彩aya

營業中

休息中

好耐好耐之前食過一次元朗店，但實在多年前已無乜印象，今晚喺西環做完嘢要覓食，突然諗起附近有間彩，就決定一試！佢位置好隱蔽，平日係唔會經過，所以都搵咗一陣，我哋大約8點左右到達，前面只係要等2個人如果假日應該就大排長龍嚕～佢主打有三款湯底，每款都有包溏心蛋、叉燒同筍，再可以揀自掣麵底，有正常小麥麵、黑胡椒同埋是日柚子，最後我揀咗黑蒜湯加黑胡椒麵好期待嚟到有一碗湯加一碟麵，麵望落份量好足！條條粗幼分明 黑蒜湯香濃，又唔會太攻喉配埋好有咬口嘅麵底好出色！叉燒係薄身嘅，偏瘦但份量都幾多，溏心蛋同樣正！而我一向覺得筍係拉麵沾麵嘅朋友，配埋就更加好 整體沾麵好味！員工同師傅好有禮貌 一定有下次！