彩aya

營業中

休息中

星期一收工後, 同男朋友去呢度食沾麵。我係唔同餐廳食過沾麵, 試過有D麵太硬，一係就個湯太鹹，一係湯太稀掛唔到汁， 直到遇上Aya, 終於俾我遇上一間我滿意既沾麵店!我試左蝦味噌湯配小麥麵, 男朋友試左黑蒜油湯配 “今日Special” – 黑芝麻麵蝦味噌湯入口非常鮮, 充滿濃郁蝦味; 小麥麵就咁聞都聞到好香小麥粉味! 未食已經知係真材實料, 用心製作! 黑蒜油湯都好好味，蒜油味濃而不假, 黑芝麻麵好香, 好少機會食到呢隻麵, 幾特別~配料仲有兩塊叉燒同一隻溏心蛋，蛋黃呈半流心，但略嫌棄蛋味唔夠濃（可能俾蝦味蓋過🤔）由於個蝦湯真係好好味，食完個麵後，叫伙記加d木魚湯，加左木魚湯既蝦湯又另一返風味，最後飲哂成碗湯食完之後唔口渴, 麵既份量好足夠, 價錢都只係$78-88 , 絕對性價比高, 值得再回頭。

睇到傳媒介紹呢間隱世日本沾麵就忍唔住去試一試，湯底揀左原味豚骨，麵底揀左小麥，果然冇失望，麵既口感亦好正！不過份量偏少，如果大食既人就要加底了。雖然店鋪位置唔起眼，但lunchtime 時間有時都要排隊，要食就早d去喇

Aya is a tsukemen restaurant hidden in the alleyways in the Western District.The showpiece of this restaurant is the Japanese imported noodle making machine. This restaurant makes fresh noodles daily to give patrons the best experience.$88 Shrimp miso with seaweed noodles. Broth is rich and flavourful and includes two slices of pork and one egg. Paired with artisinal handmade fresh noodles, a great combination!$78 Regular soup base with seaweed noodles. Again excellent broth, rich and flavourful

大半年前facebook睇個video有個日本人介紹呢間西環癮世沾麵🥢 除咗係日本人開之外 仲好多日本人撐場皆因佢連麵都自己造 認真有誠意☺️!!...大半年後終於有機會食到喇 湯底有三款: 豚骨/黑蒜油/蝦味噌 麵就有兩款: 小麥/黑胡椒/每日精選鍾意食濃味嘅我就揀咗黑蒜油湯配黑胡椒麵😛 先講個湯真係好濃味 不過味道就同岀前一丁差唔多㗎喇 黑胡椒麵份量多 而且真係咬到一粒粒胡椒 真材實料所以都幾香👍🏻 不過口感好鞋 有啲怪怪地唔知係咪希望越大失望越大呢？整體嚟講好一般 應該無下次🤷🏻‍♀️.

第一次黎食，未到13:00 餐廳門口已經好長人龍啦🤣等左大約20分鐘，一位有口音既講廣東話既日本人黎招呼，餐廳內裝潢係簡約設計。講拉麵啦，湯底好濃濃既呆，麵底有每日精選。值得一試再試🙂

睇過好多媒體嘅介紹，之前試過夜晚經過見好多人排隊所以無試到，今日下午唔洗排，決定一試，湯底選了原味豚骨湯，麵選了自家製黑胡椒麵湯底：偏淡，豚骨味唔濃，沾麵湯底一定要用濃味，麵沾落去放入口先會有味道，淡就出事，用匙羹直接飲咗一匙都係覺得淡，其實可以當湯拉麵咁食麵：店家用直細麵，黑胡椒味非常濃烈，麵沾落湯，一啲都唔掛湯，放入口淨係食到黑椒味，完全食唔到啲湯咩味，沾麵唔掛湯又係出事叉燒：合格，有兩片食完晒啲麵，加湯試試，加落去嗰啲湯有魚味混合原本嘅豬骨湯，味道都可以，唔會好咸

