彩aya

營業中

休息中

第二次嚟食😋😋 兩次都係呢間分店，一出香港大學站 B1出口，過對面馬路，轉入第一條巷仔，第一次去的確有少少難搵嘅。座位唔太多，約可以坐二十人，不過都有空間感，繁忙時間都要排隊等；另外，員工服務態度超級好！好 helpful 又細心👍🏻Menu 得5-6 款沾麵同汽水，無其他點，感覺真係好似日本店 👍🏻原味豚骨湯沾麵 - 黑胡椒味麵 $83本身設定係 200gram 嘅麵，麵條一上枱真係覺得好大碟！ 不過如果大家覺得唔夠麵可以再加，例如大盛300g + $15。今次揀咗黑胡椒麵，有少少辣嘅香口感，但唔太多，大家唔駛擔心😂 湯配料有蔥、荀片、兩塊叉燒、一隻糖心蛋，流心架！！好正！ 櫻花蝦湯沾麵 - 小麥麵 $93櫻花湯底聞落好香！麵條有少少韌嘅，係預設咗，慢慢食就食出好有口感。飲品：櫻花汽水 + 桃味汽水 @$22

今次趁lunch hour黎咗HKU附近嘅「彩」食沾麵原味豚骨湯沾麵：沾麵湯味道適中，不過我比較鍾意食濃味啲如果湯底更濃郁就好了當日有特色麵底，係柚子拉麵個麵成200g！絕對夠飽，適合一眾餓底haha有少少可惜嘅係，食到後尾個湯開始凍如果個沾汁熱啲啲就更好

接我男人收工，佢就拉左我去食佢想試好耐嘅沾麵。佢帶我行下石塘咀，就嚟咗小巷呢度啦。係星期一晚上，唔算full，都一直有人流，有兩個鋪位，所以還好。選擇唔多，但都夠你諗，因為款款都想試🤪。問左店員係咩special，係辣，當日天氣悶熱，又唔係好想。原味豚骨湯沾麵，83元。基本係200g，其實份量係正常。湯頭係非常夠味，飲得出係真材實料，鰹魚味有，味噌又唔會過份，食完又唔會過分口渴。豚肉超好味，肥瘦平均，而且勁淋。我揀嘅係黑胡椒麵，每口都有小小，又唔會搶，剛剛好。黑蒜油湯沾麵，88元。黑蒜非常香，出奇唔會過濃。點麵係唔錯，小麥麵沾小小湯，兩者非常夾，大家互相出到自己味。我好少何會飲哂啲湯，呢個湯不能錯過。溏心蛋值得一講，一定要食，啲汁流出嚟好好食，而且好完整，食完又唔會覺得膩。默默整麵係一位日本老師傅，食完個陣佢行左出嚟幫手抹下枱，同店員傾計個陣常微笑。當日冷氣唔多function到，令鋪頭好焗。店員都有拎部風機過嚟吹，亦有俾冰水我哋。

黎得西環 石塘咀呢帶都一定會食過 「彩」呢間沾麵店起元朗都有間 而西環呢間都有兩間舖位 其實係冇分別嘅 只係環境唔同佢只做沾麵 冇拉麵食餐牌簡單易睇湯底有3款：原味豚骨味 蝦味噌味 黑蒜油味然後可以叫貴啲嘅三款麵 (只係多啲餸）或者另外加錢加餸佢特別在個麵係可以揀味😃有原味/小麥味/黑椒味/每日特別口味而今日嘅特別口味係伯爵茶味🍵見到咁特別梗要試吓叫咗個 原味豬骨湯底沾麵 伯爵茶味 ($83)好快就已經有得食 賣相好靚個麵超多 成200g!! 一定飽原先抱有期望 諗住真係會食到伯爵茶味點知係冇嘅😀或者可能真係超淡 微微都有少少 但係如果我一開始唔知係伯爵茶味 我會覺得同普通麵一樣 所以少少失望但係除咗呢樣 佢麵質原本係好唔錯🍜比較硬身啲 但係點咗麵就啱啱好軟硬度少煙韌 又好有質感 麵條原先亦滑身加上過咗冷河 食落凍凍地 夏天食都唔驚食到好熱出汗😌湯底好濃好入味 材料都好豐富面頭有荀 香蔥 仲落咗少少柚子雖然影唔到 但係底有一隻大半熟蛋 2片大叉燒 仲有一舊瘦肉🥚隻半熟蛋超級好食 比一般大隻啲 一切開個蛋黃好橙 晶凝通透咁 仲有啲流心 仲要個蛋黃相對比例大 食落仲好有蛋黃味蛋白部份同樣好

彩のつけ麺最高だ❗️It was the best tsukemen that I’ve ever tried in Hong Kong I guess(?)These day was obsessed with western food.... so impressed by this place- Lovely decoration Awww this is so tasty!! The ebi miso soup is super rich > 濃いHighly recommended the black pepper noodles, I would suggest to order 200g🤪🍽- you can ask the staff to get you some ice to serve with the soda🥤yuzu flavor 💯💯💯Definitely will come back!!

