即興到西環吃拉麵，這家拉麵的第一間店在元朗，同事說他吃過很多次。當我告訴他西環也有的時候，他事不宜遲要去吃一碗。晚上八點多來到人不算多，他說比起元朗店，西環店大了一倍。他點了加倍叉燒的沾麵，而我則點了黑蒜油沾麵。免則選了期間限定的紫菜麵。同事說這家店的面是自家製的！其實我不太喜歡吃拉麵，尤其更不喜歡吃沾麵，不過這家的沾麵是我喜愛的幼身麵，而且咬落去彈牙有韌勁，也有小麥香，十分不錯。黑蒜油湯底亦濃厚，凍的面沾上熱辣辣的湯，味道著實不差，另外有點驚喜。流心蛋也做得很不錯，叉燒也是。整體來說，雖然我不太喜歡吃沾麵，但這裏的沾麵我覺得會想再食！

之前聽同事講E間彩嘅沾麵好好食, 難得今日去左西環碼頭玩就順路過嚟試下先😊, 可能小妹同朋友都唔太熟路, 所以都搵左陣😅, 雖然只係6點但入面都坐滿左人, 不過好好彩我地係出面都係等左15分鐘就入得😆佢地嘅餐牌好簡潔, 種類唔多, 只有3款湯底, 2款基本口味同1款每日special嘅麵底, 而今日嘅special就係羅勒口味🌱, 正正因為選擇唔多, 每樣野先唔會粗製濫造🤔! 每一碗沾麵已包含麵🍜, 荀, 叉燒🐖, 溏心蛋🥚同紫菜, 而且全部都可以追加的! 飲品方面都有唔同口味嘅日本汽水😊!佢地嘅麵條用左日本雞蛋🥚同全粒粉, 堅持新鮮即製, 令客人食到最原始嘅日式沾麵👍🏻! 至於麵條冷盛🥶同熱盛🥵方面, 因為愈嚟愈多客人點冷麵, 所以餐廳亦決定只提供冷麵! 小妹一向食沾麵都係食冷麵的, 除左可以keep住麵條嘅光滑度同彈性, 而且即使過左一段時間d麵都唔會痴埋一舊!😃 白提子味汽水黑蒜油湯配小麥麵🍜黑蒜湯味道相當濃郁, 但唔會有好膩或者重味精嘅感覺, 麵條質感爽口煙韌有彈性, 掛湯能力高, 仲食到淡淡嘅小麥味, 叉燒肉質軟腍唔嚡口, 入口不肥膩, 荀絲切得幼細無渣亦幾入味! 溏心蛋🥚好