終於等到有朋友約我到呢間一直加咗喺’我的最愛’但遲遲未試既小店喇！去前一晚咁岩就有條片訪問店主，店主係北海道人，廿年前已經開始製麵。湯底係刻意稀身但帶有豐富的味道。小店位於毫不當眼嘅巷仔，但舖位一啲都唔細，廚房亦有多個師傅努力烹調。揀湯底揀麵款，搞掂！第一次當然試原味豬骨湯底，一款小麥麵，另一款黑胡椒麵(是日精選麵係紫菜麵)。湯底味道豐富，叉燒軟滑入味，半熟蛋亦一流，所有配搭一絕唯獨黑胡椒麵條有點’搶風頭’，還是原味小麥麵較好！這價錢這味道

呢間拉麵店開係西環之後食咗三次，每次都食到好飽，因為每碗拉麵都有3至4塊叉燒，啲叉燒全部都好大塊，同埋會一隻糖心蛋。所有湯底都好好食，同埋每日都有個特別湯底。拉麵種類都有幾款可以揀，全部都係師傅現場做的，所以食得出拉面好彈牙。另外如果唔夠食的話可以追加叉燒或者糖心蛋仲有其他小食！每次去都要排少少隊，大約10分鐘到，因為啲職員好快就會幫你落單，然後師傅好快就會整好碗拉麵俾你。職員態度10分友善，值得推介！

之前係網上見到有人推介呢間值得一試既沾麵店，今日終於得閒去試下啦！對於我係九龍人黎講，難得過開香港點會放過呢個機會呢~因為我地係坐叮叮去，所以揀係屈地街附近既站落車行過去。店鋪看似好隱蔽，其實好容易就搵到，係後巷後面。門面睇落特別有日式感覺，有齊餐牌擺係門口個木牌上俾客人睇，是日特別既麵底係柚子味（有無睇到最低果個牌仔寫住呀）原來店鋪每日都會有一款特別口味既麵底可以揀，好似仲有黑芝麻同埋Earl grey。好好彩我地二人六點半去到唔使等位 一入店鋪就發現老闆好有心思將店鋪布置成日本風格，牆身都是用麵粉包裝袋鋪滿，日本式既開陽廚房，前面仲會有座位可以坐住邊食邊睇師傅煮麵，另外有一間玻璃通透既獨立房，裡面有一部製麵機，可以俾客人睇到製麵既步驟由於主打沾麵，不會有太多選擇，湯底麵底各有三款任君選擇。先選湯底，再選麵底，另外可再追加麵或者其他配料，飲品都有好多種，有我至愛既波子汽水我揀左蝦味增湯+黑胡椒沾麵先來蝦味增湯底，一個「彩」字已經好吸睛，原來係用紫菜印出來的，湯頭裡面都有好多配料：兩塊大叉燒，筍條，一隻糖心蛋，一塊大紫菜和大蔥圈。我未等得切個麵黎就先飲左一啖湯，哇！原來大蝦同味增係咁夾

今日係公司工作到午飯時間，聽聞大學站有間日本人開的沾麵店係附近一於去試下啦～正確的入口係大厦後巷，但不難找的。剛好行到去有位坐，不到一會已經要排隊了。鋪頭不大約有三十個坐位，而餐單好簡單～先選麵條，再選湯底而加份量同加料就最後好清晰。我選了黑蒜油湯底配黑胡椒麵淨飲水先來黑胡椒麵～係熱上而且排得整齊容易夾起放入黑蒜油湯內，麵條可能自製關係味道同口感都好特別，麵條彈牙而爽口。而黑蒜油熱湯內有溏心蛋、叉燒及配料等有內。要吃了部分碗食物先有空間可以食到沾麵配湯。整體食物，環境質素同服務都相當高，但這間沾麵店特別一點的就是吃完的湯係不會加熱湯飲的。（不同X田，X世等做法)

<彩aya>拉麵店位於香港大學b出口屈地街ge一條橫巷，鋪位無大招牌，相當隱敝。餐廳主打沾麵，有兩三款湯底，包括係港人最愛豬骨，黑蒜油，蝦味增，麵底分為小麥，芝麻，同每日限定，我試ge每日限定係earl grey茶味拉麵，d拉麵真係有淡淡茶香味，十分驚喜。同一般沾麵食完要加湯水唔同，彩aya ge 湯底，與其話係沾麵更似拉麵同湯分開上，就咁飲都十分好味，豬骨湯底比得上一線拉面店，蝦味增湯就好有蝦味，出面比較少有。溏心蛋水準非常高！用$20 叫左樽静岡汽水，即係茶味汽水，唔係間間日本料理餐廳有，值得一試。目測無咩其他小食，價錢大概係$80左右正常價位，適合lunch 想專心享用拉麵ge拉麵控。P.S. 塊紫菜剪左個彩字 睇左一陣先睇得岀