呢間隱世食店成日都有唔同口味嘅沾麵！呢間舖頭都幾難搵，係位於一條後巷入邊再入啲嘅舖頭，舖頭門面唔算好起眼，再加上舖頭出邊嘅外牆做緊裝修，所以真係要落足眼力搵間舖頭今次竟然有幸食到櫻花沾麵，淺粉紅色好可愛💘雖然啲沾麵嘅質地係偏向硬身，但係啲沾麵嘅湯真係好濃味😎😎啱晒我呢啲重口味嘅人💕食完唔口渴好抵讚💝啲紫菜係會有呢間公司嘅名，真係好可愛沾麵嘅份量好大，一個女仔都未必食得晒，如果唔想浪費就早啲同餐廳店員講叫少啲麵

大爺一直話好想食沾麵大少呢個拉麵王又舉腳贊成🙋🏻‍♂️我哋3個人叫左兩個麵大爺叫左蝦味噌湯沾麵🦐我同大少就叫左原味豚骨湯沾麵🐷由於我同大少都好肚餓嘅關係我哋叫左個特盛400g嚟share😎真係好多麵呀😂😂😂大爺個🦐味湯底好濃郁好重蝦味 岩哂鍾意蝦嘅朋友加埋黑椒味拉麵大爺話食唔出有黑椒味我就覺得黑椒味係有嘅但可以再重啲啲😀原味豚骨湯我開頭都怕好咸原來又唔會啊😆加埋麵食啱啱好湯底好濃郁 大少仲食咗一大碗😎#heacookmama@tsukemen.aya.hku

人生第一次食沾麵，一直誤以為麵會冇乜味，既然阿sir食過又講到咁好味，仲話外賣超級抵，我就陪佢食一次咁多啦，點知一試愛上！🥢蝦味噌湯沾麵(小麥麵200克) $102❤️❤️❤️❤️❤️🥢蝦味噌湯沾麵(黑胡椒麵200克) $102❤️❤️❤️❤️❤️本身已包兩塊叉燒一隻糖心蛋，200克麵係正常份量，係正常一個女仔份量，不過下次再叫我一定會加大個面，因為個湯正到冇朋友！真係超濃嘅鮮蝦味，唔會太杰亦唔會太稀，令每條面都非常掛湯，比出面蝦湯底拉麵好味十倍！至於小麥麵同黑胡椒麵，兩款同樣爽口彈牙，黑胡椒麵after taste有淡淡黑胡椒味，感覺幾特別，但我偏愛小麥麵，因為唔想有太複雜味道，專心品嚐蝦味，等於愛白飯唔愛油飯⋯⋯叉燒呢又腍又入味，一啲都唔肥唔鞋，好味呀，仲有一隻我至愛嘅醬油糖心蛋，又係超入味好creamy，全部都正，只係一塊焗腍咗嘅紫菜唔正，哈哈！二人共消費：$153 (app外賣自取價)

紫菜沾麵配蝦味噌湯 (黑胡椒麵) 🍜 $103 呢間沾麵係香港大學站既名物 終於有機會試到 沾麵同湯底既選擇唔多 但味道出色麵底除咗有普遍既小麥麵 仲有黑胡椒麵同期間限定 今次試咗黑胡椒麵 黑胡椒味都幾重 但辣度適中 唔會比湯底遮咗 麵既份量非常慷慨 目測有2隻手掌既分量 非常飽肚 麵條幾煙韌 而且幾掛汁 小店既沾麵預設係凍食 但有需要都可以轉做熱食蝦味噌湯底濃郁 唔會過鹹 但略嫌有少少油膩配菜既溏心蛋亦唔馬虎 非常流心 而且好入味OVERALL: 大推薦🤩 (9/10)小店係石塘咀少有既沾麵店 整體cp值幾高 特別中意佢懷舊既室內裝潢 帶點中國風

元朗本店經常排長龍，反而西環呢一間好多枱任揀。店舖嘅位置位於後行，門口做緊工程，周圍都係欄杆，入去嘅時候自己小心。店舖裏面充滿日本小店風情。沾麵方面有三款湯底揀選，而是日嘅特別麵底係紫菜麵。個人比較欣賞蝦味增湯底，蝦味香濃，而且冇豚骨湯底咁油膩，不過配嘅紫菜麵就冇乜特別，只係將啲紫菜整碎打入麵，見到好零碎嘅紫菜碎。原味豚骨湯底令我有啲失望，見到放落嚟冇幾耐面頭已經結左一層油，比較喜歡配嘅幾條柚子，食食吓會有柚子嘅清香。本身好期待食佢哋自家製嘅面，但都係有啲失望，冇乜咬口，小麥味亦唔係特別香，而且好碎。全餐最欣賞就係呢一隻溏心蛋，蛋味非常香濃，好想知佢用邊一款蛋。