呢間鋪頭嘅位置係位於西環屈地街入邊嘅一條巷仔嘅巷仔，如果唔係住開西環應該都好難先會搵到。好在我哋細到大都係住喺西環，所以好快就知道喺邊度。門口裝修好簡單只係見到一個”彩”字。，入到鋪頭其實唔算大，啲位都有啲迫。成個Menu上面只係得三種食物可以揀，不過好食嘅嘢就貴精不貴多。佢嘅湯底得三款可以揀，就係原味，味增同埋蝦湯底，而麵都係得三款可以揀，另加一個今日精選。我每次都係揀蝦湯底因為個湯真係不得了，好鮮甜，100分！你會感覺到佢唔係用味精去整而係真係用蝦去淆，所以就算食完成碗面飲晒成碗湯都唔會覺得口渴，我推介嘅係佢個黑胡椒麵，其實一啲都唔辣架！仲好滑添😍每一兩個星期就會身痕想去食一食😆希望佢唔被狂加租，最後又結業收場啦，想試就快d去，真係會一試愛上架！

豚骨湯 黑胡椒沾麵 ($78)豬骨湯味道不錯，油膩和咸度都適中，只係熱度不夠，還好麵係暖暖的，沒有令湯更凍。今次我選了黑胡椒麵，味道特別，在自家製的麵條，加入了少許黑胡椒的淡淡辣味和香味，整個沾麵都更有層次感，雖然我覺得檸檬麵會更特別。因為檸檬香氣更重更吸引！最開心係一整大隻流心蛋，整顆都流心，味道超好。而且荀都好好味，爽脆多汁。一食完外邊已經有不少人在排隊，好彩有早出黎吃lunch，免卻排隊之苦。

🍜隱世沾麵🍜原味豚骨湯沾麵($78)呢間日本人開嘅沾麵店位於香港大學站附近嘅一條後巷，不過我哋去到都要排陣隊先食得。麵底有三款揀，我哋揀咗黑胡椒味。麵底黑胡椒味幾香幾突出，而且煙韌有咬口。湯底濃度適中，唔會太鹹或者太油膩，不過掛湯能力一般。-👅味道：8.5/10🧘🏻‍♂舒適度：7.5/10💸性價比：7.5/10👀回頭率：8/10——————#eatingstock推薦 #eatingstock西環 #沾麵

你可以自由配搭湯底同麵底，湯底同麵底都各有三款，湯底有原味豚骨湯($78)、黑蒜油湯($83)同蝦味噌湯($88)，麵底就有小麥、黑朝椒同今日special。我叫左原味豚骨味配今日special(黑芝麻麵底），朋友叫左蝦味噌湯配黑芝麻麵底。蝦味蹭湯配黑芝麻麵底原味豚骨湯配黑芝麻麵兩個湯底都好好味，蝦味蹭湯蝦味濃郁，口感厚醇，惹味得黎又唔會太重口味。比起蝦味蹭湯，原味豚骨湯就相對淡d,  散發淡淡既豬骨香，驚喜位係食到袖子皮，感覺鮮味清新。至於麵底，睇介紹呢間麵底係每日用日本上等小麥自家制，個麵果然食落好有小麥香同淡淡既芝麻香，分量又好多，但個人覺得麵條唔夠彈牙煙韌，掛湯能力唔算好強，呢度扣左少少分。每個湯底都配一塊昆布、少量筍、2塊叉燒同一隻溏心蛋。個人覺得個溏心蛋好好食呀！浸住湯底入晒味，同埋真係好溏心架，吾小心d既話蛋汁會四賤，蛋白又滷得入味。作為一位蛋控，半熟的美味口感，令人難以忘懷呀！我仲偷聽到隔離枱都話好食。叉燒鮮嫩味美，肉質更鎖住肉汁，而且滷汁味道係清甜不油膩。整體黎講，我係幾滿意個沾麵，已經好想再黎食，試埋其他麵底同湯底。其他意見:服務:成間鋪得3個店員，有兩位係日本人，