呢間係男小編最鐘意食嘅沾麵🥰我哋今次叫咗原味豚骨湯沾麵同黑蒜油湯沾麵😗😗原味豚骨湯沾麵係男女小編最愛嘅味😍😍😍佢嘅湯底濃郁😚我哋真係感受到佢有濃濃嘅豚骨味🤤🤤湯底同叉燒真係好夾🤩而且呢個湯底唔係太鹹😌食完麵仲可以直接飲添😚😚啱晒啲唔係太重口味嘅人🤩🤩而黑蒜油湯拉麵湯底就比較鹹🤔不過我哋依然覺得好好食🤤因為我哋都係比較重口味嘅人😝😝順帶一提嘅係呢間餐廳會俾你揀唔同嘅麵底🧐有胡椒麵 伯爵茶麵 菠菜麵等等🤔🤔不過我哋食過咁多次都係覺得每種麵嘅味道都係差唔多🤭😋 好味：8.34/10🤑 價錢：8.26/10🤗 服務：8.02/10😝 環境：7.61/10😚 衞生：7.42/10🤩 整體：8.22/10

1️⃣ 原味豚骨湯 配黑胡椒麵 $83 (7/10)本身係為咗試伯爵茶味嘅麵底，點知原來已經轉咗😭 所以結果叫咗黑胡椒麵底🍜 不過都唔係太濃，唔洗怕辣🤤 豚骨湯好濃郁，唔會過咸，明顯真材實料😍 仲有兩片肉同埋一隻糖心蛋，好正👍🏻 加埋$10多蔥，濃味愛好者必點😋2️⃣ 海老味噌湯 配菠菜麵 $93 (7/10)好香嘅蝦味，完全無腥嘅味道🥳 將蝦味增🦐，加入其他種類嘅味增同埋豬骨湯，成個湯加埋分❤️ 菠菜麵方面唔算太有味，不過唔使另加錢，又有特別味就緊係試吓啦🤣 值得一提，佢哋嘅正面係凍上，所以要浸耐啲湯先得😛 朋友哩個同樣加咗$10要多蔥👍🏻 結果Pooh中意哩款多啲

This restaurant offers several different flavoured ramen with combination of soup bases so it's great news for those of you who is more picky depending on your mood. The portion probably looks to you like they are huge, and you probably are right, i did fell into a minor food coma at work afterwards.I picked the spinach ramen as it is rarely served at a japanese ramen place, though I would not have guessed which flavoured it was if I haven't selected it on the meal. It just tasted like cold nood

💛💛💛彩💛💛💛之前去元朗已經食過，今次因為唔想諗食咩，所以去到西環都食依間。前前後後等左20分鐘左右🧐。一碗麵跟兩片叉燒、筍、流心蛋。叉燒比較薄，所以淋同滑👍🏻。流心蛋已經剝左殼，同一蘭唔同，我比較鍾意依到既蛋💛，生熟程度岩岩好。麵既形狀係方方地而唔係圓形，咁樣好似可以沾到更多湯，幾鍾意😙。如果湯底可以熱啲就好了🤨。紫菜沾麵 $93（加底另+$15）原味豬骨湯——正正常常，好食既，不過食完唔覺得係必食😣。就好似係普通鹹鹹地既湯，可能其他湯底會更出色。相比我嗌既黑蒜油，我覺得黑蒜湯好味啲，起碼有啲特色😌。黑胡椒麵——食落真係食到少少胡椒味，唔算好重，就算係平時唔食開胡椒既人都可以試下！男朋友肚餓，所以嗌左加底。個麵一黎到大到嚇死人😂，麵嘅份量非常之多，如果唔係超級肚餓或者男仔食嘅話，我都一律唔建議加底！最終我哋兩個食淨左半碗麵，打包拎走先唔浪費😛。富士蔥沾麵 $98黑蒜油湯——食到蒜味既，不過如果蒜味重啲會更正！講明富士蔥就梗係有一座蔥山啦，某程度上我覺得用啲蔥去沾個湯底嚟食，仲好食過用麵去沾😎，啲蔥食落去無渣，仲好掛湯添🤣。菠菜麵——菠菜味唔重，如果唔係睇到啲麵綠綠地色，可能都唔係10

平時拉麵沾麵都食唔少，呢間啲人話隱世，我都想睇吓有幾隱。果日係平日午餐時間，睇著google map都搵咗成10分鐘，鋪頭附近仲要有大廈裝修緊，唔細心睇根本搵唔到間拉麵入口係邊。好彩只有兩個客人係前面等緊，唔駛等好耐就有得入去。呢間沾麵鋪主打係自己做唔同嘅麵，每日都有三款麵提供，小麥麵同黑胡椒麵每日都有而另一款就睇出邊款。由伯爵茶去到檸檬茶嘅沾麵都有得做，但最緊要都要睇當日佢出邊一款，今日佢Special係紅辣椒麵。今日叫咗個豚骨湯配小麥麵，湯底味道雖然唔鹹，但豬骨味十足，湯底裏面仲有啲柚子絲係到，食落好有清新感覺，麵質有咬口，掛湯能力唔錯、仲食到有小麥細粒同麥香，讚!!!仲有佢哋個溏心蛋，好似係即整咁，成粒蛋都好熱，完全唔似平時食開果啲常溫，蛋味係完全唔同仲香好多添呀!!!